010- أهمية الإيمان الصحيح بالأسماء و الصفات_(شرح كتاب أصول الإيمان)
0:00الحمد لله واشهد ان لا اله الا الله وحده لا شريك له واشهد ان ان محمدا عبده ورسوله صلى الله عليه وسلم. اما بعد آآ هذا الدرس الدرس العاشر في مدارسة كتاب اصول الايمان
0:20كتاب اصول الايمان في معتقد اهل السنة والجماعة. وكنا المرة الماضية انتهينا من توحيد الالوهية قلنا ان احنا بنتكلم في الايمان بالله والايمان بالله عند الدراسة بنقسمه الى سلاسة اقسام لتسهيل الفهم. القسم الاول هو الكلام عن توحيد الربوبية
0:44قلنا توحيد الربوبية هو توحيد الرب بافعال الرب. كلمة سهلة توحيد الرب بافعال الرب. يعني اعتقد ان افعال الرب هي لله فقط ولا يشركه فيها احد افعال الرب زي الخلق والاحياء والاماتة
1:05الضر والنفع الامر والنهي السيادة الملك هذه افعال الرب. اتكلمنا عنها بالتفصيل. وقلنا معنى ان انا بوحد ربنا كرب ان انا باعتقد ان ما فيش حد له هذه الصفات لا يشركه احد في هذه الصفات. بعد كده اتكلمنا عن توحيد الالوهية
1:28وقلنا توحيد الالوهية هو توحيد الرب بافعال العبد يعني افعال العبد تتوجه فقط لله. يبقى ده موضوع تاني عشان كده هم سموا توحيد الربوبية توحيد خبري علمي. شيء انت بمعلومة تضمرها في نفسك. هل انت بتعتقدها ولا ما بتعتقدهاش؟ اما
1:49عيد الالوهية فتوحيد ايه؟ عملي. طلبي. حاجة انت بتعملها فعلا. مش مجرد شيء بتعتقده. وان كانت الحاجات مرتبطة ببعض زي ما قلنا احنا قلنا التلات انواع من التوحيد دولا هم مرتبطين ببعض. لان ما اكيد اللي عنده خلل في توحيد الربوبية هيبقى عنده خلل في توحيد الايه
2:09الالوهية. وازا اتزبط توحيد الربوبية تمام فعلا لازم يؤسر بالاجابة على توحيد الالوهية. فمن عرف الله حق المعرفة لم عشان كده احنا قلنا قبل كده ان احنا بنقول ان المشركين الاوائل كانوا مقرين بتوحيد الربوبية بس ده مجاز كده. او يعني اجمالا
2:29لكن هل هم كانوا مقرين به حقيقة؟ هل رسخ هذه المعاني في قلوبهم؟ لا يمكن. لانها لو رسخت في قلوبهم فعلا لما كان عندهم خلل في توحيد الالوهية. لكن كانوا يقرون باللسان ولئن سألتهم من خلق السماوات والارض؟ ليقولن الله
2:49لكن يبدو ان هذه المعاني لم تكن راسخة في القلوب. لانها لو رسخت في القلوب لاثمرت توحيد الايه؟ الالوهية. فتوحيد الالوهية هو ان انت وحد ربنا بافعالك. فلا تصرف عبادة الا له. من ذبح ونذر سجود ركوع. آآ دعاء طواف
3:09هذه الاشياء كلها انما تنصرف لله سبحانه وتعالى وحده. اتكلمنا بقى بالتفصيل في المسألة ديت واتكلمنا عن مضادات توحيد الالوهية من الشرك الاكبر الاصغر انواع الشرك الاكبر انواع الشرك الاصغر والسحر والتنجيم والكهانة والتطاير والحاجات دي كلها اتكلمنا فيها بالتفصيل. يبقى الشق التالت من توحيد
3:29الله هو توحيد الاسماء والصفات. توحيد الاسماء والصفات. ده القسم التالت في الايمان بالله. يعني ايه توحيد الاسماء والصفات توحيد الاسماء والصفات اجمالا انك ولن تؤمن بما وصف الله به نفسه او وصفه به الرسول عليه الصلاة والسلام
3:50ثم هذه الصفات اللي انت بتؤمن بها تعتقد ان الله منفرد بها منفرد بها يعني هي لله الصفة ديت لله ليس لها مثيل في حق الله ليس لها مثيل. حتى وان كان غير الله
4:09يشترك في الاسم اجمالا بمعنى انا اؤمن بان من اسماء الله السميعة وانه يسمع انا اؤمن ان من اسماء الله الحي وان له حياة وانا ايضا اعتقد ان الانسان سميع
4:23وان له حياة لكن اعتقد اعتقادا جازما ان هذا السمع يختلف تماما عن هذا السمع. وان هذه الحياة تختلف تماما عن هذه الحياة لا يوجد احد يسمع كسمع الله. ولا يوجد احد حياته كحياة الله
4:41حتى لو اشتركنا في الايه؟ في الاسم. فليس معنى الاشتراك في الاسم يساوي الاشتراك في الحقيقة انما انا بوحد ربنا بالايه؟ بالحقيقة الاسم والمعنى. حقيقة المعنى في حق الله ليس لها مسيل. ليس لها نزير
4:58ليس لها مكافئ. فمن اعتقد ان هناك احد يشارك الله مش في الاسم في الايه؟ في المعنى دوت او في صفة الاسم دوت او في كيفية الصفة ديت فقد جعل الله ندا في الاسماء والصفات. كمان يعتقد مسلا
5:18ان هناك من يسمع كسمع الله فيدعونهم من دون الله في اي مكان بقى. ويعتقد ان الاولياء مسلا بيسمعوا اي حد في اي مكان. يبقى انت جعلت ند لله فين؟ في الاسماء والصفات
5:33وترتب على زلك انك صرفت العبادة يبقى جعلت له ند في الايه؟ في الالوهية. ما هي الحاجات زي ما قلت لك ايه؟ داخلة في بعضيها. من يعتقد مثلا ان هناك احنا نعتقد ان من اسماء الله العليم
5:47وممكن نقول ان الانسان عليم. وبشروه بغلام ايه؟ عليم. مش كده؟ غلام عليم. وربنا سمى نفسه العليم. لكن هل علم اسماعيل واسحاق مثلا كعلم الله سبحانه وتعالى لا يمكن. فقد يسمى الانسان عليم. وقد ويسمى الله سبحانه وتعالى عليم. لكن صفة العلم
6:07في حق الله ليست كصفة العلم في حق الانسان. انا اعتقد ان الله متفرد بهذه الصفة بما يليق به سبحانه وتعالى فمن اعتقد ان هناك احد لو افترضنا بقى ايه الشرك فينا انك تعتقد انك احد يشارك الله في هذه الصفة
6:29فمن اعتقد مثلا كما يعتقد الشيعة في ائمتهم الاثنى عشرية. ان الائمة يعلمون كل ما في الكون يعلمون ذرات الكون وما يضر في الكون وما كان وما سيكون هذا شرك بالله سبحانه وتعالى. لانهم نسبوا لهم صفة من صفات الله سبحانه وتعالى. وقلنا الصفة دي هي في حق الله ليس لها مثيل
6:54ليس لها مسيل في المخلوقين ابدا. فاللي يدعي ان في مخلوق له نفس الصفة التي لله بنفس الكيفية هو ده الشرك في الايه؟ في الاسماء والصفات طبعا قضية الايمان عموما ليست قضية نظرية بحتة
7:11ودي مسألة مهمة ان انا لما بدرس الايمان او بدرس مسائل الايمان انا ماذا اريد بهذه الدراسة هل القضية عندي ان انا شوية احشي شوية معلومات علشان بقى ايه ابقى عندي معلومات كتير. واقعد اتفشخر واتمنظر بها. او ان انا عايز بقى ايه اخش على الناس اقيم عليهم الحجة بقى وايه
7:33هو باين ان انا بفهم ولا ان انا نيتي في طلب العلم دوت ان انا لا ده انا عايز ده انا اعرف كم واحد مبتدع كده عايز اروح افحمهم ونزرهم ده انا
7:43عايز اخش على النت بقعد اكتب بقى واخش اقاوح مع ده وده ما ينبغي ان تكون هزه النية الاصلية. نعم قد يكون الانسان يتعلم العلم لينافح عن الدين. وليحمي جناب التوحيد. لكن اصل الاصول ان تعمل بهزا العلم
7:57فاذا لم يثمر معرفتك بتوحيد الربوبية والالوهية والاسماء والصفات المزيد من العبادة والمزيد من الخوف من الله والرجاء والتوكل واليقين والرضا وهذه الاشياء والمعاني يبقى انت لم تتعلم العقيدة بعد
8:17لان العقيدة هي في الحقيقة المفترض ان تتحول الى عمل الى عمل. زلك ربنا جل شأنه قال للنبي عليه الصلاة والسلام فاعلم انه لا اله الا الله وايه؟ واستغفر لذنبك وللمؤمنين والمؤمنات
8:34الى العقيدة تتحول على طول لايه لعمل انت ازا عرفت الله سبحانه وتعالى حق المعرفة عرفت انك لا يمكن ان تؤدي حق الله ابدا. فيتحول الامر الى استغفار على الدوام
8:47لذلك كان النبي عليه الصلاة والسلام لما كان اعلم الناس بالله وبما يليق بالله كان عليه الصلاة والسلام اكثر الناس توبة واستغفارا قال اني اتوب في اليوم وفي المجلس كان يتوب في المجلس الواحد اكثر من مائة مرة. يقول استغفر الله واتوب اليه. كما يقول الصحابة الكرام
