فيديو # ٧٧٢ من مقاطع حظر التجول تدبر آل عمران حلقة ١٤ الآيات ٣٧- ٤١
0:01السلام عليكم ورحمة الله وبركاته. اهلا بحضراتكم في المقطع رقم سبعمية اتنين وسبعين من مقاطع حظر التجول. والحلقة الرابعة عشر من حلقات تدبر سورة ال عمران ارجو من حضراتكم تجيبوا المصاحف
0:24وشفنا امبارح امرأة عمران وهي بتتضرع الى الله بعد ما ولدت مريم وحزنت لانها خلفت بنت مش ولد لانها كانت تريد انها تفرغه للعبادة آآ وخدمة بيت المقدس وعادة الاولاد هم الذكور هم اللي بيفرغوا وبيسموهم بيحرروا
0:51معي كده الاية خمسة وتلاتين والستة وتلاتين عشان نفتكر السياق اعوذ بالله السميع العليم من الشيطان الرجيم اذ قالت امرأة عمران اقرأ اذ قالت امرأة عمران ربي اني نذرت لك ما في بطني محررا فتقبل مني
1:15انك انت السميع العليم فلما وضعتها قالت ربي اني وضعتها انثى والله اعلم بما وضعت. وليس الذكر كالانثى. واني سميته ومريم واني اعيدها بك من الشيطان الرجيم كل ده احنا تدبرناه امبارح
1:55وشفنا اخلاصها في الدعاء كان سبب في قبول ربنا ازاي. اقرا بقى معي من اول الاية سبعة وتلاتين. ومن هنا بنبدأ تدبر ايات حلقة الليلة فتقبلها ربها بقبول حسن وانبتها نباتا حسنا وكفلها زكريا
2:19وكفلها زكريا كلما دخل عليها زكريا المحراب وجد عندها رزقا قال يا مريم ان لك هذا قالت هو من عند الله ان الله يرزق من يشاء وبيغير حساب هنالك دعا زكريا ربه. قال رب هب لي من لدنك ذرية طيبة
2:59انك سميع الدعاء فنادته الملائكة وهو قائم يصلي في المحراب. ان الله يبشر ان الله يبشرك بيحيى مصدقا بكلمة من الله مصدقا بكلمة من الله وسيده وحصورا قال ربي انا يكون لي غلام وقد بلغني الكبر وامرأتي عاقر
3:43ولك ذلك الله يفعل ما يشاء قال ربي اجعل لي اية. قال ايتك الا تكلم الناس ثلاثة ايام الا واذكر ربك كثيرا وسبح بالعشي والابكار تعالوا بقى ايه ناخدها كده من اول الاية
4:13سبعة وتلاتين الاية سبعة وتلاتين قلنا نتيجة هذا الدعاء المخلص ربنا تقبل منها السيدة مريم. مع ان في شريعتهم كان المحرر وقلنا يعني ايه؟ هو اللي الذكور فقط فتقبلها ربها بقبول حسن
4:54يعني ربنا تقبلها واوحى لزكريا بصفته النبي من انبياء بني اسرائيل انه يجوز انها تحررها كما يحرر الذكور وانها تهبها للعبادة والخدمة في بيت المقدس. كما يفعل مع الذكور وانبتها نباتا حسنا. يعني ايه انبتها نباتا حسنا
5:19يعني ربنا انشأها ورباها تربية حسنة الظاهر والباطن يعني من جواها نضيفة ومن برة نضيفة. طاهرة مطهرة انتم متخيلين يعني ايه امرأة هي اطهر نساء العالمين بنص القرآن وبنص السنة هي احدى اربع نساء كاملات. ما فيش فيهم غلطة
5:46ما فيش فيهم عيب ولا عيب واحد هي السيدة مريم بنت عمران واسيا امرأة فرعون خديجة بنت خويلد فاطمة الزهراء بنت محمد صلى الله عليه وسلم ربنا بيقول على السيدة مريم وانبتها نباتا حسنا
