فيديو ٧٩٤ من مقاطع حظر التجول تدبر آل عمران حلقة ٣٦ الآيات ١٢١ - ١٢٢
0:00السلام عليكم ورحمة الله وبركاته. اهلا بحضراتكم في المقطع رقم سبعمية اربعة وتسعين من مقاطع حظر التجول والحلقة السادسة والثلاثون من حلقات تدبر سورة ال عمران. هنبدأ بقى النهاردة ايات غزوة احد
0:21حوالي ستين آية طبعا غزوة احد من اهم غزوات الرسول صلى الله عليه وسلم بس بعض المسلمين ارتبطت عندهم غزوة احد بالمعاني السلبية الهزيمة او حتى يعني اسم احد ممكن يعني يتشائموا منه كده ما بيحبهوش
0:43مرتبط في ذهنهم بشيء سلبي حصل للمسلمين عارفين طبعا غزوة احد استشهد من جيش قوامه سبعميت واحد استشهد سبعين. يعني عشرة في المية من الجيش. يعني كانت لأ هزيمة ثقيلة. ويمكن في ناس ما تحبش تسميها هزيمة. لكن
0:59هي كانت هزيمة ثقيلة اه صحيح قريش ما حققتش فيها نتائج كبيرة. ما دخلتش المدينة ما خدتش غنائم. ما خدتش اسرى. ايوة لكن قتلت عشرة في المية من الجيش شيء طبيعي ان الناس تحب الانتصارات
1:16تتفائل كده بغزوة بدر كلمة بدر فتح مكة خليني اقول لكم بقى رأيي الشخصي للموضوع ده انا رأيي الحقيقة ان فتح مكة بدأ في احد فتح فارس وانتصار المسلمين بقيادة سعد ابن ابي وقاص في القادسية بدأ في غزوة احد
1:40سقوط الدولة الرومانية وانتصار لابن الوليد في غزوة احد انتصار صلاح الدين الايومي بعدها بست قرون عصريين في اليرموفياح الطين بدأ بغزوة احد يوم غزوة احد كان يوما من ايام الله
2:07المسلمين اخدوا فيه اكبر درس في حياتهم وهو ان مخالفة اوامر رسول الله لن تؤدي الا الى سحب البركة بركة ربنا ونصرته وتأييده كل ده يتسحب من تحت اقدام المسلمين اذا خالفوا السنة اذا خالفوا اوامر النبي
2:32صلى الله عليه وسلم كأن النبي عليه الصلاة والسلام كان يشعر ان الناس في وقت من الاوقات سيرتبط عندها اسم احد بامور سلبية او بالهزيمة او كده وقال صلى الله عليه وسلم
2:51احد جبل يحبنا ونحبه حديس صحيح رواه البخاري خليني اديكم نبذة عن الوضع قبل غزوة احد كلنا عارفين طبعا ان المسلمين انتصروا انتصار باهر في غزوة بدر. سبعتاشر رمضان سنة اتنين هجريا
3:15رمضان ده شهر تسعة في السنة الهجرية. يعني اواخر السنة الثانية بعد الهجرة قتل من قريش سبعين واسر سبعين عارفين يعني ايه جيش قوامه الف رجل يموت منه سبعين ويؤسر منه سبعين
3:36هزيمة ثقيلة منيوا بها قريش. والمسلمين استشهد منهم اربعتاشر شهيد فسورة قريش اهتزت وسط القبائل في الجزيرة العربية فمن الاسباب السياسية غزوة احد وان قريش ارادت انها تطلع وتنتقم وتسترد الهيبة بتاعتها وسمعتها اللي ادمرت بعد احد بعد بدر
4:04ما دام الاسباب السياسية لغزوة احد. هناك سبب اقتصادي كمان. وهو ان تواجد المسلمين على شاطئ البحر كل شوية اقطعوا طريق القوافل عمل مشكلة وقريش لم تخرج منها ولا قافلة للشام لمدة سنة
4:23هم معتمدين على بيع السلع اللي بيجيبوها من اليمن اصلا في الشام. فطالما بقى مش هيروحوا الشام يبقى السلع اللي جابوها من اليمن مش هتتباع كلها وبقوا في حالة سيئة جدا اقتصاديا. ازا هناك اسباب اقتصادية
4:40تضغط على قريش علشان آآ آآ تقاتل المسلمين في ايه وتطلع غزوة احد قرر قادة قريش الخروج الى المدينة لقتال المسلمين. وجهزوا جيش بيقوده ابو سفيان وخالد ابن الوليد على سلاح الفرسان