9:07رضي الله عنهم. فاذا القضية في دراسة العقيدة يا اخواني هي الثمرة انك انت تطلع بشيء عملي. انا عرفت ربنا اكتر. لما عرفت يعني ايه توحيد الربوبية؟ يعني ايه توحيد الالوهية
9:20لزلك احنا هنتكلم في توحيد الاسماء والصفات عايزين نعرف هو ايه الفايدة من توحيد الاسماء والصفات لان انا لما هخش في في الجانب العلمي شوية هتلاقي العملية بتقلب بمعارك بقى شوية. هقول لك والله اهل السنة بيسبتوا كزا
9:36واهل البدع بيقولوا كزا والرد عليهم كزا. فممكن تحس ان الموضوع ناشف. ان العقيدة ناشفة شوية جامدة. هو انا بتعلم عشان اعرف الصح والغلط وهرد على ده ازاي؟ وده شبهته ايه؟ وكده بس ولا العملية المفترض فيه قبل كده؟ في ان انا اعمل بهذا العلم. ازا اصل الاصول
9:56في الايمان بالاسماء والصفات ان انت قبل ما تخش او قبل ما تدرس او قبل ما تحاول تفهم تنتوي انك انت العمل ده لكي تعرف به الله سبحانه وتعالى. وكلما عرفت الله
10:09سبحانه وتعالى ازددت عملا. فالعمل هيبين هل الامر دوت فعلا اثر فيك ولا ما اثرش فيك؟ يبقى انا بقول في الايمان بالاسماء والصفات. نمرة واحد هدفي من دراسة الايمان بالاسماء والصفات ان ازداد معرفة بالله جل وعلا. لان من خلال العلم دوت هعرف هو ربنا بيوصف بايه
10:29وايه الضابط؟ هو وصف نفسه بايه؟ وايه اللي اثبته له؟ وايه اللي ما اسبتوش؟ وايه اللي انفيه؟ وايه اللي ما نفيهوش الحاجات ديت هتزدني معرفة بالله. هتلاقي نفسك دلوقتي بتعرف حاجات جديدة عن الله. ممكن ما كنتش تعرفها. تعرف صفة ان الله سبحانه وتعالى له صفة انه يضحك سبحانه وتعالى
10:47انه ينزل الى السماء الدنيا في الثلث الاخير من الليل انه يعني يعني يجيء يوم القيامة سبحانه وتعالى الفصل بين العباد انه سبحانه وتعالى يعني هو الشافي هو القدوس وهذه الاشياء تتحول عندك الى عمل. لذلك معاذ بن جبل لما ذهب الى اليمن قال له النبي
11:07عليه الصلاة والسلام فليكن اول ما تدعوهم اليه ان يعرفوا الله او يوحدوا الله. فاذا عرفوا زلك. فاصل الاصول ان تعرف الله سبحانه وتعالى. رغم ان انت ممكن تقول هو معاذ ابن جبل كان رايح فين؟ كان رايح اليمن مش كده؟ هو اليمن دي كان فيها ايه؟ كان فيها نصارى مش كده؟ طب النصارى
11:27ما يعرفوش ربنا خالص النظرية ان هم يعرفوه لكن النبي عليه الصلاة والسلام اعتبرهم ايه؟ ما يعرفهوش. ليه؟ لان عندهم خلل في الاسماء والصفات. ايه الخلل في الاسماء والصفات اولا نسب له الصاحبة. ودوت خلل في الصفات لان ليس من صفات الله ان له صاحبة. نسبوا له الولد وهذا خلل في الصفات. لان هو ليس له ولد سبحانه وتعالى
11:49آآ نسبوا له الموت وادعوا انه مات وانه صلب وانه قتل وانه بصق عليه وانه بكى وانه تألم وكل ده خلل في ايه يا اخواننا في الصفات انت بتوصف ربنا به مازا تعتقد انت فيه
12:09فلما كان النصارى بيعتقدوا ده في الله عدهم النبي عليه الصلاة والسلام لا يعرفون الله قال لي معاذ رح اعرفهم مين ربنا. رح عرفهم مين ربنا. لما يعرفوا ربنا الاول يبقى قل لهم بقى في صلاة وفي زكاة وفي كده. يبقى انا لو ما عرفش ايه اللي يليق بالله وايه اللي ما
12:25ما تقلقش بالله. ربنا يتسمى بايه وما يتسماش بايه؟ ايه اللي يتوصف فيه؟ واللي ما يتوصفش به. يبقى انا لسه محتاج اعرف ربنا اكتر. يبقى اصل الاصول ان انا اريد ان اتعرف على الله من
12:35خلال هذا الباب. الامر التاني ان كل ما كان الانسان اكثر تفاعلا مع الاسماء والصفات كان مكانه عند الله اعلى وكل ما كان قلبه عامر بالاسماء والصفات كان منزلته عند الله ارقى. عرفنا الموضوع ده منين؟ عرفنا الموضوع ده ان وجدنا
12:58ان الايات في القرآن نفسه بتتفاوت حسب ما فيها من الاسماء والصفات. لما النبي عليه الصلاة والسلام قابل يعني آآ ابي بن كعب رضي الله عنه. وكان يكنى بابي المنذر
13:14فقال يا قال يا ابي اي اية في كتاب الله معك اعظم اي اية في كتاب الله معك اعظم. وكان خاتم القرآن ابي. فقال ابي بلا تردد. الله لا اله الا هو الحي القيوم. فضرب النبي عليه
13:30الصلاة والسلام صادر ابي. وقال ليهنك العلم ابا المنذر. ايه العلم ده؟ جبتها ازاي؟ ده ما اترددش. ما ترددتش. قالها له على طول. طب احنا احنا دلوقتي عارفانا مش متفاجئين. لكن تخيل حط نفسك مكان ابي مرة واحدة انت بتتسأل سؤال
13:46القرآن كله والمفروض تجاوب والغريب انه ما اترددش. طب هو عرف منين يعني ايه اللي خلاه يختار الاية دي بالزات؟ عشان طويلة فما فيش اطول منها. عشان في سورة البقرة مش ميزة قوي يعني. يعني عادي ما ده في ال عمران برضو يعني. طب طب
14:02عشان ايه؟ طبه منين؟ جابها جابها منين؟ جابها من الفهم دوت. متعلم من النبي عليه الصلاة والسلام يعني ايه الاسماء والصفات؟ يعني ايه انسان يكون عنده علم بالاسماء فلما كان عنده العلم دوت دور في القرآن ايه هي اكتر اية
14:17في اسماء وصفات. لان الاية دي ليس فيها لا امر ولا نهي ولا انما هي مجرد حكاية عن الله فقط. كلها من اولها لاخرها الله لا اله الا هو الحي القيوم. هذه الصفات لا تأخذه سنة ولا نوم له ما في السماوات وما في الارض. من ذا الذي يشفع
14:37عنده الا باذنه يعلم ما بين ايديهم وما خلفهم ولا يحيطون بشيء من علمه الا بما شاء وسع كرسيه السماوات والارض ولا يؤده حفظهما وهو العلي والله العظيم. بس الاية ليس فيها لا امر ولا نهي انما هي مجموعة من الاسماء والصفات. فلما اجتمعت الاسماء والصفات دي في اية واحدة ولقى ان دي يعني اكتر اية
14:57كده ذكر فيها اسماء وصفات اعتبر ان هي دي اعظم اية في كتاب الله سبحانه وتعالى. لذلك لا عجب ان تكون سورة الاخلاص مثلا تعدل ثلث القرآن. يكون لها الفضل دوت. ليه؟ لان سورة الاخلاص سورة كاملة. ليس فيها الا الايه؟ الا الاسماء والصفات فقط. قل هو
15:15الله احد. الله الصمد. لم يلد. لم يولد. ولم يكن له ايه؟ كفوا احد. فهذا يدلك على شرف شرف ان الايات والسور بتزداد شرف كلما زاد فيها الايه؟ الاسماء والصفات. طب انا بقى لو زاد في قلبي الاسماء والصفات مش بردو اعلى ازا كان الايات عليت. انا بقى العبد
15:37الذي مطالب انا بالامر والنهي اعلو ايضا ازا اجتمع في قلبي الاسماء والصفات وعرفت ربنا اكتر واكتر. لما كان رجل طبعا القضية برضه لها لها ملمح تاني هي ان حبك
15:53للاسماء والصفات ديت تعلقك بها تعبدك بها له معنى تاني عند ربنا. النبي عليه الصلاة والسلام ارسل سرية كده سرية معينة. المهم كان لهم قائد. فالقائد بيصلي بهم. فكان كل ما يصلي بهم
16:10يصلي اي باي حاجة وبعد كده يقرأ قل هو الله احد صلى بقى بالناس صلى صلى بالبقرة هو هيخلص من هنا بسم الله الرحمن الرحيم قل هو الله احد. في كل ركعة. قال لهم وبعدين؟ طبعا القائد بتاعهم ما يقدروش
16:25بيتكلموا ايه؟ معه وما عندهمش دليل ان اللي بيعمله ده غلط فسكتوا سكتوا لغاية ما ايه؟ فرجعوا اول ما رجعوا المدينة راحوا على طول على مين؟ على النبي عليه الصلاة والسلام قالوا الراجل ده على فكرة بيعمل حاجات غريبة وكل سورة كل ركعة لازم يقرأ
16:41الاخلاص في اخرها. فقال النبي عليه الصلاة والسلام سلوموا لمازا يفعل زلك. طب قولوا له بس انت بتعمل كده ليه نشوفه. يعني هو عمل كده ليه؟ جايب الكلام ده منين؟ فذهبوا اليه قالوا له
16:51النبي عليه الصلاة والسلام بيقول لك انت عملت كنت بتعمل فينا كده ليه؟ فقال لان فيها صفة الرحمن وانا احبها وانا احبها فذهبوا الى النبي عليه الصلاة والسلام وقالوا له والله الراجل ده طلع ان هو ايه بيحب الصورة دي عشان كلها صفات لله سبحانه وتعالى. فقال اخبروه ان الله يحب