6:08يعني ربنا انبتها زي النبات الغض الطري. ربنا هو اللي رباها متخيلين اجمل نساء العالمين اخلاقا وطباعا هتبقى عاملة ازاي ربنا بصوا في في ال عمران ربنا قال لها واذ قالت الملائكة يا مريم ان الله اصطفاك
6:39يعني اختارك من بينكم بعد التصفيات انت اللي اصطفاك وطهرك واصطفاك تاني على نساء العالمين هذه الاية على فكرة بيحتج بها الامام القرطبي في الجامع لاحكام القرآن. التفسير القرطبي التفسير المشهور
7:03بيحتج بها وبينتصر للرأي اللي بيقول بنبوة مريم بنت عمران في رأيي عند علماء اهل السنة والجماعة ان السيدة مريم كانت نبية طبعا الجمهور انها كانت صديقة فقط مش طبيعية
7:21لكن هذا رأي موجود عند اهل السنة والجماعة لان هناك تلات انواع من الوحي يا جماعة النوع الاول هو وحي المنام تاني وحي الالهام التالت الوحي الجلي وحي المنام ان ربنا يوحي لحد في منامه يخليه يشوف رؤية
7:44وده ممكن يحصل للمؤمن والكافر زي رؤيا الملك في سورة يوسف لما رأى سبع بقرات سمان يأكلهن سبع عجاف. ده كان ملك كافر. لكنه ربنا اوحى له في المنام برؤية معينة
8:00في وحي الالهام. وحي الالهام ده ما يشترطش حتى يبقى انسان. يعني ربنا بيقول في سورة النحل واوحى ربك الى النحل ان اتخذي من الجبال بيوتا ومن الشجر ومما يعرشون
8:17النحل هنا يعني حشرة النحل ربنا اوحى للنحل انهم يتخذوا من الجبال بيوت يعني ربنا ممكن يلهم الهم هذا هذا هذه الحشرة او هذا المخلوق انه يعيش بطريقة معينة يبني بيوته بطريقة معينة هذا الهام
8:41لكن الوحي الجلي هو ان ربنا يرسل رسالة الى انسان لازم يكون مؤمن ومن خلال الملائكة ده لا يحدث ولم يحدث الا للانبياء للانبياء والسيدة مريم كلمها الانبياء الملائكة كثيرا
9:07ان الملائكة تكلم بشر ده بيحصل للانبياء الملائكة كلمت السيدة مريم كثيرا يعني في الصورة دية وفي صورة آآ مريم واذ قالت الملائكة يا مريم ان الله اصطفاك وطهرك واصطفاك على نساء العالمين
9:27المعترضين على الرأي ده بيقولوا يا جماعة لا يمكن ان يبقى فيه نبي الا لو كان رجل. والدليل سورة الانبياء الاية سبعة ربنا بيقول فيها وما ارسلنا قبلك. قبلك يا محمد
9:44الا رجالا نوحي اليهم صحيح لكن من قال ان السيدة مريم كانت رسولة احنا بنقول نبية الاية بتقول وما ارسلنا قبلك الا رجالا. يعني ما فيش رسل الا رجال. ارسل رسولا برسالة
10:05مختلف تماما عن نبأ نبيئا بنبوءة. نبيا يعني نبي. نبأ نبيا بنبوءة كل رسول نبي لكن مش كل نبي رسول هذه الآية تدل الاية اللي هي وما ارسلنا قبلك الا رجالا نوحي اليهم
10:28تدل على ان الرسل كانوا كلهم من الرجال وده لان الرسول مطالب انه يروح ويبلغ الرسالة الى قومه وبالتالي سيواجه بشدة ويعذب وبعض الرسل قتلوا ذبحوا زكريا ويحيى وانبياء يعني كتير برضه لكن اما النبي مش بالضرورة انه يبلغ
10:53النبي بيؤتى علم وممكن يجلس في بيته والناس تأتي الى بيته تتعلم زي العلماء لكن لو ربنا ارسل امرأة رسوله واصبحت مطالبة بالوقوف في وجه صناديد الكفر والطغاة. لأ ممكن تغتصب
