فيديو ٩٨٨ من مقاطع حظر التجول تدبر سورة التوبة - الحلقة ١١ الآيتان ٢٩ - ٣٠
0:00قولي السلام عليكم ورحمة الله وبركاته. اهلا بحضراتكم في المقطع رقم تسعمية تمانية وتمانين من مقاطع حظر التجول والحلقة الحادية عشرة من حلقات تدبر سورة التوبة قبل ما ابدأ احب اوضح توضيح واصحح تصحيح. خلينا الاول نبدأ بالتصحيح. انا امبارح قلت السيدة امنة ام النبي عليه الصلاة والسلام
0:36من يثرب. لأ دي غلطة والغلطة دي حصلت عندي نتيجة ان الكتب دايما تقول ان اخوال النبي صلى الله عليه وسلم من يثرب ولكن المقصود باخواله هم اخوال ابوه. مش اخواله هو
0:55يعني ايه اخوال ابوه؟ يعني ام جده عبدالمطلب اسمها سلمى بنت عمرو النجارية من بني النجار في يثرب يبقى اخوال جده عبدالمطلب. فاخوال جدك هم اخوالك برضه فبيتقال اخواله من يثرب لكن ده مش معناه ان امه من يثرب
1:18خلاص معناها اخوال عبدالمطلب هم اللي من يثرب. يبقى اخوال جده واخوال ابوه واخواله هو كمان خلاص طبعا اشكر الاخ رافع علوان اللي صحح لي هذه المعلومة وايه وفعلا مزبوط. وعلى فكرة اما قلت لكم ان جده لما آآ آآ
1:38ويزو اتجوز آآ بنت عم عمها آآ اسمها هالة بنت وهيب اللي جابت حمزة وهو وعبدالله تزوج السيدة امنة بنت وهب آآ توضيح بقى ده توضيح مهم قوي يا جماعة. امبارح انا استخدمت تعبيرين
1:59في شرح الحوار اللي بين النبي عليه الصلاة والسلام وبين الانصار في مسألة توزيع الانفال في حنين بعض الناس مش كتير يعني في اتنين ارسلوا لي آآ يعني استيائهم الشديد
2:14من التعبيرين اللي انا استخدمتهم وآآ يعني آآ ممكن يكون شافه ان ده فيه اساءة لمقام النبوة وانا اقول لكم اهو يعني ادعو الله انه يقطع لساني قبل ان افكر في اني اسيء لمقام سيدي رسول الله. دي اول حاجة انتم فاهمينها
2:35سبب ظنهم ده هو عدم معرفتهم بمعنى تعبير قلب الطاولة او قلب الترابيزة وتعبير آآ قام بدور محامي الشيطان او الدبل ادفوكيت في علم المناظرات والحوار والاقناع لما طرف يتبنى موقف او يتبنى اراء الطرف الاخر المقابل له الخصم
3:01في الحوار ثم يأخذها حتى اقصاها ويطرح الشبهات كلها على نفسه والتهم اللي ممكن تقال من الطرف الاخر على نفسه ده بيسمى انه بيقوم بدور محامي الشيطان. يعني ايه؟ يعني بيقول اقصى ما يمكن انه يقال فيه. ثم
3:22بعد كده هيجيب التهم دي ويقلب الترابيزة يقلب الترابيزة مش يعني يخبط ترابيزة يقلب الاكل والشرب في وش الناس لأ. يقلب بيدور الترابيزة فيقف بعد كده في الموقع المقابل ويبدأ يفند الادعاءات
3:42اللي هو نفسه ادعاها على نفسه ده معنى وده معنى في علم الاقناع وعلم الحوار ماشي؟ الناس اللي ما تعرفش التعبيرات دية قد تظن ان انا يعني باسيء للنبي عليه الصلاة والسلام. ابدا لكن
4:08اصلا هي ليست اساء حتى لو قلتها على اي حد هي ليست اساءة هو ده مش وصف اصل مش بتوصف حد ان هو محامي الشيطان. لأ انت بتقول قام بدور محامي الشيطان. يعني احنا هنا
4:18وشرحتها امبارح. ان الرسول عليه الصلاة والسلام لما قال لهم لو شئتم لقلتم جئتنا طريدا فآويناك. هم ما قالوش كده هم ما قالوش كده وعائلا فواسيناك وخائفا فامناك ومخذولا فنصرناك ومكذبا فصدقناك هم ما قالوش ولا كلمة من دي
4:40دي كلها لو القيت في قلوبهم مين اللي هيلقيها ؟ الشيطان هنا النبي عليه الصلاة والسلام لم يتركهم فريسة للشيطان يتلاعب بهم. بل ذكرها لهم هو بنفسه. وكمان قال لهم
4:56ولو قلتوها فلا صدقت ولا صدقتم. يعني ما حدش بينكر هذا الفضل بتاعكم ثم قلب يعني يدور الترابيزة وبقى هو قاعد يرد على الكلام اللي ممكن يلقى في قلوبهم ده
5:12ده اسلوب علمي في كتب الفقهاء حتى يقولوا ايه مسلا الفقهاء لما لما الفقيه يطرح وجهة نزره ويسوق الادلة بتاعته يبدأ بعد كده يتخيل ايرادات اللي ممكن تتقال على كلامه. حتى لو ما حدش قالها
5:33فيقول لك ايه ان قيل كذا قلنا كذا وان قيل كذا رددنا بكذا انتم فاكرين مسلا واحد مسلا زي الناس اللي بتهاجم الاسلام مسلا زي زكريا بطرس والناس دي بيجيب الشبهات منين
5:46هو بقى عبقري يعني وزكي قوي هيقرا بقى القرآن ويطلع شبهات ويقرا كتب الفقه ابدا ولا حاجة. هي علمائنا اللي بيعملوا كده. علمائنا بعد ما يكتبوا ارائهم ويسوقوا الادلة بتاعتهم يبدأوا هم نفسهم يخترعوا شبهات ويردوا عليها
