استمع إلى الصوتيات والقرآن في تطبيق IlmPro افتح التطبيق

عشر قواعد ذهبية للثبات بعد رمضان _ مهم جدا نسمعه بتركيييز لعل كلمة تنجيك _ م علاء حامد

0:00الحمد لله واشهد ان لا اله الا الله وحده لا شريك له. واشهد ان محمدا عبده ورسوله صلى الله عليه وسلم. اما بعد اهلا ومرحبا بكم في آآ لقاء اه لايف جديد بعد رمضان بفضل الله سبحانه وتعالى
0:15اكيد من المناسب ان احنا في الفترة اللي بتبقى بعد رمضان ديت اه نحاول ان احنا نتدارك الوضع واكيد الشكوى بتبقى آآ رهيبة بعد رمضان. ناس كتير بتحس ان في حاجة اتغيرت حاسس ان انا مش عارف ما لي بعد رمضان الدنيا بايظة مني. آآ
0:31حاسس قلبي قافل كده شوية. آآ انا قليت جامد بعد رمضان انا الحقني هادي استغاسة يعني ايه مشهورة بعد رمضان بل احنا يعني انا نفسي بستغيس الاستغاسة ديت لكن آآ الفكرة ايه ان احنا بنشارك بعض نصايح يعني انا انصحكم وانتم تنصحوني
0:54يمكن برضو الواحد كتير جدا بيعمل آآ فيديوهات علشان يزكر نفسه. ولعل حد ينتفع معه بهزه ذكرى ولو طلع بنفسه يبقى هو هو استفاد يعني. فيا رب ينفعني بالكلمات ديت. وينفعكم برضو بالكلمات ديت ويا رب
1:14بتلقى القبول. طيب احنا النهاردة جايين نتكلم في ايه؟ بص هو النهاردة ايه فضفضة كده. يعني هو اسم اللقاء قواعد السبات بعد رمضان. انا هحاول اصيغ الكلام اللي انا عايز اقوله في محورين
1:28محورين بس محور الاول هسميه قواعد. قواعد بعد رمضان والمحور التاني ممكن اسميه المحفزات. بعض المحفزات علشان نتشجع والكلام دوت تمام؟ فخلينا واحدة واحدة كده نفضفض يعني خليني احس الاحساس الطبيعي بتاعي في اي درس بديه ان انا مش مش درس بقى وانتم آآ لا
1:52احنا عادي بنتكلم مع بعض خاصة ان هو لايف آآ بندردش مع بعض بنحكي همومنا وشجونا قاعدين بقى ايه نبكي من بعد رمضان على احنا ليه الوضع مش زي رمضان. لكن ممكن مع الوقت مع الكلام كل واحد فينا ياخد كلمة تنفعه. او قاعدة من القواعد تفرق معه. وان شاء الله
2:15بثمرة كبيرة من الدرس ده بازن الله سبحانه وتعالى. اتفقنا؟ طيب. خليني آآ من غير ترتيب. يعني القواعد مش هتكون مرتبة قوي. لكن من كل قاعدة قيمة في حالها كده كل قاعدة مهمة جدا
2:29تمام. اول قاعدة بتقول لنا اه اه هذا التغير اللي حصل لك بعد رمضان آآ بيقعد عندي قاعدة عظيمة آآ طيب خليني الاول لا لا استنوا هبدأ بقاعدة تانية انا عايز ابدأ بقاعدة اه ديت الاول. اللي هي اصلا عايز اعرف احنا فين؟ يعني في قاعدة قاعدة بتقول ايه
3:00بتقول الثبات بعد رمضان لا يعني انني ساكون مثل رمضان دي مهمة جدا القاعدة الاولى بتقول ايه؟ السبات بعد رمضان لا يعني انك ستكون مثل رمضان لانه لا يوجد مثل رمضان
3:24فدي مهمة لان البعض بيعتبر ان مجرد نزوله عن رمضان انا كده بضيع انا كده انتكست انا كده ضعت انا ضايع صح طيب احنا لسه هنحدد احنا رحنا فين بس خلينا نحط قاعدة الاول عشان الاول واحدة واحدة. نفهم يعني ايه السبات؟ انا دلوقتي بقول قواعد السبات بعد رمضان. هو ايه السبات بعد رمضان
3:44هل السبات بعد رمضان ان انا اصوم كل يوم؟ طب ما انت كنت بتصوم كل يوم اكيد لا هل السبات بعد رمضان ان انا مسلا هصلي آآ تلات تجزاء مسلا زي العشر الاواخر؟ برضو صعب شوية. تمام؟ هل السبات بعد رمضان
3:59هقرأ كل يوم خمس تجزاء وسبعة اجزاء زي ما كنت بعمل في رمضان. ما الدنيا مش ايه وبرضو في زروف في رمضان ما كتش متوفرة في غير رمضان. يعني ما هو رمضان آآ فتحت ابواب الجنة غلقت ابواب النار. صفدت الشياطين. دلوقتي الشياطين
4:15وطلعوا لنا وشغالين علينا جامد الصحبة اللي كانت في المسجد نزولنا للمسجد اصلا ما بقاش زي زي نزولنا في رمضان. آآ الجو العام اللي كان دافع في اتجاه الطاعات كلها مش موجود
4:31يبقى ازا لما عرف اصلا مسألة السبات بعد رمضان لازم ان احنا الاول عشان رفقا بنفسنا نقول ان السبات بعد رمضان لا يعنيه ان تكون مثل رمضان امال ايه الكلام دوت
4:44آآ يعني السبات بقى على رمضان ان انا ان انا مش مش هتوقف بعد رمضان يعني هستمر في كل ما كنت افعل اكيد مش بنفس القوة. لكن مش هقطع اي حاجة
4:59كله مكمل معي عادي او خلينا نفصلها بشكل تاني احسن تعالوا نقولوا حديس الاول وبعد كده نفصله. فلما نفهمه هنعرف مين فينا سبت بعد رمضان ومين فينا ما سبتش النبي عليه الصلاة والسلام بيقول
5:20سيبوا الحديس ده وهاتوه حلو اوي قال لكل عمل شرة لكل عمل شره ولكل شرة فترة فترة قال فطوبى لمن كانت فترته الى سنتي فطوبى لمن كانت فترته الى سنتي
5:41لكل عمل شرة. يعني ايه شرة؟ يعني له كده آآ ساعات كده بتحس ان انت فوق قوي. والدنيا ما شاء الله معك والقيام جميل والتدبر الخشوع شغال والاوراد مية مية وما شاء الله معلي جامد. ده الشرة بتاعتك. معلي قوي
6:00بس طبعا ما فيش حد بيفضل كده على طول لازم لكل شرة فترة. نريح شوية مش هفضل كده على طول. كل جواد له كبوة شوية. فالواحد بينزل شوية ويطلع تاني وينزل شوية ويطلع تاني
6:15المهم بقى تعقيب النبي عليه الصلاة والسلام لما قال فطوبى لمن كانت فترته الى سنتي. طوبى ديت يعني ايه؟ معناها الخير الكثير او قيل طوبى يعني شجرة في الجنة. الله! يعني النبي عليه الصلاة والسلام بيقول اللي نزل دوت كويس الكلام دوت بقى
6:34ايه الكلام ده؟ يعني اللي نزل ده كويس ازاي؟ فبيقول طوبة لمن كانت فترته الى سنته يعني نزل وكويس معلش فهمني بس عشان انا ما انا نزلت برضو وانا وانا وحشة ولا كويسة ولا انا ايه الكلام؟ تعال نركز هو ما قالش طوبة
6:52اللي فطر لأ هو قال طوبة لمن كانت فترته الى سنته من كانت فترته الى سنته يعني لما نزل لسه في الامان. لما نزل لسه على السنة بمعنى ان هو قاعد يطلع وينزل في الحتة الامان
7:09تعالوا نتخيل تخيل تاني تخيل تعال نتخيل ان في خط احمر الخط الاحمر ده تحتيه مكتوب فعل المحرمات تعالوا تخيلوه او ارسموه تحت الخط الاحمر ده في حاجة اسمها فعل المحرمات
7:25وترك الواجبات يعني اللي لبس الضيق تاني اللي بينت شعرها تاني. اللي بيتفرج على افلام مسلسلات تاني اللي بتسمع بي تي اس تاني. اللي بتسمع اغاني تاني. اللي شرب سجاير
7:37تاني لرجعة للاباحية تاني. ده اللي ما بتصليش الفجر من رمضان تاني ده ايد تحت احنا كده تحت الخط الاحمر. ده اسمه آآ احنا كده بنضيع. ده تحت ده اسمه بنضيع فعلا
7:50في فوق الخط الاحمر بقى منطقة ايه تبقى ايه آآ آآ صفرا وبعد كده ايه تبتدي اخضر فاتح. وبعد كده اخضر غامق. وبعد كده ايه؟ اخضر اخضر. فهي قاعدة تحلو كل ما بنطلع فوق
8:07فوق بقى كده اسمه ايه؟ احنا عدينا حتة ان انا بعمل محرمات او بترك واجبات فوق الخط الاحمر ده فيه بقى ايه فعل المستحبات وترك المكروهات فالحتة دي واسعة قوي كبيرة قوي ممكن اطلع فيها وانزل