17:09كما احب هذه السورة. فاذا تعلق الانسان بالاسماء والصفات تعلقه بهذه الايات تعلقه بهذه السور يزيد قدره عند الله يورثه حب الله سبحانه وتعالى. يبقى انا كده عرفت السبب التاني ان انا بدرس الباب دوت علشان ازداد مكانة عند الله. ازداد قدر عند الله
17:29اعرف ان ايات الصفات والسور اللي فيها صفات لها فضل خاص فاتعبد بها واقرأها واكثر منها. لذلك ربنا انتشر علينا او النبي عليه الصلاة والسلام اشار علينا قراءة اية الكرسي بعد كل صلاة وقراءة قل هو الله احد بقى كتير بقى في ازكار الصباح والمساء والنوم وختم الصلوات
17:48علشان يشرفنا بالايه؟ بالشرف دوت. اعرف قيمة انت بتقرا ايه؟ اعرف قيمة انت بتقرا ايه. السبب التالت ان انا بدرس به قضية الايمان بالاسماء والصفات ان انا مأمور بالدعاء بهذه الاسماء والصفات. انا لو ما اعرفهاش هلتزم ازاي بالاية ديت ولله الاسماء الحسنى؟ فادعوه
18:10طب انا لو ما اعرفش ربنا بيتسمى بايه؟ ربنا صفته ايه؟ هتعبد له ازاي؟ الاية دي هعمل بها ازاي ازا كنت انا مش عارف ما الذي يليق بالله في الاسماء والصفات وما الذي لا يليق به حاقول ايه؟ لما احب ادعي اقول ايه
18:29ماشي كلنا عارفين بعض الاسماء والصفات لكن اكيد لما تعرف اكتر هيبقى الوضع احسن في حاجات انت ممكن ما تعرفش معناها ممكن ما تعرفش يعني ايه العبودية اللي تترتب عليها
18:41الاثر الايماني من اسم الله المقيت. يعني ايه المقيت؟ يعني ايه الحسيب يعني ايه القدوس؟ يعني ايه الشهيد؟ يعني ايه المؤمن؟ ده باب كبير. طبعا احنا مش هنقعد نفسر كل الكلام ده ولا دي سلسلة لوحديها. لكن انا بفتح لك باب
18:57يعني ايه الايمان بالاسماء والصفات المفترض ان انت تعرف معاني هذه الاسماء. لان هيترتب عليها عبوديات منها الدعاء والدعاء بقى لازم فيه فقه. فلما انا هدعي مسلا اريد آآ اريد الرزق
19:11حستعمل اسماء غير لما اريد النصر. غير لما اريد مسلا غير لما ابقى مزلوم فواخد بالك والا فكل اسماء لله لكن ده من فقه دعاء لما سليمان عليه السلام قال رب هب لي ملكا لا ينبغي لاحد من بعدي قال انك انت الايه؟ الوهاب. هذا من الايه؟ من الفهم من الفهم
19:31هي ازاي بتعامل ربنا. استعمل اسم الوهاب في المقام دوت. تمام؟ وهكذا ازا بتدعي بالاستغفار غير بتدعي بالرزق فلازم تبقى عارف ايه المقام اللي انت فيه؟ وايه الاسم اللائق بالمقام دوت؟ الحاجات ديت هتعرفها من خلال دراستك للاسماء والصفات. الحاجة الرابعة
19:51هذا الحديث اللي النبي عليه الصلاة والسلام قال فيه ان لله تسعة وتسعين اسما. من احصاها دخل الجنة. طب انا عايز اعمل بالحديس دوت. يبقى لازم اتعرف على الله سبحانه وتعالى. واحاول احيط بالتسعة وتسعين اسم دول. والتسعة
20:10اسم دول على فكرة مش هم مش بالضروري يكون الاسماء المشهورة. اللي هي بتتقال في الايه؟ في النشيد المشهور دوت او اللي هي موجودة دايما في الايه؟ في اللوحات وكده
20:20هي الاسماء ديت ليست واردة عن النبي عليه الصلاة والسلام. انما هي كانت محاولة من راوي الحديس ان هو يقول ايه هي الاسماء ديت. فيروى في الحديث زاد في الحديث. قال ان لله تسعة وتسعين اسما من احصاها دخل الجنة. ثم قال الله لا اله الا هو الرحمن الرحيم. الملك القدوس الايه؟ اللي انتم
20:40حافظينهم دولت. لكن هل دولت تسعة وتسعين؟ مش ضروري ممكن يكون في اسم زائد او ناقص يعني هي المسألة دي على فكرة من الحاجات التي لا يوجد احد يعلمها علم اليقين
20:56انما هي باب تركه الله مفتوحا. ليه؟ عشان لو كان حسمه ربنا ما كانش حد اجتهد. ما كانش حد هيبص لا في القرآن ولا في السنة خلاص هم جاهزين خلاص كلنا نحفزهم وكلنا نعرف ايه الموضوع وخلصت كلنا نخش الجنة. لكن ربنا ترك هذا الامر غير معلوم. ايه هم التسعة وتسعين اسم
21:16ابحثوا دوروا في كل الكتاب وكل السنة. عشان تطلعوهم. فمن الناس من من اصاب ومنهم من ايه؟ يعني ما جابهمش كلهم. تقعد انت طول تعرف كل اسماء الله وتحاول ان انت تحفزها. مش تحفزها بس هم العلماء قالوا يعني ايه من احصاها اصلا؟ هل احصاها يعني حفزها
21:36هل احصاها يعني تعبد بها هل احصاها يعني دعا بها الله؟ هل احصاه يعني عمل بها؟ هل احصاه يعني استحضر معناه في قلبه؟ كل دي معاني وردت عن آآ آآ شراح الحديث والذي يظهر ان المعنى هو المعنى اللي انت الايه التعبدي
21:58من احصاها يعني من تعبد بها عمل بمقتضاها عرف حق الله فيها استحضر معانيها في القلب. والا فالحفظ يقدر عليه اي احد الطفل الصغير يحفز اسماء الله الحسنى في ساعة. المنافق ممكن يحفز اسماء الله الحسنى. صح
22:20اي حد اي حد ممكن تلاقي واحد زاني حافز اسماء الله الحسنى كلها. انما القضية في الايه؟ في العمل. والتدبر واستحضار معانيها. طب موضوع ده محتاج ده دي ده منهج حياة. انت ممكن تقعد حياتك كلها في الموضوع ده بس. في الحديس ده بس انك انت ازاي هتعمل به. وتقعد تقرأ بقى في الباب دوت وتتعبد
22:40لله وتشوف وتحط قلبك في الميزان مع كل اسم وتقول انا بعمل به ولا ما بعملش به. طب الرزاق طب انا باعتمد على غير الله ولا باعتمدش على غير الله في الرزق. طب الغفور انا بلجأ اليه ولا باستغفره ولا باعمل ايه؟ طب
22:54وهكذا تقعد انت بقى القوي المتين الوكيل. هل انا في حال لما ببقى مستضعف بلجأ الى مين؟ بركن الى مين؟ قوي متين. قدوس هل انا منسف لله اي نقص ولا انا بنزهه عن كل نقص. تقعد بقى طول حياتك في الايه؟ في الباب دوت. تتعبد تدعي تعمل علشان تطلع بالحديس ده
23:14من احصاها دخل الجنة. يبقى ده السبب الايه؟ الرابع السبب الخامس ان ضبط او تصحيح الايمان بالاسماء والصفات هيصب معك على طول فين؟ في الربوبية والالوهية. لازم لان اللي يعرف لان اسماء وصفات دي انت هتطلع منها انك تعرف ربنا صح
23:37فلما تعرف ربنا صح هيؤدي ده الى التعظيم. الحب الخشية الاجلال. كل بقى المعاني الجميلة ديت. وبالتالي هتلاقي نفسك على طول التمر ده اثر ايجابي في الالوهية في الربوبية وكل ما تعرف ربنا احسن في الاسماء والصفات يترتب عليها عبادة اكمل. هتلاقي نفسك صلاتك اخشع دعائك اكمل صيامك احسن. يبقى انا عايز
24:01احسن عبادتي من خلال تحسين ايماني في قضية الايمان بالاسماء والصفات. من زلك ايضا ان معرفة الله سبحانه وتعالى كما قال شيخ الاسلام هي جنة الدنيا التي من لم يدخلها لن يدخل جنة الاخرة. يعني معرفة الله هي حلاوة الدنيا. ليس
24:21اجمل من ان تعرف الله سبحانه وتعالى هذه هي الحلاوة التي من ذاقها يعني عارف يعني قيمة يعني حلاوة العبادة وذاق طعم الايمان ذاق طعم الايمان كل ما الانسان كان اعرف بالله كل ما شعر بحلاوة الايمان اكثر واكثر. السبب الذي
24:41يلي ذلك انك تعرف قيمة العقيدة الاسلامية. لما تعرف عقيدة اهل السنة في الاسماء والصفات ديت تعرف قيمة العقيدة الاسلامية وازاي العقيدة دي هي العقيدة الكاملة وان ما عادها من العقائد التي حرفت
24:58تعرف مصايب العقائد التي حرفت. لما تعرف انت مفترض تعتقد ايه وهم كانوا بيعملوا ايه تعرف بقى ساعتها الفرق بينك وبين اليهود ان الفرق بينك وبين اليهود من الفروق الاساسية هي قضية الاسماء والصفات. انت بتوصف ربنا بايه؟ وهم بيوصفوا ربنا بايه؟ وقالت اليهود ايه
25:18يد الله مغلولة. انت كمسلم تعتقد ان الله كريم. سحاء الليل والنهار لا تنقصه النفقة ارأيتم ما انفق منذ خلق السماوات والارض فانهم لم يغض ما في يمينه لم ينقص ما في يمينه
