برنامج 3 دقائق _ الحلقة الواحدة و العشرون ( التدمير الذاتي ) م/ علاء حامد
0:00الحمد لله والصلاة والسلام على رسول الله وبعد امبارح اتكلمنا على اول مدمر من مدمرات العمل. في التلات مدمرات اللي وعدناكم هنتكلم عنهم المدمر التاني اللي معي النهاردة اللي هو اسمه المن. المن. يعني ايه المن؟ يعني انك انت مسلا تتصدق بصدقة
0:30وتبتدي تمن على الشخص اللي انت تصدقت عليه تقول له انت اصلا ما كنتش لاقي قبل ما ادي لك. انت اصلا شحات. انت لحم كتافك من خيري. انت كنت ايه قبل ما انا اساعدك؟ وتفضل
0:43انت تقطمه وتمن عليه بالصدقة ديت ده احد انواع المن. النوع التاني انك انت بتمن على ربنا نفسه. انك انت بتنسب العمل لنفسك. وكمان شايف انك انت اللي عملته ده حاجة كبيرة قوي
0:57انا عملت لربنا حاجة كبيرة اوي بتمن على ربنا بالعمل دوت. قبل ما اقول لك العلاج لازم تعرف ان المن ده يدمر لك اي عمل ربنا جل شأنه يقول يا ايها الذين امنوا لا تبطلوا صدقاتكم بالمن والاذى
1:15بالمن والازى. يبقى انا لو بمن في عملي اعرف ان العمل دوت باطل. وربنا لا ينظر الى المنان كما جاء في الحديث ثلاثة لا يكلمهم الله ولا ينظر اليهم ولا يزكيهم ولهم عذاب اليم
1:28ذكر منهم النبي صلى الله عليه وسلم المنان. طب ايه العلاج؟ لو اتكلمنا في الحالة بتاعة اللي بيمن على ربنا دوت عايزين نقول له رسالة ان المحسن في الحقيقة هو الله ليس انت
1:39اسمع الايات دي وافهمني كويس. ربنا جل شأنه يقول في المال مسلا في الصدقة قال تعالى واتوهم من مال الله الذي اتاكم يبقى مين اللي ادى لك المال؟ الله جل وعلا. وربنا جل وعلا قال امنوا بالله ورسوله وانفقوا مما جعلكم مستخلفين فيه. هتقول لي بس انا جايبه
1:59ومجهودي فعلا طب ما انا اشتغلت وتعبت وعرقت. انا جايبه بمجهودي. هنرجع لورا تاني شوية ونقول لك مين اللي ادى لك مجهودك؟ مين اللي ادى لك قدراتك؟ ربنا جل شأنه
2:09قال وجعل لكم والله اخرجكم من بطون امهاتكم لا تعلمون شيئا. وجعل لكم السمع والابصار والافئدة لعلكم تشكرون. مش كده الم نجعل له عينين ولسانا وشفتين؟ مجهودك نفسه عطية من الله. كان ممكن يطلعك آآ عاجز اعمى ما تقدرش انك انت تتكسب مال. يبقى كل
2:29من عند الله سبحانه وتعالى يبقى ما ينفعش تمن على ربنا ابدا. اما بالنسبة للفقير اللي بتمن عليه ركز شوية. انت اديت الفقير ايه؟ اديته فلوس الدنيا يعني. هو ما قبل منك الصدقة دي اداك ايه؟ انت بسببه خدت حسنات بسببه ارتقيت عند الله سبحانه وتعالى. يبقى مين اللي بيمن على مين؟ عايزك تتخيل حاجة بسرعة كده. لو
2:49قبل صلاة العيد الفطر عايز تطلع زكاة الفطر وما فيش فقير قبل منك يكون وضعك ايه؟ هتقعد تجري في الشوارع بتتحايل على فقير ياخد منك علشان تنجو يوم القيامة. يبقى هو اللي بيمن عليك في الحقيقة. لزلك بعض السلف قال ان من نعمة الله على
3:04آآ اذا تصدق ان يرزقه من يقبل منه صدقته حتى يأجره عليها ويثيبه عليها. فبص للفقير ده ان هو اللي بيمن كمان ان هو تقبل منك الصدقة وانك بسببه خدت الاخرة. اما هو فخد الايه؟ الدنيا بس وربنا ينجينا واياكم من المدمر الساني المن. والسلام عليكم ورحمة الله