11:12وبالتالي قول الله تعالى وما ارسلنا قبلك الا رجالا نوح اليهم ليس دليلا ابدا على عدم نبوة مريم ودليل على عدم رسالة يعني هي ما كنتش رسولا وما حدش ادعى انها كانت رسول
11:30طيب يقول لك لأ فيه دليل تاني وهو قول الله تعالى في سورة المائدة ما المسيح ابن مريم الا رسول؟ قد خلت من قبله الرسل وامه صديقة لك اهو احنا هنخالف القرآن ليه ؟ القرآن قال صديقة ما قالش نبيا
11:56نقول له وهل يمنع ان الانسان يبقى نبي وصديق في نفس الوقت دي حاجة تامنة طب ايه رأيك بقى ان في اتنين ربنا وصفهم انهم انبياء وصديقين في نفس الوقت
12:11سيدنا ابراهيم وسيدنا ادريس. اتفضل واذكر في الكتاب ابراهيم انه كان صديقا نبيا صديقا نبيا واذكر في الكتاب ادريس انه كان صديقا نبيا عارفين الايتين دول في سورة ايه تخيلوا سورة مريم
12:36وكأن الرسالة هي انه كون ان مريم صديقة هذا لا يمنع انها تكون نبية ايضا. ده ابراهيم وادريس ذكروا في نفس السورة نفسها من دون المية واربعتاشر صورة. صورة مريم انهم انبياء وصديقين في نفس الوقت
12:54يعني صورة يرد بها هذا الوصف مرتين في القرآن. ولم يأت في اي مكان او في اي موضع اخر في القرآن الا في سورة مريم. صديقا نبيا لم تأتي الا مرتين والاتنين في سورة مريم
13:09هناك خلاف اه على ام موسى مسلا دي مش واضح. الوحي بالنسبة لها كان وحي الهام ولا وحي جلي عن طريق الملك؟ لأ يعني ما فيش حاجة بتقول ان الملك
13:19كلمها الاية عندنا في سورة القصص واوحينا الى ام موسى واوحينا الى ام موسى الوحي لها كان عن اي طريق احنا ما نعرفش عن ارضعيه فاذا خفت عليه فالقيه في اليم. ولا تخافي ولا تحزني انا رادوه اليك
13:41من المرسلين بس اقول لكم بصراحة انا شخصيا اقول انا اعتقد انها ايضا كانت نبية انه حدث انك تاخد ابنها وتحطه في صندوق وترميه في الماية ده مش شيء طبيعي واحدة ما هياش نبية هتشوفه في منام فتروح تعمله
14:00يعني ايا كان طريقة الوحي. يعني لو عن طريق المنام او الالهام ما فيش حد هياخد ابنه يرميه في الماية. الا لو وحي واضح جلي او هو بقى نبي لكن ما نقدرش برضو نتأكد كانت نبية ولا لأ ؟ عايز اقول لكم ان عند اليهود هي كانت نبيا. اليهود عندهم تمن نبيات
14:21ليس منهم مريم طبعا ام المسيح بيسبوها سب قزر جدا وبيتهموها بالزنا لكن منهم مريم اخرى اللي هي اخت موسى وهارون. اللي مشيت على الشاطئ ودلتهم على المرضعة. دي عندهم هي نبية يعني. وربنا امرنا ان احنا لا نصدقهم ولا نكذبهم
14:41وليس معنى انهم بيقولوا ان عندهم نبيات يبقى احنا لازم نخالفهم. لأ مش صحيح عموما لو مضايقك اوي الرأي ده وهو رأيي من اراء علماء اهل السنة عشان تبقوا عارفين انا مش جايب لكم رأي بتاع ناس بتاع فرقة منحرفة لأ
