ما فائدة الدعاء طالما كل شيء مكتوب؟
0:00لكل اجل كتاب. كل حدث ومكتوب ومقدر كل شيء مكتوب مش بس موت وحياة لنا كل حاجة مكتوبة دي تعمل مشكلة الحكاية دي. في ناس يقول لك الله! طب ندعي ربنا ليه بقى؟ احنا نصلي ونصوم بس انا اعرف واحكي. يقول لك انا هاصلي واصوم بس
0:21ادعي ربنا ليه واضيع وقتي ليه لما كل حاجة مكتوبة هنعيش بقى زي ما احنا عاوزين وما لوش قيمة دعاء طالما كل شيء مكتوب اقرا تسعة وتلاتين بترد على الشبهة دي
0:34يمحو الله ما يشاء ويثبت. وعنده ام الكتاب. اوعى تكون فاكر ان القدر ده ربنا مش ممكن يغيره. ربنا بيمحو ما يشاء. ويثبت يثبت مما كتب ما يشاء. الله الله الله الله
0:51يعني ايه؟ هل ده معناه ان ربنا بيغير رأيه؟ لأ افهم بقى وركز معي اوي اوي قال رسول الله صلى الله عليه وسلم لا يرد القضاء الا الدعاء قضاء ربنا ممكن يرد الدعاء
1:10وقال لا يزال القضاء اللي نازل. والدعاء اللي طالع يعتلجان بين الارض وما بين الارض والسماء يعني بيتخانقوا الدعاء يرد القضاء والقضاء يحاول وهكزا. طيب. ازا ربنا يمحو بعض الاقدار ويثبت البعض الاخر
1:30وعنده ام الكتاب. يعني ايه بقى يعني في ام الكتاب مكتوب عند الله كل حاجة هتحصل بالزبط. ومكتوب عنده الاقدار اللي هيمحوها. مكتوب عنده الاقدار اللي هيثبتها. يعني في علم الله
1:44كل شيء سيحدث مكتوب اللي هيحدث هو اللي مكتوب بالاقدار اللي اتمحت وانها هتتمحي مكتوبة في ام الكتاب اديكم مسال اديته لكم قبل كده وهو مسال الفيلم الانتر اكتيف. الاول فيلم اللي اسمه بندر سلاتش
2:06اشرحت لكم ان كل خمس دقايق في الفيلم ده بيدي لك خيارين اختار بين حدثين انت كمشاهد بتختار واحد منهم فتمشي في مسار الفيلم ياخدك في مسار معين بناء على اختياراتك الفيلم بياخدك في مسارات معينة. فانت بتتفرج على الفيلم وجارك اللي في البيت اللي جنبك بيتفرج على الفيلم. وجدك اللي في القاهرة
2:31بيتفرج على الفيلم. واختك اللي في اسكندرية بتتفرج على الفيلم. وكل واحد منكم بيتفرج على فيلم مختلف عن التاني تماما بناء على ايه على اختياراتك لمسارات الفيلم. اكنها عدة افلام مداخلة في بعض
2:47مين عارف كل المسارات اللي في الفيلم مخرج الفيلم. ليه ؟ عشان كل السيناريوهات بتاعة المسارات المختلفة دي كلها عنده في ام الكتاب اللي هو السيناريو الرئيسي بتاع كل المسارات دي
3:03مثلا انا فاكر كان فيه مشهد للولد ده واخداه عيادة طبيبة نفسية هو نازل من عربية امه داخل باب الطبيبة النفسية شاف صديق له ماشي على ناصية الشارع وراح طالع لك اختيارات اختار عايز الولد يدخل عند الطبيبة النفسية ولا تحب ان هو يروح يعتزر لامه ويروح يمشي مع صديقه
3:28حسب اختيارك الفيلم هياخد مسار مختلف تماما وكأنه فيلم تاني خالص داخل عند الطبيب كتبت له بعد ما قعدت معه وفهمت منه مشاكله ايه ؟ كتبت له دواء امه راحت جايبة له الدواء
3:41جه دخل اوضته طلع الدواء اللي هو المفروض انه هيهديه نفسيا وكده وبيطلع لك اختيار يحب ياخد الدوا ولا يرمي الدوا في صفيحة القمامة قدامك ويضحك على ابو فلان وخدوه وما خدوش
3:55حسب اختيارك الفيلم هياخد مسار تاني خالص. مسار بقى ايه! مسار تاني خالص! ده هنا بقى فيه انتحار وهنا ما فيش انتحار! يعني كلام بقى خلاص لو انت كنت من خمس دقايق اخترت انه يروح مع صاحبه وما فيش طبيبة نفسية اصلا تاني خالص. فيه مخدرات وفيه كلام بقى مختلف تماما
4:15مين اللي عارف كل ده ؟ منتج الفيلم او مخرج الفيلم هو ده اللي عارفه الاحداث كلها بتاعة الفيلم ليه؟ لان هو كاتبها لان هو عنده سيناريو بيجمع كل ده
4:31ولله المثل الاعلى. ربنا سبحانه وتعالى يقدر ان انسان يحدث له شيء ويكتب ان الانسان ده لو دعا ربنا يحدث كذا. واذا لم يدعو ربنا يحدث شيء اخر ففي النهاية ما تقوليش
4:51مش لازم ادعو بقى ادعو ليه ؟ ما اللي ربنا كاتبه هيكون لا لا لأ ربنا كاتب هيحسب ايه لو دعيت وكاتب هيحصل ايه لو ما دعيتش يا جماعة طيب
5:04كون ان ربنا بيمحو ما يشاء ويثبت ده مش معناه ان ربنا بيغير الامر. كل معروف في ام الكتاب. اقرا معي تسعة وتلاتين تاني. يمحو الله ما يشاء ويثبت وعنده ام الكتاب