فيديو ٩٨٧ من مقاطع حظر التجول تدبر سورة التوبة - الحلقة ١٠ الآية ٢٨
0:00السلام عليكم ورحمة الله وبركاته. اهلا بحضراتكم في المقطع رقم تسعمية سبعة وتمانين من مقاطع حظر التجول والحلقة العاشرة من حلقات تدبر سورة التوبة شفنا امبارح بعد انتهاء غزوة حنين
0:26يعني تجمع الغنائم الرهيبة الكبيرة. النبي آآ آآ جمعها في منطقة اسمها الجعرانة دي كانت المنطقة اللي فيها الايه الغنائم المخزن بتاع الغنائم عليه آآ احد الصحابة امين المخزن شفنا بقى امبارح ان الانصار
0:55شعروا بحزن لما النبي عليه الصلاة والسلام اعطى من الانفال احنا قلنا ان الغنائم بتقسم اربع تخماس يعني تمانين في المية الخمسة وعشرين في المية. يبقى اربع تخماس تمانين في المية يوزعوا على المقاتل
1:12بيوزعوا ازاي عشان تبقوا عارفين النبي عليه الصلاة والسلام كان يعطي الرجل سهم والحصان سهم فالفارس ياخد سهمين يعني نصيبين. نصيب لهم نصيب للحصان بتاعه لان الحصان له تكلفة. بياكل وعلف
1:32وفي رعاية للحصان العشرين في المية اللي هم نصيب النبي عليه الصلاة والسلام كان ممكن يعطي منهم آآ هدايا بيتألف بهم قلوب الناس فلقوه بيعطي لقريش يعني مسلا اعطى ابو سفيان ابن حرب اللي هو كان زعيم قريش
1:55اه اظن مائة ناقة ده الراجل لسة اسلم اول امبارح من اسبوعين اسلم يعني كان قبلها زعيم قريش وقاد الجيوش ضدنا في احد لما لقوا الوضع كده النبي ادى ناس كتير من القبائل الاخرى وحتى قريش كمان
2:16ولم يعطيهم حزنوا وقالوا رسول الله يعطي قريشا وسيوفنا تقطر بدمائهم يعني لسة دمهم ما نضفنهوش من على السيوف بتاعتنا ده احنا لسة كنا بنحاربهم اول ما دول كانوا الكفار اول امبارح
2:37وحاسين بمرارة شديدة. بعض الناس ممكن تقول لك ايه ايه يا جماعة المادية دي ؟ لا الموضوع مش فلوس الموضوع هو شعور بعدم الاطمئنان هو فيه ايه يعني هو هو معقول النبي مسلا يكون استفاد مننا وقت ما كان محتاجنا ودلوقتي خلاص قومه اسلموا وبلده الاصلية مكة
3:04اللي اتولد فيها بقت بلد اسلامية بقى وبقت من بلاد الاسلام دلوقتي من حواضر الاسلام. يعني من مدن الاسلام. فهيتركنا بقى تعالوا نقرأ حديث ورد عن ابي سعيد الخدري والحديث هيشرح لنا
3:21عن ابي سعيد الخدري رضي الله عنه قال لما اعطى رسول الله صلى الله عليه وسلم ما اعطى من تلك العطايا في قريش وفي قبائل للعرب ولم يكن في الانصار منها شيء. الانصار خدوا نصيبهم عادي في الغنائم لكن الانفال اللي هو العشرين في المية اللي النبي بتوع النبي اللي كان بيوزع
3:46منهم ما خدوش منها حاجة لما حصل كده ولم يكن في الانصار منها شيء وجد هذا الحي من الانصار في انفسهم يعني حسوا في نفسهم بحاجة حسوا وجدوا في انفسهم وجدوا شيء من الايه؟ من من الحزن او الغضب المكتوم او حاجة
4:08قال لك حتى كثرت فيهم القالة لدرجة ان بقى فيه كلام بيدور بينهم حتى قال قائلهم لقي والله رسول الله صلى الله عليه وسلم قومه خلاص بالمصري كده من اللي احبابه نسي اصحابه
4:36فدخل عليه يعني على النبي صلى الله عليه وسلم سعد بن عبادة احنا عارفين ان ايه آآ آآ زعماء الانصار كانوا السعدين. سعد بن معاذ ده اللي مات بعد الاحد