5:04عددهم كان متين فارس. ومعه عمرو بن العاص وعكرمة بن ابي جهل على الميمنة والميسرة. يعني كان بيقول القادة الاربعة بتوع الجيش. ابو سفيان واحد خالد ابن الوليد عمرو بن العاص عكرمة بن ابي جهل
5:20خلي بالك الاربعة دول بقوا مسلمين بعد كده الجيش تكلف تجهيزه خمسين الف دينار دهب واللي مولوه التجار فيه اسباب اقتصادية خرج جيش قوامه تلت تلاف كلهم راكبين جمال. جيش متكلف
5:43رجال المخابرات الاسلامية في مكة ارسلوا رسالة للنبي عليه الصلاة والسلام يحذروه من جيش تحرك بالفعل او في الطريق له قوته كزا عدد مقاتليه كزا اسلحته كزا كل حاجة طبعا رجل المخابرات الاول للنبي صلى الله عليه وسلم هو عمه العباس ابن عبدالمطلب
6:08وارسل شاب مسلم يخفي اسلامه قطع المسافة اللي بين مكة والمدينة حوالي خمسميت كيلو في تلات تيام. ده رقم قياسي ودخل على النبي صلى الله عليه وسلم في مسجد قباء. وسلمه الرسالة
6:25النبي شاف الرسالة دي ترك المسجد وادعى الناس كلها ترجع على المدينة وجمع اهل المدينة كلهم في المسجد النبوي رجال ونساء وبلغهم عندنا معلومات ان جيش قوامه تلت تلاف رجل اتحركوا من مكة خلاص بالفعل وهم في الطريق
6:48مسلحين تسليح عالي. عدد الفرسان متين فارس. ده في بدر كانوا ستين دول متين فارس المسلمين في بدر كان عندهم واحد فارس واحد بس في احد كان عندهم اربعة اربعة
7:04لكن برضه التانيين متين فارس ده غير كده بقى المقاتلين الباقيين كلهم على جمال نص رسالة العباس كالاتي دي نص الرسالة ان قريشا قد اجمعت المسير اليك فما كنت صانعا اذا حلوا بك فاصنعه
7:27وقد توجهوا اليك وهم ثلاثة الاف. وقادوا مائتي فرس ومعهم متين فرس. يعني فيه متين منهم هيبقوا فرسان وفيهم سبعمائة دارع سبعمية منهم لابسين دروع كاملة وثلاثة الاف بعير واوعبوا من السلاح معهم اسلحة
7:52ما تعدش في الحرب زمان الفارس بقوة مائة راجل. راجل يعني مقاتل مشاه. ماشي على رجلين اسمه راجل والدارع يعني اللي على رجليه لكنه معه درع او لابس دروع ده بقوة عشر رجالة
8:16القوة المرة دي اكبر بكتير جدا من جيش غزوة بدر. يعني بس المتين فارس دول اضربهم في في مية يعملوا عشرين الف زود عشرين الف على قوة الجيش التلات الاف
8:32والسبعميت دارع اضرب في عشرة ادي سبع تلاف. يعني زود سبعة وعشرين الف على الفين وتلتمية شوف بقى عندك على الفين يعني انت بتتكلم على قوة تلاتين الف شخص ما فيش ضخم
8:48القوة المرة دي اكبر بكتير جدا جدا جدا من جيش غزوة بدر فالنبي صلى الله عليه وسلم اخد رأي الناس وقال صراحة كده انا شايف وقال رأيه انهم ما يخرجوش لمواجهة هذا الجيش. ويستفيدوا من معرفتهم بطرق وسكك المدينة
9:08فيتركهم يدخلوا المدينة عليهم ثم يقاتلوهم حرب شوارع هيقدروا ينصبوا لهم الفخاخ في المدينة حتى النساء والاطفال ممكن يشاركوا في القتال من فوق اسطح البيوت بالقاء الحجارة على الغزاة معظم الناس
9:32لم يتفقوا على هذا ما ما عجبهمش الرأي ده. رأي النبي عليه الصلاة والسلام بس ما عجبهمش شافوه آآ شكله مش حلو في حقهم. انهم يسيبوهم يدخلوا عليهم المدينة لأ لأ