25:34واما اليهود فتعتقد ان الله فقير وان الله بخيل هم يعتقدون زلك تمام؟ كذلك يعتقد اليهود ان الله خلق الدنيا في ستة ايام ثم تعب فاستراح في اليوم السابع ولذلك
25:53هم يستريحون في يوم الايه؟ السبت ما هي كلمة سبت من السبات والسبات بمعنى الايه؟ الراحة. فسمي السبت سبت اصلا بسبب الايه؟ بسبب السبات هم بيعتقدوا ان ربنا خلق الدنيا من الاحد الى الجمعة. وهذا اعتقاد صحيح ان الله خلق الدنيا من احد الى الجمعة. لكنه لم يجعل السبت ليستريح
26:12هو خلق في ستة ايام واحنا بقى بنعتقد ايه ولقد خلقنا السماوات والارض وما بينهما في ستة ايام وما مسنا من لغوب اوليس الذي خلق السماوات والارض ولم يع اولم يرى ان الله الذي خلق السماوات والارض ولم ايه؟ يعي بخلقهن
26:33تمام اه هذه عقيدة المسلم. اما عقيدة اليهود فاعتقدوا ان الله تعب لما خلق السماوات والارض. فاحب ان يستريح قعد له يوم استريح هذه مصيبة كبرى. مش كده؟ كذلك يعتقدون ان الله جاهل. يجهل بعض الامور
26:54في في كتب اليهود المحرفة طبعا ان الله سبحانه وتعالى لما ادم اكل من الشجرة بحث عنه رب العزة في الجنة ثم قال اين انت يا ادم؟ اين انت يا ادم؟ ربنا بيدور على ايه؟ على ادم عياذا بالله تعالى. هل يحتاج ربنا الى الى التقصي عشان يعرف اين
27:12انت بقى تعتقد ايه؟ تعتقد انه وما من دابة في الارض ولا طائر يطير بجناحيه الا ومن ابصارك. قال تعالى وعنده مفاتح الغيب لا يعلمها الا هو. ويعلم ما في البر والبحر وما تسقط من ورقة الا يعلمها. ولا حب في ظلمات الارض ولا رطب ولا يابس الا في كتاب
27:32فلا يخفى عليه شيء في الارض ولا في السماء سبحانه وتعالى. ده شق مهم جدا فرق كبير بيني وبين اليهود في القضية ديت. اليهود بيعتقدوا ان الله يمرض قالوا ان الله سبحانه وتعالى في كتبهم لما اغرق اهل الارض في زمان نوح ندم على زلك
27:55وبكى ومرض حتى عادته الملائكة. هذا في كتبهم ان ربنا ندم. انا ليه عملت كده؟ وقعد يبكي وعي بقى وعينيه حصل لها مشكلة والملايكة راحت زارته هذا في كتب اليهود. واما انت فتعتقد ان الله لا يبكي لان البكاء هذا نقص
28:13ولا اندم على شيء لانه ما يفعل الا بعلم وحكمة وخبرة. سبحانه وتعالى. يبقى شف الفرق بينك وبين اليهود. وقلنا الفرق بينك وبين النصارى برضو اساسي في الاسماء والصفات هم يعتقدوا ان لله ولد وصاحبة وانه يموت وانه يعني طبعا فضلا ان هم اصلا بيعتقدوا ان هو حل في المسيح فبالتالي عندهم الاله بياكل ويشرب
28:33وبيموت طبعا ده هم موتوه. وبيدخل الخلاء هذا هو الاله في عند النصارى لانهم يقولون ان المسيح ان الله هو المسيح ابن مريم. خلاص حط بقى كل الصفات ديت. بيعتقدوا ان ان الاله فيه لاهوت وفيه ناسوت. فيه شق الهي وفيه
28:50انساني وهذا من النقص الرهيب جدا الفظيع وان لله ولد وان الاله كان يرضع. هذه كارسة كبيرة. نحن لا نعتقد كل هذا لزلك لما نقول للناس ما تهنيش النصارى في اعيادهم الدينية ديت لازم تفهم انت ان انا بقول لك ايه انت بتهنيه في ايه؟ تهنيه في كارسة في
29:10معرفة الله في شيء خطير جدا في الاسماء والصفات. لان اعيادهم بتقوم على كده. سواء عيد الميلاد. ما هو عيد الميلاد عندهم؟ عيد الميلاد ليس المسيح انما ميلاد الرب يسوع
29:23مش هو مش زي مولد النبي عندنا ماشي ومولد النبي كان في كلام طبعا بدعة ومش عارف ايه. بس بغض النزر حتى لو مولد النبي كان صح هم مش مش بيعتبروا عيد الميلاد ده ميلاد نبي. لا. انما هذا ميلاد الرب يسوع. لازم تعرف ده لما هتهنيه بتهنيه بايه
29:40هم بيعتقدوا ان الرب ولد. ولد. وانت تعتقد انه لم يلد ولم يولد. طب كيف تهنيه؟ مش كده عيد القيامة برضو القيامة مش معنى يوم القيامة. ما هو الناس فاكرة برضه حاجات غريبة. مش القيامة يعني يوم القيامة. لا. انما عيد القيامة هي عيد قيام الرب من الموت
30:01عندهم الرب مات يوم الخميس فضل فضل ميت له يومين تلاتة وصحي يوم الايه؟ الاحد فبيحتفلوا يوم الاحد بيوم القيامة عيد القيامة ان الرب قام من الموت طب انا بعتقد ان الرب ما بيموتش اصلا
30:15طب والارض عاشت ازاي من غير الرب تلات تيام؟ طب لو هي ينفع تعيش من غيره تلات تيام؟ طب ايه ايه الفايدته؟ طب ما نعيش من غيره وخلاص. يعني ايه هتخش في ايه؟ مشكلة كبيرة
30:25اخيرا طب انا بروح اهنيه اه كل سنة وانت طيب على ايه؟ ما هو لازم افهم انا بتكلم في ايه فتصحيح الايمان بالاسماء والصفات بيفهمك حاجات كتير جدا انك انت لا يجوز انك تهنيه على هذه الاشياء. هذه اشياء مصادمة لعقيدتك. انت تعتقد ضد هذا بالظبط. بل انت المفترض ترتجف لما تسمع
30:46اسمع العيد دوت. ليه؟ لانك تتفاعل مع العقيدة انت لست اقل من الجبال والارض والسماء تكاد السماوات يتفطرن منه وتنشق الارض وتخر الجبال هدا من دعوا للرحمن ولدا. وما ينبغي للرحمن ان يتخذ ولدا
31:11يبقى ازا كانت السما تتفطر والارض تنشق والجبال تتهد لما يسمعوا كلام النصارى في حق الله تروح انت رايح تقول له كل سنة وانت طيب اين دينك؟ اين عقيدتك؟ مفترض ان انت اصلا امر ده انت بتكرهه للغاية. تبغضه جدا لا تحتمل ان تسمعه
31:29انت مش هتروح تموته بس يا اخي ما تهنئهوش على الاقل يوم ويعدي عادي وخلاص هنعمل ايه تمام فهذا امر مفترض تصحيحك للعقيدة فهمك للربوبية والالوهية والاسماء والصفات يخليك تستعزم جدا
31:43ان ينسب لله ولد او صاحبة ان هذا لا يليق بالله من السما لو اذن الله للسماء لتفطرت ولو ازن الارض لتشققت ولو ازن للجبال لتهدمت بسبب ما يسمعونه من النصارى في اعيادهم وفي كنائسهم
31:58واحنا اليوم عندنا ده عادي ويجي في التليفزيون ونتفرج عليه كمان. كارسة كبيرة. المهم يعني الفرق بينك وبين عقيدة المشركين الاوائل في جزء كبير منها في قضية الاسماء والصفات. لان المشركون الاوائل كانوا يعتقدون اعتقادات باطلة
32:15من النوم كانوا يقولون ان الملائكة بنات الله وان الله اصطفى الاناث دون البنين. وان الله ناسب الجن وجعلوا بينه وبين الجنة ايه؟ نسبا. قالوا نسب الجن انجب ليه؟ قال الملائكة. وايضا كانوا يعتقدون ان الله لا يسمع كل شيء
32:37خلاف ما تعتقد انت قال سبحانه وتعالى ولكن ظننتم ان الله لا يعلم كثيرا مما تعملون. وذلكم ظنكم الذي ظننتم بكم ارداكم فاصبحتم من الخاسرين. دا بيبين لك ان انت ممكن معتقد واحد في حق الله غلط يرضيك. يضيعك تماما. يبقى انا لازم
32:59المفترض اعتقد ايه عشان ما اضعش. ممكن انت تبقى كويس في كل حاجة. بس في حاجة بتعتقدها في الله غلط واحد مسلا بيصلي وبيصوم وبيعمل كل حاجة. بس بيعتقد ان الله
33:11ليس بحكيم في كل التصرفات. كفاية باي باي كده مع السلامة. وبيعتقد ان الله يمرض خلاص. هم المشركين كما يعتقدوا كانوا كده مع بعض نزلت الاية كانوا قاعدين مع بعض فقالوا آآ كانوا بيقولوا كلام آآ مش كويس يعني المهم يعني فقالوا يعني آآ لا ترفعوا
33:31حتى لا يسمعكم الله سبحانه وتعالى. فاننا ان اسررنا لم يسمعنا. وان جهرنا سمعنا. فنزل قوله الله تعالى ولكن ظننتم ان الله لا يعلم كثيرا مما كنتم تعملون. لكن انا اعتقد خلاف زلك. يبقى ديت اسباب مهمة جدا
33:50تبدأ بها بس بتخش بها تنطلق الى انا عايز ايه من الباب ده اصلا. طبعا تفاصيل الايمانيات مش هتبقى هي موضوعي الاساسي. لكن عايز ادي لك باب يعني المفترض انت تتعلم الاسماء والصفات. انا بمجرد هديك الضوابط اللي تفهم بها الاسماء والصفات. اما انك انت تعرف اسماء الله وصفاتي بقى بالتفصيل