6:04ازا اتقال هنا كزا احنا ممكن نقول كزا. يقوم هو رايح جايب الحتة دي ويقول لك بصوا انا اكتشفت ان القرآن فيه كزا واحنا طبعا عشان ما بنقراش فبنفتكر ان هو بقى يعني زكي وبيبحس وبتاع ولا حاجة. طيب
6:19فده شيء طبيعي وعلماءنا دايما كانوا بيلعبوا دور محامي الشيطان دوة اللي هو يخترع شبهات حول الدين ثم يردوها. يقلبوا الترابيزة ويردوها بعد كده آآ طبعا يعني في النهاية الناس اللي تشوف ان دي برضو تعبيرات غريبة انها تقال يعني آآ يعني واحنا بنتكلم في السيرة
6:42كده انا مقدر جدا جدا ان حد ما يستريحش للتعبيرات دي. مقدر جدا دال على فكرة. ماشي ومتعاطف حتى مع هزا يعني لكن انما الاعمال بالنيات. ماشي؟ مش مفروض حد يتهمني بشيء مش صحيح. خاصة وانه يعني اه كثير من
7:00الجمهور اللي انا بكلمه ممكن يكون حتى عنده يعني يعني تعليم غربي فاهم انا اقصد ايه فاهم يعني ايه فاهم يعني ايه يعني ان كان ده غلط مني فاسأل الله انه يسامحني بقى
7:13ماشي؟ نبدأ بقى الحلقة النهاردة سبع دقايق فاتوا ولسه ما بدأناش الحلقة طويلة كمان النهاردة عشان احزركم يعني طيب اقرا معي الاية تسعة وعشرين اعوذ بالله السميع العليم من الشيطان الرجيم
7:31قاتلوا الذين لا يؤمنون بالله ولا باليوم الاخر ولا يحرمون ما حرم الله ورسوله ولا يحرمون ما حرم الله ورسوله ولا يدينون دين الحق من الذين اوتوا الكتاب. من الذي
7:51حين اوتوا الكتاب حتى يعطوا الجزية عن يد وهم صاغرون اكتر اية بيستخدمها المسيحيين خاصة لاثبات ان الاسلام اجبرهم على دخوله يعني عايز يقولوا لنا ان انتم اجدادكم كانوا مسيحيين واجبروا بده على ترك المسيحية واعتناق الاسلام
8:17وان المسألة كانت حروب وكان يعني وكده. طيب عشان نفهم الاية دي لازم نفهم الخريطة السياسية الدينية لبلاد العرب بعد فتح مكة وبعد دخول هوازن في الاسلام. بعد غزوة حنين واوطاس والطائف دول تلات غزوات ورا بعض كده. ايه دخلت بقى هوازن في الاسلام
8:40ودي غزوة حنين اللي اتكلمنا فيها دي امبارح دي كانت اخر غزوات النبي صلى الله عليه وسلم ضد مشركي العرب ثم بدأت مواجهة النصارى طبعا اليهود كان فيه مواجهة قبل كده. مواجهات
9:01بني قريظة وقبلها بني النظير وقبلها بني قينقاع وبعضهم خيبر كده تم انهاء الوجود اليهودي. تعطيه كان فيه يهود وقت النبي ايوة كان فيه يهود والنبي وقت ما مات كان موجود لكن افراد ما كانش فيه قبائل يهودية
9:20هنا بقى هنبدأ مواجهة النصارى في مفهوم خاطئ عند كثير من المسلمين وهو ان معظم العرب قبل الاسلام كانوا مشركين بيعبدوا الاصنام ده صحيح ازا نزرنا فقط للعرب في قلب جزيرة العرب
9:38اما معظم العرب ما كانوش عايشين في قلب جزيرة العرب يعني منطقة النجد والحجاز دي كان ساكن فيها اعداد قليلة جدا بالنسبة لاعداد العرب اللي عايشين حوالين الجزيرة العربية في في اطراف الجزيرة العربية. المناطق الغنية في الجزيرة العربية مش نجد والحجاز. دي مناطق صحراوية
10:02قوية خالص وما كانش فيها بترول فما فيش بقى حاجة يعني انما المناطق الغنية اليمن السعيد اسمه ربنا يا رب يفرج عنهم يعني. اليمن والعراق والشام هي دي كلها مناطق عربية. يسكن فيها آآ
10:21اد هائلة من العرب. اضعاف اضعاف اضعاف العرب بتوع قلب الجزيرة يعني معظم القبائل العربية اصلا قبائل يمنية عشان تبقوا عارفين اصلها قبائل لخم وقحطان. ودي قبائل يمنية هاجرت من اليمن الى الشام والى العراق. والى قلب الجزيرة وكده
10:43ثم هذه القبائل دخلت المسيحية معظم العرب تقريبا كانوا مسيحيين عشان تبقوا عارفين لكن العرب المسيحيين كانوا مخالفين في معظمهم للمذهب المسيحي الرسمي في الدولة الرومانية البيزنطية المزهب الرسمي اسمه المذهب المالكاني. المالكاني
11:15اللي اصبح نقدر نقول بعد كده او امتداده هو الكاثوليسيزم الكاثوليكية ودول مثلثة طبعا بيؤمنوا بالثالوث المقدس يعني العرب المسيحيين كانوا منقسمين الى يا عاقبة يعني المذهب اليعقوبي ودول اللي اصبح امتدادهم هم الارثوذكس
11:39وبرضو مثلثة لكنهم رفضوا تقسيم المسيح. يعني الكاثوليك عندهم الاب والابن والروح القدس اله واحد امين. ده الكلمة بتاعتكم اهي بس الكاثوليك قال لك المسيح بقى مقسوم الى لاهوت وناسوت
12:00منفصلين عن بعض عملوا كده ليه؟ ودي حركة زكية منهم على فكرة. عشان يعرفوا يردوا على الاسئلة الارثوذكس مش عارفين يردوا عليه لما نقول طيب يعني ما هو المسيح اظهر خوف. معقول يبقى اله خايف
