رحلة مع الصلاة من القبر إلى الجنة | د . أحمد جلال
0:00والصلاة والسلام على رسول الله صلى الله عليه واله وصحبه ومن والاه وبعد. ما تيجوا نعمل رحلة مع بعض رحلة مع الصلاة نشوف كده الرحلة دي من اول القبر. اول ما بادخل القبر لحد ما ان شاء الله ربنا سبحانه وتعالى يكرمنا بدخول الجنة
0:21رحلة سريعة كده على المحطات بتاعة الاخرة كلها وتعالوا نشوف كده رحلتنا مع الصلاة هيبقى شكلها ازاي انا شوفوا سبحان الله كل ما ببص في وجوهكم كده ربنا يا رب يبارك فيكم. وانا بدي درس بعد الصلاة اقول سبحان الله والله العزيم يا بختكم
0:41يا بختكم ان انتم من الناس اللي ربنا سبحانه وتعالى حبب اليكم الصلاة يا بختكم ان انتم من الناس اللي ربنا جعلكم محبين للمساجد يا بختكم ويا سعدكم مع بداية الرحلة بقى رحلة حقيقية من اول ما الانسان بيخش القبر بتاعه لحد ما يخش الجنة
1:02يا بختكم بالصلاة يا بختكم بالمساجد تعالوا مع بعض كده نشد الحزام ونطلع مع بعض الرحلة دي الانسان اللي ربنا سبحانه وتعالى حبب له الصلاة وحبب له التواجد دايما في المسجد. اول ما بيخش قبره كل مشكلة من مشكلات القبر اللي النبي
1:22صلى الله عليه وسلم حكاها لنا لا خوف عليك وانت جوة القبر طالما انت كنت محافز على الصلاة بس ازاي مع ان النبي صلى الله عليه وسلم قال لنا ان هذه القبور مملوءة ظلمة على اهلها
1:35قبور مليانة ضلمة. لا لأ ما تشيلش هم. ما هو سيدنا النبي طمن قلوبنا وقال لنا الصلاة نور. فتخش صلاتك معك وانت جوة القبر فتنور لك قبرك. فانت مش شايل هم الظلمة
1:50وسيدنا النبي صلى الله عليه وسلم لما علم اصحابه ده كانوا محافظين قوي على صلاتهم حتى ان سلمان رضي الله عنه سلمان الفارسي كان كل يوم صل بالليل قيام ليل فيسألوه انت ليه مداوم دايما على قيام الليل؟ فكان يقول لهم ركعتان في ظلمة الليل لظلمة القبر
2:10واذا كان قيام الليل بينور القبر فما بالكم بالصلوات المفروضة هتعمل ايه جوة القبور؟ واذا كان الانسان منا سمع في احاديث كتيرة جدا عن عذاب القبر وما في القبر من عذاب فانت ما تشيلش هم طالما انت مداوم على صلاتك. لان النبي
2:28صلى الله عليه وسلم علمنا وقال لنا ان العبد المؤمن اذا كان في في قبره كانت صلاته عند رأسه. فاذا اوتي بالعذاب قالت الصلاة ما قبل في مدخل ما قبلي مدخل. الراجل ده لا يعذب ابدا في القبر. ليه؟ حافز على صلاته. محافظ على تواجده في المسجد
2:51حافظ على صلوات النوافل يتعذب ازاي في القبر يأذن الله سبحانه وتعالى انك تسيب المرحلة دي تطلع المرحلة التانية بعدما ينفخ اسرافيل في الصور. ويطلع الناس من القبور والناس خايفة ومرعوبة ومع الاهوال الكبار العظام والشمس قربت قوي من الرؤوس والناس بتنصهر في عرقها يا بختك بصلاتك
3:16يا بختك بحفاظك على التواجد في المسجد يا بختك والله. واللي حافز على الصلاة وحافظ على التواجد في المسجد ما يشيلش هم قرب الشمس من الرؤوس لان سيدنا النبي علمنا ان اللي يحافز على صلاته ويحافز على تواجده في المسجد ده لا يصيبه ابدا من حق
3:36حر الشمس يوم القيامة شهي موطن تاني خالص. سيدنا النبي صلى الله عليه وسلم بيقول لنا في الحديث سبعة يظلهم الله في ظله يوم لا ظل الا ظله ومنهم رجل قلبه معلق
3:52مساجد. فلما كان قلبه متعلق بالمساجد ومتعلق بالصلاة ومحافظ عليها. يوم القيامة كان في ظل عرش الرحمن سبحانه وتعالى. هو الشايل هم الشمس ولو الناس في اليوم ده عطشانين عطش رهيب ونفسهم يشربوا من حوض النبي صلى الله عليه وسلم فهنيئا لك بالصلاة