14:57لكن مش رأي الجمهور بمنتهى الصراحة يعني لو مضايقك اوي سيبك منه خلاص. يعني هو مش من اساسيات العقيدة يعني. انك تؤمن او ما تؤمنش ان كان السيدة مريم نبية ولا لأ ؟ مش مش حاجة اساسية يعني. وارد ممكن نختلف في امر زي ده
15:12طيب نكمل بقى الاية سبعة وتلاتين فتقبلها ربها بقبول حسن وانبتها نباتا حسنا وكفلها زكريا كلما دخل عليها زكريا المحراب وجد عندها رزقا. قال يا مريم انى لك هذا قالت هو من عند الله ان الله يرزق من يشاء بغير حساب
15:39ربنا تقبلها تفرغ للعبادة في بيت المقدس وربنا انبتها نباتا حسنا. يعني ربنا رباها تربية حسنة وربنا مم كفلها زكريا يعني جعل كفالتها لان ابوها ميت وعند زكريا زكريا يبقى الزوج خالتها
16:05زوج خالتها يعني زوجة زكريا كانت اخت ام السيدة مريم والاتنين كبروا في السن وما بيخلفوش واحدة ربنا استجاب لها ورزقها بمريم والتانية هنشوف دلوقتي حصل معها ايه زكريا بقى كل ما يدخل عليها المحراب
16:26ما هي كانت متفرغة للعبادة المحراب عبارة عن مصلى يعني غرفة صغيرة للعبادة للاعتكاف فيها والعبادة فدي تسمى محراب مش المحراب اللي عندنا في المسجد اللي هو بيقف جواه الامام عشان يصلي لأ
16:42مش الباكية اللي في الحيطة دي لكن محراب يعني المصلى بتاعها. كل ما زكريا يدخل عليها المصلى اللي هي متفرغة للعبادة يجد عندها رزقا رزق اكل قاعدين قيل انها فاكهة بتبقى غريبة في غير اوانها. يعني عنب في غير موسم العنب. طين في غير موسم التين
17:05كلها دي معجزات. قال يا مريم انى لك هذا ده جه منين الاكل ده قالت هو من عند الله ان الله يرزق من يشاء بغير حساب يبدو ان زكريا لما كبر
17:25ان هو في الوقت ده كان وصل سنه مية وعشرين سنة وزوجته تمانية وتسعين سنة يعني قرب الميت سنة خلاص ما كانش بقى بيدعو الله في مسألة الخلفة. يعني كان خلاص بقى
17:39لما رأى الخوارق دي عند مريم معجزة واجابته بالاجابة دي ان الله يرزق من يشاء بغير حساب بغير حساب. تذكر بقى ان الحسابات مع الله مختلفة عن حسابات الدنيا سيدنا زكريا استغل هذا المكان المبارك المحراب بتاع مريم
18:07ووجود مريم الصديقة المباركة اطهر نساء العالمين ودعا الله بسرعة. هنالك دعا زكريا ربه في هذه اللحظة وفي هذا المكان هنالك دعا زكريا ربه. قال رب هب لي من لدنك ذرية طيبة. انك سميع الدعاء
18:35استغل الايه الفرصة واللحظة المباركة دي والمكان المبارك ده ودعا ودعا بامر يعتبر في حسابات البشر مستحيل. واحد عنده مية وعشرين سنة ومراته عندها ميت سنة وعمرها ما خلفت يدعي انهم يخلفوا
18:51ده في حسابات البشر مستحيل بس هو ما بيدعيش بحسابات البشر لان السيدة مريم اديته درس قالت له ايه؟ ان الله يرزق من يشاء بغير حساب حسابات تانية بدون حساب حتى
19:08خلي بالك بقى. قال رب هب لي من لدنك ذرية طيبة. انك سميع الدعاء دعا بذرية طيبة مش عاوز عيل افرح به وخلاص المسل بيقول في بلدنا الولد السوء يجيب لاهله النعيلة. يعني اللعنة. يعني الناس تفضل تشتمه بابوه وامه عشان ولد اخلاقه وحشة. هو