12:16ما لناش دعوة ده الناسوت اللي خايف بس اللاهوت لأ ما هم منفصلين طب المسيح اظهر آآ مسلا كان بيصلي وبيسجد معقول اله هيسجد؟ يقول لك لأ ده الناسوت. انما
12:32ما لناش دعوة بلوت منفصل عنه الارثوذكس قال لك لأ. هم مندمجين غير منفصلين. طب ردوا على الاسئلة دي. الله! يعني المسيح هو هو الله بلاهته وناسوته اه. الله! طب يعني الله كان بيسجد
12:48مش عارفين يردوا ازاي ازاي الله يسجد؟ ازاي المهم احنا بس ما فيش هنخش الحتت دلوقتي كان هناك ايضا مذهب كبير اسمه مذهب النساطرة. نسبة الى مسطور وده ايضا مثلث. برضو يقول الاب والابن مع اخوه لكن يؤمنوا بان الابن ليس هو المسيح
13:11بل الابن هو الله يعني اله من اله وواحد منهم بيسكن داخل المسيح هتقولي ما احناش فاهمين يقول لك ولا انا فاهم ولا حد ولا هم نفسهم فاهمين والله صدقني
13:25فلكن هي الاختلافات العقائدية بتاعتهم دي معقدة تعقيد شديد جدا والفلاسفة بتوعهم نفسهم حاولوا يفهموها ما حدش فاهمها في النهاية خالص مذهب القديس فيكتور في القرن الثاني عشر ان المسألة دي بتاعة الاب والابن والروح القدس اللي هم
13:45يجب يؤخز كما هو كده وما حدش يحاول يفهمه مش مش وارد ان احنا نفهمه ولازم هو مسألة غيبية لازم نؤمن بها كان زمان ان ساطرة دول بقى كان معزمهم مسيحيين العراق والبحرين
14:04ولما تقرأ كلمة البحرين هتقرا كلمة البحرين دي كتير. وارسل النبي صلى الله عليه وسلم رسولا بخطاب الى ملك البحرين دي مش معلمة مملكة البحرين الصغيرة اللي في الخليج دلوقتي. لأ
14:18البحرين في هذا الوقت هي النهاردة المنطقة الشرقية بتاعة السعودية دي اسمها البحرين وتشمل الكويت وتشمل البحرين وتشمل قطر. هم عمان هي عمان مع الامارات اسمها ساحل عمان اصلا لغاية السبعينات كان اسمها ساحل عمان
14:38طيب خليني اوريكم دلوقتي اه خريطة لمملكة المناذرة المناذرة آآ مملكة مسيحية على فكرة لكنها كانت تتبع الفرس ده الغريب بقى يقول لك الله! مش مملكة مسيحية ليه مش بتتبع الرومان
14:57هقول لك ان دول مزهبهم النسطوري مزهب النساطرة مزهب مخالف للمزهب الملكاني والمسيحيين يا جماعة مش مسلا يقول لك ايه ده مذهب وده لأ بيعتبروا نفسهم اديان مختلفة وبيكفروا بعض تكفير شديد جدا
15:15فدول المناذرة اللي هي دولة المناذرة دي بصوا ماسكة من العراق كله بمنطقة الشرقية كلها لغاية عمان احنا بنتكلم على على مساحات ضخمة واعداد ضخمة من العرب. طيب دول حكموا العراق تحت سلطة الفرس. عشان مخالفين للمزهب مع الرومان. لكن متحالفين مع الفرس
15:44اه انا حطيت الخريطة دي ليه بقى؟ عشان لما تقرأوا الاية تسعة وعشرين مم اللي هي قاتلوا الذين لا يؤمنون بالله ولا باليوم الاخر ولا يحرمون ما حرم الله ورسوله ولا يدينون
15:59دين الحق من الذين اوتوا الكتاب حتى يعطوا الجزية عن يد وهم صاغرون. ما تفتكروش ان القرآن بيتكلم عن خمسمية بيصلوا في كنيسة وبيقولوا لنا روحوا بقى قاتلوهم لغاية ما يدفعوا الجزية لأ احنا هنا بنتكلم عن دول ضخمة
16:19جدا وقوية جدا المناذرة دول والعرب المسيحيين دول دول تابعين للفرس. انت لما هتحاربهم انت بتحارب الفرس خلاص. انت بتحاول دولة فارس. كزلك العرب المسيحيين قلنا منقسمين الى اليعقوبي والملكاني والنساطرة والاريوسيين
16:38اللي هم اتباع اريوس قس كنيسة بوكلا في الاسكندرية اللي عارض تأليه المسيح وعارض الثالوث المقدس باختصار هم النصارى الموحدين ولكنهم كانوا يخفون معتقداتهم ليه؟ لان تحت حكم الرومان صدرت قوانين تقضي بالاعدام
17:06لمن يوجد عنده كتاب من كتب اريوس اعدام لاي واحد اريوسي وكان بيطير خمسة وعشرين الف رقبة في المدبحة الواحدة يعني في سالونيكا في البلقان طار فيها خمسة وعشرين الف رقبة في مدبحة واحدة
17:24طيب دلوقتي احنا بعد دخول مكة والطائف في الاسلام اكبر قبائل دخلت خلاص الاسلام قبيلة تميم قريش آآ آآ هوازن آآ دلوقتي تم تطهير قلب الجزيرة العربية من عبادة الاصنام بفضل الله
17:49بدخول القبائل في الاسلام وبرحيل من لا يريد الدخول في الاسلام بعد انقضاء العدة. يعني في ناس على فكرة آآ رحلت من مكة بعد خلاص بعد انقضاء الاربع شهور مش الكل اصلا في ناس مشيت وراحت آآ اقمت في اماكن اخرى