4:12لان النبي علمنا ان علشان نشرب من حوضه يوم القيامة لازم تحقق شرط. لازم تحقق الشرط والشرط انك تيجي يوم القيامة بالعلامة اللي النبي يعرفك بها انك من امته. النبي بيقولوا له يا رسول الله انت ازاي هتعرف امتك يوم القيامة وانت واقف على
4:32حوض فقال انهم يدعمون يوم القيامة غرا وجوههم منورة. من اثار السجود صلاة محجلين ايديهم ورجليهم منورة من اثار الوضوء. فاللي ييجي يوم القيامة ومعه العلامة دي كان محافظ على الصلاة. جاي العلامة ظاهرة عليه النبي
4:52قولوا تعالى تعال انا في الوقت ده اشربك من الحوض بتاعي. نتقل على مرحلة تالتة وهي مرحلة الوقوف بين يدي الله للحساب محافز على صلاتك ما تشيلش هم. اوعى تشيل هم حاجة. اسهل حاجة في الحساب ان ربنا جعل الحساب
5:15بالصلاة. فلو كنت محافظ عليها كل اللي جاي في الحساب بقى سهل وهيبقى حسابك سهل. وهيبقى حسابك يسير. كما قال صلى الله الله عليه وسلم اول ما يسأل عنه العبد يوم القيامة من عمله
5:31الصلاة فاذا صلحت طب فين باقي العمل النبي يقول فاذا صلحت فقد فاز وانجح. خلاص واقف بين ايدين ربنا صلاتك اخبارها ايه؟ الحمد لله كنت من المداومين مش على الصلاة. انا كنت من المداومين على الصف الاول
5:53عدي عدي طب هعدي من الحساب ما انا رايح للميزان. وعايز حسنات كتير. لن تجد عمل. حسناته اكثر من الصلاة وانا دايما بقول لكم خدوا بالكم النبي صلى الله عليه وسلم بيقول لنا على صلاة الجنازة اللي هي مش فرض عين علينا. مش فرض
6:17ولكن يعني هي ازا فعلها البعض سقطت عن الباقين صلاة الجنازة النبي يقول اللي يصلي على جنازة كتب له قيراط. قالوا وما القيراط؟ قال كجبل احد حسنات. ازا كانت الصلاة
6:32اللي هي صلاة الجنازة اجرها كجبل احد حسنات. امال صلاة الفريضة شكلها عامل ازاي صلاة الفريضة تقيلة ازاي ياه تعدي على الحساب. تعدي بسلام بفضل الله سبحانه وتعالى. وتعدي من على الميزان لما يتحط في كفة حسناتك
6:57ملايين الحسنات قصاد كل صلاة انت بتقولها وانا والله انا عارف انا بقول ايه. كل صلاة انت بتجني من وراها ملايين حسنات الخطوة بحسنة. رايح جاي الحرف بحسنة لسبعمية والله يضاعف لمن يشاء. السجدة لها اجرها والركوع له اجره
7:20سبحان الله امر عجيب والله ننتقل لمرحلة اخرى وهي مرحلة المرور على الصراط. ما تشيلش هم رد عليه ظلام شديد هل الظلم شديد؟ عايزين نور معنا. ما تقلقش. ما انت مشيك لصلاة العشاء ولصلاة المغرب ولصلاة الفجر
7:41ده يخلي لك نور عظيم اكتر نور يوم القيامة ربنا يديه لحد يديه للي كان محافظ على الفجر والعشاء كما قال صلى الله عليه وسلم بشر المشائين في الظلمات الى المساجد بالايه؟ ها؟ بالنور التام يوم القيامة
7:59نور تام عظيم يوم القيامة. انت ليه خدت النور التام ده؟ خد بالك النبي قال بالنور التام. يعني ما فيش فيه نقص نور تام. ده منين ؟ صلاة العشاء وصلاة الفجر. صلاة المغرب. الصلوات اللي بتكون في الليل
8:15لحد ما نيجي عند مرحلة بقى هي من اخطر المراحل بعد الصلاة ينادي ربنا تبارك وتعالى لتتبع كل امة من كانت تعبد في الدنيا اللي كان بيعبد الشمس تخيل له الشمس تهوي الشمس في النار ينزلوا وراها
8:35واللي كان بيعبد الكواكب تظهر له الكواكب تنزل في النار ينزلوا وراها. كل حد كان بيعبد حد في الدنيا يظهر له ينزل في النار ينزل وراه حتى تبقى هذه الامة
8:49فيسألهم ربنا تبارك وتعالى ماذا تنتظرون فيقولون ننتظر ربنا فقال وهل بينكم وبين ربكم من علامة؟ قالوا له اه. في علامة بينا وبينه فيقول لهم وما هذه العلامة؟ فيقرأون هذه الايات يوم يكشف عن ساق ويدعون الى السجود فلا يستطيعون
9:15فيتجلى لهم ربنا تبارك وتعالى في احسن صورة فلا يبقى احد كان يسجد لله في الدنيا الا سجد لله في هذه اللحظة اول ما يسجدوا لله سبحانه وتعالى يقول لهم خلاص عدوا بقى
