فيديو # ٤٥٩ من مقاطع حظر التجول تدبر سورة الشورى # ٦ الآيات ١٧-٢١
0:01فيس بوك انستجرام السلام عليكم ورحمة الله وبركاته. اهلا بحضراتكم في المقطع رقم ربعمية تسعة وخمسين من مقاطع حظر التجول. والحلقة السادسة من حلقات تدبر سورة الشورى بفكر حضراتكم تجيبوا المصاحف وافتحوا معي على صورة الشورى الصورة رقم اتنين واربعين في ترتيب المصحف. زي ما بيقول في ترتيب المصحف عشان
0:35يفتكر انها ده ترتيب نزولها ده مش ترتيب نزولها آآ امبارح احنا تدبرنا الايتين خمستاشر وستاشر من سورة الشورى. خلونا نقراهم تاني وبعدين نبدأ بالاية سبعتاشر النهارده نبدأ مع بعض نقرا خمستاشر وستاشر عشان نسترجع السياق كده. اعوذ بالله السميع العليم من الشيطان الرجيم
0:57فلذلك فادعو واستقم كما امرت. ولا تتبع اهواءهم وقل امنت بما انزل الله من كتاب كتاب وامرت لاعدل بينكم. الله ربنا وربكم لنا اعمالنا ولكم اعمالكم. لا حجة بيننا وبينكم الله يجمع بيننا واليه المصير
1:23والذين في الله من بعد ما استجيب له حجتهم داحضة عند ربهم وعليهم غضب ولهم عذاب شديد ايتين بينتهوا بالكلام آآ عن الاخرة الاولى بنتهي واليه المصير والتانية بتنتهي ولهم عذاب شديد
1:53اذا الايتين بيشيروا صراحة ليوم القيامة فيه ناس بقى تسمع الكلام ده اللي فيه تهديد للظالمين والكافرين بالعقاب يوم القيامة لو كافر يقول لك ايه يا عم سبك بقى من الخرافات دي
2:11واننا هنقوم بعد الموت والكلام ده ولو مؤمن ممكن يقول لك ايه حلني بقى على ما تقوم القيامة والناس دي تتعاقب. يوه امتى القيام مؤمن بالقيامة بس يحلني بقى لسه بدري عن القيامة دي
2:28اقرا بقى سبعتاشر الاية سبعتاشر اللي هي بداية التدبر النهاردة. واسمع الاجابة على الاتنين دول الله الذي انزل الكتاب بالحق والميزان وما يدريك لعل الساعة قريب الكافر ممكن يقول ما فيش قيامة
2:48والمؤمن يتساءل طب امتى هتقوم القيامة؟ الاية سبعتاشر بترد عليهم هم الاتنين طالما ان الله انزل الكتاب سواء القرآن او الانجيل او التوراة او الزابور او صحف ابراهيم او صحف موسى
3:04نزل الكتاب ده ايه؟ بالحق يعني فيه الحق والشرع الصحيح نزل الكتاب ده بالحق وبالعدل الميزان هو الة تحقيق العدل الالة التي تعطي كل ذي حق حقه فلما يذكر الميزان معناه العدل اشارة للعدل
3:26اذا لما تسمع ربنا نزل الميزان في كتاب يعني نزل الحق ونزل العدل اول حاجة هتيجي في زهنك ايه لما تسمع كده معقول هيخلق ده كله على الفاضي من غير ما يحاسب مين امن ومين كفر
3:44يعني معقول ربنا هينزل كل الكتب دي وكل العلم اللي فيها والاوامر اللي فيها من غير ما يحاسبنا في الاخر مين اللي عدل ومين اللي ظلم اكيد نزل الكتب بالشرائع اللي فيها علشان الناس تبعث يوم القيامة وتحاسب على الكلام ده. يعني لما الدولة تنزل مسلا ايه مناهج
4:06اه دراسية اجبارية على الطلاب معقول ما يبقاش في اخر السنة في امتحان يعني ممكن لو مسلا نزلوا منهج غير اجباري. لو الطالب عايز ياخد الكتب دية ويقراها اهلا وسهلا لو مش عايز مش مهم