4:49ماشي؟ اللي هو حكم في بني قريدة سم مات من اسار جراحه. وسعد بن عبادة. سعد بن عبادة دخل على النبي صلى الله عليه وسلم فقال يا رسول الله ان هذا الحي من الانصار قد وجدوا عليك في انفسهم. يعني في مجموعة كده من الانصار اللي هم الانصار اللي طالعين معنا في القتال
5:10قد وجدوا عليك في انفسهم يعني زعلانين منك. لما صنعت في هذا عشان اللي انت عملته في توزيع الفيق الذي اصابت اللي هو ايه النصيبك قسمت في قومك يعني اديت قسم لقومك
5:32واعطيت عطايا عظاما في قبائل العرب يعني كل من هب ودب بقى بياخد ولم يكن في هذا الحي من الانصار منها شيء وما ادتش ولا حاجة لولا واحد من الانصار
5:49النبي عليه الصلاة والسلام قال له ده الزعيم خلي بالك فاين انت من ذلك يا سعد طب ده هم الحي ده من الانصار. طب وانت بقى يا سعد فين في القصة دي؟ يعني انت برضه حاسس بايه
6:10النبي عليه الصلاة والسلام بيسأل الاول وبيستكشف علشان يشخص المرض ايه بالزبط قبل ما يبدأ يعالج قال سعد يا رسول الله ما انا الا من قومي يعني انا واحد من قومي
6:28يعني ايه؟ يعني انا متضايق زيهم انا عاوز افهم ازاي تنسانا احنا يعني هل انت بتقدرنا ولا احنا خلاص ادينا دورنا لما كان الاسلام ضعيف. ده لازم اقول لكم يا جماعة الموضوع مش فلوس
6:45الموضوع انت بتفرح لما بيجي لك هدية. بتبقى فرحان بالهدية. حلو اوي طب لما يجي لك هدية من شخص عزيم تبقى فرحان بها اكتر. وكل ما حد يخش بيتكم تقول له انت عارف مين جاب لي ده ؟ ده الوزير الفلاني. ده رئيس الوزراء
7:01هو اللي اداني الهدية دي. تبقى فرحان بها طب ايش حال بقى لما يبقى النبي عليه الصلاة والسلام اشرف الخلق هو اللي مدي لك هدية تبقى فرحان بها. طب لما تشوفه عمال يوزع هدايا وانت ما ادكش حاجة
7:15تشعر بحزن عشان بس ما حدش فينا يظن في الانصار شيء وحش. الموضوع مش مادي. دول اخر ناس في الدنيا يفكروا في المادة هو بس خايفين هو فيه ايه يعني احنا ما بقاش لنا لازمة دلوقتي
7:35احنا للدرجة دي النبي نسينا خالص كده زي كده بيقول ايه؟ واخدنا يعني خلاص يعني طبعا ما حدش قال الكلام ده. ده كلام كان بس آآ مخاوف بتدور جواهم وهتشوفوا دلوقتي ان النبي ريحهم في الاخر ومش بالفلوس وما ادهمش حاجة برضو. وبقوا اكتر ناس مستريحين. ازاي بقى؟ هنشوف
8:00فقال النبي صلى الله عليه وسلم فاجمع لي قومك في هذه الحظيرة حظيرة يعني مكان مقفول اجمعهم لي جوة اجتماع مغلق يعني واضح انكم بقى مش فاهمين حاجة. تعالوا افهمكم انا اديت الناس كلها وانتم بالزات ما ادتكوش حاجة ليه
8:24قال فجاء رجال من المهاجرين فتركهم فدخلوا. ساب المهاجرين يدخلوا يحضروا الاجتماع وجاء اخرون فردهم الناس اي حد غير المهاجرين والانصار ما يدخلش الاجتماع ده. ده اجتماع مغلق للاباء المؤسسين
8:51عارف يعني ايه الاباء يعني للمؤسسين اللي اسسوا المجتمع الاسلامي انما الناس اللي لسه داخلة اول امبارح دي لا لا لا لكم برضه انتم يعني ده ده داء الايه؟ الفاوندرز الناس اللي هم اللي اسسوا آآ دولة العدل والاحسان. اجتماع
9:10اجتماع طارئ لهم اساسا مع الانصار وازا حد من المهاجرين عايز يحضر اهلا وسهلا. يحضر عشان يسمع بقى برضه هو كمان ايه اللي حصل لكن الناس الجداد ما يحضروش فلما اجتمعوا ده الحديث