9:34طب واللي ما كانش بيصلي قال ويصبح الذين الذين كانوا لا يصلون في الدنيا تصبح ظهورهم قد طبق كلما اراد الواحد منهم ان يسجد خر على وجهه. خر على قفاه يتقلب على ضهره. ييجي يسجد كده يتقلب على ضهره
9:57وتلا النبي قول الله عز وجل ويدعون الى السجود فلا ما يعرفوش ما يعرفوش فلا يستطيعون خاشعة ابصارهم هم ترهقهم ذلة وقد كانوا يدعون الى السجود وهم ايه؟ زمان في الدنيا قلنا لك صلي ما صلاش. ييجي في الامتحان ده الامتحان ده
10:17السجدة دي دي اهم سجدة في حياتك اهم سجدة في عمرك كله. ربنا يقول لك اسجد. اللي يسجد هيعدي. ومش هيسجد الا اللي كان بيسجد في الدنيا يخش الجنة بس خلاص بقى الصلاة سابتنا لا
10:34ما تسيبكش تاخد بايدك الصلاة كده وتقول لربنا انا لا ارضى لصاحبي الا انه يكون في اعلى المنازل. ده كان مداوم على الصلاة فربنا سبحانه وتعالى يقول لك كل سجدة سجدتها في الدنيا اطلع بها في الجنة درجة. زي بتاع القرآن كده
10:53مش يقال لصاحب القرآن اقرأ ورتل كما كنت ترتل في الدنيا. فان منزلتك عند اخر اية كنت ايه؟ تردد. كذلك ايضا اهل الصلاة بكل سجدة انت سجدتها في الدنيا تطلع في الجنة درجة
11:08علشان كده اللي داوم على الصلاة في الدنيا ده لا يرضى الله له الا ان يكون في الفردوس الاعلى مع النبي صلى الله عليه وسلم علشان كده لما النبي سأل كعب بن حمزة الاسلمي
11:23عفوا ربيع بن كعب الاسلمي وقال له يا ربيعة سل اطلب مني اللي انت عايزه فقال اسألك ها عايز اكون معك في الجنة. اسألك مرافقتك في الجنة. الفردوس الاعلى. الفردوس الاعلى. قال اذا اعني على نفسك
11:39اسجد كتير تطلع درجة درجة درجة درجة لحد ما تلاقي نفسك في لحظة من لحظات بقيت فين؟ مع النبي في الفردوس الاعلى انت بيتك هنا وبيت النبي على اول الشارع
11:53في الجنة يا رب بس كده ؟ لا. اخر حاجة تديها لك بقى الصلاة قال صلى الله عليه وسلم اذا دخل اهل الجنة الجنة ناداهم ربنا تبارك وتعالى يا اهل الجنة
12:15هل رضيتم بعد اما عاشوا في النعيم بتاعها راضيين قالوا يا رب وما لنا لا نرضى وقد بيضت وجوهنا وادخلتنا الجنة ونجيتنا من النار في رفع ربنا تبارك وتعالى عن وجهه الحجاب
12:37حجابه النور في رفع ربنا عن وجهه الحجاب. فما اعطوا شيئا احب اليهم من لذة النظر الى وجه الله. عز وجل مين اللي هينالها بقى مين اللي هينال بقى اعلى نعيم الجنة اللي هو رؤية ربنا سبحانه وتعالى اللي هينالها اللي كان محافظ على صلاته
12:59لذا قال صلى الله عليه وسلم انكم نختم بالحديث دهو بقى انكم سترون ربكم يوم القيامة كما ترون القمر في افق السماء ليس بينكم وبينه سحاب فان استطعتم نعمل ايه علشان نشوف ربنا في الاخرة؟ فيقول فان استطعتم الا تغلبوا على صلاة قبل طلوع الشمس وقبل غروبها فافعلوا
13:26حافظوا على صلاة الفجر وصلاة العشاء تنالوا رؤية ربنا سبحانه وتعالى في الاخرة سبحان الله! هي لاحظتم معي احنا اتكلمنا على كل مراحل الاخرة احنا ما اتكلمناش عن عن مشاكل في الاخرة
13:41ايوة مشاكل ايه وانت كنت محافز على صلاتك؟ مشاكل ايه وانت كنت محافظ على تواجدك في المسجد اسمعوها مني ونختم بها الكلام اللي حافز على صلاته ما عندهوش مشاكل ولا كربات في الاخرة
13:58لانه كان محافظ على الصلاة. والله عز وجل يقول والذين هم على صلاتهم ها يحافظون اولئك في جنات مكرم اكرام بقى من عند ربنا سبحانه وتعالى. ربنا يجعلني واياكم من المحافظين على هذه الصلوات
14:17لاخر لحظة في حياتنا. جزاكم الله خيرا. هذا وصلى الله على نبينا محمد وعلى اله وصحبه وسلم