8:24ومع احيانا بلاقي نفسي فوق واحيانا بلاقي نفسي تحت شوية فمعنى كلام النبي عليه الصلاة والسلام انك لو لو نزلت انت بخير وما فيش مشكلة. لو انت بتلعب في الحتة اللي فوق الخط الاحمر. تاني
8:39لو لو الكلام النبي عليه الصلاة والسلام على ايه؟ على ان انت لو بتطلع فوق وتنزل تطلع وتنزل. لكن بعيد عن الخط الاحمر انت مية مية. ما فيش مشكلة لانك انت في الحتة الامان. الحتة الاصفر والاخضر
8:56اصفر اللي هو بيقول لك خلي بالك ما تنزلش اكتر من كده تمام الاصفر بيقول لك ايه؟ خل بالك ما تنزلش اكتر من كده عشان انت في الخطر كده بتحوم حول الحمى
9:10والاخضر بيقول لك تمام انت بعيد الحمد لله كويس فلو انا بلعب في الحتة ديت صعودا ونزولا يبقى هون عليك ان شاء الله انت بخير ما له الصوت؟ الصوت موجود اهو
9:31تمام لو انت اه اه في الحتة دي صعودا ونزولا فالحديس بيقول لك انت بخير. انت الحمد لله مش وحش. كويس لو انت في الحتة دية. تمام آآ مسل حديس حنظلة. برضو هنتكلم عن اللي نزل بقى تحت الخط الاحمر لان هو ده اللي بالنسبة لنا اللي خايفين عليه. لكن الاول خلينا نعرف
9:59يعني انا لو بعد رمضان انا كنت مثلا بقرأ آآ خمس اجزاء. فدلوقتي بقرأ جزئين او حتى جزء احنا ما ضعناش. عشان برضو بالراحة على نفسنا شوية. مش عايزين يعني نشد احنا غلابة. يعني احنا احنا غلابة عايزين حد يقول لنا رسالة ايجابية
10:19ماشي كويس آآ انا كنت بصلي بتلات تجزاء وجزئين ده انا بصلي نص ساعة دلوقتي بس كل يوم الحمد لله ما قطعتش من رمضان. كويس كويس كويس يعني احنا ما ضعناش
10:36انا يعني من ساعة رمضان صمت يومين بس من شوال. ماشي كويس هنكملهم ان شاء الله لسه بدري لسه نص شوال معنا. ممكن نجيب اربعة كمان او تمانية يعني ممكن نقدر نجيب كتير. على الاقل نخلص الستة من شوال. مش وحش
10:53واحدة واحدة تمام؟ ما هو اكيد هنريح بعد رمضان بس في ناس اللهم بارك ريح بس ما فيش حاجة قطعت. تمام؟ آآ لا في ورد قرآن في في اذكار في
11:03في قيام ليل الصراحة في ما اكدبش عليك لا بصوم اه صمت يومين بس بس صمت صمت الصراحة بيني وبينك الحمد لله حجابي ما زي ما هو زي ما هو الحمد لله والافلام والمسلسلات ما رجعتلهاش. والاغاني ما رجعتلهاش. والاباحية الحمد لله من رمضان وانا ايه ماسك نفسي لا شفت
11:24حاجة ولا عملت حاجة ولا العادة ولا الكلام دوت كويس بس انا حاسس ان انا قليت. ما ماشي. ما ما هو اكيد هنقل. بس بس ممكن برضو نشجع نفسنا نقول
11:36كويس مش احسن حاجة بس معقول على الاقل احنا كده فوق الخط الاحمر. اه نزلنا قربنا احنا في الاصفر فده بنقول لك خلي بالك يعني فيه خطر. حاول بقى ايه يعني ايه احمد
11:49بما ان انت في الاصفر بس ايه شد حيلك شوية. عشان نطلع فوق شوية عشان كده احنا مقربين من الاحمر. ما حدش عارف بكرة هيحصل ايه ده موضوعنا عامل زي حديث حنظلة يفكرني بحديث حنظلة المشهور لما كان قاعد كده حنظلة قاعد فعدى عليها ابو بكر الصديق
12:07الحقيقة زعلان اوي قال له مالك قال نافق حنظلة نافق حنظلة قال له ليه يعني في ايه قال له نكون عند النبي عليه الصلاة والسلام فيذكرنا بالجنة والنار كأنها رأي عين
12:22لانها رأي عين. حتى ازا عدنا الى بيوتنا ولاعبنا الاولاد ولاعبنا الزوجات نسينا كثيرا. يعني بحس الدنيا قلت معي اوي ابو بكر بقى ايه هو بيقول له اصلا مشغل دماغه طب ما انا كده يعني لو اللي انت بتقوله ده نفاقي يا حنظلة يبقى انا منافق انا كمان. قال هيا بنا الى رسول الله صلى الله عليه وسلم هنروح يعني
12:46فراحوا النبي عليه الصلاة والسلام فقالوا له المشكلة. المشكلة احنا بنبقى عندك خلي كلمة عندك دي كأنها رمضان. حلو؟ عندك بنكون جامدين قوي. بنحس ان احنا ايه؟ في الجنة لما بنرجع بيوتنا وخلي كلمة نرجع بيوتنا دي كأنها خروج من رمضان ماشي
13:04خلي دي مكان ديت عندك دي يعني رمضان. نرجع بيتنا يعني شوال. تمام؟ آآ نرجع بنقل فايه احنا بنقل طبعا طبعا حنظلة ابو بكر مش في اللي تحت الخط الاحمر. يعني اكيد بيقل يعني هو في الحتة اللي ايه الاخضر فاتح اصفر كده يعني
13:23في الحتة اللي هي الامان تماما يعني فبيقول له بس بنقل يعني بنقل. بنقعد نلعب مع العيال مع زوجتي وبتاع. احنا كده وحشين. احنا كمنافقين وانا انا نزلت من رمضان انا كده منافق
13:38فقال له يا يا حنظلة يا حنظلة لو انكم تداومون على الحالة التي تكونون عليها عندي والله يا حنظلة لصافحتكم الملائكة في الطرقات تمام؟ وعلى فروشكم ولكن يا حنظلة ساعة وساعة
14:00فقال له ايه؟ قال له انت لو لو انت العادي بتاعك زي ما بتكون عندي او خلينا نقول لو العادي بتاعك زي رمضان ده الملايكة تنزل تسلم عليك في الشوارع. وتسلم عليك وانت نايم. بس عايز يقول له يعني في زروف غير زروف. هو هو يعني
14:19لما اكون قدام النبي هو النبي بيديني درس عليه الصلاة والسلام هبقى زي ما اكون في البيت انت نفسك لما تكوني في الدار زي البيت في المسجد زي البيت ما عدتش طبيعي لأ
14:30تمام؟ هل انا في رمضان زي شوال؟ ما هو اكيد لا ما هي الزروف اللي في رمضان مش متوفرة في شوال. يبقى نرجع نقول لنفسنا خلاص ساعة ولا ساعة حد هيقول لي انا اصح وانا ايه اللي حصل لي؟ انا من بعد رمضان العيال شغلوني وشغل البيت والامتحانات داخلة وبرضو خرجنا
14:50بس احنا كزا مرة آآ وكلنا وشربنا بص كل دا اسمه ايه يا جماعة؟ كل دا اسمه واحات مباحات احنا ليه محسين نفسنا ان احنا بنعمل محرمات. لو فعلا شكوتك في ان انا بس يعني هي الصراحة من بعد رمضان الواحد ريح شوية. فتوسع في المباحات فقط
15:13ما عملش محرمات. توسع في المباحات وده اثر على المستحبات والاجتهاد في الطاعة. برضو مش وحش بس هقول لك نصيحة علشان ما نبقاش بنكد على نفسنا ايه هي؟ هو انت ليه بتعاملي المباحات على ان هي حاجة رجز من عمل الشيطان
15:33ليه ما لكيش نية في المباحات ديت؟ هو انا لما افسحت عيالي مش ده عمل صالح هو انا لما لما بعمل آآ آآ اكل لعيالي هو ده مش عمل صالح؟ هو انا لما اسف يعني عملت آآ تباعلت لزوجي او زوج آآ يعني
15:49عمل اه على قاعة يعني الحياة تمام؟ مش ده اجر. تمام؟ ما ما دي حاجة يعني دي مش حرام حاجة كويسة بناخد عليها اجر. تمام؟ هو احنا لما لما مسلا يعني آآ بنزاكر ما ممكن يعني ازا انا عايز اقول لكم يعني ان ان ليه بنكد على نفسنا برضو آآ خلي النكد
16:09لما نعمل لسه النكد جاي دلوقتي. لما اقول لكم بقى اللي راجع للمعاصي او ترك الطاعات. ده هنكد عليه معلش. لكن اللي دنيته كلها بتلعب في حتة والله انا انا حاسس المباحات فرطت مني شوية
16:24وبس الحمد لله لسة فيه من كل حاجة فيه حاجة ما فيش حاجة راحت مني وما رجعتش لمحرمات وما تركتش واجبات هنقول له اني كويس كويس بس برضو خلي بالك انت كده قربت بتقرب من الخط الاحمر