34:10ده يستهلك بقى اوقات. وعايز منك انك انت بقى ايه تشد حيلك وتطلب العلم دوت. او يبقى لنا ان شاء الله سلسلة موازية في الاسماء والصفات نتكلم براحتنا كيف نعرف الله سبحانه وتعالى من خلال اسمائه وصفاته؟ وهي العبودية اللي هتترتب على فهمي للاسماء والصفات. هو بيقول الفصل
34:31تالت هنا توحيد الاسماء والصفات. ان للايمان باسماء الله وصفاته اثارا عظيمة. في نفس المسلم وتحقيقه لعبادة ربه. فمن اثار تلك المعاني التي يجدها العبد في عبودته القلبية التي تثمر التوكل والاعتماد وحفظ الجوارح وخطرات القلب وضبط الهواجس
34:51حتى لا يفكر الا فيما يرضي الله ويحب لله وفي الله به يسمع وبه يبصر. ومع ذلك هو واسع الرجاء. وحسن الظن بالله وهذه المعاني وغيرها مما يتعلق بالايمان بمعاني الاسماء والصفات تثمر العبودية. ده المفترض الظاهرة والباطنة على تفاوت بين
35:11شخص اخر وذلك فضل الله يؤتيه من يشاء مثال فلاسمه الغفار اثر عظيم في محبته. وعدم اليأس من رحمته. ولاسمه شديد العقاب اثر عظيم في خشيته وعدم الجرأة على محارمه وهكذا لاسمائه الاخرى وصفاته اثارها بحسب دلالاتها المتنوعة في نفس المسلم واستقامة
35:38على شرع الله بل وتحقيق محبته في القلوب التي هي اساس سعادة المسلم في الدنيا والاخرة. ومفتاح كل خير واعظم عون للعبد على عبادته لربه على اكمل الوجوه اذ الاعمال الظاهرة تخف وتثقل على النفس بحسب محبة الله
35:58قاعدة جليلة. بيقول الاعمال امتى تكون تقيلة على قلبك؟ لما يكون حب ربنا قليل وامتى لو عملت تبقى خفيفة؟ لما حب ربنا يبقى كبير. طب حب ربنا ييجي منين؟ من خلال معرفة اسمائه وصفاته. فهذا الامر يؤثر. هتلاقي نفسك خفيف في العبادة تقيل
36:14في العبادة فاكمال العمل وتحسينه على اكمل على ما اراد الله منوط بالمحبة القلبية لله. والمحبة منوطة بمعرفة الاسماء والصفات لهذا كان اعظم ناس عبادة لله الرسل الذين هم اعظم الناس محبة له واعرفهم بايه. تمام؟ تمام؟ بيقول بقى بعد كده ما هو بقى ايه بقى التوحيد بقى؟ مفروض
36:35بيقول اولا توحيد الاسماء والصفات هو اثبات اثبات ما اثبته الله لنفسه. واثبته له رسوله صلى صلى الله عليه وسلم ونفي ما نفى الله عن نفسه او نفاه عنه رسوله صلى الله عليه وسلم من الاسماء
36:55والصفات والاقرار لله تعالى بمعانيها الصحيحة ودلالتها واستشعار اثارها ومقتضياتها في الخلق لماذا ان هو بيتكلم هنا ان احنا نثبت اللي اثبته النبي واثبته لله. وننفي ما نفاه الله ونفاه النبي عليه الصلاة والسلام. يعني ايه الاثبات؟ يعني قال تعالى
37:15او لا اله الا هو الحي القيوم يبقى انا اعتقد ان من اسماء الله الحي ومن اسماء القيوم. وان وان من صفات ان له حياة وان له قيوميا. هو بيقول انك تسبت مش تسبتها بس كاسم كده لأ تسبت المعنى اللي جواه
37:35الحياة تسبت القيومية ان هو مش اسمه قيوم وخلاص لا هو هو اسمه القيوم وهو قائم على عباده بالفعل بمعنى ايه؟ ان ممكن يكون واحد له اسم بس الاسم ده ما لوش دلالة
37:51كمن يسمي مسلا نفسه خالد مسلا. واحد اسمه خالد هو ده اسم هل الاسم دوت له معنى عنده له دلالة في صفاته؟ لأ انك ميت وانهم ميتون. ما فيش دلالة في الاسم ده فيه هو. انما هو اسم بس خالي من الايه
38:10المضمون هو ليس بخالد. لكن هو الناس بتسمي سمي اي حاجة. واخد بالك؟ واحدة اسمها جميلة مسلا وليست بجميلة حسناء وليست بحسناء فدي ممكن ايه؟ ممكن يبقى في البشر في المخلوقين يبقى ايه؟ اسم لكن ما فيهوش مضمون
38:26ولله المثل الاعلى طبعا. اما كل اسم لله فله يعني يدل على المعنى الذي حواه الاسم بالفعل والدلالة دي على المعنى بما يليق بالله بقى. يعني ما ايه ما يجيش في بالك
38:42صورة معينة لأ الموضوع بما يليق بالله ساعة يأتي. يعني ازا قلنا ان الله جميل فهو جميل وله جمال بالفعل. مش مجرد زي ما سمع واحد اسمه جميل مش جميل لا
38:53الله جميل وله جمال. هو قيوم وهو قائم على عباده وهو قائم على عباده سبحانه وتعالى. اسمه السميع وبالفعل لا يغيب عنه شيء. اسمه البصير ولا يغيب عنه شيء وهكذا بقى. اسمه العظيم والاعظم منه. اسمه الظاهر ولا اعلى منه. اسمه العلي ولا اعلى منه. يبقى كل اسم متضمن
39:19الصفة اللائقة بالله. زي مش زي ما انا قلت لكم بقى واحد اسمه خالد وواحدة اسمها جميلة ولا لأ بل احنا بنعتقد نسبة الاشياء دي. يبقى انا بثبت ان ربنا اثبته لنفسه
39:31اي اسم واي صفة ايه الفرق من الاسم والصفة؟ عادي ما احنا بنقول ان الاسم الاسم سميع. ايه هي الصفة انه بيسمع تمام اسمه زي ما قلنا آآ آآ البصير صفة الصفة ايه؟ انه يبصر. وقد يكون هناك صفة بدون اسم. مثلا يضحك ربنا. هو ما لوش اسم يعني
39:53يعني مع الصفة ديت ما اسموش الضاحك مسلا لا لأ هو يضحك دي صفة بس من غير ايه من غير اسم ينزل ربنا الى السماء الدنيا الثلث الاخير من الليل. دي صفة بس ما لهاش ايه؟ اسم ما اسموش النازل سبحانه وتعالى. صح؟ آآ وجاء ربك والملك صفا صفا. من صفات
40:13يجيء يوم القيامة. لكن ما اسموش الجائي مسلا او كده. المهم ان ان ممكن يكون اسم اي اسم له صفة. يعني اي اسم يدل على ايه على صفة. بس ممكن يكون في صفات ما لهاش ايه؟ ما لهاش اسماء. فده معنى الاسم والصفة
40:31اللي اسمه له والصفة. الباقي هو الذي لا يفنى الاول هو الذي ليس قبله شيء. يبقى ده اسمه دي صفته. الاخر ده اسمه. صفته ايه؟ ليس بعده شيء. يبقى كل اسم
40:46دل على صفة ونعتقد ان كل اسم بالفعل هو له دلالات في صفات الله سبحانه وتعالى على ما يليق بالله سبحانه وتعالى. لزلك هو بيقول هنا غير بيقول اثبات يلوى الاقرار بمعانيها الصحيحة
41:02ودلالته يعني ايه بمعنيها الصحيحة دي هتيجي بقى؟ احنا قلنا دلالتها ان انا الاسم بيدل على الايه؟ الصفة مش كده؟ يعني ايه معناها الصحيحة؟ هتيجي دلوقتي لما اقول لك ان في
41:15في ناس اصلا اولوا الصفة دي يعني نقلوها عن معناها الصحيح الى معنى اخر باطل. طيب خلاص. وبيقول لنا ننفي ما نفعه عن نفسه. ما هو ربنا ما اسبتش بس
41:25قال لا تأخذه سنة ولا نوم ما مسنا من لغوم قال النبي عليه الصلاة والسلام ان الله لا ينام ولا ينبغي له ان ينام. يبقى انا بسبت ايه؟ بنفي اللي نفاه وبسبت اللي ايه؟ اللي اثبته. تمام؟ وابقى اقر
41:44بالمعنى وبما دل عليه من الصفة وفي نفس الوقت بعتبر الصفة دي ليس لها نزير ولا مسيل انما هي على ما يليق بالله سبحانه وتعالى. وده اللي هيجي دلوقتي في الكلمة اللي هيقولها دي. السطر اللي جاي ده هو اهم سطر النهاردة. طيب انا بقى ايه ايه منهجي
42:03في في الاثبات ما هو اسبت اسبتها في قواعد تخليني اضبط الاسبات دوت. انا اسبت الصفة. ايوة اسبتها ايه الضابط بتاعها بقى بيقول لنا يقوم المنهج الحق في باب الاسماء والصفات. على الايمان الكامل والتصديق الجازم بما وصف الله به نفسه ووصفه به رسوله صلى الله
42:25عليه وسلم. لغاية هنا الكلام متكرر. احنا قلنا هنوصف زي كلمة وصف دي تتفرد للكلمتين اللي قالهم قبل كده الاسبات والنفي. لان الوصف يشمل الايه نسبات والنفي انا بوصف ربنا هو ان هو حي. ومن صفاته
42:44لا تأخذه سنة. فكلمة وصف دي بتشمل الايه؟ الاتنين. هو فوق فصصها قال قال ما اسبته وما نفى فتحت عليه ما وصف بس. لان كلمة وصف دي يدخل تحتيها الاسبات والايه
42:57كنا مركزين معي يا جماعة اه ما وصف معه عشان كده فوق قال الاتنين اسبت ونفى. كلمة وصف تشمل اسبات والنفي. خد بقى الاربع الكلمات الجايين دول كل ما نسبته من الاسماء والصفات لازم يكون بالضوابط ديت من غير تحريف ولا تعطيل ولا تكييف ولا تمسيل