9:45المفروض يطلعوا يواكوهم الشجاعة اللي بس رأي النبي كان فيه اتزان. مين اتفق مع النبي؟ تصوروا مين وتمسك جدا بهذا الرأي عبدالله بن ابي بن سلول رأس النفاق شاف ان ده عين العقل وردد نفس كلام النبي وقال ده عين العقل وده الصح واخرين من الكبار العقلاء قالوا نفس الكلام. المفروض ما نخرجش
10:12ننتظر ونقاتل جوة المدينة هنكسبهم جوة المدينة كان عبدالله بن ابي بن سلول رأس النفاق السبب الحقيقي في انه كان مش عاوز يخرج وان لو خرجنا جيش هيبان مين خرج ومين خرج ما خرجش
10:31لكن لو بنقاتل في المدينة قتال شوارع ما حدش عارف مين قاعد في بيته ومين بيقاتل ؟ ساعتها المنافقين هيقعدوا في بيوتهم ولن ينكشف امرهم ده قتال بقى من بيت لبيت من شارع لشارع على رأي القزافي زنقة زنجة
10:48واتعمل تصويت واتشاف رأي الناس ايه والاغلبية قالوا نخرج ونواجههم خارج المدينة لان دي اهانة لكرامتنا لو دخلوا علينا المدينة. وادلت النساء باصواتها زي الرجال والاغلبية الساحقة صوتت لصالح الخروج ومقابلة الكفار خارج المدينة
11:11هنا في درس وهو قبول القائد لرأي الاغلبية. حتى لو مخالف لرأيه ما يستبدش برأيه ان الاغلبية صوتت ضد اقتراح النبي عليه الصلاة والسلام وده يوريك مساحة الحرية اللي الصحابة كانوا واخدينها
11:30وحجم المشاركة الشعبية في اتخاز القرار قرار مصيري تخص الامة كلها ايضا كان في سبب نفسي وراء هذا التصويت وهو ان معزم الصحابة ما كانوش شاركوا في غزوة بدر ان غزوة بدر ما كانش التجنيد فيها اجباري. غزوة احد اجباري. الله! ده الامة بتتعرض لغزو. لكن غزوة بدر ما كانش
11:56اجباري هم اصلا ما كانوش خارجين يقاتلوا. كانوا خارجين للاستيلاء على القافلة بتاعة قريش ثم تطور الامر الى معركة فكتير من الصحابة اللي ما شاركوش شعروا بالمرارة وبالندم انهم لم يشهدوا اول غزوة اول قتال مع النبي عليه الصلاة والسلام
12:18وخافوا لو قعدوا جوة المدينة ان قريش تخاف انها تتقدم وتدخل المدينة هم عاوزين قتال عشان ينالوا هذا الشرف ما حضروش القتال الاولاني فاختاروا انهم يخرجوا بحيس يصبح من المؤكد ان فيه قتال
12:37شوفوا اقبال الناس على القتال كان عامل ازاي. ويبقى امر واقع بقى منهم مين بقى ؟ انس ابن النضر سيدنا انس ابن النضر لما عاد الصحابة من بدر وحكوا عن هذا اليوم العظيم
12:54والنصر العظيم نصر بدر سيدنا انس ابن النضر حزن حزن شديد وقال يعني معقول كده اول مشهد مع رسول الله صلى الله عليه وسلم يفوتني والله لو كتب الله لي قتالا مع رسول الله ليرين الله مني ما يحب
13:18اقسم انه هيوري ربنا شيء ربنا يحبه. هيوري ربنا منتهى الشجاعة في القتال وبالفعل في احد لما طلعت شائعة ان النبي صلى الله عليه وسلم قتل. لان فيه كافر اسمه
13:34ابن قمأة قتل سيدنا مصعب ابن عمير ومصعب ابن عمير لما بيلبس ملابس الحرب والخوزة بتاعة الحرب بيشبه النبي عليه الصلاة والسلام ويبدو ان الخزى بتاعته والدرع بتاعه شبه لبس ملابس النبي بتاعة القتال
13:51فلما قتله قال قتلت محمدا كسرت الشائعة الاشاعة طلعت وانتشرت وسط الناس ووسط الجيوش ان النبي مات فانهزم القوم يعني بدأوا يرجعوا خلاص انا عايز اقول لكم كانت الصحابية تفتح لجوزها ايه في ايه انت راجع ليه
14:12بيبكي النبي مات. مات؟ طب انت جاي ليه ؟ روح موت على ما مات علي انس ابن النضر اتشاف وهو شايل سيفه الناس بتنهزم خلاص بتتراجع. وهو شايل سيفه منطلق لوحده داخل جيش الكفار