16:42فما تحبطش نفسك انت مش هتكون زي رمضان آآ آآ آآ المباحات ديت برضو عشان ما ننكدش على نفسنا انوي فيها نية صالحة انوي وانت بتنام انك تصحى للفجر وانت بتعملي بتطبخي لولادك انك بتطعمي آآ آآ ناس آآ انوي وانت بتزاكري لولادك ان ده عمل صالح. انوي وانت
17:07بتفسح ولادك ان ده ادخال سرور على مسلم يعني هي الحياة كده يا جماعة خلاص؟ يبقى ده صاحبنا. ولكن دي معنى ساعة وساعة. يعني ساعة بنكون طاعات طاعات صرف. وساعة تانية المباحات بتوسع فيها شوية
17:22بس ايه لنا فيها نية. فاكيد الساعة حتى لو فيها مباحات فيها نية مش زي الساعة اللي فيها طاعات صرف تمام طبعا في ناس ما بيفهموش ساعة وساعة بيفهموها غلط خالص. فهموا ساعة وساعة يعني ساعة طاعة وساعة معصية. وده فهم عقيم فهم سقيم فهم مريض فهم حرام
17:41يعني النبي عليه الصلاة والسلام يقول لنا ساعة وساعة. يعني ساعة طاعة وساعة معصية؟ ده اللي يفكر كده يعني في ناس تشرب وبتاع وتتفرج على حاجات شمال كده فتيجي تقول له يا عم يقول لك يا عم ساعة وساعة. ايه ايه ده! ساعة ايه دي! ايه ده! ايه يعني! هو النبي قال ساعة طاعة وساعة ايه اعمل شمال! ازاي يعني
18:01لأ ساعة وساعة يعني ساعة الايمان عالي قوي وساعة الايمان متوسط فده اللي افهمه خلاص طيب خلينا بقى نتكلم بقى في الايه في اللي جاي بعد كده بقى مين بقى اللي جاي بعد كده؟ هو للاسف بقى اللي رجع رجعة مش حلوة. احنا خلاص خلصنا الاولاني ده وطبطبنا عليه شوية وقلنا له
18:26يعني شد حيلك وحاول يعني ايه آآ ما تنزلش اكتر من كده وارجع كده واحدة واحدة زود واحدة واحدة واستعين بالله وان شاء الله خير لكن بقى اللي نزل تحت الخط الاحمر. لأ. لأ
18:41لا لا لا لا ده كده انا زعلان زعلان اوي تمام؟ اه خد بالكم يعني كلنا كده كلنا وحشين يعني انا بكلم نفسي يعني بس لا احنا ليه ليه احنا دلوقتي ليه بعد رمضان في
18:56واحدة بطلت اللبس الواسع ورجعت للضيق ليه ليه في واحدة بتصليش الفجر من رمضان؟ ازاي؟ ازاي يا جماعة؟ طب هم ازاي تمام؟ رب شوال هو رب رمضان ليه في واحد راجع للافلام والمسلسلات والمهرجانات؟ ليه في ناس بتتفرج على الاباحية بعد رمضان يا جماعة
19:18ازاي في حد راجع العادة السيئة؟ ازاي بنت رجعت تكلم الولد تاني؟ ازاي الولد لسه راجع للبنات تاني لا لا لا لا احنا كده تحت الخط الاحمر ده فعلا اللي بنقول انت كده بتقع. كده وقعت. ما ما مش هضحك عليك
19:32مش هضحك عليك لكن ده اللي بقى بيخليني ادخل على القاعدة التانية. انا قلت لكم ايه؟ كنت هقول دي الاولى بس خليتها التانية عشان دي بالزات عايز اخاطب الجميع خصوصا اللي وقع
19:47بعد ما قلنا القاعدة الاولى الثبات في رمضان لا يساوي ان يكون ان تكون مثل رمضان وفصلناها لكن برضو في اخرها قلنا مش قصدي تعمل محرمات وتترك واجبات طيب القاعدة التانية بقى اللي هيخش اللي انا الشخص اللي اتكيت عليه دلوقتي دوت
20:06هقول له بعد رمضان تبين لك انه ليس لك الا الله وانه لا هادي الا الله وانك اذا وكلت الى نفسك تضيع ولعل احيانا بتكون دي حكمة ربنا في ان انت وقعت
20:35اشرحها لكم هشرحها لكم. بعض الناس بيبقى اللهم بارك في رمضان كان شادد حيله جامد وكان في اول رمضان يعني قبل رمضان كان بيدعي ربنا يا رب وفقني يا رب يا رب وساعدني والكلام دوت
20:52اللهم بارك من اول رمضان دايس وبيعلي يعلي بيعلي وجه في العشر الاواخر وصل لمستوى عالي جدا. من الطاعة والخشوع والاوراد وكان جامد جه بقى على اخر رمضان بدأ ايه؟ حالة الافتقار الى الله دي تقل
21:10والحالة بتاعة الذل والمسكنة اللي كان عليها في اول رمضان دي ريحت شوية وبدأ حاجة تانية تزهر بدأ ايه؟ حاجة تانية تزهر وهي انا بدأ يركن الى نفسه وبدأت بتشوف اه انا صليت
21:31انا وصلت لمستوى عالي جدا حتى لو ده حديس نفس مش لازم تقوله. بس حالها وقلبها وصل لكده بدأ الزل والمسكنة والدعاء الكتير قوي والبكاء والتضرع الى الله قل قل خالص
21:47وبدأت حتة الركون الى النفس فطالع بعد رمضان معه نشوة الطاعة. فيه فرق بين الفرحة بالطاعة اللي هي الفرح بالله. ان انا فرحان ان ربنا وفقني وفي لا في حتة عقب بقى يعني فرح بنفسك
22:03فرحان بنفسي احنا عملنا ده احنا صلينا ده احنا ختمنا في العشر ده احنا ختمنا ختمتين في العشرة تمام فطالع في حتة نشوة كده بالطاعة. الطاعة يا جماعة لها لها لها زهو
22:20ايه يا زهو والطاعة آآ ممكن تقلب معك بكبر او عقب وممكن واحد فعلا طالع كده زي ما بيقول بالبلدي كده شايف نفسه شوية شايف نفسه شوية فربنا اراد به الخير
22:35عمل ايه؟ راح رجعه المعصية ما كانش يتخيل انه يرجع لها تقول لي ازاي اراد به الخير دي معصية؟ ما هو هيرجعه كده من بعد رمضان مش عارف يزبط الفجر خالص. مع ان ده كان بيقوم بتلات اجزاء. الله
22:50بعد رمضان مش مش قادر يبطل آآ يتفرج جاب كل المسلسلات اللي فاتته الله ده ما فتحش تليفزيون في رمضان ليه بقى؟ لان هو طالع من رمضان شايف ان هو عمل حاجة
23:07مش فرحان بالله وبتوفيق الله لا فرحان بنفسه تمام يا شباب تمام يا شباب؟ فهو حاسس ان هو هو اللي عمل. ربنا سبحانه وتعالى يبتليه يبتلي بايه؟ يبتليه بان هو يقع. يقع. علشان يرجع تاني للحالة التي كان عليها
23:46حالة الذل والفقر والايه والمسكن ان يعرف انه ليس له الا الله. ووالله لو طلع بالدرس ده بس اللي طالع بدرس خطير جدا جدا جدا طالعة بدرس خطير جدا وهو ان هو يرجع تاني يقف على عتبات الذل وعتبات الفقر
24:11وعتبات المسكنة ويرجع تاني يقول والله والله لولا الله ما اهتدينا ولا تصدقن ولا صلينا يقول الحمد لله الذي هدانا لهذا وما كنا لنهتدي لولا ان هدانا الله ويقرا دلوقتي القرآن ويشوف
24:38ان سيدنا ابراهيم سيدنا ابراهيم بيقول ربي اجعلني ربي اجعلني مقيم الصلاة. ومن ذريتي ربنا وتقبل دعاء وكان ويفتكر الدعاء اللي كان بيتقال في الصلاة اللي هو كان بيقول له له امين والشيخ كان بيقول اللهم اجعلني اللهم اجعلني لك
25:00تزكارا لك شكارا لك رهابا اليك منيبا اواها تمام ويسمع سيدنا ابراهيم بيقول واجنبني وبني ان نعبد الاصنام ويعرف ان فعلا مش بك ولو كانت بك كانت خربت. وفعلا لما بقت بك خربت
25:27ارجع تاني للزل والافتقار. والتضرع والبكاء قل لي يا رب انقزني يا رب ولما تشوف بقى حبيبك عليه الصلاة والسلام كان بيدعي وانس بيقول كنت ما اكثر ما سمعت النبي صلى الله عليه وسلم وهو يقول يا مقلب القلوب
25:47ثبت قلبي على دينك. يا مقلب القلوب ايه ثبت قلبي على دينك وكان النبي عليه الصلاة والسلام يقول اللهم اجعلني لك ذكارا. وكان بيقول اللهم اني اسألك الثبات في الامر
26:01والعزيمة على الرشد. اسألك الثبات في الامر والعزيمة على الرشد وكان يقول اللهم يا ولي الاسلام واهله مسكنا الاسلام مسكنا الاسلام حتى نلقاك عليه. وكان يقول اللهم احفظني الاسلام قائما واحفظني بالاسلام قاعدا واحفظني بالاسلام راقدا