19:33ودعا بذرية طيبة مؤمنة صالحة ولم يشترط ذكور او اناث اي ذرية يا رب بس تكون طيبة. حاجة كده زي مريم ده ده الناس اللي ما يحبوش خلفة البنات. لو شافوا مريم هيحبوا البنات
19:51ست البنات مش سيدة نساء العالمين ست البنات. انتم عارفين ان فيه مسيحيين كتير بيجدوا ان الاسلام مقنع اكتر من المسيحية بالنسبة لهم يعني. وفكرة التوحيد لما يقارنوها بالثالوث المقدس بيبقوا مقتنعين اكتر بفكرة التوحيد. لكن اللي بيمنعهم من دخول الاسلام
20:14ان الواحد منهم يقول لك انا ما اقدرش اعيش بدون العدرا والمسيح في حياتي لو يعرفوا ان احنا كمان لا نستطيع نكون مسلمين الا بحب السيدة مريم العذراء البتول سيدة نساء العالمين
20:34صلى الله عليه وسلم احنا لما بندعوهم للاسلام احنا مش بندعوهم ابدا لترك ديانة المسيح وامه مريم. العذراء ابدا. احنا بندعوهم لدخول ديانة وام مريم العذراء لاول مرة الدين الحقيقي للمسيح والدين الحقيقي للسيدة مريم
20:54خلينا نرجع لسيدنا زكريا. طيب زكريا دعا في هذه اللحظة وفي هذا المكان هنالك دعا زكريا ربه قال رب هب لي من لدنك كذرية طيبة. انك سميع الدعاء شف بيدعو بتذلل بتضرع. انك سميع الدعاء
21:17فجاءت الاستجابة فورا الفاء تفيد السرعة فنادته الملائكة وهو قائم يصلي في المحراب على طول فاء تفيد السرعة فنادته الملائكة وهو قائم يصلي في المحراب ان الله يبشرك باحياء مصدقا بكلمة من الله وسيدا وحصورا
21:42نبيا من الصالحين فورا وهو واقف بيصلي وبيدعو في المحراب نادته الملائكة ربنا بيبشرك والبشرى يعني الاخبار السعيدة الاخبار الحلوة ربنا بيبشرك بيحيى ادى له ولد وسماه له كمان. ربنا اللي سماه
22:00ان الله يبشرك بيحيى. ربنا مختار له الازن يقول لك انت عارف ابني ده مين اللي سماه؟ يقول له مين؟ يقول له فلان الفلاني الممسل المشهور هو اللي سمع يبقى فخور قوي ان ابنه سماه ممسل
22:14او رئيس وزارة ده ربنا انعم عليه بولد ونزل بالاسم ربنا ما اختاره له مصدقا بكلمة من الله ايه بقى يعني فيها تفسيرين لا يتردد في كلمة الحق وقيل ايضا وده وده الاقوى
22:36انه مصدقا سيصدق نبوة عيسى ابن مريم لان سيدنا عيسى وصف بانه كلمة الله لو طلعنا لقدام بس في ال عمران خمس ايات يا جماعة الاية خمسة واربعين ان الله يبشرك يبشرك بكلمة منه. اسمه المسيح عيسى ابن مريم
23:02يبقى مصدقا يبقى هو كلمة الله. مصدقا بكلمة من الله يعني سيصدق المسيح اي ان المسيح سيكذب من معظم الناس. ما هو لو ده شيء طبيعي والناس كلها هتؤمن بالمسيح ما كانش فيه حاجة خاصة يعني بالنسبة ليحيى. لكن
23:22هيبقى من المصدقين القلائل المسيح ماشي ايه كمان بقى من صفات سيدنا يحيى مصدقا بكلمة من الله وسيدا. يعني ايه سيدا؟ السؤدد عند العرب هو ارضاء الناس على اشرف الوجوه. يعني ايه
23:45يعني تبقى الناس راضية عنك وترى فيك الشرف والكرامة قال لك شرحوها قال لك ملاك ملاك السؤدد وبذل الندى يعني الكرم والكرم مش بالفلوس بس. الكرم بالجهد ايضا واحد عمال يسعى ويروح وييجي عشان يقضي حوائج الناس. وبرضه يأكد