9:24اتى سعد سعد ابن عبادة اتكلم بقى. قد اجتمع لك هذا الحي من الانصار يا رسول الله اتفضل الناس مجتمعة جوة فدخل سيدنا محمد عليه الصلاة والسلام عليهم بقى فاتاهم رسول الله وهم جوة كلهم في الحظيرة مقفول عليهم
9:44اجتماع ما فيش حد سامع غيرهم فحمد الله واثنى عليه بما هو اهله السنة ان الانسان قبل ان يبدأ كلامه او يبدأ خطبته يحمد الله ويثني عليه. الحمد لله والصلاة والسلام على رسول الله
10:00لازم يحمد الله ويثني على على الله ثم قال ركزوا بقى يا جماعة يا معشر الانصار مقالة بلغتني عنكم وجدة وجدتموها في انفسكم يا جماعة الخير يا انصار كلام بلغني عنكم
10:31وجدة وجدتموها في انفسكم. وكمان جواكم في حاجة في نفوسكم مش مريحاكم سمعتم انكم بتقولوا كلام كده وانكم متضايقين الم اتكم ضلالا فهداكم الله بي وعالة فاغناكم الله بي. واعداء فالف الله بين قلوبكم
10:57هو مش حقيقي ان انا لما جيت لكم من تسع سنين كنتم ضلال بتعبدوا اصنام فربنا هداكم بي وعالة يعني فقراء وربنا اغناكم بي بالنبي ربنا اللي بيغني بس بالنبي عليه الصلاة والسلام. بمجيئه له
11:20مم وذكرهم بعداوتهم لبعض واعداء فالف الله بين قلوبكم مش كنتم اعداء؟ ده انتم كنتم الاوس والخزرج بتدبحوا بعض بقيتوا احباب بي برضو وقالوا لله ولرسوله المن والفضل النبي بيفكرهم. بيفكرهم بفضل ربنا عليهم. هداهم للايمان
11:54اغناهم بعد الجوع والفقر وخلاهم اخوات واستبدل الكراهية اللي بينهم الى حب بين الاوس والخزرج. اتقلبت حب دي معجزة فبعد ما قال لهم مش حصل ان ربنا هداكم بي واغناكم بي وقلب اللي بينكم حب بي
12:14وساكتين فقال الا تجيبوني يا معشر الانصار انتم مش بتردوا ليه مش دي نعم ربنا عليكم اللي جعلني سبب في حصولها لكم قالوا بماذا نجيبك يا رسول الله؟ لله ولرسوله المن والفضل. ايوة طبعا طب ما حدش بينكر المن؟ ما حدش بينكر الفضل بتاع ربنا وبتاع
12:36علينا قال بصوا بقى دي هنا عارف انت اما تكون بتحاول تقنع حد فتلعب دور الديفيل ادفوكيت. يعني بتلعب دور محامي الشيطان قال لهم قال اما والله لو شئتم لقلتم
12:55فلصدقتم ولصدقتم جئتنا طريدا فاويناك وعائلا فواسيناك وخائفا فامناك فامناك ومخذولا فنصرناك ومكذبا فصدقناك دي وساوس الشيطان اللي ممكن يدخل بها عليهم. ومش هيتكلموا. هيبقوا بس مكسوفين منها بس حاسين بها جواهم. فالنبي عليه الصلاة والسلام هم
13:32هنا لعب دور محامي الشيطان وقال لهم لعلمكم بقى انتم ممكن جدا تقولوا الاتي. ولو قلتم كده تبقوا صادقين فعلا واي حد هيسمع هيقول صداقته هيصدقكم طبعا. انتم مش بتقولوا حاجة غلط
13:48ممكن تقولوا جئتنا طريدا فآويناك. انا هحط لكم الحتة دي اه جئتنا طريدا فاويناك يعني كنت مطرود من بلدك واحنا اللي قويناك في بلدنا ما حدش يقدر ينكر وعائلا فواز سيناك
14:21وحملة تقيل واحنا خففناه عنك مم وخائفا فامناك كنت انت كنت معرض للقتل ومعرض للاغتيال في كل لحزة قعدت مع ابو بكر تلت تيام مختفين مستخبيين جوة غار الكل خذلك