26:24ها وكان بيقول اللهم اني اعوذ بك من الحور بعد الكور اللهم اني اعوذ بك من الايه؟ من الحور بعد الكور. يعني ايه الحور بعد الكور الكور من تكوير العمامة. عارفين العمامة؟ العمامة بتاعة الصعايدة دي؟ ده لما يلفوها كده اسمه الكور
26:42ولما يحلها اسمه الحور فالنبي عليه الصلاة والسلام بيقول اللهم اني ارزقك من الحور بعد الكور. يعني تعبير عن الايه؟ ان يا رب اعوز بك من ان انا انتكس ويتفلت امري بعد ما كان
26:55امري ماسك وكويس. فحلو الدعاء ده اول مرة تفهموه. اللهم اني اعوذ بك من الحور بعد الكور. يبقى القاعدة التانية اللي طلعت بها ليس لك الا الله. والهداية بيديه وانما وقعت
27:12بسبب ضعف منزلة الافتقار والزل والمسكنة تمام؟ ونحط التالتة بقى القاعدة التالتة عليك بالدعاء كما دعا الانبياء وكما دعا ابراهيم عليه السلام وكما دعا النبي عليه الصلاة والسلام واكثر من طلب الثبات
27:34واطلب من ربنا ان انت ترجع له طيب نمرة اربعة القاعدة الرابعة. بتقول ايه بقى بتقول ايه القاعدة الرابعة دي قاعدة رابعة بتقول لا تأخذ استراحة اختيارية لا تأخذ استراحة اختيارية
27:56واياك ان تخرج رأسك خارج الحصن. تاني لا تأخز استراحة اختيارية واحذر من ان تخرج رأسك خارج الحصن يعني ايه الكلام ده يا جماعة يعني بعض الناس بعد رمضان مش هقول لك بقى انتكس ولا حاجة لأ
28:31هو مع نفسه كده قرر ياخد استراحة فقال لك ايه انا رايح اسبوع او اريح اسبوعين وبعد كده برجع واختيارا مش مش مش انتكاس او نزل لأ. هو قرر ان هو مش هيفتح المصحف اسبوع او اسبوعين. او قررت مش هتقوم الليل اسبوع او اسبوعين. باريح
28:55بعد رمضان باريح شوية يا اخي تمام او آآ يعني ايه؟ يعني كده فاهم ازاي؟ مش هصلي في المسجد اسبوع بريح وهرجع تاني اياك ان تفعل زلك ليه بقى انت متخيل الشيطان اصلا كان محبوس. وهو طالع مستنيك
29:17وطالع ناوي لك تمام فانت كنت في حصن فاللي انت عملته ان انت طلعت راسك بره الحصن هيعمل ايه؟ هو اصلا مستنيكم وبيصوب السلاح مستنيك طلع راسك من رمضان بس
29:35اول ما تطلع راسك هينشك فانت بقى بكل زكاء طلعت راسك بمزاجك وخدت استراحة بمزاجك. هل انت تفتكر ان شيطان عبيط بعد الاستراحة دي هيسيبك ترجع كده ولا خليكي دي هتطول بقى على طول
29:53كم من واحدة فيكم بمزاجها قالت هريح بعد رمضان شوية وما رجعتش حصل ولا ما حصلش معلش انا عايز اعرف بس لازم اعرف جاوبوا علي. هل حصل ان في واحدة فعلا اختيارا
30:07لو حد فيكم شباب اختيارا قرر ان هو بعد رمضان هيريح شوية. وفعلا وقف مجموعة من الطاعات فورا وقفها تماما وقال انا بعد اسبوع اسبوعين هرجع والى الان ما رجعش
30:22صح ولا مش صح فده تصرف غلط ان كده انت سألت عن الشيطان المهمة. هو كان مش عارف يتصرف معك. انت طالع مكمل عادي. فمش عارف يمسكك منين. رحت انت قلت له بس باشا انا سايب لك كل حاجة
30:38اعمل اللي انت عايزه. بيلطش بقى. هو قاعد بيلطش فيك ليه خدت ليه ليه ليه ليه اديت لنفسك استراحة يعني؟ انا ما قولتلكش ابقى زي رمضان بس مش لدرجة تقطع
30:51في حد من مزاجه يقول انا مش هقوم الليل اسبوع ده ايه ده في حد يرفس النعمة بعد ما ربنا اداها له تمام؟ في واحدة الى الان ما صامتش ولا يوم في شوال ولسه عند عندها امل حصوم حصوم حصوم امتى طيب امتى
31:08غلط الغلط اللي حصل ده غلط. فيا رجاء اقطع الاجازة على طول لا تأخز اجازة اختيارية بعد رمضان ما تسهلش عليه المهم خلاص يبقى ده ايه؟ ديت القاعدة اللي هي نمرة كم؟ نقول ونمرة اربعة. حلو
31:25طيب القاعدة الخامسة القاعدة الخامسة بتقول ارجع الى الصحبة التي كانت معك في رمضان واسأل عليهم اسأل عليهم وعاتبهم ان هم ما سألوش عليك من رمضان اكيد كل واحد فينا في رمضان اتلم كده على صحبة كويسة
31:47وكانوا بنسأل على بعض ويلا القيام ويلا التهجد ويلا انت فين تمام لولا بقى احنا من ساعة رمضان ما تواصلناش. كل واحد انشغل مع اصحابه ومع اهله العيد العيدية مش مشكلة
31:59بس حان الوقت اننا نرجع لبعض انتم فين يا بنات؟ انتم فين يا شباب يا جماعة انتم سايبينا ليه؟ اخبارك ايه؟ بتصلي وما بتصليش. طب ما تيجي نشجع بعض تاني. ما تيجي نكمل عادي بعد رمضان زي ما كنا في رمضان. نفكر بعد
32:15مفكريني بالورد بتاعي. نتقابل كل يوم كده نشجع بعض. نسمع سلسلة مع بعض ونسأل بعض فيها ارجع للصحبة وكلمهم تاني وعاتبهم ان انتم ما سألوش عليك. يا جماعة انا باقع عيب مش عيب ان انا اقول انا بقع
32:32لو سمحتم اسألوا علي. يعني الحقوني يا جماعة تمام؟ ممكن الصحبة دي تبقى اونلاين وعندنا في الجروبات هتلاقوا صحبة صحبة كبيرة يعني تمام يبقى ده ايه ده القاعدة الخامسة. تعالوا نقول القاعدة
32:57السادسة القاعدة السادسة بتقول آآ الانتصار الحقيقي على الشيطان هو في شوال وليس في رمضان الانتصار الحقيقي على الشيطان هو في شوال وليس في رمضان لان المعركة الحقيقية بدأت مع الشيطان يوم واحد شوال
33:21من ساعة ما طلع ما تفرحش باللي انت عملته في رمضان انما فعلا اللي عايز يقول انا انا انا في في حاجة عملتها يبقى يتكلم بعد رمضان لبعد رمضان هذه ارض المعركة
33:34الحقيقية هي ارض المعركة الحقيقية تمام تعالوا نقول القاعدة السابعة القاعدة السابعة بتقول اعمالك في شوال ليست نوافل وانما هي انقاز لرمضان تاني اعمالك في شوال اللي هي النوافل اللي انت المفترض بتسميها نوافل. طبعا انا ما بتكلمش عن الواجبات والمحرمات دلوقتي. لو انا بتكلم على قيام الليل ورد القرآن الحاجات دي مش نوافل
34:08انت تنقز رمضان. ليه؟ لان انا اصلا اصلا انا طالع من رمضان اكيد ما عملتش كل حاجة بحقها واكيد في قصور في حاجات كتير. في الواجبات في صيام رمضان نفسه مش تمام
34:27صلاة الفرض مش تمام طيب انا عايز اكمل عشان يوم القيامة هتسأل على الحاجات ديت انا بزود نوافل في شوال علشان انقز واجبات رمضان عشان ما يحصلش مشكلة معي اه يوم القيامة
34:46لذلك في الحديث بيقول ان العبد هيتسأل على صيام رمضان. فازا جاء به تاما خلاص ازا جاء به ناقص الله يسأل هل له من نوافل فتتمون بها الفريضة فلو عنده نوافل هتجبر الفرض هيعدي
35:04لذلك احد السلف كان بيقول كلمة غريبة شوية بيقول كانت النوافل قديما تسمى نوافل ولكنها الان لابد ان تسمى فرائض مع نهي الكلام دوت بيقول زمان عايز يقول ان زمان كان الناس مخلصة الواجبات وعاملاها صح
35:23فلما بتعمل مستحبات دي اسمها نوافل يعني زيادات بيقول احنا اصلا الواجب واقع فما تسمليش النوافل نوافل بقى. دي بقت فرائض. عشان انا اصلا بنقز الفرد اللي انا عملته مش كويس
35:39فما تفتكرش ان انت اما تعمل حاجة زيادة في الشوال ان انت جامد انت مجرد بتنقز رمضان عشان ربنا يسترها معك. وتعدي يوم القيامة حلو الكلام طيب القاعدة التمنة بتقول
