استمع إلى الصوتيات والقرآن في تطبيق IlmPro افتح التطبيق

برنامج 3 دقائق _ الحلقة الأولي ( أفضل من الشهيد )

0:00الحمد لله والصلاة والسلام على رسول الله وبعد. آآ كونك دلوقتي بتتفرج على الحلقة الاولى من برنامجنا. دي نعمة عظيمة جدا. مش النعمة انك انت بتتفرج على الحالة الاولى لكن
0:21معنى انك انت دلوقتي بتتفرج انك انت ادركت رمضان. وكونك ادركت رمضان. يعني انت دلوقتي في اول يوم من رمضان دي نعمة كبيرة جدا من ربنا عشان تدرك آآ قد ايه النعمة ديت عظيمة؟ خليني احكي لك قصة صغيرة. قصة طلحة بن عبيد الله لما كان مع النبي عليه الصلاة والسلام وفي اتنين جم اسلموا
0:41معا عند النبي عليه الصلاة والسلام مع بعض. الاتنين اسلموا مع بعض. بعد كده طلحة كان بيتابع الاتنين. قعد يتابع الاتنين لقى ان فيه واحد اكتر من التاني في العبادة. واحد شادد حيله والتاني على قده. بعد فترة الاتنين دخلوا معارك. الاولاني مات في معركة شهيد. والتاني عاش بعديه
1:01واحدة وبعد كده مات على فراشه عادي جدا. مش دي المشكلة؟ المشكلة ان طلحة بعد كده نام وشاف رؤية في المنام ان هو على باب الجنة ان فيه منادي طلع من باب الجنة وكان الاتنين دول واقفين جنب طلحة. فالمنادي نادى على التاني اللي هو كان اقل اجتهادا واللي هو مات على الفراش
1:21ادخل الجنة. بعد كده طلع المنادي تاني ونادى على الاول اللي هو مات في المعركة اللي كان اكثر اجتهادا. وقال ادخل الجنة. طبعا طلحة قام من النوم مش مصدق. مستغرب جدا. راح للنبي عليه الصلاة والسلام مزهول. فحكى للنبي عليه الصلاة والسلام القصة
1:41النبي كأنه ما استغربش. فقال للطلحة قال له انت ايه اللي مستغربه؟ مش الراجل التاني عاش سنة بعد الاولاني؟ قال له تمام عاش سنة. قال وفي هذه السنة ادرك رمضان وصام وصلى كذا وكذا من الركعات قال له صح. قال يا طلحة ما بينهما في الجنة كما بين السماء
2:01ايها الارض يبقى فهمت يعني ايه نعمة انك انت ادركت رمضان عرفت يعني ايه قيمة انك انت الان في ناس ماتوا في رمضان قبل رمضان دوت وانت ربنا علشان تدرك رمضان جديد نعمة محتاجة منك
2:15تزكر النعمة ديت بقلبك بلسانك تشكرها بالاجتهاد في الصلاة الاجتهاد في قراءة القرآن الاجتهاد في الصدقة يمكن لو احسنت شكر النعمة دي ربنا يمن برمضان تاني وتالت وعاشر. وربنا يتقبل منا ومنكم. ونشوفكم في حلقة جاية ان شاء الله. السلام عليكم ورحمة الله

الإبلاغ عن مشكلة

كثير مما في IlmPro يُنتَج آليًّا — كتب مصوّرة تُقرأ بالتعرّف الضوئي، ونصوص يحلّلها الذكاء الاصطناعي، ورواة وكتب يربطها البرنامج — فقد تقع أخطاء. أخبرنا بما وجدته خطأً وسنصحّحه.