43:20اربع كلمات احفزهم وهشرحهم لك دلوقتي. من غير تحريف ولا تعطيل. ولا تكييف ولا تمثيل طيب هو بدأ بالتحريف والتعطيل بس انا هبدأ بالتمسيل والتكييف عشان تحس انك خدت حاجة بسرعة. لان التحريف هيطول معي. التمسيل سهلة باينة اوي
43:47انا باسبت اي صفة من غير ايه؟ تمسيل. يعني ايه تمسيل؟ ان انا اعتقد ان لها مسيل المخلوقات كان يعتقد الانسان ان يد الله كاد الانسان مسلا او ان رجل الله كرجل الانسان. او ان يعتقد ان سمعه كسمع مسلا آآ الطيور او اي شيء. ان يعتقد ان الصفة دي
44:09لها مثيل في المخلوقات. فدوت منهج باطل. انما نعتقد ان اي صفة لله ليس لها مسيل. ليس كمثله شيء وهو السميع البصير. تمام لم يكن له كفوا احد هل تعلم له سميا
44:31لا نعلم له سميا سبحانه وتعالى. فبالتالي ما ينفعش تعتقد ان ايه؟ ان مسلا لما اقول لك ايه؟ آآ يد الله ييجي في بالك ايدك مسلا لا يجوز زلك اقول لك رجل الله ييجي في بالك رجل اي شيء مسلا. لا يجوز زلك
44:48تاخد القاعدة كل ما دار في بالك والله اعلى من ذلك كل ما دار في بالك فالله اعلى من زلك. ليس كمثله شيء. وهو السميع البصير. ولله وله المثل الاعلى في السماوات والارض. يبقى حاجة ما ما ايه؟ ما اتشافتش ولا يمكن تخيلها
45:11ده التمثيل ان انا اعتقد ان فيه شبيه له موجود. طب ايه التكييف ده؟ التكييف ان انا شبه التمسيل بس حاجة مش موجودة بقى. حاجة فين في دماغي انا بس
45:23هي مش موجودة على ارض الواقع بس انا اللي مفترضها في دماغي هو شبه التمسيل بس من غير ما يكون له ايه حاجة موجودة على الارض لو حاجة موجودة في المخلوقات انما التكييف ده انا في بالي
45:37انا متخيل ربنا بطريقة معينة كده يعني مع نفسي هذا لا يجوز ايضا لا يجوز. لان الانسان يعجز عن هذا امر خارج قدرات الانسان. لان ربنا قال لنا كده. قال ولا يحيطون به ايه
45:53علما فالله تعالى لا يحاط به علما فمن زلك انك انت لا يمكن ان تتخيل صفته على الوجه الحقيقي انما تبقى فاهم المعنى. يعني ايه يضحك؟ يضحك معروف مفهومة صح؟ يعني ايه يد يد؟ مفهوم يعني ايه يد؟ لكن هي
46:11ازاي بقى دي اللي مش ممكن تعرفها زي ما عينك يا اخواننا لها حدود ما تقدرش تشوف مسلا ابو قير من هنا ما تقدرش تسمع دبة النملة. ان ودانك لها حدود. كزلك عقلك له حدود. من الحدود اللي ربنا جعلها العقل
46:29ان تصل العقول الى صفة الله سبحانه وتعالى انت تخيلها يعني وتقدر تجزم ان هو دي صفة ربنا سبحانه وتعالى ازا كانت الجنة الجنة فيها ما لا عين رأت ولا اذن سمعت ولا ايه؟ خطر على قلب بشر. الجنة مخلوقة ولا خالقة
46:49مخلوقة مش كده؟ ازا كان ربنا خلق مخلوق لا يمكن تخيله فكيف بالله فما ظنكم برب العالمين؟ ازا ازا كان الجنة نفسها لا يمكن لا يمكن تيجي على بالك هي عاملة ازاي بالزبط. حاجة اعلى بكتير من اللي انت بتتخيلها وحاجة اعلى بكتير من
47:06لكل اللي انت شايفه. فكيف بالخالق ازا كنت انا لا استطيع ان ادرك كنه الجنة ديت. فكيف استطيع ان اجعل لله في دماغي كذلك ويسألونك مسلا عن الايه؟ عن الروح. قل الروح من امر ربي. هل يستطيع احد ان يصف لنا الروح؟ ايه الروح
47:26اوصفها لنا كده تقول لي رح هي مفهومة يعني بس ما اقدرش اقول لك هقول لك يعني ازاي بتصعد الى الله ازاي بتنزل ازاي كما جاء في الحديث ان الميت اذا مات خرجت روحه حتى يتبع بصره. ازاي بتقبضها الملائكة؟ تمسك ايه يعني؟ تقول له انا ايش عرفني انا شفتها قبل كده
47:46هي كده بالزبط. طب الروح دي مخلوقة ولا خالقة؟ مخلوقة. ازا كان هناك مخلوق من مخلوقات الله لا يمكن ادراك صفاته رغم ان انت فاهم انت لما اقول لك تصعد الروح انت فاهم ولا مش فاهم؟ فاهم بس مش قادر ايه
48:01متخيل ازاي تنزل الروح انت فاهم مش بقول طلاسم انا بس انت مش قادر تتخيل ازاي ان الملائكة بتنزع الروح فاهم ان الملايكة بتقبض الروح فاهم بس ما اقدرش اقول لك ازاي
48:15كذلك الله سبحانه وتعالى. نحن نؤمن بكل صفاته انت فاهم يعني ايه يد؟ فاهم يعني ايه رجل؟ فاهم يعني ايه ينزل؟ فاهم يعني ايه اضحك؟ فاهم يعني ايه يجيء؟ فاهم يعني ايه؟ يعني يتكلم فاهم يعني ايه يعلم يقدر
48:31يريد الحاجات دي مفهومة. كمعاني لكن ازاي بالزبط بقى يعني اوصفها لي دي اللي مش ممكن تعرفها. وما تحاولش. النبي عليه الصلاة والسلام قال لا تفكروا في الله وتفكروا في آلاء الله. يقصد تفكروا في الله يعني في ايه؟ هو ازاي؟ عامل ازاي؟ دي مش هتوصل لها ابدا. فاي تكييف في دماغك لله
48:56هو تكييف خاطئ لازم تعرف كده تصرفه عنك وتعرف ان ربنا اعلى من كده بكتير فالتكيف ان واحد يقول انا هو ما لوش مثيل بس له الصورة في دماغي معينة انا حاططها له. نقول له لأ. ده برضه نوع من التمسيل بس هو مش تمسيل هو تكييف. يعني التكييف دوت دايرة اوسع من الايه؟ تمثيل. التمسيل كان التمسيل
49:17كل تمسيل تكييف وليس كل تكييف ايه؟ تمسيل. فاهم؟ دي شغل هندسة بقى ها؟ هتحط دايرتين جوة بعض. دايرة صغيرة اسمها ايه تمثيل والدايرة الكبيرة اسمها تكييف. يبقى كل تمسيل تكييف وليس كل تكييف تمسيل. خلاص؟ شكلهم مش فاهمين حاجة
49:38تعملوا كده وخلاص. تمام تمام. طيب يبقى احنا فهمنا يعني ايه ان انا اسبت صفات ربنا من غير شبيه من غير من غير مسيل من غير تكييف حتى في عقلك
49:48الحاجة التالتة خلينا ماشي خلينا نخش في التحريف بقى. من غير تحريف. ايه التحريف ده بقى؟ التحريف ده ان انا اسبت الاسم عادي. اقول له اسم سابت. صفة سابتة بس مش معناها اللي انتم فاهمينه دوت. لها معنى تاني
50:08مثال انه يقول لله يد. لله يد انا اؤمن بهذه الكلمة وهذه الصفة. بس يد دي مش معناها يد اللي انت فاهمها. انما اليد معناها القدرة هو عمل ايه دلوقتي؟ حر في الكيه؟ حر في الاسم
50:28آآ انا متأكد ان حديس ينزل ربنا الى السماء الدنيا ده صحيح ما فيش كلام فيه. بس مش زي ما انت فاهم مش ينزل ربنا زي ما انتم فاهمين لا لا لا
50:38ينزل ابونا معها ينزل امره ينزل ربنا معناها تنزل الملائكة يبقى هو عمل ايه دلوقتي؟ حرف المعنى الزاهر لمعنى تاني مش زاهر هو الكلام دلوقتي انا لما العرب بتخاطب بكلام في القرآن. الاصل ان بيخاطب بالظاهر ولا بالالغاز
51:01انا لما بكلمك كلام الاصل ان انا بكلمك اريد ظاهر كلامي ولا اريد شيء خفي في كلامي الزاهر اكيد لما ربنا نفسه ينزل كتاب يريد ان يعمل به الناس ويلتزم به كل احد العالم والبسيط والزكي والمتواضع وكده. هل ربنا هيكلمنا بالالغاز ولا بامور
51:23القاهرة الغاز ما يعرفهاش الا خواص الناس ولا حاجة اي حد يقرأها يفهمها. اي حد يقرأها يفهمها. فالاصل ان انا بتعامل مع الايات بالزاهر فلما ربنا يقول ينزل ربنا وينزل ربنا هو نفسه ينزل جل وعلا
51:39لكن هم بقى بتوع التحريف يروح محرف الايه؟ يقول لك ينزل ينزل امره. يد يعني القدرة. يضحك اشمعناه يضحك؟ يضحك يعني يريد الثواب. يريد ان هو يثيب عبده يعني فدي معنى يضحك مش معناه يضحك اللي انت فاهمها. انا اقول له انا فاهمها بس مش ما عنديش لها ايه صفة في دماغي عشان ما هو مشكلة اللي بيحرف ده ايه
51:59ان هو بيخاف من حاجة معينة. بيخاف ان هو يقع في التشبيه يعني هو بيقول ان انا لو اسبت ان ربنا بيضحك وبينزل وبيجيء وله يد ووجه وقدم يبقى انا كده شبهته بالمخلوقات