14:48ما حدش ساعدك غيرنا ومخذولا فنصرناك خلي بالك هم ما قالوش كده. هم لم يقولوا هذا. هو النبي بيقول لهم ده انتم ممكن جدا تقولوا الكلام ده يعني الشيطان ممكن يدخله جواكم. ولو قلتوه ما حدش يقدر ينكره
15:05ومخذولا فنصرناك ومكذبا فصدقناك انت الكل خذلك واحنا اللي ساعدناك. انت الكل كذبك واحنا بس اللي صدقناك النبي عليه الصلاة والسلام بيقطع الطريق على الشيطان وعلى النفس الامارة بالسوء انها تستغل هذا الفضل. فبيقول لهم
15:34وانا فاكر كويس جدا. كل افضالكم علي خلي بالك بقى انكار فضل الناس عليك يفتح باب شر كبير جدا ما ينفعش تقف تقول لهم انا ربنا هداكم بي وخلاص لأ. وكمان تقول لهم وانا فاكر ايضا فضلكم علي
15:55الاعتراف بفضل الناس ده بيغلق ابواب شر وبيفتح ابواب التفاهم والتصالح والتسامح. لزلك انا ارى ان الخطبة دي خطبة تاريخية تدرس المفروض في في كليات الاعلام تدرس في فن التفاوض. تدرس في فن كسب قلوب الناس
16:19اسمع قلوبي بقى اوجدتم علي يا معشر الانصار في انفسكم في لعاعة من الدنيا تالفت بها قوما ليسلموا ووكلتكم الى اسلامكم الا ترضون يا معشر الانصار ان يذهب الناس بالشاء والبعير وترجعون برسول الله الى رحالكم
16:53فوالذي نفس محمد بيده لما تنقلبون به خير مما ينقلبون به ولولا الهجرة لكنت امرأ من الانصار ولو سلك الناس شعبا وواديا وسلكت الانصار وشعبا وواديا لسلكت شعب الانصار وواديها
17:19الانصار شعار والناس دثار اللهم ارحم الانصار وابناء الانصار وابناء ابناء الانصار فبكوا حتى اخدمت لحاهم هفهمكم بقى ايه معنى الكلام ده اصلا. الكلام ده خطير جدا. هنحلله بقى حتة حتة كده
17:39اوجدتم علي يا معشر الانصار في انفسكم في لعاعة من الدنيا تالفت بها قوما ليسلموا وهو وكلتكم الى اسلامكم خلي بالك النبي كان لسة بيقول لهم ايه انا معترف بفضلكم. انتم ممكن تقولوا انت كنت مكذب واحنا صدقناك. انت كنت خائف واحنا قويناك. انت كنت مطرود واحنا قويناك. ممكن تقولوا الكلام
18:08ده كله وتبقوا صادقين ما حدش يقدر ينكره وبعد كده راح قالب الترابيزة عليهم وقال لهم انتم بقى كمان ها لازم تفهموا ان انا برضه من حقي ازعل لما الاقيكم
18:21بتزعلوا مني عشان لعاعة من الدنيا. يعني ايه لعاعة؟ اللعاعة يعني الفتافيت اللي بعد ما بتاكل وبتشيل طبقك في فتافيت كده حوالين الطبق دي اللعاعة شوية فتافيت ليس لها قيمة
18:39شوية جمال وشوية خرفان الديت ده كم جمل وده كم خروف. شوية فتافيت برقق بها قلوب الناس اللي لسة اسلمت دية عشان تثبت شوية هدية من هنا وهدية من هنا ده اسمه تأليف اسمهم المؤلفة قلوبهم. عشان الناس تثبت في الاسلام. يبقى اللي انا شايفه مش سابت
19:05في الاسلام بادي له هدية انما انتم وكلتكم الى اسلامكم عارف قوة ايمانكم يعني انتم المفروض تزعلوا لو اديتكم بقى اللي في حضانة واولى ابتدائي زيه زي اللي معه دكتوراة! انا وثقت في ايمانكم فلم اعطيكم اي. اه انا فعلا لم اعطيكم لان مش محتاج
19:29اعطيكم عشان اثبتكم على الاسلام الا ترضون؟ اسمع بقى دي كانت اللي هم كانوا منتظرينها. هي دي اللي صالحتهم يا جماعة الا ترضون؟ يا معشر الانصار ان يذهب الناس بالشاء والبعير وترجعون برسول الله الى رحالكم. ده اللي ريحهم ليه بقى