36:03رمضان جعلك تدرك انك تستطيع ان تفعل اشياء كثيرة فلا تستهين بقدراتك رمضان اثبت لك انك تستطيع ان تفعل اشياء كثيرة فلا تستهين بقدراتك طبعا بفضل الله في رمضان انت وصلت لمستوى
36:34كبير اوي مسلا ليه جاي في شوال تقول انا لا انا ما اقدرش آآ اصحى قبل الفجر اصلي. طب ما انت كنت اصلا ما بتنامش لغاية الفجر لا لا لا لا جزئين كتير اوي في اليوم. انت كنت بتقرا خمسة
36:48لا لا لا انا ما هصوم اتنين وخميس هو اتنين بس. حلو قوي طب ما انت كنت بتصوم تصوم تلاتين يوم يعني ليه ليه الاجابة دايما لما تكلف بشيء من طلب العلم او العبادة تكون الاجابة
37:03اصل انا كتير علي انا ما اقدرش زروفي. اصل المزاكرة طب ما كان فيه مزاكرة في رمضان يعني يعني ده كتير اوي كده لم يعني عايز اقول لك اكتشف نفسك انت اكتشفت نفسه في رمضان بعد الاكتشاف ده ما تتمص نفسك
37:18قد افلح من زكاه وقد خاب من ايه؟ من دساه القاعدة التاسعة بتقول لو اخذ منك الشيطان جولة فلا تعطيه جولات اخرى او لا تعطيه المعركة ازا اخز منك الشيطان جولة فلا تعطيه المعركة
37:44بمعنى وليه ده بيحصل ولا لا؟ ده دي القاعدة التاسعة دي اهم قاعدة معي النهاردة بعد رمضان في حد فيكم مسلا آآ رجع لمعصية ما. رجع للاباحية مسلا حلو طيب الشيطان قدر يوصله لديه وهو بقى على النت وبتاع والدنيا سرحت معه فرجع يتفرج على حاجات مش كويسة
38:08خلاص الشيطان خد منك الجولة دي وقعت خلاص انت وقعت فعلا والدنيا بتبوظ معك فراح هو بقى من دماغه كده مع نفسه كده قرر ما يصليش او قرر ما ينزلش صلاة الجماعة
38:24او قررت مش هاروح الدار. ليه لا اصل انا وحشة انا اتفرجت انا وحش. انا رجعت للاباحية. انا ما ينفعش اصلي انا ما ينفعش آآ اروح الدار انا ما ينفعش اقوم الليل
38:39لما ارجع ابقى ارجع. طب هو الشيطان اصلا كان اقصى احلامه انك تبص على المنزر دوت انت بقى بمزاجك بمزاجك من غير اصلا ما ييجي جنبك. رحت قلت له اتفضل يا باشا
38:52خد كمان جولتين من عندي. جدعنة. ايه ده ايه ده يعني! ايه احلى واجب! يعني اللي هو اصلا الشيطان بيبص لك يا الله! ايه الجمال ده اشكرك جدا. انا ما كنتش باحلم بكل دوت
39:07تمام؟ فده غباء انا اسف يعني دلوقتي الشيطان خد مني جولة هي الجولة دي بس ما اديلوش حاجة زيادة واحدة مثلا آآ رجعت ثاني مثلا آآ لبست ضيق شوية او كده
39:21او رجعت تكلم ولد متضايقة بقى من نفسها من ساعة ما حصل كده وهي كارهة نفسها. فلما كرهت نفسها قالت مش هصلي لما ابقى كويس اصلي لما بقى كويسة هابقى اصوم الستة من شوال. ما هو ما هو
39:38انت بتبوظي الدنيا اكثر ولا بنصلح يعني احنا هنمسك في الغلطة ونصلحها؟ ولا احنا كده جدعنة مننا ادينا الشيطان غلطتين تلاتة ما دام مدخل شيطاني يجي يقول لك انت مش كويسة. انت رجعت تاني. انت ما تنفعيش تصلي
39:54انت ما ينفعش تنزل تصلي بالناس. انت ما ينفعش تدعو الى الله. انت ما ينفعش تروحي الدار. انت وحشة مش شايفة انت عملتي ايه من بعد رمضان؟ نفسي ضيق ايه رأيك اتفرجتي على حاجات مش كويسة راجعتي الاغاني رجعتي الكوري رجعتي رجعت
40:10محفوز القرآن ازاي انت؟ لا لا لا لا انت تبطلي حفظ القرآن بقى لغاية ما ما ربنا يهديكي بقى مش هينفع كده وانت بتصلي بالناس ازاي؟ ده انت بتتفرج على حاجات مش كويسة. لا لا لا لا انت ما بتصليش في المسجد
40:25تمام انت عاملة لي شيخة وتطلبي علم. تخشي لي دورات ها وانت عارفة من بعد رمضان انت عاملة ايه؟ لا لا لا لا لا دورات ولا طلب علم. لما تبقي كويسة بقى بايه
40:38حصل ولا ما حصلش انا عايز اجابة عن الموضوع ده بالزات كل كل اللي سمعتيه في دماغك ده مش منك من الشيطان. وانت بكل سزاجة كل سزاجة صدقتيه رحت بدأت تدي له بقى صح؟ انا مش كويسة
40:54انا مش هخش دورة صح انا مش كويسة انا مش مش هقوم الليل. صح؟ انا مش كويسة. انا مش ما ينفعش اروح الدار وقاعدة تسلمي تسلمي تسلمي باسلحة بكل سزاجة
41:06هو الله مية مية. يلا ابعت ابعت ابعت لغاية ما فلست بوم راح نزل عليك بالقاضية. مش هتقومي ابدا طب ايه الحل؟ ايه الحل؟ الحل لما ياخد مني جولة هي الجولة بس خلاص ونقف على كده
41:22ماشي خلاص انا عارف ان انا رجعت الاغاني خلاص خلاص الصلاة ايه علاقة الصلاة؟ كمل في الصلاة عادي كمل صيام عادي كمل ازكار يا عادل اروح الدار عادي انزل اصلي في مسجد عادي. اه اجيب وردي عادي. خلاص هي مشكلتي هنا بس
41:40مشكلتي هنا بس واقول يا رب ساعدني ارجع القصور اللي حصل دوت وادعي ربنا واجاهد نفسي اكتر. واكاثر الطاعات تمام؟ بحيس ان انا لأ انا مش هديك حاجة تاني ومش هصدقك
41:59اللي انت قلته انا ان شاء الله هرجع حتى الوعة اللي وقعتها دي هجيبها. بس مش هسلمك ابدا جولة اكتر من اللي انت خدتها مني خدوا بالكم ده مزلة كبيرة جدا. عشان كده قلت لكم حطيت عنوان ايه؟ لو الشيطان اخد منك جولة فلا تسلمه المعركة. هي جولة. لسه جولات تانية
42:19دروج المعركة بقى. اه بالزبط. سمية قالت لنا كلمة جميلة. المفروض نعمل العكس. يعني انا دلوقتي الشيطان رجعني للاغاني او رجعني للايه؟ لللبس الضيق طيب ماشي انت بقى خدت مني دي طب خد بقى خد دي. اروح مزود نوافل اروح مزود قيام ليل. اروح مزود ازكار اخليه يكره اليوم اللي
42:39جه جنبي فيه يقول لي يا عم ايه يا عم! ده لما رجعته المعصية عمل عشر طاعات قصادها. سبه سبه. سبه اهرب منه ده ما ينفعش نيجي جنبه. ده لما بنرجعه لواحدة بيضربنا عشرة. اه هي الواحدة دي انا مش هي دي اللي ضربتك فيها. انا خسرتها خلاص. بس هتشوف هعمل فيك ايه
42:59هجلدك هناك. انت عارف انت ضربتني هنا؟ طب انا هجلدك هناك واروح مزود نوافل مزود صيام مزود ورد قرآن اخليه يكره انه ييجي جنبي تاني يهرب مني. شفني يهرب مني
43:13باقول لك يا عم سبه يا عم سبه يا عم ده ده مجنون ده مجنون ده ده ده احنا رجعناه للاغاني زود صلاة وصيام وقرآن وورد ودعوة ودخل دورتين لا لا لا سيبه ده سيبه في حاله
43:27فاهمين فكرة ان الحسنات يذهبن السيئات. فييجي بقى ايه؟ يجي الموضوع يدفع يدفع ايه؟ يدفع فشيطان يهرب هتلاقي نفسك او تلاقي نفسك ايه رجعت تاني الجولة دي رجعت لك وكمان زودت ايه في الطاعة
43:44بعد العشرة بتقول الندم توبة الندم توبة فلو كنت وقعت تحت الخط الاحمر فتعبد لله بالندم وسترجع بازن الله تعالى الندم توبة فلو وقعت تتعبد لله بالندم الى ان ترجع
44:26بمعنى ما تجمعش بين وقوع ولا مبالاة لا انا عندي تبقى واقع وندمان ومش طايق نفسك احسن بكتير من ان انت تبقى واقع برضو بس عادي ما فيش مشكلة بلا اقول لك بقى الاعلى من كده. انك تبقى واقع شوية وندمان وزعلان من نفسك
44:50احسن من اللي بعد رمضان. محافظ على بعض الطاعات ومعجب بنفسه المعجب هيقع والندمان هيرجع المعجب هيقع. والندمان هيرجع تاني واقع وندمان احسن من واقع ولا مبالي سابت بعد رمضان ومعجب بنفسه