18:08قلنا الاربع شهور اللي بدأوا بيوم عرفة سنة تسعة هجرية. طيب وان كان يعني آآ يعني قليل جدا منهم اللي تمسك بعبادة هبل واللات وبتاع وهاجر يعني لكن المعزم اختار الاسلام وضحوا بقى باصنامهم وبالكلام ده
18:26آآ الوحيدين الحقيقة اللي حاولوا يفاوضوا في موضوع الاصنام ده هم هوازن يعني ثقيف بعد ما بعد غزوة حنين والطائف قالوا للنبي راحوا راحوا له وفد. قالوا له طب احنا خلاص يعني ممكن ندخل الاسلام بس عندنا شروط. قال لهم اتفضلوا
18:45قالوا لي تسمح لنا بالزنا. وتسمح لنا بالخمر. وتسمح لنا بالربا. قال لهم ايه ده في ايه! احنا الاسلام ما بيقدمش تنازلات ده ده ما فيش الكلام ده مش وارد
18:57من هنا لهنا قالوا له طيب احنا هنقبل بس الشرط الاخير ده لا يمكن ابدا نتنازل عنه. قال لهم ايه؟ تخيلوا ايه الشرط قال لهم قالوا له تترك لنا الربة بتاعتنا ايه الربة دي؟ اللات صنم اللات الكبير ده صنم الربة ده تدينا
19:17تلات سنوات علشان نتوقف عن عبادتها قال لهم لأ. قالوا له طب سنة واحدة. قال لهم ولا يوم واحد من هنا لهنا قالوا له طيب اقطع خلي بالك بقى هم طبعا مغلوبين يعني مهزومين هزيمة ثقيلة جدا. اتبهدلوا
19:36قالوا طيب. يبقى على الاقل اعفينا من ان احنا نهدمها. احنا مش هنقدر نهدمها بنفسنا نخاف احسن تحل علينا اللعنة والكلام ده كله. طبعا ده ده يوري ان هم لسه الاسلام لم يثبت في قلوبهم يعني
19:49فقال لهم ماشي انا سارسل اصحابي يهدموها تمسال ضخم قد العمارة كده في قلب الطائف فارسل النبي صلى الله عليه وسلم ابو سفيان ابن حرب اللي هو الزعيم قريش اللي كان لغاية من شهرين بيعبد هبل. راح بنفسه يهدم
20:09الربة بتاع الثقيف اللات ومعه خالد ابن الوليد ومعه المغيرة ابن شعبة ابن مسعود الثقفي يعني من ثقيف نفسها. لكنه من اعزم الصحابة واسلم بعد غزوة الخندق. يعني ده من الصحابة الاوائل
20:26يعني مش من بعد الحديبية لا ده من بعد الخندق اسلم وكان له دور كبير في الحديبية فلما راحوا يهدموا اللات سقيفة اتجمعت عشان تشاهد هدم ربتها هيعيطوا بقى فطلع عروة ابن مسعود وكان زكي جدا ودمه خفيف جدا
20:48وكسر منها حجر وكسر التاني وقال لك آآ شلت يدي شلت يده وقعد يصرخ ويتمرمغ في الارض وسقيفة ايه بس يعني الاعادة انتقام الربه ويبقى الاسلام طلع غلط ويبقى سيدنا محمد طلع غلط وقال لك دين اباءنا واجدادنا وعبادة الاصنام صح؟ ثم لقوه واقف بيضحك
21:12قولوا بانها سليمة. عارفين المنزر ده في في الفيلم ده؟ ده عروة ابن مسعود الثقفي اللي عمل كده وهو بيهضم الصنم ده. قعد يضحك عليهم وقال لهم الا تعقلون انتم قومي. انما هي صنم لا يضر ولا ينفع. وقعد يكسر فيها
21:27هو وابو سفيان لغاية ما بقت حجارة فتافيت على الارض. دي كانت نهاية عبادة الاصنام في جزيرة العرب ثم عاد النبي الى المدينة خلاص اصبحت المدينة هي العاصمة المركزية للدولة الجديدة
21:41اللي بتقوم على ديانة التوحيد. يبقى احنا عندنا دلوقتي بقى زهرت دولة جديدة بالاضافة لدولة الفرس المجوسية. اللي متعاون مع المسيحيين النساطرة ودولة الروم الكاثوليكية او الملكانية ما كانش في اسمها كاثوليكية ساعتها. اللي متعاون معها قبائل
22:01اسنة في الشام دول قبائل عربية تسكن منطقة الاردن وفلسطين ولبنان وسوريا ومنطقة الشام كلها توصل معلومات مخابراتية للرسول عليه الصلاة والسلام ان الروم بيجمعوا قوات ضخمة في تبوك شمال الجزيرة العربية
22:23المنطقة اللي هي غير تابعة لدولة المسلمين لسة لكنها في بلاد العرب هي الجزيرة العربية دي هي النهاردة تبوك جه جوة السعودية دي منطقة فيها قبائل عربية مسيحية بس احنا مش فاهمين
22:40مين منهم بقى اريوسين وبيخفوا عقيدتهم ومين منهم ملكانيين على مذهب الرومان؟ زي قبائل الغساسنة كده. اللي في الشام. ولو فيهم مساطرة برضه عايزين نعرف برضو وكان على فكرة في مذاهب اخرى زي مسلا قبيلة طي دي اللي منها آآ حاتم الطائي
23:01حاتم الطائي مات قبل الاسلام. معروف هو يعني مشهور بالكرم. فكان يقول فلان اكرم من حاتم. عشان معروف يقول لك الكرم الحاتمي. ده مات قبل الاسلام والنبي اثنى عليه وقال انه كان رجل يحبك مكارم الاخلاق حاجة كده
23:16ولكن ابنه وبنته اسلموا آآ بعد تبوك آآ لما طلعت السارية خالد ابن الوليد طلع بسرية الى دومة الجندل وحارب طئ واسلمت طيء هنتكلم عنها ان شاء الله قريب طيئ كانوا على ديانة اسمها الركوسية