24:04ويشرب الناس وكف الاذى واحتمال العظائم يحتمل المصائب الكبيرة عشان الناس واصالة الرأي رأيه دايما يكون رأي يعني آآ رأي جيد رأي حكيم وفصاحة اللسان فصيح يتكلم بفصاحة بس السيد يعني اصطلاحا كده في اللغة العربية هو من يقوم باصلاح حال الناس في دنياهم واخراهم معا
24:37السيد سيد القوم هو اللي بيخدم الناس. وبيصلح احوال الناس في الدنيا وفي الاخرة. لذلك في الحديث الشريف انا سيد ولد ادم ولا فخر. النبي بيقول انه السيد اولاد ادم الناس ولا فخر لان النبي عليه الصلاة والسلام يصلح احوال الدنيا في الدنيا والاخرة. يصلح احوال الناس في الدنيا والاخرة
25:02وقال على سيدنا الحسن ابن علي ان ابني هذا سيد يعني هيصلح احوال الناس. وفعلا سيدنا الحسن اه يعني كان عنده سؤدد والسؤدد بتاعه او السيادة بتاعته لانه تنازل عن حقه في الخلافة لمعاوية ابن ابي سفيان فجمع كلمة الامة. وسمي عام الجماعة
25:29وظل المسلمون بعدها في حالة من السلام عشرين سنة تقريبا الى ان حصل التوريث توريث الحكم ليزيد ابن معاوية فاشتعلت الفتنة مرة اخرى. لكن جمع به الايه؟ الله سبحانه وتعالى الامة. فالنبي قال عليه ان ابني هذا السيد. فالسيد هو الذي يصلح احوال الناس في الدنيا والاخرة. يبقى احنا فهمنا كده يعني ايه السيد
25:50طيب حصورا حصورا يعني ممتنع عن اتيان النساء كنوع من التدين والتقرب الى الله زي الرهبنة عند المسيحيين الراهب اللي هو ما بيتجوزش ده كان مسموح به في شرع من قبلنا. اما بمجيء النبي محمد صلى الله عليه وسلم فقد منعت الرهبنة. خلاص الشريعة الاسلامية منعت
26:18عندنا دليل على ذلك امرأة عثمان ابن مظعون احد الصحابة واحد استاز سلام قالت له عثمان طول النهار كل يعني يصوم النهار ويقوم الليل خلاص يعني هو الراجل يعني زهد في زوجته واصبح طول النهار كل يوم صايم وبالليل بيقوم الليل
26:38وخرج رسول الله صلى الله عليه وسلم مغضبا خرج غاضب يحملون عليه حتى جاء الى عثمان فوجده يصلي من صرف عثمان حين رأى رسول الله صلى الله عليه وسلم يعني اه خلص صلاته
26:53قال له يا عثمان لم يرسلني الله تعالى بالرهبانية ولكن بعثني بالحنيفية السهلة السمحة اصوم واصلي والمس اهلي ومن احب فطرتي فليستن بسنتي. ومن ومن سنة النكاح. ما فيش حاجة اسمها ربانية عندنا
27:16طيب الاسلام دين وسطي جدا. اي نوع من انواع الزيادة حتى في التدين. مش مطلوب في الاسلام. الزيادة مش مستحبة. طيب نرجع لتسعة وتلاتين تاني فنادته الملائكة وهو قائم يصلي في المحراب ان الله يبشرك بيحيى. مصدقا بكلمة من الله السيد المسيح
27:40جيدا وشرحناه وحصورا هو آآ يعني زي تراهبن ونبيا من الصالحين. وكمان مش بقى انت طلبت ولد طيب؟ لا لا ده هيبقى نبي من الصالحين ربنا استجاب له بهذه النعمة