45:18لأ انا عندي واحد واقع وندمان احسن منه الندمان هيرجع والمعجب هيقع لذلك في الحديس الراجل اللي كان بيقابل اخوه الحديس المشهور كان كل اخوه بيعمل بيعمل بعض المعاصي. وهو ما شاء الله عنده طاعات كتير. كل شوية يزكره بالله مش بيتزكر. فيقوم قال له والله آآ
45:42لا يغفر الله لك والله لا يغفر الله لك. خد بالكم دلوقتي معنا طائع معجب بنفسه وعاصي ندمان ربنا عالم ان المعجب ده هيقع وان الندمان ده هيرجع عشان كده قال من ذا الذي يتألى علي الا اغفر لفلان؟ قد غفرت له واحبطت عملك. يعني انت مصيرك هتقع بسبب عجبك بنفسك
46:07ده مصيره هيرجع عشان اقوى دلوقتي مش كويس بس هو ندمان من جوة عشان كده بعض السلف كان بيقول كلمة خطيرة جدا كان بيقول ايه بقى؟ احفظوها ديت بيقول اكتبوها ديت حاولوا تلقطوها مني واكتبوها. قال لان ابيت نائما
46:24واصبح نادما احب الي من ان ابيت قائما واصبح معجبا لان ابيت نائما. انام عن قيام الليل واصبح نادما زعلان من نفسي ان انا ما قمتش الليل. احب الي من ان ابيت قائما افضل طول الليل مصلي
46:45واصبح معجبا الفكرة لان ابيت نائما اصبح نادما احب الي من ان ابيت قائما واصبح معجبا على الاقل ازا كنت وقعت فحافظ على حرارة الندم اياك واللامبالاة. الندم ده بقى اللي هيبتدي يرجعني بقى تاني. واحدة واحدة هبتدي الندم ده يدفعني لغاية ما ارجع بازن الله سبحانه وتعالى. تمام
47:13كده خلصنا العشر قواعد بفضل الله سبحانه وتعالى. خلونا نتكلم بقى في عشر دقايق كده على بعض المحفزات بعض المحفزات اول شيء من المحفزات اول شيء من المحفزات السبات والاستقامة والمداومة
47:46تجعلك من اهل هزه الاية ان الذين قالوا ربنا الله ثم استقاموا تتنزل عليهم الملائكة الا تخافوا ولا تحزنوا وابشروا بالجنة التي كنتم توعدون. يعني اصحاب حسن الخاتمة اصحاب حسن الخاتمة هم اهل الاستقامة
48:16لذلك قال عمر استقاموا على الامر ولم يروغوا روغان الثعالب يعني مش كل شوية ايه يقع يوم يقع يوم لأ مكمل فدي من الحاجات اللي تحفزني كل ما اقرأ الاية ديت
48:31بقول يا رب يا رب اجعلني من اهل الاستقامة يا رب. الخط المستقيم مش بيقعد يعمل كده انا عايز حسن الخاتمة عايز تتنزل علي الملائكة فما ينفعش ان انا كل شوية اقع واقوم اقع واقوم. اقع اللي هي قلنا ايه اللي تحت الخط الاحمر يعني دي اسمها اقع. لكن زي ما قلنا فوق الخط الاحمر بانزل
48:50الطلعة دي ما اسمهاش بقع. دي اسمها ايه؟ فتور وارجع تاني. يعني ايه بنزل شوية واطلع بس مش واقع لكن كلمة وقعت يعني تحت الخط الاحمر هنا دي بتتكلم عن كده. استقاموا يعني دايما فوق خط الاحمر
49:05مش مش مش بينزل تحت الخط الاحمر. بيلعب في الحتة اللي فوق ديت ان الذين قالوا ربنا الله ثم ايه؟ استقاموا استقاموا فكن من اهل هزه الاية المحفز الثاني العكس اياك ان تكون من اهل الاية التانية
49:21الناس اللي حضروا معنا جزء الزريات. فاكرين سورة النجم لما قلنا ربنا بيعاتب مين؟ افرأيت الذي تولى واعطى قليلا واكدى ربنا بيعاتب مين اللي تولى اعطى قليل عمل شوية طاعات كده في رمضان اجدع يعني ايه يعني؟ قطع
49:46والكوديا هي العائق احنا قلنا يا جماعة الخط الاحمر هو اللي تحتيه. انك انت رجعت للمعاصي او تركت الواجبات احنا بدأنا نعمل حاجات غلط بقى لكن فوق الخط الاحمر ما بعملش حاجات غلط. بس في قللت شوية في المستحبات. زودت شوية في المباحات والمكروهات. بس ما عملناش حاجة حرام لسه
50:07بتاعة الخط الاحمر اللي هو بدأنا نقع في المحرمات وترك الواجبات. المهم يعني واعطى قليلا واكدا. قلنا الكدية هي الحاجة الكدية اللي هي الحاجة اللي بتوقفك بمعنى اكدة يعني وقف
50:24اعطى قليلا هو اصلا ما لحقش. ده انت يا دوبك رمضان خلص. ده انت ما لحقتش تعمل حاجة اكده ربنا بيقول اعنده علم الغيب فهو يرى يعني انت قطعت ليه
50:35مغسل وضامن جنة قطعت ليه؟ حد قال لك ان انت اتقبلت قطعت ليه؟ حد قال لك ان انت عديت مسلا قطعت ليه؟ جا لك وحي من ربنا ان انت تمام اقطع ما فيش مشكلة
50:48عنده علم الغيب ما انت لسة في المجهول انت لسه مش عارف. لسه ما تعرفش اه هتموت على ايه؟ طب قطعت ليه ايه الجرأة دي! ده الواحد بيقول يا رب بيفضل طول عمره شغال ويقول يا رب
51:03اسألك حسن الخاتمة امال بقى اللي اصلا مقطع! يعني يا دوبك يوم شهر ويقطع حداشر شهر! انت عايز ايه فاهم؟ فده عتاب. وبعد كده ربنا زكر بقى مين بقى؟ قال آآ عنده علم الغيب فهو يرى ام لم ينبأ بما في صحف موسى وابراهيم الذي
51:22يوفى وكان بيعاتبك بيقول لك ده سيدنا ابراهيم وفى سيدنا ابراهيم اللي ده بقى فعلا ضامن جنة وفى ما قصرش في اي حاجة انت بتأسر ليه؟ ازا كان اللي ضامن الجنة ما قصرش
51:35امال اللي مش ضامن جنة بيأسر ليه نمرة تلاتة خذ بوصية النبي عليه الصلاة والسلام لعبدالله بن عمرو بن العاص لما قال له النبي عليه الصلاة والسلام يا عبدالله يا عبد الله لا تكن مثل فلان
51:54يا عبد الله لا تكن مثل فلان كان يقوم من الليل فترك قيام الليل كان يقوم من الليل تارك ايه؟ قيام الليل جاء في الرواية ان عبدالله بن عمرو بن العاص
52:10كان لا يبسط له فراش من يومها يعني من يوم ما كانش بينام زي الناس كده. كان يفضل طول الليل يصلي وكده ينام ينام كده ايه تسقيط كده بيقولوا كده ينام على نفسه كده. ما بين الصلاة ينام كده يتعب شوية ينام. يقوم يصلي يتعب شوية ينام يقوم يصلي
52:28حاجة عالية قوي يعني مش عايزين نشتري للدرجة دي بس ايه مش عايزين للدرجة دي بس بس شف تطبيقه لوصية النبي عليه الصلاة والسلام لا تكن مثل فلان كان يقوم من الليل
52:40وتارك قيام الليل ديت ايه؟ نمرة تلاتة نمرة اربعة استمرارك بعد رمضان علامة قبول علامة قبول انا باقاوح مع نفسي عشان استمر عشان اطمن نفسي نوعا ما ان شاء الله ربنا قبلني
53:07لكن لما الدنيا بتقع مني بقلق بقلق ليه بقى؟ لان انوي ما كان لله دام واتصل وما كان لغير الله انقطع وانفصل ما كان لله دام واتصل وما كان لغير الله انقطع وانفصل
53:31انا بشك هو لو كان لله اطعت ليه ولو ربنا قبله يبقى ازاي قطعت المفروض لو قبله ما قطعش ان ربنا كريم ربنا شكور ومن يقترف حسنة نزد له فيها حسنى
53:49وكان السلف يقول ان من جزاء الحسنة الحسنة بعدها ومن جزاء السيئة السيئة بعدها ومن علامات عدم قبول الحسنة السيئة بعدها لما انا باجي في شوال انا باقاوح في السبات
54:09علشان خايف يكون انتكاستي معناها كمان ان رمضان نفسه ما اتقبلش مش اللي هو انا طالع من رمضان مقبول فباقول انا رمضان كنت كويس وبعد كده دلوقتي مش كويس لأ ده انا بدأت اشك في قبول رمضان نفسه
54:29هو انا ازاي وقعت بالسرعة ديت ؟ هل انا اضطربت؟ هل انا ما اتقبلتش انا لازم اقاوح مع نفسي واشجع نفسي جامد ان انا اقاوح واثبت علشان ابعت لنفسي رسالة نوعا ما مطمئنة