23:35ودي قريبة من المسيحية ومن الصابئة خلاص لكنهم كانوا يؤمنوا بالصلب. بالصليب. لكن كانوا ما بين ديانة يعني يعني زي النصارى الموحدين الا ان عندهم شوية انحراف طيب ما احنا عايزين نعرف بقى
23:54مين من القبائل دول معنا؟ ومين علينا؟ مين مستعد ينضم لنا؟ ومين عايز يقاتلنا وولاؤه فعلا للروم في نظام عالمي جديد دلوقتي. هم؟ طيب. النزام العالمي اللي كان موجود قائم على نزام الجزية
24:13نزام الجزية ده ميزته انه بيوضح حدود كل دولة لغاية فين ؟ يعني ايه ؟ ما كانش فيه بقى اسلاك شائكة وخرايط عليها كده مسطرة كده شد خط من ان الحدود من هنا لهنا بين الدولة الرومانية والدولة الفرنسية ما كانش فيه كده. لكن كان فيه قبائل بتعيش في المناطق دي
24:33القبيلة اللي بتدفع جزية للرومان يبقى المنطقة دي ولاءها للرومان وتابعة للدولة الرومانية. والقبيلة اللي بتدفع فاعجزي للفرس يبقى المنطقة اللي عايشة فيها تابعة لدولة الفرس فالجزية نزام ضريبي كان موجود اصلا بيدفع للدولة المركزية من القبيلة على اساس ان القبيلة
25:01بتبايع هذه الدولة وهم مواطنين تبع هذه الدولة خلاص طيب القبيلة التي لا ترسل الجزية في سنة من السنوات يعني بتخلع البيعة من رقبتها وتبقى قبيلة متمردة والدولة المركزية ان كان الروم ولا الفرس يرسلوا جيش لتأديب هذه القبيلة. ده اللي كان بيحصل في العالم
25:26يعني مثلا الرومان كانوا بياخدوا الجزية من يهود فلسطين. ايام سيدنا عيسى ابن مريم في انجيل مرقص وانجيل لوقا وانجيل متى. اليهود عاوزين يوقعوا المسيح عليه الصلاة والسلام مع الرومان في مشكلة
25:44عشان يحكموا عليه بالقتل بتهمة التمرد واشعال الثورة ضد الرومان فيسألوه يقولوا ايه بص ده ده ادي على فكرة دي اية في الانجيل في بتاع المسيحيين النهاردة اهو بيقول ايه
25:57بيسألوه ايجوز ان تعطى جزية لقيصر ام لا نعطي ام لا نعطي علشان يقول لهم ايه ما تدوش ما تعطوهوش الجزية. فيقوم الرومان قايمين يقول لك بس ده بيثير تمرد وبيثير الثورة فيعدموه
26:17طبعا هو قال لهم ايه ؟ معروفة المقولة دي ناس كتير مش عارفة ان هي كلمة المسيح وروني كده الدينار بتاعكم مسكوا الدينار كده ولا الدرهم؟ قال لهم دي صورة مين
26:29سورة قيصر كويس اوي الدوما لقيصر لقيصر ومال الله لله يعني الزكاة بتاعتكم تدفعوها لله. والضريبة اللي عليكم تدفعوها لقيصر ازا انا بجيب المسال ده ليه ؟ عشان اقول ان كان فيه جزية من قبل الاسلام هو الاسلام مش طالع يبلطج على الناس لأ ده كان نزام عالمي
26:56فرض حدود الدولة عشان نعرف احنا حدودنا لغاية فين. نعرف مين المواطنين بتوعنا اللي بيدفعوا لنا ضرايب. ما هو ما فيش ما فيش قبيلة تدفع الضريبة مرتين جولتين طيب عندنا كمان
27:10حتى في العهد القديم سفر الملوك آآ واحد وعشرين اربعة عن سيدنا سليمان في ترجمة الكتاب المقدس اللي انا استخدمتها اسمها ترجمة كتاب الحياة بيقول ايه فكانت هذه الممالك تقدم له الجزية
27:32الممالك شمسيين سليمان كان قوي وعنده جيش قوي. فرد حدود دولته فبقت الممالك التي حوله تخضع له في كل ايام حياته وتقدم له الجزية ده نزام عالمي نزام ضرايب عالمي. كل دولة امبراطورية كبيرة بتقول انا حدودي بتوصل لغاية مناطق القبائل
27:56الفلانية. خلاص. ازا الجزية نزام عالمي بيثبت ولاء القبائل لاي دولة. حلو اوي نزل الامر الالهي للمسلمين بتوسيع حدود الدولة من قلب الجزيرة الى شمال الجزيرة وتنزل الاية في سورة التوبة يا ايها الذين امنوا قاتلوا الذين يلونكم من الكفار
28:24اللي جنبكم على طول وليجدوا فيكم غلظة واعلموا ان الله مع المتقين. هتبدأوا بقى تقاتلوا الكفار اللي جنبيكم ثم اللي بعدهم زي ما قالوا لغاية ما نشوف احنا احنا هنوصل لحدودنا فين؟ لان هيبان ساعتها. اللي هيدفع الجزية يعني انا معك. انا اصلا منتظرك. انا اصلا عايز اتحرر من الروم
28:48وده اللي هيحصل بالفعل كتير جدا من القبائل العربية كانت مستعدة انها تترك المسيحية وتدخل الاسلام وتبقى كلها مع تحت لواء الايه الدولة الجديدة الناشئة. بالزات ان الفرس وروم كانوا منهكين تماما خلاص
29:09طيب يلونكم يعني اللي جنبكم قلنا من الكفار. وقيمة الكفار يبقى مش المشركين مش مقصود بها عباد اصنع مقصود بها اهل الكتاب خلاص؟ طيب اه قلنا بقى الخطر الاكبر على دولة الاسلام