52:18نقول له ليه؟ يعني ايه اللي اضطرك فهو بيقول وهو بيكمل بقى يقول لك انا لقيت انا كده هشبهه بالايه؟ بالمخلوقات ولابد ان ربنا يخالف المخلوقات فبالتالي انا لازم احر في الصفة ديت عن معناها الظاهر علشان اهرب من الايه
52:35من تشبيه علشان ما اصفوش بصفات يبقى في بقى فيها شبه ايه؟ شبه خلقه. نقول له انت انطلقت من منطلق خاطئ وترتب عليه نتيجة؟ خاطئة. المنطلق الخاطئ ان انت افترضت
52:50اصلا ان معنى ان انا اسبت لله وجه او يد او نزول او ضحك ان انا كده شبهته بخلقه. مين قال كده وايه هو اللازم في كده سؤال مش احنا عارفين ان الجنة ربنا قال لنا فيها انهار من ايه؟ من ماء عسل صح؟ لبن
53:14دي اسماء برضو هل انت جه في بالك ان الاسماء ديت هي هي زيها في الدنيا ولا حاجة تانية عالية؟ حاجة تانية هي اسمها كده بس اسمها لبن واسمها عسل واسمها ماء بس ليس في الدنيا
53:27من الاخرة الا الايه؟ الا الاسماء. انت اقتنعت في الموضوع ده في الجنة. طب ما احنا ممكن نفس الكلام نقوله في حق الله سبحانه وتعالى. ان احنا ان هو له يد له رجل له وجه له آآ ينزل يجيء يضحك
53:45لكن ما يجيش في بالك ابدا ان هو شبه شبه حاجة او حاجة في بالك او حاجة موجودة في الدنيا او ان هو يشبه احد من خلقه سبحانه وتعالى. فبالتالي لو انا طلعت من المأزق ده مش هحتاج للايه
53:58للتحريف مش هحتاج ان انا تحرى في المعنى لمعنى تاني عشان اريح ضميري ان انا كده الحمد لله ما وقعتش في الايه؟ في التشبيه فده معنى التحريف. التحريف ان انت تصرف المعنى الى معنى اخر
54:16بدون دليل لشبهة بعقلك بس شيل الشبهة دي استريح. لكن بسبب الشبهة العقلية دي رحت انت اضطريت تحرف حاجات كتير بنقول لك انت انطلقت منطلق خاطئ ما لوش دليل اصلا. ان انت خايف من التشبيه. طب ليه؟ تمام؟ عشان كده هو بيقول لنا التحريف هو قسمه لنوعين من التحريف سهل
54:37مين يعني؟ بيقول في تحريف لفظي تحريف معنوي تحريف اللفظي ان الناس عشان تحرف الصفة تزود حاجة تزود حاجة عشان تحرفها بيقول هو الزيادة في الكلمة او نقصان او تغيير حركة في الكلمة
54:54كتحريف كلمة استوى لقوله تعالى الرحمن على العرش استوى الى كلمة استولى. الى كلمة استولى ده طريقة عند ايه؟ عند اهل البدع هم احنا اهل السنة بيقولوا الرحمن على العرش استوى. يعني ايه كلمة استوى في اللغة؟ يعني على وارتفع
55:18علا وارتفع. معنى الكلام ان احنا نعتقد ان الله علا على عرشه ارتفع على عرشه. اما اهل البدعة كالمعتزلة والاشاعرة وغيرهم لا يعتقدون هذا المعنى لان هم بيعتقدوا ان ده
55:33يؤدي الى معنى باطل. الموضوع جه معهم ازاي؟ قال لك احنا لو قلنا ان ربنا علا على عرشه زي ما انتم بتقولوا يبقى هو كان فيه مكان في حيز ثم انتقل الى مكان اخر وحيز اخر
55:52مسار الحيز الاول خالي منه وصار الحيز الثاني مشغول به نفس الكلام فيه ينزل ربنا. يقولوا ما ابتلعهن ينزل. يبقى هو خلى منه عرشه وينزل يبقى هو كان متحيز في جهة
56:09وبعد كده بقى في جهة تانية. لا لا لا الكلام ده ما ينفعش في حق ربنا. الغي الكلام ده كله. استوى مش معناها ارتفع. ينزل مش معناها ينزل نرد عليهم بايه
56:21ان كل الافتراضات الابتدائية اللي انت افترضتها ديت احنا اصلا مش متفقين معك ايه؟ عليها. لانك انت اصلا افتراضاتك دي اتبنت على تشبيه. يعني انت شبهت وافترضت ونفيت كل ده مع نفسك
56:37وكل ده ما يلزمنيش انا مش مفترض كل اللي انت مفترض ده ولا بقول به يعني انا لما بقول ان ربنا استوى على العرش. هل انا بقول ان ان استوائه كاستوائي انا
56:50على كرسي مسلا انا لما بطلع فوق كرسي تحت فاضي وانا بقيت فوق كنت قاعد على الارض بقيت قاعد فوق الكرسي انت افترضت ان ده شبه كده فبالتالي ما جتش معك
57:02فبدأت ايه؟ تغير الكلام عشان تستريح انا لما بنزل من بيتنا بيتنا بيفضي وبنزل بنزل المسجد ببقى انا شاغل المسجد والبيت بقى فاضي مني لكن هل ربنا بينزل كده حاشاه سبحانه وتعالى. كما قال السلف ينزل ولا يخلو منه عرشه
57:19ليس كمسله شيء وهو السميع البصير. ينزل ولا يخلو منه عرشه. هو نزولك نزولك انت. ازا كانت السماوات مطويات بيمينه. يعني نزوله اكيد مش زي نزول ده هو الموضوع مش مش مش زي ما انت فاهم خالص. فهو الايه؟ اصحاب البدع عملوا ايه؟ هم وقعوا ابتداء
57:37في تشبيه يعني شبهوا الايه الصفة الحاجة الزهنية في دماغهم وبعد كده استعظموها في حق الله فراحوا ايه نقول لهم اصلا انت غلطت من الاول انك انت شبهت وبعد كده نيتك الطيبة انك انت قلت لا انا لازم انزه ربنا عن الايه؟ عن التشبيه ده فرحت رايح في ليه
58:00في التحريف طلعت من باطل دخلت في ايه؟ في باطل. الحل انك انت الباطل الاولاني ده ما تفترضوش هتستريح لا تفترض صفة معينة في دماغك اسبت الاسم والصفة ونقول هو ينزل على ما يليق به. لا ادري كيف انزل
58:19هو له يد على ما يليق به لا ادري كيف هذا ارتفع العرش واستوى. لا كاستواء المخلوقين. زلك الامام مالك حس بالراجل اللي دخل له ده لما دخل له. قال يا امام
58:32كيف استوى على العرش كيف هو مش بيقول له معنى استوى معنى استوى ايه عال وارتفع هو بيقول له ايه ؟ كيف ففهم ان الراجل ده ايه جاي يعني ايه يصطاد في الماية العكرة
58:48فقال الاستواء معلوم يعني ايه معلوم؟ حد يقول لي كلمة واحدة معلومي ليه؟ معلوم المعنى. الله ينور عليك. معلوم الايه؟ المعنى. كلمة استوى ما حدش فاهمها ولا فاهمينها احنا؟ فاهمين يعني ايه استوى
59:01قال والكيف مجهول. ازاي بقى دي ما نعرفهاش. والايمان به واجب ان انت تثبت الصفة والسؤال عنه عنه عنه عن ايه يعني عن الكيفية ولا المعنى؟ عن الكيفية. والسؤال عنه بدعة. قال واراك رجل سوء اخرجوه من مجلسي. وطرده برة. قال له انت جاي شكلك كده
59:26شكلك مش مزبوط. لأ انت جاي كده تتعبنا بقى. طالما بتسأل على الكيفيات يبقى انت باب بدعة ده باب بدعة. ما هو مشكلة المبتدع دايما ان هو بيخش في الاول في الايه؟ في الكيفية. فلما الكيفية ما بتجيش معه يروح داخل في الايه؟ في التحريف في التعطيل. يعني بيحاول يخلص
59:43خلاص بقى من المشكلة اللي في دماغه دي. فهو بيقول له لأ وقف بقى وقف الكلام قالوا الاستواء معلوم. حط شيل كلمة استواء دي. حط مكانها اي حاجة بقى. ده مزهب مالك. ومالك ده من ائمة السلف. وده مزهب كل الائمة
59:58يعني مش مالك ده مع نفسه لا ده مالك واحمد والشافعي كله كده. فاللي بيخالف المنهج ده بيخالف منهج السلف الصريح. حط بقى بدل الاستواء دي النزول. النزول معلوم والكيف مجهول والايمان به واجب والسؤال عنه بدعة. الضحك الضحك معلوم
1:00:14معلوم الايه المعنى والكيف مجهول الايمان به واجب السؤال عنه عن ايه؟ عن الكيفية بدعة. اليد معلومة والكيف مجهول الايمان بها واجب. السؤال عن كيفيتها بدعة. حط بقى كل الاسماء والصفات كده. تستريح خالص. شف
1:00:35سلف كلمتين خش بقى مع اهل البدعة ما تطلعش تغرق فتى افتراضات عقلية وسفسطة. ليه؟ لان منهجهم اصلا اصلا مبني على مشكلة الموضوع يطول شرحه يعني. هو اصلا اتبنى منهج المفتدي على ايه؟ على اصل فاسد. وهو ان العقول مقدمة على الايه؟ على النقل على النصوص
1:00:58النوع الاول لازم المسألة تعقل عنده فاذا اثبتها العقل اثبتها. وازا لم يثبتها في حوله يلاقي لها ايه مخرج. اما ينفيها او ايه؟ يحرفها. والموضوع ده اصلا عن اصل تاني. انما اصلا كل اهل البدعة متأسرين بالفلسفة اليونانية