54:48اني يا رب طالما سبتني يا رب واكرمتني وما قطعتش لغاية دلوقتي يبقى ان شاء الله يا رب يكون عملي اتقبل وان انت راضي عني انا نفسي وقعت وقعة سودا كده مرة واحدة بقلق
55:04زي ما قلنا اما هيكون سببها ان انت قلت انا والفقر والزل آآ هدي شوية معك او في حاجة غلط بقى في رمضان احنا مش فاهمينها ان ما كان لله دام واتصل
55:14وما كان لغير الله انقطع انفصل راجع نفسك فلازم تقاوح عشان دي علامة قبول تمام ودايما اهل الايمان بيخافوا من موضوع القبول ده جدا وبيصارعوا في الخيرات عشان يطمنوا نفسهم
55:29ربنا قال كده والذين يؤتون ما اتوا وقلوبهم وجلة انهم الى ربهم راجعون السيدة عائشة فهمت الاية دي غلط في الاول. لما سمعت قلوبهم وجلة قالت يا رسول الله اهم الذين
55:46يسرقون ويزنون قال لا يا ابنة الصديق مش دول. الاية ما بتتكلمش عن دول. قال اولئك الذين يصلون ويصومون ولكن يخافون. الا يقبل الله تعالى منهم والذين يؤتون ما اتوا يعني من العبادات والطاعات وقلوبهم وجلة. خايفة
56:04النوم الى ربهم راجعون قال ايه بعديها بقى؟ اولئك يسارعون في الخيرات اولئك يسارعون في الخيرات وهم لها سابقون بيسارعوا في الخيرات ليه؟ عشان يطمن نفسه دايما ان انا كويس
56:19كل ما بيخاف من عدم القبول يقول طب انا ان شاء الله اجتهد في العبادة. اجتهد في الطاعة فلما وفق يبقى ان شاء الله خير وان شاء الله اتقبلت ان شاء الله كده ربنا راضي عني. طالما آآ اكرمني
56:36لكن لو قطعت معك يحس في حاجة غلط يقلق قعد يقاوح مع نفسه يسارع في الخيرات. عشان يدي لنفسه رسالة ايجابية. ان شاء الله انا بخير طالما ربنا موفقني كده يبقى ان شاء الله خير. ولايك يسارعون في الخيرات
56:50لا سابقون تمام نمرة خمسة نمرة خمسة بنقول استمر حتى تنال بركة العمل المستمر استمر حتى تفوز ببركة العمل المستمر. ايه بركة العمل المستمر يا جماعة اولا ده هدي النبي عليه الصلاة والسلام. كان عمله ديمة
57:22وكان ازا عمل عملا اثبته وكان بيقول احب الاعمال الى الله ادومها وان قل ادوم وان قل نحافز حتى لو قال لنا شوية بس نكمل ايه بقى بركة العمل المستمر؟ اولا
57:40كلما استمر العمل كلما سهل كلما استمر العمل كلما سهل اكيد اول اسبوعين او اول شهر في محاولتك لصلاة الفجر مش زي بعد شهرين وتلاتة صلاة الفجر بقت سهلة جدا
58:00صح كذلك اول مرة قريتي جزء في اليوم كان تقيل اوي. يمكن بعد شهرين تلاتة مية عادي جدا. ده انا ممكن ازود كمان العبادة النقاء حتى النقاب نفسه معلش اللي لبست نقاب اول اسبوع كان تقيل شوية ولسه بتتعود عليه وبتتعود على الاكل والشرب وبتتعود على على
58:22شكله بتاع بعد كده مش حاسة به اصلا مش حاسة به اصلا تمشي في الشارع مش حاسس ان هي لابسة نقاب ولا ولا تاعبها ولا مقصر على نفسها ولا حر ولا اي حاجة
58:34هو الموضوع كان اول اسبوعين تلاتة بس فازا استمرار الطاعة يساوي سهولة الطاعة لكن لما بنقطع بنجدد الصعوبة كل مرة لما بنقطع بنجدد الصعوبة كل مرة من الاول تاني انا هصلي الفجر اسبوعين واقطع شهر. وبعد كده اصلي اسبوع اقطع شهرين. ما كل مرة هيبقى الفجر صعب
59:00لكن لما بكمل يسهل يسهل يسهل يسهل يسهل لغاية ما يبقى طبع بقى يتحول لطبع فكرة الايه؟ ان العبادة الطاعة بقت طبع زي ما انت كده بتصحي الصبح تعملي كوباية شاي وتعملي ما عادي بتصحي الصبح تصلي الضحى شيء عادي بعمله العادي بتاعي. مش حاسس ان انا تقيل. بعد
59:21العشاء على طول بقوم اصلي قيام الليل عادي بحس ان انا خفيفة جدا. ما فيش حاجة انا بقى لي سنة على كده ازا استمرار الطاعة يساوي سهولة الطاعة. خدوا بقى التانية. استمرار الطاعة يساوي الزيادة
59:34ما هي دي المرحلة اللي جاية. ما هو لو سهلت هلاقي نفسي بفكر في الزيادة على طول انا دلوقتي كنت بصلي ركعتين ضحى بقى لي شهرين تلاتة حاسس انها ايه ده ركعتين قليلين قوي ده انا بجيبهم في تلات دقايق. طب ما اخليهم اربعة
59:49وبعد كده طب ما خليهم ستة قيام الليل كت بصلي تلت ركعات ايه تلت ركعات بجيبهم في ربع ساعة طب ما اخليهم خمسة شهرين تلاتة طب ما اخليهم سبعة كنت بصوم يوم الاتنين بس بقى لي سنة
1:00:04ما فيش حاجة يا جماعة مش حاسة بحاجة. طب ما خليه اتنين وخميس كنت بقرأ كنت براجع حزب في اليوم كده سهلة قوي. طب ما راجع جزء ده نفس السؤال الناس احيانا بعض الناس يسألوا بعض المشايخ يقول له يا شيخ انت مش ازاي بتراجع جزئين تلاتة في اليوم؟ ايوة ما انا مش براجع جزئين تلاتة في اليوم ما بدأتش كده
1:00:22انا بدأت بربعي في اليوم. وبعد كده سهل علي فبقوا ربعين. سهل فبقوا حزب. سهل فبقى جزء. سهل فبقى جزئين. لكن انت اللي بتقطع كل ما تقطع كل ما تحس الموضوع صعب ومن الاول يلا بنا من الاول
1:00:36بركة الاستمرار ايه؟ في الطاعة تسهل تزداد نمرة تلاتة واعطى اجرها اذا منعت منها بقدر الله التالتة دي مهمة جدا تعطى اجرها ازا منعت منها بقدر الله بمعنى لو انا محافظ على طاعة وسابت عليها بقالي فترة
1:01:00وجه يوم مرضت ما قدرتش اعمل الطاعة اللي انا محافظ عليها المفاجأة انك هتاخد الاجر كامل يوم سافرت ما قدرتش اعمل الاوراد اللي كنت بحافظ عليها والصلاة اللي كنت بحافظ عليها بنفس الكمية
1:01:17تاخد اجرها كامل الحديث اهو هاته لي او اكتبوه قال عليه الصلاة والسلام ازا مرض العبد او سافر ازا مرض العبد او سافر كتب له كتب له ما كان يعمل ما كان يعمل. يعمل يعني ايه؟ ما كان يعمل باستمرار. مش بيقطع ما كان يعمل يعني باستمرار
1:01:39ما كان يعمل صحيحا مقيما اذا مرض العبد او سافر كتب له ما كان يعمل صحيحا مقيما. يبقى تخيل واحد مسلا بحافز على صيام مسلا بقى له في عشر سنين بيصوم
1:01:54لا قدر ربنا اصيب بمرض منعه من الصيام تلاتين سنة لغاية ما مات يقعد تلاتين سنة كأنه بيصوم عشان كان محافظ عشر سنين طب اللي كان بيقطع هيقعد تلاتين سنة ولا لك اي حاجة عندنا. انت كنت بتقطع
1:02:07انما العرض ده للي ما كانش بيقطع بنحافز الاستمرارية استمراريات الدين بركة ان الطاعة ديت لو حرمت منها بقدر الله اخد الاجر كامل تمام؟ خليني اقول بقى ايه المحفز احنا كده وصلنا كام محفز
1:02:27ده كان السادس اللي فات ده كان الخامس خلينا نقول المحافز السادس. المحفز السادس العمر سيمر وكل مر سيمر والعمر كله ساعة ساعة هتعدي علينا كلنا بعض الناس بيفتكر السبات ده انا لسة هسبت يا شيخنا الموضوع طويل وسنين السنين وانا بجاهد نفسي يعني
1:03:03والله العزيم ساعة انت شايفها كده عشان انت قاعد فيها لكن ربنا قال في كزا موضع من القرآن ان احنا هنشوف الدنيا كلها ساعة ويوم يحشرهم فان لم يلبثوا الا ساعة من النهار يتعارفون بينهم
1:03:20تمام كأنهم يوم يرونها لم يلبثوا الا عشية او ضحاها ويوم تقوم الساعة يقسم المجرمون ما لبثوا غير ساعة فلنا لما اقول لك اسبت مش بقول لك اسبت سنين. انا بقول لك اسبت ساعة. والله العظيم هتشوفها ساعة