27:58كل المزايا دي موجودة فيه رد قال ايه سيدنا اه زكريا لما سمع الملائكة بتبشره بالبشرى دي قال ربي انا يكون لي غلام وقد بلغني الكبر وامرأتي عاقم قال كذلك الله يفعل ما يشاء
28:19خلي بالك ربنا يكلمه عن طريق الملائكة لان هو لا يسمع صوت ربنا. ما حدش يقدر يسمع ربنا. لم يسمع الله الا آآ آآ سيدنا موسى فقط لكن هو يكلم ربنا مباشرة هو مش محتاج يقول الملك يقول لربنا
28:37قال ربي انا يكون لي غلام وقد بلغني الكبر وامرأتي عاقم قال يعني قال الله عن طريق الملائكة. كذلك الله يفعل ما يشاء. او قال الملك بتتعجب ليه هو متعجب كيف يكون لي غلام وانا كبير في السن دي وزوجتي عاقر
29:00عاقر ايه الفرق بين عاقر وعقيم؟ يعني في سورة الذاريات سيدنا ابراهيم لما دخل عليه الملائكة رائحين يقلبوا الدنيا على دماغ قوم لوط فاوجس منهم خيفة. قالوا لا تخف وبشروه بغلام عليم. بشروه باسحاق
29:19فاقبلت امرأته في سرة فصكت وجهها وقالت عجوز عقيم. جت السيدة سارة قالت ازاي انا عقيم؟ عقيم؟ يعني لا تحمل امال زوجة زكريا ايه لأ زوجة زكريا مش عقيم. زوجة زكريا عاقر
29:41ايه الفرق بين عاقر وعقيم؟ العقيم لا تحمل او لا تحمل العاقر لا تلد يعني ايه ؟ هو ممكن واحدة تحمل ايوة ممكن واحدة بتحمل لكن حملها بيسقط دايما حملها مش سابت
30:00او بيحصل لها بقى مضاعفات يجي لها سكر حمل مش عارف اي الحاجات دي. لكن دايما تسقط في سيدات كده ربنا يا رب يشفي الجميع وينعم على الجميع بنعمة الذرية
30:11الطيبة قال ربي انا يكون لي غلام وقد بلغني الكبر وامرأتي عاقر قال كذلك الله يفعل ما يشاء معناها ان حصلت محاولات حملة قبل كده لكن دايما كانت بتسقط حملها
30:27اقرا بقى واحد واربعين قال رب اجعل لي اية قال ايتك الا تكلم الناس ثلاثة ايام الا رمزا. واذكر ربك كثيرا وسبح بالعشي والابكار قال له يا رب انا عايز اية علامة تدل على ان الحمل حاصل
30:49الاية هي انك لن تستطيع تكلم الناس يعني هتيجي تكلمهم مش هتعرف تكلمهم وانت كويس انت عادي وهتضطر انك تشير لهم بلغة الاشارة ولن تستطيع ان تنطق الا بالذكر فقط
31:05ييجي يذكر الله صوته يطلع يكلم الناس ما يطلعش واذكر ربك كثيرا. يعني اذكر ربك واستغفره واشكره واحمده وسبحه كثيرا ها وسبح بالعشي والابكار ليل نهار. الكلام ده لا تتوقف بالعشية ليل نهار
31:29العشي العشاء الابكار الصبح بدري عمل ايه زكريا بقى لما حصلت العلامة ووجد نفسه غير قادر على الكلام مع الناس قعد في بيته وخد اجازة؟ لأ الانبياء ما بياخدوش اجازة. والدعاة ما بياخدوش اجازة. والمؤمنين ما بياخدوش اجازة. من العبادة ما فيش اجازة
31:45من الدعوة ما فيش اجازة. من الجهاد ما فيش اجازة في سورة مريم بصوا عمل ايه قال رب اجعل لي اية. قال ايتك الا تكلم الناس ثلاث ليال سويا. فخرج على قومه من المحراب فاوحى