14:27احد الصحابة مسكه من كتفه فقال له رايح فين خلاص خلصت النبي مات قال دعني اموت على ما مات عليه والله اني اشم ريح الجنة وراء احد وانطلق يقاتلهم وحده
14:45بعد المعركة لم يستطيعوا التعرف على جثته فيه سبعين طعنة سيف ورمح في النصف العلوي من الامام يعني ما ادهمش ضهره قدروا يميزوا ان دي جثته ازاي؟ اخته تعرفت عليه من وحمة في صباعه
15:05ونزلت فيه اية اية من القرآن تتلى الى يوم القيامة اية الاحزاب واحد وعشرين من المؤمنين رجال صدقوا ما عاهدوا الله عليه فمنهم من قضى نحبه انس ابن النضر. ومنهم من ينتظر وما بدلوا تبديلا. ايه العهد اللي عهد عليه ربنا
15:31لو كتب الله لي قتالا مع رسول الله ليرين الله مني ما يحب ده كان احدس احد المواقف اللي في احد غزوة احد غنية جدا جدا جدا بالمواقف هناخد كده كل مرة موقف او اتنين
15:49طبعا ده كان اول تصويت لما خدوا الاصوات لان اول مرة النساء تدلي بصوتها في التاريخ اول تصويت للنساء في امريكا سنة الف وتسعمية وعشرين بعد ما حركة السفراجيت قدرت تنتصر في القضية اللي رفعها في المحاكم. وفي بريطانيا
16:07الف وتسعمية تمانية وعشرين السفرجات دول جاهدوا جهاد شديد عشان يقدروا ينتزعوا حق التصويت للنساء وعملوا واعتقلوا وعملوا مزاهرات وكانوا في بريطانيا كانوا بيكسروا زجاج المحلات يعني المسألة وصلت الى سورة عنيفة من النساء
16:28عشان ينتزعوا من الرجال حقهم في التصويت الاسلام اسلام اعطى المرأة الحق في التصويت قبل ده باربعتاشر قرن من غير سورة نسائية ولا اعتقالات للنساء ولا الكلام ده خالص بدون ما احد اصلا يمن على النساء ده حقهم
16:48اول تصويت للنساء في فرنسا الف تسعمية اربعة واربعين اول تصويت للنساء في سويسرا الف وتسعمية واحد وسبعين هذا حقهم اللي ربنا اداه لهم فدخل النبي صلى الله عليه وسلم
17:07بيت عائشة وخرج لابس لقمة الحرب خارجين هنخرج من المدينة ونقابلهم يعني الخوزة والمغفر واللبس بتاع الحرب. الدروع في الوقت ده هو في بيت عائشة رضي الله عنها بيجهز نفسه
17:29كان الصحابة بيتناقشوا فندموا قالوا مش معقول احنا ايه اللي عملناه ده احنا اجبرنا النبي عليه الصلاة والسلام على انه ينزل على رأينا احنا ضد رأيه هو يا جماعة وعملوا تصويت تاني
17:45والناس كلها اتفقت انها تقول للنبي عليه الصلاة والسلام خلاص احنا سحبنا رأينا اعمل اللي انت عاوزه خرج قالوا له لا نريد ان احنا نكون اجبرناك على فعل لا تريده. لذلك افعل ما ترى يا رسول الله. خلاص خلينا نبقى ننتظرهم في المدينة
18:03فقال النبي صلى الله عليه وسلم لا ما كان لنبي ان يرتدي لئمته للحرب ثم يخلعها حتى يقضي الله في امره خلاص القرار تم بحثه. وتم مناقشته وتم التصويت عليه. لا يجب ان احنا نتردد
18:23فاذا عزمت فتوكل على الله. خلاص توكلوا على الله درس تاني في في عدم التردد اقرا بقى معي الاية مية واحد وعشرين واذ غدوت من اهلك تبوأ المؤمنين مقاعد للقتال. والله سميع عليم
18:44واذ غدوت من اهلك غدا يعني خرجت الصبح بدري اول ساعة الصبح كده هي دي الغداة واذ غدوت من اهلك واذ اذكر اذكر افتكر يا محمد لما خرجت الصبح بدري من اهلك يعني من بيت زوجتك من بيت عائشة
