استمع إلى الصوتيات والقرآن في تطبيق IlmPro افتح التطبيق

قصتي مع الأحمدية | ذكرى وعبرة ٣ | حلقة ٢٨ | فاضل سليمان

0:00رسايل رحمته حواليك تبعها وخد امل منها كان قبلك بزكراك طول ما لسه الروح في جسمك طول ما تبقى احسن في الحياة من يوم ميلادنا واحنا اطفال في الصغر من ساعتها ليوم وفاتنا كل
0:40يوم بنشوف عبر السلام عليكم ورحمة الله وبركاته من سنوات عديدة عملت فيلم اسمه خدعة التبشير. وكان لمقاومة جهود التنصير من حقنا بردو ان احنا نقول لولادنا اللي بينخدعوا. حقيقة الامر اللي بيتم الترويج له يعني
1:01والحمد لله جاب نتيجة كويسة جدا جدا يعني تقريبا سبعة وتسعين في المية من الحالات اللي تعاملنا معها بفيديو خدعة التبشير وهتلاقي الرابط بتاعه في مجموعة مقاطع قصيرة هتلاقوا المقاطع الرابط بتاعها تحت الفيديو
1:20سبعة وتسعين في المية بفضل الله رجعت الاسلام. من الناس اللي اتعاملنا معها بالفيديو ده ولقيت مكالمة من هيئة اسلامية كبيرة في بلدي وقالوا لي فضيلته عايز يقابلك رحت في الموعد اللي حددوه
1:37مش هقول اسم فضيلته لان ده موضوع حساس جدا قال لي انا شفت خدعة التبشير واثنى عليه وقال لي ما شاء الله يعني الفيديو في الصميم وبتاع ماشي قال لي بتعمل ايه بعد خدعة التبشير؟ قلت له انا بدرس التشيع
1:54عايز اعمل خدعة التشييع بحيس نحذر الناس من هذه الافكار ايدك من التشيع دلوقتي وادرس لي الاحمدية آآ طبعا عشان المشاهد اللي ما يعرفش الاحمدية دول جماعة ظهروا في الهند
2:15اتبعوا رجل من حوالي ميت سنة مات من حوالي ميت سنة آآ اسمه غلام اسمه ميرزا غلام احمد ادعى ان هو المهدي المنتظر والمسيح عليه السلام وبالتالي فهو رسول ونبي
2:29دي صورته اهي ميرزا غلام احمد طبعا بهذا الاعتقاد يخرج الانسان من الاسلام لانه لا نبي بعد محمد بن عبدالله. عليه الصلاة والسلام. بالتالي علماء الامة اجمعوا على كفر الاحمدية وانهم يعني
2:46يعد من طوائف المسلمين والسعودية منعتهم طبعا من الحج وبيتعرضوا في باكستان لحوادث عنف وقتل للاسف الشديد نرجع تاني لفضيلته اللي كنت في مقابلته. قلت له ليه حضرتك عاوزني ادرس الاحمدية
3:02احنا فين ؟ والاحمدية فين ؟ قال لي آآ لا دول ناس لهم تواجد في مصر وربما انت لم تسمع عنهم لكن آآ موجودين حتى بدأوا ينتشروا وموجودين في بعض الدول العربية كمان دلوقتي. وقال لي ان في الفترة الاخيرة نشطوا جدا في الدعوة لمعتقدات
3:26وبدأوا ينتشروا ووصلوا لمؤسسة مهمة من مؤسسات الدولة الشقة اللي كانوا كمان مأجرينها في شبرا يصلوا فيها ضاقت عليهم. واخدوا مكان كبير في المقطم عاملينه دلوقتي مكان لاجتماعاتهم وممارسة الشعائر بتاعتهم
3:45عايزك تاخد الموضوع بجدية جدا. قلت له حاضر بدأت ابحث في معتقداتهم فوجدت كلام كله مبالغات ولا دليل عليه على الانترنت وان هم ما بيصلوش باتجاه الكعبة وان عندهم صلاة مختلفة وبيتجوزوا من اخواتهم البنات
4:02الكلام بصراحة ما دخلش دماغي لاني لم اجد عليه اي دليل. الكلام كله مرسل المهم في هذا الوقت كنت بعمل فيلم الفيلم التالت لمؤسسة جسور وهو فيلم الاسلام في المرأة
4:13ما ركزتش اوي في الموضوع دوة جت سورة يناير فالموضوع بتاع الاحمدية نام ولم يصبح من اولوياتي بس العجيب ان انا وانا في ميدان التحرير في التمنتاشر يوم بتوع السورة