1:03:40ويوم القيامة لما تشوف ان هي ساعة هتندم لو انت ما سبتش. وهتقول الحمد لله ان انا صبرت ساعة لو انت صبرت هي ساعة وهتعدي. معلش انت لو عندك دلوقتي خمسين او ستين سنة
1:03:51وسألتك ايه اخبارها ايه اول عشرين سنة في حياتك؟ هتقول لي مش فاكرهم اصلا. انا حاسس ان انا اتخطفت حاسس ان انا اتاخدت كده. حاسس ان هم عدوا ساعة. انا مش فاكرهم اصلا. ده انا باقول لك انت دلوقتي عندك ستين سنة او عندك خمسين سنة شايفة اول عشرين سنة ساعة
1:04:10اومال لما تخش القبر الفين تلات تلاف سنة وتقعدي في يوم القيامة خمسين الف سنة. وبعد كده تخشي الجنة او النار لا قدر الله خلود بلا موت مسلا. هتشوفي بقى الدنيا دي اللي هي كانت ستين سنة ايه
1:04:24ياه قل ياه الستين سنة ده من زمان قوي الستين سنة دول ده انا مش فاكراهم اصلا هنلاقي حسهم اقل من ساعة هو ده اللي احنا بنطلبه منكم اسبت ساعة امسك نفسك ساعة
1:04:38الدنيا ساعة فاجعلها قاع هتعدي هتعدي هتعدي على الطاعة وهتعدي على العاصي هتعدي على الانبياء وهتعدي على المجرمين كله هيخلص بسرعة جدا. وهتلاقي نفسك مرة واحدة جنة ونار ساعتها فعلا اللي دخل الجنة هيقول الحمد لله هيتساعد يا سلام! كل الخير اللي انا فيه ده عشان ساعة بس استفدت فيها! يا سلام! ده حاجة جميلة قوي
1:05:02تاني بقى هيندم ندم السنين قال كم لبثتم في الارض عدد سنين؟ على ايه يعني كل اللي انت عملته ده ها قعدت قد ايه يعني؟ قالوا لبثنا يوما او بعض يوم
1:05:15اسأل العادين قال ان لبثتم الا قليلا لو انكم كنتم تعلمون فحسبتم انما خلقناكم عبثا وانكم الينا لا ترجعون شوف بقى العتاب قاعدين هم بيندموا يقولوا ما هي كانت ساعة ما هو كان يوم ما كان نص يوم ما كنت ما كنا نطيع ربنا يا ليتنا اطعنا الله واطعنا الرسول
1:05:34خد منهم ونفز دلوقتي ساعة وهتعدي المحفز السابع المحافظ السابع بيقول انا مش عايز منك النهاردة ارجع تماما انا عايز منك خطوة او شبر كان في فيديو قريب لي كده اشتهر اللي هو ايه نظرية الشبر. اكتبوا حتى نزرية الشبر علاء حامد. على اليوتيوب هيطلع لكم اللي شافه شافه. انا عايز منك شبر
1:06:01يعني النهاردة شبر واحد بس واحد لو كنت قطعت قيام ليل رجع لي ركعة واستفتح بها لو كنت قطعت قرآن اقرا لي اقرا تلات صفحات. استفتح بهم لو لو قطعت صلاة فجر صل لي بكرة الفجر استفتحي بهم. وانا اوعدك
1:06:21لو رجعت شبر الدنيا هتجبر ان ربنا قال كده من تقرب الي شبرا تقربت اليه ذراعا من تقرب الي زراعا تقربت اليه باعا. من اتاني يمشي يمشي اتيته هرولة يعني النهاردة بس قولي يا رب
1:06:39انا صادقة في العودة بس اللي هقدر عليه النهاردة شبر يا رب يا رب الشبه هو شبر بس انا صادقة فيه. ونيتي زراع. ونيتي ارجع بشكل كامل بس يا رب انا النهاردة شبر واكرمني يا رب بكرة
1:06:55وشوفي هيحصل ايه وشف هيحصل ايه وانا اوعدك ان صدق مع شبر هيرجعك شبر مع صدق لازم صدق وافتقار وزل ومسكنة ودعاء وبكاء حتى لو جبت شبر بكرة هيبقى زراعة
1:07:14بكرة هيبقى زراعة واستعن بالله ولا تعجز ارجع ولو حاجة بسيطة سيب المعصية ولو ولو قعدت تقول النهارده مش هعملها ان شاء الله بكرة مش هتعملها وهكزا واتفرجوا على المقطع بتاع نزرية الشبر. اكتبوا على اليوتيوب نزرية الشبر علاء حامد. اسمعوه كويس هيعجبكم. اخر حاجة معي النهاردة
1:07:39من المحفزات ان نقرأ في سير الصلاح الصالحين نقرأ في سير الصحابة. نقرأ في سير السلف. نقرأ في احوال السلف في العبادة في طلب العلم في الدعوة الى الله. اكيد دوت بيخلينا نحس قد ايه احنا مقصرين
1:07:52ما اقارنش نفسي بقى بصاحبتك ما تقارنيش صاحبتك اللي قلعت الحجاب. وتقولي ده انا مبينة شعري بس ده انا ده انا كويسة. ما تقارنش صاحبك بالا رجع المخدرات وتقول انا بشرب سجاير بس انا كويس. ما تقارنيش بواحدة اصلا رجعت لبست البنطلون المقطع. وتقولي ده كويس ده انا قلعت النقاب بس. طب ليه
1:08:12لأ تعالوا نروح بقى اقرأي في الصحابة والسلف والتابعين امهات المؤمنين هنعرف ان احنا ده احنا بعيد جدا بعيد قوي تحس ان قدامنا كتير عشان نلحق الناس ديت فده بيحفزني فده المحفز رقم تمانية
1:08:27معي النهاردة وكان احد السلف اللي هو ابو مسلم الخولاني كان من التابعين ابو مسلم الخولاني كان بيقوم الليل وكان جايب حاطط لنفسه عصاية كده جنبه فكان كل ما يفطر عن الصلاة يضرب نفسه بالعصاية. ويقول قومي يقدر يقول لرجليه قومي. قومي يا موطن كل سوء
1:08:46اتحسبين ان اصحاب محمد سيستأثرون به دوننا يوم القيامة والله لنزاحمنهم على الحوض. بص ايه اللي بيحفزه بيفتكر الصحابة يضرب رجليه يقول لها قومي قومي يا فاشلة قومي يا خيبة
1:09:03اتحسبين ان اصحاب محمد يستأثرون به دوننا يوم القيامة؟ والله لنزاحمنهم على الحوض دايما فكري نفسك باحوال الصحابة. والناس اللي هتبقى مرافقين النبي عليه الصلاة والسلام. واحنا هنكون فين ساعتها؟ فده ايه؟ يخليك تتغازي بقى. وتتغاظ وتقوم
1:09:21قوم قوم احنا عايزين نبقى مع الصحابة قوم عايزين نبقى مع التابعين انا مالي باللي وقعت انا مالي باللي انتكس انا مالي باللي شرم انا مالي بالوجع البنات انا مالي بنراجع المخدرات
1:09:31اه انا ما بقارنش نفسي بدول اصحاب محمد تابعين السلف هو ده للكلام ساعتها اقرا بقى ايه؟ اقرأ اكتب اكتب اكتب دور على درس عن احوال السلف في العبادة. عن احوال الصحابة في الصلاة. آآ اقرأ في في كتب السير. هتلاقي الحماس
1:09:49اخره وسخنت جدا ولو حتى قلت طب انا عمري ما هبقى زيهم حاول اسلك طريقهم وحبهم بقى. اخر نصيحة حبهم. حبهم من كل قلبك. فلو انت ما وصلتش قوي لعمل قدهم الحب يوصلك لهم. والنبي عليه الصلاة
1:10:05السلام جا له الراجل قال له متى الساعة؟ قال ما اعددت لها. قال ما اعددت كثير صلاة ولا صيام. راجل غلبان زينا. ما عددت كثير صلاة ولا صيام ولكني احب الله
1:10:15الله ورسوله. قال انت مع من احببت. فاحنا نجيب اخرنا على قد ما نقدر. ونعوض الباقي بالايه؟ بحب السلف وحب الصحابة وحب التابعين وحب رسول الله صلى الله وسلم عليهم جميعا. وبكده نبقى خلصنا النهاردة
1:10:31عشر قواعد وتمن محفزات عشر قواعد وتمن محفزات آآ عشر قواعد للسبات بعد رمضان وتمن محفزات للعودة بعد رمضان. يا رب يثبتنا تقبل الله منا ومنكم صالح الاعمال. اللهم انا نسألك الثبات في الامر والعزيمة على الرشد. اللهم يا مقلب القلوب ثبت قلوبنا على دينك. اللهم انا نعوذ بك من الحور بعد
1:10:53الكور اللهم ردنا اليك مردا جميلا. وصلى الله وسلم وبارك على سيدنا محمد. السلام عليكم ورحمة الله

الإبلاغ عن مشكلة

كثير مما في IlmPro يُنتَج آليًّا — كتب مصوّرة تُقرأ بالتعرّف الضوئي، ونصوص يحلّلها الذكاء الاصطناعي، ورواة وكتب يربطها البرنامج — فقد تقع أخطاء. أخبرنا بما وجدته خطأً وسنصحّحه.