19:03واذ غدوت من اهلك تبوء المؤمنين مقاعد للقتال يعني توزع المؤمنين كل واحد في مكانه. مقاعد مكان. موقف مكان يقف فيه. مقعد مكان يقعد فيه. دليل هو مش هيقعد لكن دليل على عدم التحرك من هزا المكان
19:24وزع الناس وزع الرماة اربعين واحد مسكين السهام والنبال تحت قيادة عبدالله بن جبير على جبل اسمه عينين قدام احد على طول يبقوا كاشفين ساحة المعركة وقال لهم انتم كل شغلتكم
19:47تفضلوا تضربوا الخيول المتين فارس بالنبل هو كل اللي كان قلقان منه النبي الميتين فارس اللي بقيادة خالد ابن الوليد وهم دول اللي عملوا فعلا سببوا او يعني يعني يعني يعني جابوا النصر هم دول
20:07النبي كان قلقان منهم وقال كل شغلتكم يا رماة انكم تقعدوا هنا لا تبرحوا قال لهم كده. ان رأيتمونا تخطفنا الطير فلا تبرحوا مكانكم هذا. حتى ارسل اليكم. لو شفتونا بننهزم وبنقتل كلنا. ما حدش منكم يمشوا من مكانه
20:25تفضلوا تنضحوا الخيول بالنبل تفضلوا اضربوا الخيول بالنبان وان رأيتمونا هزمنا القوم ولو احنا اللي هزمنا القوم واوطئناهم دسنا عليهم فلا تبرحوا ايضا حتى ارسل اليكم انتم كده كده ما تسيبوش مكانكم تحت اي
20:50ظرف كسبنا خسرنا ما لكوش دعوة. انتم فوق هزا الجبل كاشفين ساحة المعركة بترموا العدو بالسهام والنبال فقط. وركزوا على الخيول ما فيش حاجة واضحة اكتر من كده وقال لا يقاتلن احد حتى امره بالقتال
21:11مش هنبدأ القتال الا لما الا مع الامر بتاعي. ما حدش يضرب الا لما اعطيكم الامر وقال لامير الرماة اللي هو قلنا عبدالله بن جبير انضح الخيل عنا بالنبل. لا يأتونا من خلفنا واثبت مكانك ان كانت لنا او علينا. مش ممكن
21:33تكرار اكتر من كده والتأكيد اكتر من كده. النبي عليه الصلاة والسلام في ميدان المعركة قائد حاسم اوامره واضحة جدا. بيرسم المعركة وبينفز خطته بدقة كمل بقى كده اخر آآ مية واحد وعشرين ويوصل بمية اتنين وعشرين
21:53والله سميع عليم اذ هم طائفتان منكم ان تفشلا. والله وليهما وعلى الله يتوكل المؤمنون عبد الله ابن سلول ابن ابي ابن سلول انسحب بتلت الجيش تلتمية من الالف انسحبوا معه
22:12الالف راجل قدر رأس النفاق انه يقنع تلتميت راجل يرجعوا معه الى المدينة ويرتكب كبيرة من افظع الكبائر في الاسلام. وهي كبيرة التولي يوم الزحف عارفين في الجيوش كل جيوش العالم
22:31اللي يتولى اللي اللي ياخد قرار انه يسيب المعركة ده يطلق عليه الرصاص يعدم رميا بالرصاص في وسط المعركة دي كبيرة من كبائر الاسلام بقى اسمها تولي يوم الزحف كان في طائفتين من المؤمنين بيشاوروا عقلهم يرجعوا معه
22:50ولكن الله سميع عليم. بانهم مؤمنين. ومش منافقين. والمسألة كلها كانت شوية ضعف وخوف. فربنا ثبتهم. الطائفتين دول هم بنو سلمة بنو سلمة وبنو حارثة. من الاوس والخزرج اذ همت طائفتان منكم ان تفشلا الفشل هو الجبن والخور
23:13والله وليهما وعلى الله فليتوكل المؤمنون. ربنا عصمهم من الوقوع في هذه الكبيرة وثبتهم وجعلهم من المتوكلين عليه وبالفعل توكل على الله المتوكلون في هذا اليوم السبعمية اللي بقوا فما معنى بقى فليتوكل المؤمنون
23:38هل معناها يترك الاعداد والتدريب والتخطيط ويقعدوا يقرأوا قرآن ويدعوا ربنا انهم ينتصروا لا ده اسمه تواكل مش توكل ده حرام اصلا ده تواكل التوكل ان الانسان يأخذ بالاسباب اسباب النجاح وكأن الاسباب هي كل شيء