4:23ده ممكن ما يكونش فيه امتحان اخر السنة. لكن لما الدولة افرض المناهج دي يبقى لازم يكون في امتحان اخر السنة. لما دولة تفرض قانون لازم تحطوا الطرق لمحاسبة المواطنين التزموا بالقانون ولا خالفوه
4:38وقلنا قبل كده ان خلق بدون بعث بعد الموت يساوي عبث عبث وتدبرنا في سورة المؤمنون افحسبتم انما خلقناكم عبثا وانكم الينا لا ترجعون انتم لو مش هترجعوا يبقى الخلق ده عبث
4:58كده الاية سبعتاشر اجابت المتشكك في القيامة. ازاي؟ بان ربنا نزل الكتاب فيه الحق وفيه الميزان. يبقى لازم يكون فيه قيامة عشان الناس تتحاسب على اللي هو نزله شوف بقى الاجابة على اللي بيقول لك المؤمن اللي بيقول لك ايه حلني بقى على ما تقوم القيامة وربنا ينتقم من الظالمين
5:21اقرا باقي سبعتاشر وما يدريك لعل الساعة قريب خلي بالك ان كل ما يدريك في القرآن بتبقى اشياء لا يعلم عنها النبي شيئا كل ما ادراك في القرآن بتبقى اشياء ربنا علمها للنبي بعد ذلك
5:43زي مسلا ايه وما ادراك ما الطارق النجم الثاقب خلاص قال له قال له بقى ايه هو الترك؟ النجم الثقب. ما كناش نعرف وعرفنا وما ادراك ما العقبة فك رقبة او اطعام في يوم ذي مسغبة. اذا عرفنا بقى ازا بعد ما ادرك تأتي امور كانت غير معروفة
6:07للنبي صلى الله عليه وسلم ولنا ثم ربنا بيدرينا بها وبيعلمنا بها. اما ما يدريك تأتي بعدها امور ظلت غير معروفة لاحد ولا للنبي صلى الله عليه وسلم نفسه اقرا معي اخر الاية سبعتاشر. وما يدريك لعل الساعة قريب
6:27قلنا الساعة اسم من اسماء يوم القيامة لكنه يستخدم عندما يكون الكلام عن موعدها الموعد امتى ؟ يوم الساعة عندما تقوم الساعة طبعا هنا في بقى ناس تساءلت طب الساعة مؤنث
6:46قريب مذكر ليه ربنا ما قالش لعل الساعة قريبة في ناس قالوا يعني عدة اشياء لكن بصراحة اكتر رأي يعني ارى ان هو بصراحة صح واكتر رأي المفسرين شافوني شافوه ان هو صح
7:02ان قريب نعت على وزن فعيل وبعض في طبعا حاجة قاعدة في اللغة العربية تقول انعت يتبع المنعوت. لأ مش لازم النعت لا يتبع المنعوت في حالات معينة بعض النعوت لا تتبع المنعوت في التذكير وفي التأنيث وفي الجمع وفي الافراد. مثلا
7:24نقول ايه؟ ممكن اقول مسلا طلابي اسرع من طلابك طلابي جمع قلت اسرعون قلت اسرع. اسرع مفرد لان ده اسلوب تفضيل. لما يكون النعت اسلوب تفضيل اسرع افضل احسن. لازم يبقى مفرد اصلا ما ينفعش ان انت تجمعه
7:49وفي نعت على وزن فاعول. ودي معروفة اوي ومشهورة اوي. رجل عجوز وامرأة عجوز ما بنقولش عجوزة ها عجوزة ده عندنا في الايه ؟ في اللغة العامية والعجوزة. الست دي عجوزة. لكن هي عجوز. امرأة عجوز
8:08فهنا النعت ما يتبعشي لازم يكون مذكر هنا. مش هيتبع المنعوت كذلك النعت على وزن فعيل. في سورة الاعراف تدبرنا ان رحمة الله قريب من المحسنين. القرآن ما قالش ان
8:23رحمة الله قريبة نرجع بقى لموضوع الاية سبعتاشر الاية سبعتاشر نفس الكلام برضه آآ لعل الساعة قريب طيب زي رحمة الله قريب فازا كان النبي عليه الصلاة والسلام نفسه لا يعرف متى يوم القيامة
8:41ومع ذلك هو مشفق منها. يعني يخاف من رهبة هذا اليوم. من الرهبة مش حالنا احنا بقى ما بالك بنا احنا وما يدريك لعل الساعة قريب اقرا معي الاية تمنتاشر