29:28هما دولتي الروم والفرس ودول بيعتمدوا بصفة اساسية على المرتزقة العرب من القبائل المسيحية فلما نسمع ان سيدنا النبي عليه الصلاة والسلام خرج في تبوك لقتال الروم مش معناه انهم ناس من ايطاليا
29:46ها ولا من اسبانيا. لأ معناه ان معزمهم قبائل عربية نصرانية. لكنهم خريطين كجنود في جيش الدولة الرومانية البيزنطية يبقى الامر بقتال القبائل العربية النصرانية. ليه؟ عشان يسلموا؟ لأ لو علشان يسلموا يبقى الامر يبقى كده
30:14يبقى يبقى ربنا كان يقول قاتلوا الذين لا يؤمنون بالله ولا باليوم الاخر ولا يحرمون ما حرم الله ورسوله ولا يدينون دين الحق من الذين اوتوا الكتاب حتى يسلموا. ما قالش
30:27مش حتى يسلموا قال حتى يعطوا الجزية عن يد وهم صاغرون يبقى احنا مش بنحارب عشان الناس تسلم ايه رأيكم بقى اصلا ما ينفعش حد يكره على الاسلام لو حد دخل الاسلام بالاكراه لا يجوز نجوزه اصلا. لازم نختبر ايمانه
30:48مش مسلم امال ايه! نقاتلهم ليه ؟ عشان يدفعوا جزي كده هو ده مش مكسوف انك تقول لها لأ مش مكسوف ايوة عشان يدفعوك جزي. عشان احنا دلوقتي بنشوف مين القبائل اللي هيكون ولاءها لنا ومين القبائل اللي هتتمسك
31:05بالايه؟ بولائها ومع آآ بالدولة الرومانية بس خلاص عشان القبائل دي تعرف ان الدولة الاسلامية قد مدت حدودها الى مناطقهم وانهم من النهاردة اصبحوا غير تابعين لدولة الروم ان عليهم الخضوع لقانون الدولة الجديدة وهو الشريعة الاسلامية. ودفع الضرائب للدولة الجديدة دولة الاسلام
31:34ده نزام سياسي وقصاد كده احنا هنقوم بحمايتهم من الرومان ومن اي خطر او اي عدو يتهددهم يعني ايه؟ حتى يعطوا الجزية عن يد وهم صاغرون. يعني ييجوا يدفعوها بايديهم كده بنفسهم. مش يبعتها لك بالبريد. لأ
31:53هيجي يدفعها بنفسه وهم صاغرون كمان مش يرسلها في الخفاء لأ يبقى في اعلان انه بيعلن ان ولاؤه اصبح لدولة الاسلام ويجي يدفع بنفسه الفلوس عشان الروم والفرس والعالم كله يعرف ان القبيلة الفلانية راحت لسيدنا محمد ودفعت الضرائب بتاعة
32:20الدولة بتاعته ازا خلاص طيب ايه بقى وهم صاغرون دي انا فاكر كويس والله من حوالي مسلا عشرين سنة كده اكتر والله ما رجعت من امريكا واحد آآ طيار آآ مسيحي اخد ميعاد معي وجه قال لي انا بس متضايق اوي من الاية دي ليه يعني ايه ادفع الجزية عن
32:36وهم صاغرون يعني لازم ادفعها وانا زي الجزمة صاغر يعني خاضع اه طوله صاغر يعني خاضع مش معناه زي الجزمة اهل الكتاب عليهم ضريبة اسمها الجزية اهل الاسلام عليهم ضريبة اسمها الزكاة
32:58لما المسلمين منعوا الزكاء حصل ايه الدولة قاتلتهم في عهد ابي بكر الصديق ودفعوها وهم صاغرون دفعوها غصب عنهم صاغرون يعني خاضعون لقانون الدولة. دولة الاسلام دولة قانون ودولة نظام. ما حدش بيعيش في الدولة دي بلطجة
33:19اللي هيعيش فيها بيدفع الضرايب بتاعته. بس خلاص لابد عشان نبقى عارفين الناس دي ولاءها لنا ولا هم شوية ولا طابور خامس وجواسيس؟ بس لما حد النهاردة ما بيدفعش الضرايب اللي عليه بيحصل ايه ؟ شرطة مكافحة التهرب الضريبي
33:40بتيجي تحبسه لو قاومها ورفع السلاح بيضربوا عليه نار. يبقى ازا هي دي. قاتلوا الذين لا يؤمنون بالله ولا باليوم الاخر ولا يحرمون ما حرم الله ورسوله ولا يدينون دين الحق من الذين اوتوا الكتاب حتى يعطوا الجزية عن يد وهم صاغرون
34:04يعني لو ما دفعوش الجزية يقاتلوا. لغاية ما يدفعوا. والجيزة يبقى الهدف من القتال انهم يدفعوا الجزية مش انهم يدخلوا الاسلام طبعا الكلام ده مش سهل على المسلمين وفي ناس هتتساءل هو ليه ربنا بيأمرنا نحاربهم
34:20ما هو يعني لكم دينكم ولينا ولنا يعني ولي دين ما خلاص بقى فربنا بيحفز المسلم المؤمن الموحد بالله وبيوصفهم له باوصاف تعريهم وتظهرهم على حقيقتهم. فما يصعبوش عليك فيقول لك ايه؟ قاتلوا الذين لا يؤمنون بالله ولا باليوم الاخر
34:43دول بلاويهم كتير ده لا بيؤمنوا بالله. حق الايمان. اهو طبعا بيقول لك انا مؤمن بالله لكن وده ايمان ده اب وابن وروح قدس ومش عارف المسيح له طبيعة ناسه
34:53الله! مش بصفاته الصحيحة الحقيقية. مش الذي لم يلد ولم يولد وهنشوف الايات اللي جاية. هم. ولا باليوم الاخر. واضح من طريقتهم في الحياة ومن المعاصي ومن الزلم اللي احنا شايفينه ده كله انهم مش خايفين