24:04ثم يتوكل على الله وكأن الاسباب لا شيء ربنا لم يطالب المؤمنين انهم يبقوا اقوى في العتاد من الكفار ابدا ولا طالب المؤمنين يبقوا اكثر في العدد من العدو ابدا
24:22امال طالب المؤمنين بايه في سورة الانفال واعدوا لهم ما استطعتم من قوة ومن رباط الخيل. ده كل اللي ربنا طلبه مننا نعد كل ما نستطيع القوة ومن رباط الخيل رباط الخيل مش الخيل
24:42يعني الحظائر بتاعة الخيل اللي بتبات فيها لان لو قال من الخير يبقى افضل نركب خيل. لكن الحظائر فيها الخيل بعد فترة هيبات فيها الدبابات وبعد فترة يبات فيها الطائرات حظائر الطائرات. فربنا طلب مننا الاعداد الاخذ بالاسباب. خلاص؟ اخدته
25:06الاسباب تمام اعديتم نفسكم خططتم كويس تضرعوا الى الله بقى كونوا فرسانا بالنهار رهبانا بالليل. وكأن الاسباب لن تفعل شيئا. وفعلا الاسباب مش بتعمل حاجة الدواء ما بيخففش حد الشفاء الذي يضع الله في الدواء هو اللي بيشفي
25:30والدليل هات كده شخصين من نفس الجنس ولهم نفس الوزن ومصابين بنفس المرض وعندهم نفس الزروف الصحية واديهم نفس الدواء ممكن واحد يخف والتاني يموت يبقى مش الدواء اللي بيشفي
25:46الله هو الشافي ولكن اخد الدواء هو اخذ بالاسباب. وعدم الاخذ بالاسباب مخالفة للدين ومخالفة للسنة فانت تاخد بالاسباب وتروح لاحسن دكتور وتاخد الدواء في ميعاده وكأن الاسباب دي هي اللي هتعمل كل حاجة
26:05بعد ما تعمل الاسباب تتوكل على الله وكأن الاسباب ما بتعملش ولا حاجة بهذه الطريقة المسلمين حققوا انتصارات باهرة في كل معاركهم ضد اكبر دولتين في العالم. الروم والفرس. كانوا دايما يعدوا نفسهم اعداد جيد
26:21ودايما كانت جيوشهم اقل في القوة وفي العدد عشرات المرات. من الروم والفرس ودايما كان النصر حليف المسلمين علشان كده علشان كانوا بيعدوا جيدا ويتوكلوا على الله علشان نفزوا دي
26:45وعلى الله فليتوكل المؤمنون ونتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب. اللهم اجعل حبك
27:06احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احي قلوبنا بحبك. واجعلنا لك كما تحب
27:32اللهم اجعلنا نحبك بكل قلوبنا. ونرضيك بكل اجسادنا. اللهم اجعل حبنا كله لك. وسعينا كله في مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل
28:00هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون وبحق كل حرف في كتابك تلوناه او تدبرناه اكفنا واهلينا واخواننا واخواتنا شر كل من يكيد لنا ولهم واحفظنا واياكم
28:23فهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. اللهم
28:41سدد رميهم وخيب رمي عدوهم. وكن مع اخواننا في تركستان الشرقية وفي الشام وفي كشميرا وفي سريلانكا وفي الهند سوريا ربي من صرخذل يا رب من خذلهم وطهر المسجد الاقصى من الدنس فانهم لا يعجزونك
29:01واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك وتعاهدت على نصرة شريعتك
29:20فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا على الشهادة في سبيلك. انك
29:40المولى ونعم النصير. وصل اللهم وسلم على محمد وعلى اله وصحبه ومن تبع هداه. والسلام عليكم ورحمة الله نراكم غدا بازن الله في نفس هذا الموعد ان كنت