19:51الحالة النفسية تخيل نفسك انت من الانصار كده بتحب النبي جدا وانت عشت معه الفترات الصعبة وبعد تمان سنين بلده اتفتحت مكة والمهاجرين فرحانين بالنصر وفتح بلدهم تاني تشعر بايه
20:16القلق ليه الناس اللي انت بتحبهم دول خلاص رجعوا بلدهم بقى هيسيبوك ويروحوا يعيشوا في بلدهم روحهم روحهم في رسول الله وفي المهاجرين كمان بيحبوهم جدا فهم في حالة نفسية سيئة جدا
20:35فاعلن لهم النبي انه لن يترك المدينة هذا اعلان انه سيحكم الدولة من المدينة والمدينة هي العاصمة هو ده معناها الا ترضون يا معشر الانصار ان يذهب الناس بالشاء والبعير
20:54كل واحد رجع بشوية خرفان وشوية آآ جمال. وترجعون برسول الله الى رحالكم انا راجع معكم دي كانت القشة ده اللي ده اللي خلاهم يشموا نفسهم ربنا لما وصفهم الانصار وصفهم ازاي في القرآن
21:13قال يحبون من هاجر اليهم. ده وصفهم في القرآن النبي عليه الصلاة والسلام بيحب مكة جدا بلده وهي اشرف بقاع الارض واقدس بقاع الارض وهو بيتركها من تسع سنين الدموع في عينيه وبيبص لمكة وبيقول والله انك لخير ارض الله واحب ارض الله الى
21:45ولولا ان اهلك اخرجوني منك ما خرجت ومع زلك المدينة اللي اوته ونصرته اصبح يحبها. ايضا. فبقى عنده وطنين الوطن اللي اواه ودعمه لم ينسى له ذلك ولم يتركه واستمر الى ان مات
22:12وطنه الجديد في المدينة ثم قال وفكرهم على فكرة انا مش غريب عنكم انا اصلا منكم يعني. انتم اهلي قال لهم ولولا الهجرة لكنت امرأ من الانصار ليه؟ يا جماعة السيدة امنة بنت وهب ابن وهيب من يثرب اصلا. يعني
22:32عبدالمطلب جد النبي لما حب يجوز ابنه عبدالله اللي هو ابو النبي عليه الصلاة والسلام اخدوا وراحوا الى آآ آآ يثرب اسمها المدينة لسه واتجوزوا اختين امنة بنت وهب واختها اسمها ايه ؟ حاجة بنت وهيب
22:54آآ لا لا لا آآ يعني اتجوزوا اتجوزوا آآ اتنين آآ وحتى اللي تزوجها جابت حمزة وامنة جابت محمد فسيدنا حمزة اقرب اعمام النبي له سنا ويعتبر ابن خالته المهم
23:19فبيفكروا ان هو اصلا عيلة امه من من يثرب من من بلدهم ولولا الهجرة لكنت امرأ من الانصار اسمع بقى ولو سلك الناس شعبا وواديا وسلكت الانصار شعبا وواديا لسلكت شعب الانصار وواديا. الانصاري وواديها
23:38لو الناس راحت من طريق والانصار من طريق تاني انا همشي معكم انتم في طريقكم ايه الجمال ده! ايه الدعم النفسي ده كلام طبعا يرفع المعنويات جدا. وفيه شرف كبير جدا للانصار. ثم قال الانصار شعار والناس دثار
23:57يعني ايه بقى ؟ الشعار هو الملابس الملاصقة للجسد. بلغتنا النهاردة الفانلة الداخلية الدثار هو ما يتدثر به المدثر. يعني البدلة الخارجية. العباية اللي بتتحط على الكتف فقال لهم انتم اقرب الناس الى قلبي
24:19انتم زي الفانلة الداخلية كده اللهم ارحم الانصار وابناء الانصار وابناء ابناء الانصار دعا لابناء الانصار واحفاد الانصار في احياء علوم الدين يقول لك اذا اردت انك ترقق قلب انسان وتجعله يشعر بحبك
24:44اسألوا عن اولاده ادعي لاولاده تخيل لما حد يقابلك ويسألك عن اولادك وتلاقيه فاكرهم بالاسم مع ان انت اخر مرة قابلته كان من فاكر ولادك بالاسم فالانسان يهمه جدا اولاده يا جماعة. هم