35:09حساب من حساب ولا من بتاع ولا يحرمون ما حرم الله ورسوله؟ ايوة اباحوا الحرام. اباحوا الخنزير وعندهم في الانجيل لحد النهاردة الخنزير تحريمه موجود وبرضه بياكلوه. الله! لا يحرمون ما حرم الله ورسوله. اباحوا عدم ختان الذكور
35:29الله مش ده يا جماعة اللي بيعملوه المسيحيين خاصة؟ ها ولا يدينون دين الحق ده مش دين ربنا دي اديان محرفة. جعلوا اللا ابن واب وجعلوه ثالث ثلاثة. في النهاية الهدف مش
35:45انهم يسلموا. الهدف انهم يظهروا الولاء لدولة الاسلام لا للدول المعادية. حتى يعطوا الجزية عن يد وهم صاغرون اللي هو دليل الولاء. طيب انت قلت انهم لا يؤمنون بالله لا يؤمنون بالله
36:03لأ بيضحكوا عليك لانهم حرفوا عقيدة التوحيد. ما هو بيقول لك احنا مؤمنين بالله لأ انتم حرفتوا عقيدة التوحيد. ودي جاية في الاية اللي جاية. الاية تلاتين. بتقول ايه بقى
36:17وقالت اليهود عزير ابن الله وقالت النصارى المسيح بنو الله ذلك قولهم بافواههم يضاهئون قول الذين كفروا من قبل قاتل الله انى يؤفكون اليهود يؤمنون انه يعني بني اسرائيل ابناء الله
36:43خلي بالك ليه؟ لانهم ابناء الملائكة اللي هم ابناء الله يعني يقولوا ان الملائكة ابناء الله وهم من نسل الملائكة. وعندهم سفر من اسفار الكتاب المقدس اسمه سفر ملاخي. ملاخي
36:59بالعبرية يعني ملاكي الصفر ده كاتبه كاتب اسمه عزرا اللي هو بالعربي عزير ازا عزير ملك ملاكي ازا عزير ابن الله واحسن من شرح هذه هذا الموضوع دكتور سامي عامري عنده فيديوهين
37:20في هذه المسألة ازاي ان اليهود قالوا عن عزير ابن الله اللي هم بينكروا هزا. لأ وبيثبتها من سفر ملاخ. طيب وقالت النصارى المسيح ابن الله. طبعا ده لا جدال فيه والنصارى مش بينكروها بالعكس
37:36هنا بقى فيه ملحوزة لما تكتب لاحزتم بقى هنا في الاية دي كلمة ابن مكتوبة بالايه؟ بالهمزة. يعني في في همزة القطع موجودة وقالت اليوم وقالت اليهود عزير مش بين الله
37:55احنا مسلا نكتب مسلا عمر بن الخطاب تتكتب كده ما بنكتبش الهمزة همزة القطع مش موجودة. عثمان ابن عفان علي ابن ابي طالب. ما بنحطش الالف اللي قبلها ليه لما يكون في اللغة العربية فيه اسم علم واسم علم
38:17والتاني ابو الاولاني او له عليه او من اباؤه يعني ممكن جده ماشي فيتحط كلمة ابن بدون الالف بدون الهمزة عمر بن الخطاب اسامة بن لادن بن لادن. عثمان بن عفان بن. بن دي. ماشي؟ طيب
38:42وعلى فكرة وفي المرأة بنت هي اصلها ابنة فاطمة بنت محمد اصلها فاطمة ابنة محمد. نفس الكلام. طيب. ليه هنا عزير وكلمة ابن بالالف المسيح وراها ابن الله ابن بالالف. ليه
39:08ليه مش محذوفة لان الله ليس ابو المسيح. لان الله ليس اب للعزير فتركت همزة القطع يعني هذه بنوة مدعاة وليست حقيقية. زي اقول لكم على حاجة. في الانجليزي احيانا ناس تكتب بكابتل جي واحيانا جت بسمول جي
39:35وفي بعض الناس وكتبوا جواد غلط المفروض تبقى كابيتال جي لأ مش لازم انا لما اقول مسلا الهة اليونان جريك جوتز اكتبها كده لو كتبتها بكابتال جي يعني انا معترف بها الهة حقيقية
39:56فالكاتب اللي بيكتب لو مش معترف بده اله حقيقي يكتب سمولجي يعني يقول انا مش مؤمن بده. يعني مسلا ايه يقول لك مسلا ايه مسلا لازم انا لما اكتبها اكتبها ما ينفعش اكتبها بكابتن جي. المسيح يكتبها بكابتال جي لانه معترف بها. نفس الكلام بقى احنا عندنا
40:17بيقول ايه اه ابن بن علي بن ابي طالب لما نكون معترف بانه ابن ابي طالب لكن عزير ابن الله النصارى المسيح ابن الله لازم احط الالف دي عشان معناها ان انا مش معترض. طبعا دي نقطة دقيقة جدا. كثير من الناس ممكن يكون انا قلت لقيتها يعني لطيفة انها ايه
40:39نقولها لكم يعني طيب كمل بقى الاية تلاتين كده وقالت اليهود عزير ابن الله وقالت النصارى المسيح ابن الله ذلك قولهم بافواههم ده مجرد كلام بالبق كده بيتقال ده مش كلام صحيح ده كلام عاري من الصحة
41:01عشان كده احنا حطينا الاليس وايضا معناها ذلك قولهم بافواههم. ده كلام بيقولوه في بقهم لكن عقولهم وقلوبهم مش مصدقة الكلام ده فلما تروحوا تطالبوهم بالجزية وتحاربوهم هتلاقي كتير منهم بيسارع الى الاسلام هم اصلا
41:20مهزوزين في الحتة دي عقائديا جدا. اسأل اي مسيحي اسلم اي واحد مسيحي اسلم قل له ايه المشكلة بتاعتك؟ هيقول لك مشكلتي كانت موضوع الثالوث. كلهم كانت مشكلتهم دي ان المسيح ابن الله. وان روح القدس مش عارف ايه. وان المسيح هو الله. وان الاب ما حدش فاهمها