4:26وجدت واحد منهم بيعمل معي دعوة لدخول الجماعة الاحمدية فكرني فكرني بالموضوع بس بصراحة برضه ايامها الواحد ما كانش مركز ولا فايق خالص ولا عارف يركز في حاجة. وشهداء بيقعوا حوالينا ومواجهة البلطجية في محاولاتهم لاقتحام الميدان
4:45فلم اهتم بصراحة بالشخص اللي حاول يدعوني للاحمدية ده مش فاكر حتى ان انا خدته طريقة الاتصال به. حتى ياما في الميدان ما حدش كان بياخد طريقة الاتصال بحد. الناس كانت بتبقى قلقانة
4:56يكون فيه ناس مندسة وكده لكني افتكرت الاجتماع اللي اتعمل من كزا سنة مع فضيلته الطلب اللي اتطلب مني يدور الزمان وبعد الانقلاب بسبب الزروف طلعت وجيت اعيش هنا في انجلترا
5:12انجلترا مقر الخلافة الاحمدي هم عندهم خليفة يعيش في لندن والتجمع الاكبر لهم في لندن. وعندهم مسجد اسمه بيت الفتوح مش في دماغي برضه انا جاي انجلترا عاوز اعمل دورة التربية الايمانية بالانجليزي. ومركز في الكلام بتاع التربية الايمانية والتربية الروحية. وتدبر القرآن وباعمل بحث عن تدبر
5:37القرآن بالانجليزي واذا بالمتحدث الرسمي للاحمدية في امريكا يرسل لي رسالة على تويتر يطلب مني راجع اخر كتاب كتبه في رد الشبهات عن الاسلام. ودي منطقتهم على فكرة ولهم كتب كتيرة في رد الشبهات عن الاسلام. انهم بيعتبروا نفسهم يعني ايه مسلمين ومن هزا المنطق المنطلق يعني بيدافعوا عن الاسلام. فقلت له حاضر
6:02ارسل لي نسخة من كتابه من امريكا. وراجعتها واديته رأيي وفي الوقت ده بدأت اراقب كلامهم والبروباجاندا بتاعتهم الحملات الاعلامية هم دايما نتيجة الاعتداءات اللي بتحصل لهم آآ في معظم الوقت في باكستان
6:22بيلعبوا دور الضحية كويس اوي. وهم بامانة هم ضحية فعلا في باكستان. يعني انا مش مش هنكر هزا يعني بس انا اقصد بكده ايه؟ اقصد انه انا انا ادين اي عنف ديني
6:36لكن آآ كل واحد حر في معتقده لكن هم بيشوهوا صورة كل المسلمين وبيقولوا علينا كلنا تكفيريين. والدليل ان المسلمين مكفرينهم. يبقى كل المسلمين تكفيريين طب ما هو انتم اللي مكفرين نفسكم. انتم اللي مؤمنين بنبوة ميرزا غلام احمد اللي مات من ميت سنة
6:59آآ الفترة دي ظهرت داعش وبدأت بقى تدبح وتعمل وفيديوهاتها الفزيعة اللي كانت موجودة الاحمدية استغلوا هذا الكلام ويقولوا شايفين داعش دول هم كده لانهم تكفيريين واي حد تكفيري يبقى خطر على المجتمع
7:19وكل المسلمين التانيين بيكفرونا. بيكفروا الاحمدية. يبقى الباقيين خطر على المجتمع. يبقى الاحمدية هي الصورة الصحيحة للاسلام واحنا بالفعل بيعتدى علينا كاحمديين وعندنا حالات وفيات في باكستان. فقدروا يستغلوا الاحداث دي
7:38انهم يشوهوا صورة المسلمين كلهم وخلونا كجاليات اسلامية نعيش في الغرب واقعين في مشكلة يعني يا اما نعترف بان اه اللي يؤمن بنبي بعد النبي عليه الصلاة والسلام مسلم يا اما نبقى تكفيريين وزنا زي داعش. مش معقول
7:55الغرب اصلا كمان مرعوب من داعش وقلقان من توجهات المسلمين اللي في الغرب فمش ناقصين احنا ناس كمان تقعد تتكلم علينا وكأنهم من جوانا المهم اه لما لقيتهم استغلوا الموضوع ده بمنتهى الخبث
8:14المتحدث الرسمي بتاعهم ده قال لي على فكرة ده انا جاي الشهر الجاي لندن قلت له وانا عازمك على العشاء واتقابلنا شف يا سيدي انا في الاحمدية الشيخ فاضل بتتكلم جد قلت له اه
8:31انا فعلا يعني انا ما كزبتش عليه. انا فعلا مهتم اني اتعلم مع الاحمدية. يعني ايه المشكلة؟ ما كزبتش عليها. قلت له عاوزك ترسل لي كل ما احتاج اني اقراه
