عبقرية الأسلوب الإسلامي في وأد الشائعات في مهدها
0:00لولا اذ سمعتموه ظن المؤمنون والمؤمنات بانفسهم خيرا وقالوا هذا افك مبين يعني ايه ظنوا بانفسهم خيرا؟ ده تعبير غير مألوف. الطبيعي والمتوقع ان ربنا كان يقول لولا اذ سمعتموه ظن المؤمنون والمؤمنات ببعضهم بعضا خيرا
0:18يعني ظن باخيك خير. ظن باختك خير. لكن لما تسمع شائعة عن اخوك او اختك. فيتقال لك ظن بنفسك انت خير. ما دا غريب يعني التعبير غريب ايه بقى؟ ليه القرآن يستخدم التعبير ده
0:32لولا اذ سمعتموه ظن المؤمنون والمؤمنات بانفسهم مش ببعضهم بعضا بانفسهم خير الهدف من التعبير ده هو التعطيف المؤمنين على بعض. يعني ايه ؟ يعني ربنا بيقول لك ان اللي يسيء لاخوك او لاختك هو بيسيء لك انت
0:53اللي يضره ويضرها يضرك انت الاشاعة اللي بتسمعها عنهم هي مسيئة لك انت لو انت اخ فعلا يعني. فلولا اذ سمعتموه ظن المؤمنون والمؤمنات الطبيعي بتاعها ببعضهم بعضا. ربنا خلقها بانفسهم خيرا
1:10عشان يعطفك على اخوك يجعل عندك عاطفة ناحيته سيدنا علي بن ابي طالب كان يقول ان اخاك الحق من كان معك ومن يضر نفسه لينفعك. ومن اذا ريب الزمان صدعك
1:24شتت فيك شمله ليجمعك. هو ده الاخ الحقيقي بس فيه حاجة بقى. الاية دي الحقيقة برضو نازلة في سيدنا ابو ايوب الانصاري وزوجته اللي نفزوا الاية دي بالحرف يعني ايه
1:38لما سمع سيدنا ابو ايوب الانصاري هو وزوجته الشائعة دي عن السيدة عائشة وصفوان ابن المعطل ظنوا بانفسهم هم خيرا ازاي زوجته قالت له ايه يا ابو ايوب لو انت مكان صفوان وانا مكان عائشة. يعني اعتبر نفسك انت صفوان وانا عائشة
2:01وانت ماشي كده لقيتني في الايه في الصحرا هل انت ممكن تعمل حاجة بشعة زي دي قال لها لا يمكن افكر في اني اعمل كده قالت له انا كمان لو مكان عائشة لا يمكن انا افكر اني اعمل كده
2:16السؤال التاني هل انت افضل ام صفوان؟ قال صفوان افضل مني وقالت له وانا ارى ان عائشة افضل مني فطالما ان انا وانت اللي اقل من صفوان وعائشة ما نعملش كده يبقى صفوان وعائشة ما يعملوش كده
2:31طريقة التفكير. فربنا بيقول لولا اذ سمعتموه ظن المؤمنون والمؤمنات بانفسهم خيرا وقالوا هذا افك مبين. هتقولي طيب هو ازاي عرف ان صفوان افضل منه هو المؤمن اصلا لا يزكي نفسه
2:44وهي المؤمنة لا تزكي نفسها والمؤمن دايما يتهم نفسه ويرى نفسه مقصر ويلاقي نفسه مش مش آآ يعني لا ما بيكبرش من شأن نفسه في عين نفسه يبقى نفرض ان احنا سمعنا شائعة فيها طعن في ناس معينة وما فيش عليها شهود
3:01نعمل ايه؟ ربنا بيقول لولا اذ سمعتموه اقرا معي الاية اتناشر. لولا اذ سمعتموه ظن المؤمنون والمؤمنات بانفسهم خيرا وقالوا هذا افك مبين. يعني لما تسمع ما فيش عليه دليل تقول هذا افك مبين. ياه
3:18ما دام ما فيش شهود على تهمة يبقى تتعامل مع الشائعة على انها كزب نقول للشخص اللي بيردد الشائعة في وشه هذا افك مبين لو استمرينا في ترديد هزا الكلام
3:33نبقى كزابين ده الاسلوب العبقري الاسلامي في وأد الشائعات في لحظتها. الشائعة بتنتشر بين الناس ليه ؟ عشان بتتردد الناس تقعد ترددها. سمعت؟ شفت؟ سمعت اللي قاله؟ سمعت اللي قاله فلان
3:47الكلام اللي اتقال على فلانة لأ انت لا تردد الشائعة ابدا. وردها في وش اللي بيقولها بجملة هذا افك مبين. ما دام مش ثابت ما دام ما فيش دليل ما دام ما فيش شهود هذا افك مبين
4:02يثبت ازاي ان الكلام ما يبقاش شائعة طيب عشان تبقوا عارفين طبعا ابو ايوب الانصاري وزوجته طبعا هم حالة خاصة. هم هم احنا بنتأسى بهم وهم قدوة لنا بس هم اصلا بطبيعتهم ناس حبوبة اوي
4:23بيحبوا النبي بشكل رهيب. من يوم ما وضع قدمه الشريفة في المدينة النبي عليه الصلاة والسلام وهو داخل في الهجرة داخل المدينة بقى على الناقة اللي اسمها القصواء. الناس بقت تشد خطام الناقة. كل واحد بيشد الناقة عشان عايز يستضيفه في بيته. ما هو ما كانش فيه هيلتون المدينة ما كانش اتبنى. ما كانش
4:42المطاعم ما كانش فيه الكلام ده ما كانش فيه بقى حاجة لكن حتى المسجد ما كنش موجود هي اللي كان اسمها يثرب قرية اسمها يثرب فالنبي صلى الله عليه وسلم قال اتركوها فهي مأمورة. فانها مأمورة
4:55القسواء فضلت ماشية والنبي على ضهرها في طرقات المدينة ووقفت قدام بيت ابو ايوب الانصاري فالنبي صلى الله عليه وسلم نزل عند ابو ايوب الانصاري وزوجته سبع شهور اصر فيهم ابو ايوب انه يدي للرسول عليه الصلاة والسلام الدور الايه الدور العلوي. وياخد هو وزوجته الدور الارضي
5:19بس النبي عليه الصلاة والسلام ما لم يوافق وقال لهم انا هزعج اهل البيت كده في زوار كتير هييجوا يزوروني فقعد في الفترة دي السبع شهور دول في الدور الارضي
5:28مرة انسكب اللبن على الارض في الدور الفوقاني ابو ايوب وزوجته بقوا يجففوا اللبن على الارض باللحاف اللي بيناموا عليه من كتر ما هم مش عايزين نقطة لبن بس تعدي من السقف وتزعج النبي صلى الله عليه وسلم. الذين كانوا يحبوه جدا. كانوا كل يوم يعملوا الطعام ويحطوه قدامهم ما ياكلوش. هم
5:49وابنهم كان عندهم ولد يقعدوا منتزرين النبي يرجع عشان ياكلوا معه لو رجع بياكلوا معه. اتأخر خلاص بياكلوا هم ويبقوا زعلانين جدا فده ابو ايوب الانصاري اللي عمل كده تنزل اية فيه هو وزوجته تخلد الصنيع اللي صنعوه دوا
6:10ازاي قدروا يفكروا في السيدة عائشة وفي صفوان ابن المعطل ويحسنوا الظن بهم