24:59اه فبكى القوم حتى اخضلوا لحاهم وقالوا فبكى القوم حتى اخضروا لحاهم وقالوا رضينا برسول الله صلى الله عليه وسلم قسما وحظا ثم انصرف رسول الله وتفرقوا القوم الانصار بكوا لغاية ما بقت اللحى بتاعتهم آآ مبلولة. مبلولة من الدموع
25:36وقالوا رضينا برسول الله قسما. يعني يبقى النصيب بتاعنا الرسول ده بالنسبة لنا كفاية مش عايزين لا جمال ولا خرفان ولا غيره وتفرقوا خطبة تاريخية تدرس المهم بعد كل ده
25:53راح النبي خل بالك بقى راح للنبي قادة هوازن يطلبون منه انه يرد عليهم كل اللي راح منهم ده كل شيء راح كل ده كارسة النساء والاولاد والاموال وهو الغبي اللي كان بيقودهم
26:14اللي قال لهم طلعوا كل حاجة معكم ومش عارف ايه وفي الاخر خالص راح كل حاجة نسائهم وعيالهم سبي سبي. يعني ايه؟ يعني بقوا عبيد واماء. ليه؟ لان هم كانوا بيستعبدوا العبيد والاماء
26:29وده اللي لازم تشوفوه في الحلقة اللي هعمل لها شير النهاردة ان شاء الله بتاعة الرق المسلمين مش بيسترقوا الاسرى الا لو العدو بيسترق الاسرى هو وانا شارحها وجايب الاية بتاعة سورة محمد وكل حاجة
26:47وتجدوا ان المسلمين لم يسترقوا احد من قريش ابدا. ليه؟ لان قريش ما كانتش بتسترق الاسرى. خلاص. لكن دول كانوا بيسترقوا الاسرى المسلمين يدخلوا الحرب بناء على الشروط واحدة شروط متبادلة عشان يبقى فيه عدل في المسألة
27:07ارجو تتفرجوا على الحلقة يعني. فالنبي قال لهم يعني قانونا قانونا النبي لا يستطيع ان يتصرف في تمانين في المية ان ده ملك المجاهدين والجنود. ما يقدرش قال لهم بصوا
27:24اختاروا بين الاموال وبين السبي عايزين الخرفان والمعيز والجمال والدنانير الدهب والفضة والكلام ده ولا عاوزين السبي السبي يعني زوجاتكم واولادكم واختاروا السبي طبعا خلاص بدل ما يبقوا عبيد نبقى نبقى نقول لهم بصوا. نصيبي انا وبني هاشم
27:50ال البيت انا هعرف اتفاهم مع بني هاشم واصلا ده النبي ده حقه انه يتصرف في دول خلاص فقال المهاجرون ونحن نصيبنا لرسول الله يتحكم فيه كما يشاء. والمهاجرين اتبرعوا بنصيبهم من السبي في الغنائم في التمانين في المية. فقال
28:17ما هم واخدين في تمانين في المية. ونحن نصيبنا لرسول الله فرجع لهوازن نسائهم واطفال ما عدا قبيلتين اتنين قالوا لأ احنا متمسكين بنصيبنا اظن تميم ومش فاكر القبيلة التانية ايه وخلاص. لكن معزم السبي رجع للناس
28:38خلي بالك هنا بقى عايز ارجع تاني ازاي الانصار بعد ما كانوا اصلا زعلانين ما خدوش فيه العشرين في المية يقبلوا انهم ما ياخدوش العشرين في المية وكمان يرجعوا التمانين في المية اللي واخدينه ليه
28:59عشان القيادة الحكيمة بتاعة الرسول عليه الصلاة والسلام لم يتجاهل المشكلة ودي الدروس والعبر اللي ناخدها. المشكلة كانت في نفوس الانصار وسمع من القائد بتاعهم انه جواهم كلام عمال يتناقل
29:16القائد ما ينفعش يتجاهل الحالة النفسية بتاعة الجيش النهاردة هي حالة نفسية جوة الناس. بكرة تبقى فتنة وتبقى تمرد فلازم القائد يعالج الامور دي ويرفع الحالة المعنوية بتاعة الجيش بتاعه