8:43عن الاحمدية عشان افهم عقيدتهم اصلا انا كنت خايف قلبي يقف من الفرحة عشان تبقوا عارفين. يعني هو راجل قاعد قدامي مش عايز اقول لك يعني انقلب حاله تماما بعت لي خمس كتب
8:57وعرفني باتنين من علمائهم اللي في انجلترا عشان يشرحوا لي اي حاجة انا مش فاهمها وعندي الايميل بتاع واحد منهم بيقول لي انه يتمنى انه يعرفني بشيخه واكتر واحد هيفيدني
9:13اسمه الشيخ هاني طاهر وهو عربي وفلسطيني من اكبر علماء الاحمدية ومن انشطهم له الف حلقة باللغة العربية في قنواتهم الفضائية لكنه للاسف مسافر خارج بريطانيا اليومين دول بعدها بخمس شهور المتحدث الرسمي
9:37بتاع اللي اللي في امريكا ده جه تاني لندن قلت له لازم نتقابل عزمك على العشاء. فجه المرة دي وجاب معه امام اللي هو الامام اللي بعت لي ايميل وقال لي لازم اعرفك على هاني طاهر
9:51بعد ما اكلنا وبنشرب الشاي انا عايز اسألك سؤال بيؤرقني جدا اتفضل انا قرأت الكتب كلها اللي انت ارسلتها لي. عشان اتعرف على الاحمدية وبعد ما قرأتها وفهمتها وصلت لقناعة
10:12ان ميرزا غلام احمد لا هو مهدي ولا هو مسيح ولا هو نبي خالص قال لي براحتك كل واحد حر ده حرية العقيدة وحرية الاديان. قلت له ما انا عارف ان كل واحد حر. لكن انا خايف
10:27عاوز اعرف لو انا بعد كل الاطلاع ده لم اؤمن بالمرزة كنبي ورسول بعد ما اطلعت على كل ما احتاجه عشان اؤمن ما امنتش برضو بك لا نبي ولا رسول
10:42هل ممكن اعتبر مسلم ولا لأ شيخ فاضل انت اكتر واحد عارف ان ما ينفعش الواحد يكون مسلم الا لو امن بجميع الرسل شكرا انا ما كنتش عاوز غير كده
11:00هو كده كفرني لان انا غير مؤمن بمعتقداته انا كافر فعلا بمعتقداته حقه على فكرة. بس سانية واحدة هل هو كده اصبح تكفيري هو كمان زي داعش طبعا طرت بالخبر على الناس اللي بتجادلهم على الانترنت
11:18منهم دكتور جوناثان براون استاذ الحديث في في امريكا واستخدموا الواقعة دي ضدهم على الانترنت وبقى يقولوا انتم كمان كفرتوا فاضل سليمان لما ما امنش بالمرزة بعد ما قرى وبتاع
11:33آآ فطبعا بقوا مش عارفين بعدها يتهمونا بناء تكفيريين زي ما كانوا بيعملوا بعدها بسنة اصطدمت بفيديو لهاني طاهر اللي كانوا عايزين يعرفوني زمان عليه. اللي عنده الف حلقة باللغة العربية عن على القنوات الاحمدية الفضائية
11:51اللي بسببه دخل الاف الدول العربية للاسلام وحدثت طفرة انتشار الاحمدية في الدول العربية بسببه وبسبب دخوله الاحمدية اللي بسببه فضيلته قابلني من حوالي عشرة اتناشر سنة وقال لي عايزك تركز في الاحمدية. كل زاته كان بسبب هاني طاهر ده
12:14اللي كانوا عايزين يعرفوني عليه عشان يدخلني الاحمدية وجدت له فيديو اسمه اعلان الخروج من الجماعة الاحمدية اتصلت به على الماسنجر واذا به يسكن خارج لندن ركبت القطار وزرته في بيته واتغدينا مع بعض وصلينا مع بعض انا وهو وابنه
12:35وقعدت اتكلم معك انت دخلت الاحمدية ليه وخرجت منها ليه قال لي انا دخلت معه تعاطفا معهم كسبب رئيسي يعني بسبب افتراءات الخصوم ومبالغتهم فاكرين الكلام لما قلت لكم الكلام اللي على الانترنت
12:54اللي هو بيهاجمهم ومليان مبالغات وبدون دليل عشان بيتجوزوا اخواتهم مش بيصطادوا ناحية تانية غير الكعبة والكلام ده كله مش حقيقي هو نفسه لما لقى الافتراءات دي تعاطف معه. ودي خطورة انك انك تضطهد فئة منحرفة