32:04اليهم ان سبحوا بكرة وعشيا. اهل الدعوة ما بيتوقفوش لحزة عن الدعوة استخدم لغة الاشارة يأمر الناس بذكر الله وبالتسبيح ليل نهار بكرة وعشية خلي بالك دول بني اسرائيل يعني على مر الزمان كان منهم الصالحين ومنهم الطالحين
32:27كان منهم الاخيار ومنهم الاشرار. فالقرآن بيعلمنا الموضوعية وعدم المبالغة في شيطنة العدو. انت عندك عدو دلوقتي. ما تبالغش في شيطنته خليك موضوعي حدد مشكلتك معه ايه عشان لما تتحل خلاص لكن حدد مشكلتك
32:43المسألة مش مسألة كراهية. خالص. لأ. ممكن عدوك يكون له جذور طيبة في وقت من الاوقات. لكن ده لا يمنع ان هو حاليا عنده مشكلة كبيرة ويجب ان احنا ننظر للامة دي خاصة انها من امم الاسلام المهمة جدا على مر التاريخ
33:00لم تكن ان لم تكن يعني اهمها. يعني اهم الامم لكثرة الدروس اللي بنتعلمها من دراسة سيرة بني اسرائيل. حاجة تانية يا جماعة على فكرة. بني اسرائيل على مر التاريخ
33:12معظمهم اعتنقوا اديان اخرى عشان تبقوا عارفين يعني يقال احدى آآ قبائل بني اسرائيل الكبيرة يعني احدى الاسباط هي آآ البشتون اللي هم تلات اربع شعب افغانستان وكثير جدا من العرب او الناس اللي عايشين في الدول العربية اصلهم اصلا بني اسرائيل ما يعرفوش خالص. ابا عن جد بقى لهم
33:39آآ عشرين آآ تلاتين آآ جيل مسلمين وما يعرفوش. فبني اسرائيل كعرق ليسوا بالضرورة هم اللي اليهود الموجودين دلوقتي دول معزمهم لا ينتمي في الاصل لبني اسرائيل اختبار خلونا نتوقف هنا الليلة
33:54اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله لنا فيما تحب. وما زويت عنا مما نحب فاجعله فراغا لنا فيما تحب. اللهم اجعل حبك احب الينا من
34:14واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب. اللهم اجعلنا نحبك
34:38بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا
35:02اللهم فاطر السماوات والارض عالم الغيب والشهادة. انت تحكم بين عبادك فيما كانوا فيه يختلفون. فبحق كل حرف في كتابه تلوناه او تدبرناه. اكفنا واهلينا واخواننا واخواتنا. شر كل من يكيد لنا ولهم. واحفظنا واياهم من شرورهم. ونجعلك الله
35:22اللهم في نحورهم فانت الوكيل ولا حول ولا قوة الا بك اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. اللهم سدد رميهم وخيب رمي عدوهم. وكن مع اخواننا في تركستان الشرقية وفي الشام وفي كشميرا وفي سريلانكا وفي الهند. وانصر يا رب من نصرهم واخذ
35:47من خذلهم وطهر المسجد الاقصى من الدنس فانهم لا يعجزونك. واكتب لنا يا ربنا ختم القرآن فيه. اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك وتوحدت على دعوتك. وتعاهدت على نصرت
36:07شريعتك فوثق اللهم رابطتها وادم ودها واهدها سبلها واملأها بنورك الذي لا يخبو واشرح صدورها في فيض الايمان بك وجميل التوكل عليك. واحيها يا ربنا بمعرفتك ومتنا يا مولانا على الشهادة في سبيلك
36:25انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله وبركاته ونراكم غدا باذن الله نفس هذا الموعد ان كنا