29:33ثانيا لم يسمح لاحد الا لاخوانهم المهاجرين بالحضور واكلين عيش وملح مع بعض. فهيقدروا مشاعرهم وعارفين قدرهم وعارفين فضلهم على الاسلام مش هيتكسفوا لما الكلام ده يدور قدامهم لكن اللي ما عاش الايام الصعبة
29:52اللي في اول ست سنوات اللي كان آآ آآ بيتقسم فيها الرغيف بين اسرتين مش هيقدر يفهم موقف الانصار. ممكن يشعر بشعور معادي للانصار. يفتكرهم طماعين. لكن ده يدينا صورة عن مدى الاخلاص
30:12اللي كان عند الصحابة كلهم. قال الشافعي رحمه الله ان الله اثنى على اصحاب محمد صلى الله عليه وسلم في التوراة والانجيل والقرآن وقال هم الذين ادوا لنا سنن رسول الله. احنا عرفنا منين سنته؟ منهم هم
30:34عرفنا منين الاحاديث؟ منهم هم هم شاهدوه والوحي ينزل عليه فعلموا ما اراد النبي عاما وخاصا. ده كلام الشافعي عنهم وعزما وارشادا وعرفوا من سننه ما عرفنا وما جهلنا. هم اعرف منه بنا
31:00وهم فوقنا في كل علم وكل اجتهاد وكل ورع وكل عقل. ما حدش ابدا يفتكر نفسه احسن من الامر احسن من الصحابة واراؤهم لنا احمد واولى بنا من ارائنا. عندنا لانفسنا. بيقول ده الشافعي واحد من
31:22العلماء في التاريخ الاسلامي قال لك في النهاية خالص اراء الصحابة على راسي انا من فوق ولازم احترم اراء الصحابة اكتر من رأيي انا نفسي قال لك وقبل كل شيء
31:36الفضل الاكبر بقى. هم الذين اختارهم الله لصحبة خاتم النبيين خلاص ناخد بقى اية النهاردة عشان ما نبقاش النهاردة ايه ما خدناش ايات خالص يا ايها الذين امنوا انما المشركون نجس فلا يقربوا المسجد الحرام بعد عامهم هذا وان خفتم عيلة فسوف يغنيكم الله من
32:01من فضله انشاء ان الله عليم حكيم الكلام هنا لمين بقى يا ايها الذين امنوا حلو اوي. دول اللي هم مين المهاجرين والانصار لا خلاص دلوقتي النداء ده بيشمل ناس كتير. ده بيشمل الطلقاء. بيشمل اهل مكة اللي لسة مسلمين اول امبارح وبيتعلموا يتوضوا. وبيتعلموا
32:23المضمضة والاستنفار بتعلمه فبيقول لهم من هنا ورايح المشركين مش هيدخلوا مكة تاني ومعزم اهل مكة اللي دخلوا الاسلام دول تجار ومعتمدين في رزقهم على التجارة وعلى السياحة الدينية الناس جاية عمرة وحج بتشتري من الدكاكين عندهم وبتعمل لما لما ربنا ينزل قرار ان ما فيش مشركين هيدخلوا خلاص
32:56هم كده هيقلقوا اول حاجة هيقلقوا عليها رزقهم حجيج بيجوا بالالاف في موسم الحج والعمرة. فلما ربنا يمنع المشركين. اول حاجة الانسان بيفكر فيها رجل الاعمال ايه؟ البيزنس بتاعه البيزنس بتاعه في مكة. هيفكر في
33:09على طول وربنا قبل ما يطمنهم على رزقهم بين لهم العلة ليه المشركين بالعقيدة الشركية بتاعتهم دي يعتبروا نجاسة لا تصح انها تكون في المسجد الحرام. يا ايها الذين امنوا انما المشركون نجس. نجاسة معنوية وليست مادية
33:36يعني ممكن المشرك ياخد دش ويستحمى ويحط برفان وبتاع ويبقى بيبرق كده. لكن الاعتقاد الشركي ده يجعل منه نجاسة. ما ينفعش يدخل المسجد الحرام ازا نجاسة معنوية بس. مش محتاج تغسل ايدك بعد ما تسلم على وشك. لأ عادي
33:55فلا يقربوا المسجد الحرام بعد عامهم هذا ما قالش فلا يدخل المسجد الحرام. لأ فلا يقربوا المسجد الحرام. يعني مكة كلها مش هيدخلوها. مش بس المسجد مكة كلها خايفين احنا بقى على البيزنس قال لهم وان خفتم عيلة فسوف يغنيكم الله من فضله ان شاء
