لماذا انتظر النبي ﷺ فلم يرفع من السجود وسلا الجزور على ظهره حتى أتت فاطمة ورفعته؟
0:01اقرأ معي اربعة وتلاتين ولقد كذبت رسل من قبلك فصبروا على ما كذبوا واوذوا حتى اتاهم نصرنا ولا مبدل لكلمات الله ولقد جاءك من نبأ المرسلين. انت مش اول رسول يكذب
0:20ده هو ده الطبيعي اللي قبلك كذبوا واوذوا. اتقال عليهم كزابين واتضربوا واتشتموا تخيل بقى تأثير الكلام ده على النبي صلى الله عليه وسلم لما يعرف ان سنة الله في الدعوات وفي الدعاء وفي المصلحين هي كده
0:41يكذبوا يتقال عليهم كذابين ويؤذوا يؤذوا في كل حاجة في اموالهم في اولادهم في في انفسهم كل اللي ارسلوا قبلك حصل لهم كده الكلام ده يعمل فيه ايه؟ يثبته ما فيش حد في الدنيا يحب يطلع اقل من زملاؤه اللي سبقوه. فشوف بقى لما ربنا يقول له كل زملائك اللي قبلك حصل لهم كده ايه ؟ ما انتاش اول واحد. فالنبي طبعا
1:07صلوا كتير حصل له كتير انتم فاكرين الدين ده وصلكم ازاي راح يبلغ الكفار في الطائف سلطوا عليه العيال الغلمان يضربوه بالحجارة ويشتموه. انتم متخيلين المنزر وحش ازاي! النبي طالع بيجري من
1:22الطائف والعيال طالعة وراه بتجري تضربه بالطوب وبتشتمه النبي صلى الله عليه وسلم وصف هذا اليوم للسيدة عائشة انه كان اشد عليه من يوم احد انتم متخيلين يعني يروى ان النبي صلى الله عليه وسلم بعد ما خرج من الطائف دعا الله
1:45اللهم اني اشكو اليك ضعف قوتي وقلة حيلتي وهواني على الناس يا ارحم الراحمين انت ارحم الراحمين الى من تكلني الى عدو يتجهمني ام الى قريب ملكته امري ان لم تكن ان لم
2:05بك غضب علي فلا ابالي. غير ان عافيتك هي اوسع لي. اعوذ بنور وجهك الذي اشرقت له الظلمات وصلح عليه امر الدنيا والاخرة من ان ينزل بي غضبك او يحل علي سخطك لك
2:25حتى ترضى ولا حول ولا قوة الا بك. صبر. ايضا زي ما صبر قبله لما ربنا يقول له ان ولقد كذبت رسل من قبلك صبر هو كمان ولقد كذبت رسل من قبلك فصبروا على ما كذبوا واوذوا حتى اتاهم نصرنا. هذا يثبت النبي فالنبي ثبت في مواقف كثيرة
2:51صبر لدرجة ان ملك الجبال جه قال له اؤمرني اطبق عليهم الاخشبين. انا انزل الجبلين عليهم امسحهم من على وجه الارض يردموا تحت الحجارة زي قوم لوط قال بل ارجو ان يخرج الله من اصلابهم من يعبد الله وحده ولا يشرك به شيئا. وسبحان الله
3:15بعدها في اقل من عشرين سنة بعد وفاة النبي ترتد الجزيرة العربية ما عدا مكة والمدينة والطائف والطائف تبقى احدى التلات مدن التي تقاتل للقضاء على التمرد اللي حصل هم دول
3:35النبي عليه الصلاة والسلام في مرة كان يصلي عند الكعبة فلما سجد جم الكفار وضعوا على ظهره وهو ساجد سلا الجزور يعني ايه يعني الرحم اللي بيبقى في بطن الناقة
3:51بالدم اللي عليه احنا مستنيين حتى السقط. اللي هي الحاجات اللي بتسقط من الحيوان لما بندبحه. الايه بقى المصارين والرحم والحاجات بقت قزارة دي كلها. سقط فبقي النبي صلى الله عليه وسلم ساجدا
4:07والقزارة دي على رأسه الشريف على ظهره عبد الله بن مسعود طلع يجري بسرعة على بيت النبي اخبر بنته فاطمة فاطمة طلعت تجري بسرعة لقت ابوها ساجد وسلا الجزور ما زال على ظهره ورأسه
4:27عبدالله بن مسعود خاف يشيل الحاجات دي من على ضهر النبي لان ما عندوش عيلة قوية تحميه. فكان هيعذب وممكن يقتل. فهو جري على بنته بنته راحت رفعت امعاء الجزور من على ظهر ورأس ابيها
4:42سؤال بقى هو ليه النبي ظل ساجدا ما حدش فكر في دي في ناس قالوا استصحابا للطهارة. يعني ايه والله انا ما انا فاهم قال لك اصل سلا الجزور اكيد يعني آآ نجس والذبيحة الكفار نجسة
5:02ايه دخل ده بان النبي عليه الصلاة والسلام يرفع من سجوده ويظل ساجد فكروا يا جماعة ربنا قال له ولقد كذبت رسل من قبلك فصبروا على ما كذبوا واوذوا. فالنبي طول ما هو ساجد
5:19وسلا الجزور على ظهره ورأسه الشريف فهو بيظهر لربنا مدى الصبر الذي بيصبره على الاذى. بابي انت وامي امي يا رسول الله هذا تحفيز هذه الاية تحفيز للنبي كي لا يكون اقل من ابراهيم اللي القي في النار ولا من ايوب اللي مرض وتألم سنين
5:42طويلة ورسل اخرين بقى اوذوا وصبروا. لان ده طريق الدعوات طريق الدعوات والدعاة والمصلحين. قولوا لي اسم نبي واحد بس. واحد قوبل بالورود والرياحين ما فيش ولا واحد قومه قابلوه كويس ما فيش. ليه؟ هي دي سنة الله
6:05هي دي سنة الله