والكل ينكس عايف عقب ما شاف … غضي نت لأوراك السبايا لأدوامي عاداتنا ليما التقت دقل الأشلاف … ثم درعوا سرد الرمك يالولامي في ماقف خطر علي بالأتلاف … في روشن غنى بركنه حمامي وأدمع عيني فوق الأوجان ذراف … وبالرجل طبلين حلقهن احكامي تنسق على طوعات زينات الأطراف … ما بين مصري وما بين شامي وأدروع منعمات ثقيلات لصاف … متحزمين فوقهن بالحزامي عاداتنا عند المظاهير تنشاف … ونركض مراكيض تحري الكهامي ما هي بهرجة شاعر بياع القاف … طول لسانه فعل ولد الأمامي حنا ترانا علقة بن الأحناف … نجزي عيونه عن لذيذ المنامي وقلبه ول هو نازح يرجف أرجاف … من صبحه الانياح نور الظلامي ليتك لنا يا شيخ بالعين تنشاف … يوم أقبلت دولات صبيان يامي معهم فرنجي لحسه تقصاف … مثل الرعد في يمدلهم الغمامي حنا ذرا الديرة عن البرد والحاف … ومن زارها جيناه كاع الشمامي يا شيخ ما أرسلنا نبي منك محذاف … قوم تبني من ورايا الخيامي بين الظفيري والمطيري وعساف … ننزل ولو جانا المنذر والزخامي ويروح في زملة كثير التجعاف … ولا خير في هرج بليا تمامي حنا كما حر تعلا بمشراف … صيده من الجل الحباري الجسامي جاه أسمر في صايده سم الاتلاف … طقه وحط أسيوف ريشة هدامي وجازه لمعلول جداه التلهاف … هيا اركبوا يا مشتهين الكلامي وصلاة ربي عد ما هل وكاف … على النبي وما حج بيت الحرامي وله أيضًا: يا الله يا معطي العطايا الخيارا … يا معطي الجنة عبيدك عن النار ويا الله يا خلاق ليل ونهارا … متعاقبات دب الأيام سيار اليا غاب شمس اليوم بين سمارا … والليل يظلم وانحشم سوف الايصار واليا طلعت شمسه وبان النهارا … والناب تسعى بالالايل والأنظار قالوا خيار وقلت ما هو خيارا … ولا فيه خيار كون زينات الأثمار