41:43احنا جبناكم قبل كده الكلام ده انا قلت لكم قبل كده شرحت لكم الثالوث المقدس وقلت لكم معناه ايه هم عندهم آآ يؤمنوا بالاتي ان هتلاقي كده عندك آآ ماسورة الاب هو الله
42:02وماسورة تانية من الابن اللي لعب دولة هو. يبقى الابن هو الله والروح القدس هو الله. ماشي والاب ليس هو الابن والابن ليس هو الاب. فتلاقي ماسورة مكتوب عليها ليس
42:16الاب مش هو الروح القدس والروح القدس مش هو الاب. والابن مش هو الروح القدس روح القدس كل واحد فيهم هو الله وكل واحد فيهم غير الاتنين التانيين الله بيقولوا تلت الهة يقول لك لأ بس هو اله واحد. اله واحد ازاي
42:31لما تقول تلاتة مختلفين كل واحد هو الله فيهم هتلاقي دايما دي ما حدش قادر يبلعها وفعلا وصلوا قرار انه ما حدش حاول يفهمها يا جماعة القرن الاتناشر ما حدش بقى حاول يفهمك خلاص احنا هناخدها زي ما هي كده
42:49ذلك قولهم بافواههم طب بيقولوا كده ليه يضاهئون قول الذين كفروا يضاهئون قول الذين كفروا من قبل دول ما هي موضة احنا عايزين نبقى زي الاغريق وزي الرومان وزي الفراعنة كل الناس دي كان عندها
43:13الميل التعدد الالهة. الاغريق عندهم الهة دول ابن دول وعندهم الالهة بتولد والرومان نفس الكلام والفراعنة نفس الكلام ايزيس وازوريس مخلفين مش عارف جايبين مين زي ما النبي عليه الصلاة والسلام قال
43:35اشنع وابشع قول ومنتهى الكفر هو ايه شف النبي قال ايه ما احد اصبر على اذى يسمعه من الله تعالى انهم يجعلون له ندا ويجعلون له ولدا وهو مع ذلك يرزقهم ويعافيهم ويعطيهم. ما فيش
44:01حد بيصبر على الاذى السب اكتر من ربنا يقولوا علي عنده ولد عنده ند عنده وبرضه يرزقهم ويعافيهم ويعطيهم ازا ده اكتر ما يغضب الله في سورة مريم احنا خدنا
44:20تكاد السماوات يتفطرن منه وتنشق الارض وتخر الجبال هدا. ليه؟ ان دعوا للرحمن ولدا ده يغضب ربنا جدا. لدرجة ان السماوات هتتقطع والارض هتتشقق والجبال هتخر هتقع من مدى بشاعة الكلمة ان يقولوا
44:44للرحمن ولدا كمل باقي الاية تلاتين وشف بقى دي تعرف برضو ايه الغضب بتاع ربنا هنا هيظهر فين وقالت اليهود عزير ابن الله وقالت النصارى المسيح بن الله ذلك قولهم بافواههم يضاهئون به قول الذين كفروا من قبل
45:05قاتلهم الله انى يؤفكون. يعني ايه قاتلهم الله؟ ده مش خبر يعني ربنا قاتلهم كده لا دي صيغة قاتلك الله دعاء يقال عند التعجب من عمل بشع. واحد عمل عمل بشع خبط العربية في مش عارف ايه. يقول لك قاتله الله
45:25ايه الهاء ده ؟ فدي دعاء يقال عند التعجب. فلما ربنا يقولها يعني ربنا بيجعل السامع يتعجب من فعلتهم. ربنا لا يتعجب. خل بالك. لكن لما ربنا يقول قاتلهم الله يعني عملوا كل ده
45:46وادعوا للرحمن علشان الى درجة ان السامع لما يسمع اللي عملوه يقول قاتلهم الله تمام؟ خلينا بقى نكمل الحلقة اللي جاية. احنا يمكن دي اطول حلقة عملناها في حظر التجول
46:00اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب. وما اجعلنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن الماء البارد على الظمأ
46:20اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك بكل قلوبنا
46:40ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل انا الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض عالم
47:10الغيب والشهادة انت تحكم بين عبادك فيما كانوا فيه يختلفون. فبحق كل حرف في كتابك تلوناه او تدبرنا اكفنا واهلينا واخواننا واخواتنا شر كل من يكيد لنا ولهم. واحفظنا واياهم من نحور واحفظنا واياهم من شرور
47:30ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. اللهم سدد رميهم
47:46رمي عدوهم وتقبل شهدائهم وكن مع اخواننا في تركستان الشرقية وفي الشام وفي كشميرا وفي الهند. وانصر من نصرهم واخذل من خذلهم. وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت
48:06على كتابك وعلى محبتك. والتقت يا ربنا على طاعتك. وتوحدت على دعوتك. وتعاهدت على نصرت بشريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها بفيض الايمان
48:26وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك. انك المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه
48:44السلام عليكم ورحمة الله نراكم غدا باذن الله في نفس هذا الموعد ان كنا