1:01:20لما كان السلف زمان قبل ما تختلط الامة باليونان بيبتدوا يترجموا كتب الفلاسفة. كانت الامة سليمة من كل الايه؟ من كل الخزعبلات ديت. فلما حصل التأثر بالثقافة اليونانية ودخلت الايه
1:01:34ترجمة كتب الفلاسفة تأثر بها علماء كتير. بدأوا يستعملوا منهج الفلسفي في فهم الدين يترتب عليك كل الايه؟ كل الخزعبلات ديت. المنهج الفلسفي منهج فاسد فلما اتحط على الايه هذا المحكم نتج عنه نتيجة فاسدة
1:01:55العقليات السفسطة الافتراضات المنطقيات اللي هي كلها هي الاساس. بعد كده العلمانيين بس مم. بعد كده احط انا بقى كل الافتراضات دي على الاية والحديس. ركبوا تمام ما ركبوش اغير العقل ولا اغير النص؟ لا اغير النص. ما اغيرش العقل. العقل عندهم دوت الايه؟ اصل الاصول
1:02:22النص ممكن يبقى ضعيف ممكن يبقى صحيح ممكن نأوله ممكن نتصرف فيه. ده منهج فاسد جدا. طب السلف كانوا عايشين ازاي قبل السفسطة دي؟ وقبل للمنهج دوت مشكلة كبيرة. فالتحريف ان هو يبتدي يخش بدخلة غلط مقدمة غلط ينتج عنها فهم غلط. يترتب عليه نتيجة غلط
1:02:42ويتفرع عن زلك يعني ايه يتفرع عن زلك عقيدة فاسدة زي بقى عقيدة المعتزلة عقيدة الاشاعرة. كل ده مبني على الموضوع ده. المعتزلة نفوا كل الصفات كلها. اسبتوا الاسماء بس. يعني هل هو اسم عليم؟ اسمه قدير اسمه بصير
1:02:57بس آآ ليس له صفة علم صفة سمع صفة بصر. طبعا الموضوع يطول جه منين الموضوع ده قصة يعني بس هي كلها مبنية على الفلسفات. الاشاعرة اسبتوا سبع صفات قالوا
1:03:13له هو العلم القدرة الارادة السمع البصر الكلام الحياة طب اشمعنى السبع صفات دول ما زبتوهاش بالدليل؟ اسبتوها بالايه؟ بالعقل. قال لك العقل يسبتها. توعية الصفات قال لك العقل لا يسبتها. فبالتالي ننفيها. لان
1:03:30الصفات هيقولوا ديت لو اسبتناها يبقى اسبتنا ان هو يشبه خلقه. وبالتالي او اسبتنا ان هو هيبقى شبه خلقه ان له جسم ومش عارف ايه. فلازم ننزهه عن الصفات ديت فكل الصفات التانية اولها. نقول لهم طيب. خلينا معكم للاخر
1:03:47سبع صفات دول. السبع صفات دول اصلا هم مشتركين بين الله وبين العباد. من حيس الاسم طبعا. فالله تعالى له علم والخلق لهم علم صح الله تعالى سميع والانسان سميع. ربنا قال ليس كمثله شيء وهو الايه؟ السميع البصير. قال انا خلقنا الانسان من نطفة ام شجر نبتليه فجعلناه سميعا بصير
1:04:07تمام؟ الانسان له قدرة وربنا له قدرة. الانسان له ارادة وربنا له ارادة. طب لو كان الموضوع عندكم هي مشكلة التشبيه؟ طب ما ليه اسبت دول؟ طب ما نفس الكلام هنا هو الكلام هنا
1:04:19يعني انت اللي اثبته ده لو انت عندك مشكلة في شبهة تشبيه هي اللي خلتك تنفي الباقي كنت تنفي دول برضو. لان دول يتحقق فيهم نفس الايه؟ نفس المشكلة طيب لو انت عندك دليل على اسبات دول يبقى نفس الدليل اسبت به كل الايه؟ كل الباقي
1:04:38ولو دول سبتوا عندك لو افترضنا ان الدليل هو العقل. لو دول ثبتوا بالعقل ففي حاجات تانية تسبت بالعقل برضو ممكن نجيب لك عليها ادلة عقلية. المنهج نفسه فيه خلل
1:04:48المنك فيه خلل. ولو حكمناه لمزهبه هو نفسه هنطلعه غلطان يعني نفس الاصول اللي اعتمد بها على نفي صفات واسبات صفات هي نفسها اللي ممكن نقلبها عليه ونخليه غلطان في اللي اسبته وفي اللي نفاه
1:05:04لكن المنهج الصحيح ان احنا الاصل عندنا هو الايه؟ النقل. الحديث الاية نسلم بها. واي عقل يستوعب المعنى. المعنى ما فيش حد عنده مشكلة فيه. واحنا وربنا ما كلفناش نبحس في الايه؟ في الكيفية. يبقى خلاص ايه
1:05:22مشكلة ان انا اسبت جميع الصفات واقول هي سابتة على ما يليق بالله. هي سابتة بالكمال اللائق بالله. وخلاص. وكل شيء يثبت وما اي اشكالية في الايه في القضية ديت. فمنهم من وقع في التحريف اللفظي والتحريف المعنوي. ايه هو التحريف اللفظي ان هو يغير حاجة؟ مسلا واحد عايز ينفي صفة الكلام. عملوا ايه
1:05:42احنا نقول لهم وكلم الله موسى تكليما. يقول لك لا لا الاية مش كده غلط. هي وكلم الله موسى تكريما. عمل ايه هو كده؟ خلى الله منصوب. خلاه بدل فاعل مفعول. يبقى مين اللي بيكلم مين هنا؟ موسى هو اللي بيكلم الله. فنفى صفة الايه؟ الكلام
1:06:00حركة بسيطة شال الضمة حط فتحة. نفى صفة الكلام. طبعا مش هيعرف يرد على التانية. ولما جاء موسى اه ولما جاء موسى لميقاتنا وكلمه ايه؟ ربه. هتعمل فيه ايه ديت؟ بس يعني يعني
1:06:12استوى بس هو المسال اللي جابه هنا فيه نزر على فكرة لان هو هنا ما اضافش حاجة هو اضافها في التفسير. يعني لما بيقول هنا الرحمن العرش استوى فالسراب استولى هو ده تحريف لفظي ولا معنوي
1:06:26الظاهر انه معنوي. لان هو ما حرفش اللفظ نفسه. هو حرف الايه؟ المعنى. هو غير كلمة استوى؟ هو مسافة زي ما هي بس قال معناها استولى. يبقى ده تحريف لفظي ولا معنوي؟ معنوي في المعنى. ما غيرش الايه؟ ما غيرش اللفظ نفسه. هنا بيقول بيت كده يعني ان شاء الله نفهمه
1:06:45بيقول نون اليهود ولام جهمي هما في وحي رب العرش زائدتان. فهمتوا حاجة؟ اه الجهمية يدل هم بقى اسوأ من المعتزلة. دي الفرقة بقى نفت الاسماء والصفات خالص. وبيقولوا استولى برضه
1:07:02في اصل الكلمة دي كان كان فرقة اسمها الايه؟ الجهمية. فبيقول لام الجهمية اللي هي خلت استوى ايه؟ استولى. يقول شبه نون اليهود. ايه نون اليهود دي بقى نعم؟ اه احسنت. ربنا قال لهم وقولوا حطة نغفر لكم خطاياكم. فقالوا حنطة
1:07:21فزودوا نون استهزاء فبيقول نون اليهود ما اشبهها بلام الجهمية دولا غيروا اللفظ وحطوا نون ودول غيروا اللفظ وحطوا ايه؟ لام. المهم مش نجانين. التحريف المعنوي بقى اللي هو ايه؟ ان انت تقول الكلمة زي ما
1:07:36بس مش ده معناه يد مش هغير الكلمة بس هي مش معناها يد معناها قدرة. هي استوعى زي ما هي بس هي استولى نقول له هذا التحريف ليس عليه دليل. انما لابد ان تأتي بدليل قبل ما تقول او قبل ما تحرف التحريف الايه؟ المعنوي دوت
1:07:55طيب بيقول لنا يبقى احنا كده فهمنا التحريف. التعطيل بقى بيقول هو نفي الصفة تماما. يعني ده اسوأ بقى. يعني التاني بيقول هو هي اليد دي سابتة بس مش معناه يد
1:08:08يقول لا ده ما فيش يد اصلا. ولا لها تأويل. هي ما فيش الكلام ده. الكلام ده مش موجود. هي نفي الصفات. كمن زعم ان الله تعالى لا يتصف بصفة
1:08:18بيقول هو الفرق بين التحريف والتعطيل ايه؟ التحريف نفيا المعنى الصحيح الذي دلت عليه النصوص واستبداله بمعنى ايه؟ اخر. غير صحيح. اما التعطيل فهو نفي المعنى الصحيح من غير استبدال بمعنى اخر. فيقولون ليس بسميع
1:08:34ليس ببصير ليس له يد ليس له وجه ليس له زائل. كله كل حاجة بينفيها وخلاص. نفيه نفيه محض بدون اي اسبات ولا بديل حتى يعني طب ايه طب معناه ايه؟ ان هو ما عندوش ما فيش معنى. هي كل الكلام ده مجازات وليس لها معاني. تمام؟ يبقى دوت المنهج الصحيح فاهم الاسماء
1:08:52ان احنا نفهم الاسماء والصفات بالضوابط ديت نسبتها نسبة مغفرته الله. ننفي ما نفاه الله. والرسول عليه الصلاة والسلام ونبتعد عن التمثيل تكييف ان انت هتاخد له كيفية. وتحترس من الشبه اللي ممكن تأتي لعقلك فتضطرك لتحريف المعاني عن معناها الزاهر
1:09:14فضلا انك انت تعطلها فتنفي المعنى وتنفي المعنى ليه للتاني المخترع دوت فلا تحريف لا تعطيل لا تكييف لا تمسيل اربع كلمات تتحفظ وهنعيدهم تاني ان شاء الله المرة الجاية لان احنا هيجي لنا قواعد تانية هتخلينا نكرر نفس الكلام دوت ان شاء الله هنكمل المرة القادمة جزاكم الله خيرا سبحانك