34:22ان الله عليم حكيم طبعا البيزنس ممكن يتأثر ورجل الاعمال واي انسان متعود على مصادر دخل معينة لما يجد ان المصادر دي اتقفلت هيقلق واحد عنده مطعم وبيقدم خمور وواحد عنده فندق فاتح فيه ملهى ليلي وبيقدم خمور. عشان ينزل له قانون فجأة
34:47بيع الخمور من النهاردة اتوقف الملاهي الليلية تغلق هيقلق بس هو هيقفل هيمتثل لهذا ابتغاء مرضات الله. بس محتاج كمان يتوكل على الله. فربنا بيقول له وان خفتم عيلة يعني ان يبقى عندكم حمل مادي او عبء مادي
35:09انكم يقول لك متزوج ويعول. يعني عنده اعباء مالية. وان خفتم عيلة فسوف يغنيكم الله من فضله ان شاء ربنا هيغنيكم. توكلوا عليه. بس مش اكيد كمان انشاء يعني ازا ربنا شاء ان يعوض عليكم هيعوض عليكم. بس ممكن ما يعوضش برضو
35:34اه يتوقف على ايه بقى ان الله عليم حكيم عليم بمصلحتكم ومصلحة الاسلام. مش بالضرورة الفلوس والغنى يكون خير علشانك يعني لو الفلوس والغنى هتخلي حد من عيالك يشرب مخدرات ويدمن انت هتتمنى انك ما كنتش جت اصلا. وانك كنت عشت على قدك
35:56مين اللي يعلم الغيب الله سبحانه وتعالى عشان كده ربنا بيقول ايه وان خفتم عيلة فسوف يغنيكم الله من فضله ان شاء طب ده متوقف على ايه ؟ ان الله عليم حكيم
36:13والحكيم الذي يعلم ما في صالحكم فان كان يعلم ان في صالحكم ان يغنيكم فسيغنيكم ونتوقف هنا الليلة. اللهم انا نسألك حبك وحب من يحبك وحب كل عمل يقربنا الى حبك
36:30اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب اللهم اجعل حبك احب الينا من اهلينا واموالنا ومن الماء البارد على الظمأ. اللهم حببنا اليك والى ملائكتك
36:50وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك. وعبادك الصالحين اللهم احي قلوبنا بحبك. واجعلنا لك كما تحب. اللهم اجعلنا نحبك بكل قلوبنا. ونرضيك فبكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا
37:20ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناتي وحسناتكم جميعا. اللهم فاطر السماوات والارض عالم الغيب والشهادة. انت
37:40نحكم بين عبادك فيما كانوا فيه يختلفون. فبحق كل حرف في كتابك تلوناه او تدبرناه. اكفنا واهلينا واخواننا اخواتنا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا
38:00اللهم بحق كل حرف في كتابك تلوناه او تدبرناه ايد بنصرك المرابطين في الارض المباركة فلسطين. اللهم سدد رميهم وخيب رمي عدوهم وتقبل شهداءهم وانصرهم في جهادهم مع اخواننا في تركستان الشرقية وفي الشام وفي كشميرا وفي الهند
38:21وانصر من نصرهم واخذل من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك
38:41وتوحدت على دعوتك وتعاهدت على نصرة شريعتك. فوثق اللهم رابطتها. وادم ودها واهدها يا سبلها واملأها بنورك الذي لا يخبور واشرح صدورها بفيض الايمان بك وجميل التوكل عليك واحيها يا ربنا بمعرفتك وامتها يا مولانا على الشهادة في
39:05سبيلك انك نعم المولى ونعم النصير. وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله نراكم غدا باذن الله في نفس هذا الموعد ان كنا من اهل الدنيا