13:13انك لما حد بيكتشف انه ان فيه كزب وافتراءات عليهم قد يتعاطف معهم. سيبهم سيبهم يبانوا على حقيقتهم طب وخرجت ليه من الاحمدية؟ قال لي خرجت بعد ان قرأت كتب المؤسس ميرز غلام احمد
13:29هو انت كل ده ما كنتش قرأتها؟ انت قعدت بتاع عشرين سنة في الاحمدية قال لي لانها لم تكن مترجمة كانوا متعمدين تركها بالاردن وانا اللي ضغطت عليهم لازم تترجم ده كنز ده كتب المؤسس
13:46عشان ما حدش يقراها سابوها من غير مترجمة فلما معزم الكتب بتاعتهم هي كتب الخلفاء بتاعة المرزا وعلماء الاحمدية لكن لما انا ضغطته بيقول لي لما انا ضغطت عليهم واصررت
14:02ان كتبه تترجم لانها اكيد كنز محتواها بيدل ان الراجل عنده خلل عقلي يعني مسلا بيقول لي اراد ان هو يلعن شخص الالف لعنة على فلان كتبها ازاي ؟ اتناشر صفحة
14:19واحد لعنة اتنين لعنة تلاتة لعنة اربعة لعنة خمسة لعنة لغاية ما وصل الف لعنة بتاع عشرة اتناشر صفحة انت بتقرا برقم اللعنات حاجة غريبة جدا فبيقول انا فهمت ليه كانوا مش عايزين يترجموا كتبه
14:32الحاجة التانية كل النبوءات اللي تنبأ بها يعني ادلة النبوة مش ما حصلتش لأ ده حصل عكسها بص انا تعبت جدا علشان اعرف حقيقة الاحمدية وجدت كلام مش صحيح على الانترنت زي ما انت فاهم
14:50هم عبارة عن صندوق اسود ما حدش عارف حقيقته من جوة. ارجوك اعمل بحث علمي في هذا الامر. ووعدني بذلك الحمد لله والنهارده شغال في هداية الناس عمل اكتر من اتناشر صفحة على الفيسبوك بعدة لغات
15:06اه وعمل مئات المقاطع. انا متذكر اول سنة بعد خروجه من الاحمدية كان بينزل مقطع كل يوم بدون مبالغة بفضل الله الاف الاحمديين العرب خرجوا المحمدية. وعادوا للاسلام في السنوات التلاتة الماضية. مسؤول سوهاج احييه من هنا هو. الشيخ معروف صابر مسئول اسيوط
15:26الشيخ فرغلي واعداد كبيرة من الجزائر كل دول خرجوا ورجعوا وبقوا يخرجوا الناس من هذه البدعة الفظيعة. العبء النهاردة هي اللي بناخدها النهاردة العبرة هي ان القلوب يا جماعة بين اصبعين من اصابع الرحمن. يقلبها كيف يشاء. ام سلمة ام المؤمنين بتقول ان اكثر دعاء
15:50النبي صلى الله عليه وسلم كان يا مقلب القلوب ثبت قلبي على دينك. انت متخيل النبي عليه الصلاة والسلام نفسه بيدعو بالثبات على الدين وسيدنا يوسف يدعو يقول ايه ؟ توفني مسلما والحقني بالصالحين. سيدنا يوسف بيدعو انه يتوفى مسلم ان ربنا يتوفاه مسلم
16:11ده احنا كلنا زي ما نكون مغسلين وضامنين جنة لكن الانبياء عارفين انه يمسي المرء مؤمنا ويصبح كافرا ويمسي كافرا ويصبح مؤمنا فنسأل الله سبحانه وتعالى الثبات على دينه وعلى الحق حتى الممات. وجزاكم الله خيرا واشوفكم بكرة ان شاء الله في ذكرى جديدة وعبرة جديدة
16:31ولو كنتم بتتفرجوا على الانترنت ما تنسوش تعملوا لايك وشير للفيديو وآآ وشير للكلام ده. يلا سلام عليكم. رسايل لرحمته اللي كان قبلك دي زكريات طول ما لي لسه الروح في جسمك طول ما قلبك لسه حي
17:01تبقى احسن في اللي في الحياة من يوم ميلادنا واحنا اطفال من ساعتها ليوم وهاتنا كل يوم بنشوف

الإبلاغ عن مشكلة

كثير مما في IlmPro يُنتَج آليًّا — كتب مصوّرة تُقرأ بالتعرّف الضوئي، ونصوص يحلّلها الذكاء الاصطناعي، ورواة وكتب يربطها البرنامج — فقد تقع أخطاء. أخبرنا بما وجدته خطأً وسنصحّحه.