9:03يستعجل بها الذين لا يؤمنون بها والذين امنوا مشفقون منها. مش بقول لك النبي مشفق منها ويعلمون انها الحق الا ان الذين يمارون في الساعة لفي ضلال بعيد الكافر بيستعجلها
9:26بس مش اي كافر يعني مش كل كافر مستعجل لكن هم الكفار في وقت الرسول عليه الصلاة والسلام استعجلوها يعني ايه؟ يستعجل بها الذين لا يؤمنون بها. هم مش مؤمنين بها. انها ستحدث. فيستعجلوها من باب التحدي والسخرية. هم مش
9:43بجد بيستعجلوها. هم مش مؤمنين بها اصلا يعني لما تقول لواحد ايه لو عملت كزا هامسكك هاضربك علقة فيقول لك طب بس بسرعة عشان عندي ميعاد. هو مش بيستعجلك بجد هو مش عايزك تضربه بجد
9:56هو بيتحداك ان انت تقرب منه اصلا في صيغة سخرية وهي الاستعجال في سورة صاد احنا تدبرنا قول الله تعالى يعني القول ده ده كلام الكفار لكن ربنا اورده في سورة صاد. وقالوا ربنا عجل لنا
10:18قبل يوم الحساب يعني عزبنا وما تنتزرش يوم الحساب ده اسمه استعجال الطلب العاجل طلب طلب التعجيل كمل الاية تمنتاشر والذين امنوا مشفقون منها ويعلمون انها الحق يعلمون انها حق وان الساعة ستقوم
10:43لكنهم مشفقون منها خايفين منها الاشفاق خوف مع عناية مع اعتناء الا ان الذين يمارون في لفي ضلال بعيد. دي فذلكة قلت لكم قبل كده فذلك يعني الخلاصة. جاية من مشتقة من فذلك. فخلاصة الاية ايه؟ الا ان الذين يمارون في
11:11لفي ضلال بعيد خلاصة الاية هو ان اللي بيجادلوا في قيام الساعة هم اللي ضالين دول مش ضالين دول في ضلال بعيد يبقى ده اقرار للمؤمنين ان لهم حق انهم يشفقوا منها
11:30يعني ده كأن ربنا بيثني على المؤمنين ان هم يعني كان لهم حق يشفقوا منها. بينما الذين يجادلون في حدوثها هم اللي ضايعين. هم اللي ده معنى كلمة في ضلال بعيد يعني ناس تايهة تايهة عن الحقيقة خالص
11:48اقرا معي بقى الاية تسعتاشر والاية عشرين الله لطيف بعباده يرزق من يشاء وهو القوي العزيز من كان يريد حرف الاخرة نزد له في حرثه ومن كان يريد حرف الدنيا نؤته منها
12:16وماله في الاخرة من نصيب لاحظ ان القرآن دايما وانت بتقرأه تلاقيه بيمرجحك يجيبك يمين وبعدين يجيبك شمال ويرفعك فوق ويقوم منزلك لتحت. انت اخدت بالك بداية الاية تسعتاشر ايه
12:39الله لطيف بعباده خدت بالك جت بعد ايه اصلا اقرا معي من الاية ستاشر وشو لغاية الاية تسعتاشر وشف النبرة عمالة تعلى ازاي مرة واحدة هديت الحاجات دي لازم تلاحزوها في القرآن. هو ده يعني من مفاتيح التدبر الاساسية. القرآن مش كتاب عشان تفهمه
13:07فقط القرآن كتاب تحسه القرآن كتاب تشعر به. تتعامل معه بمشاعرك مش بس بعقلك وبقلبك. مشاعرك اقرا معي ستاشر من اول اية ستاشر ولاحز النبرة عمالة تعلى ازاي والذين يحاجون في الله من بعد ما استجيب له حجتهم باحضة عند ربهم وعليهم غضب ولهم
13:37عذاب شديد الله الذي انزل الكتاب بالحق والميزان. وما يدريك لعل الساعة قريب. يستعجل بها الذين لا يؤمنون بها والذين امنوا مشفقون منها ويعلمون انها الحق. الا ان الذين يمارون في الساعة لفي ضلال بعيد
13:59الله لطيف بعباده يرزق من يشاء. لاحز التغير المفاجئ في النبرة. من نبرة الغضب والوعيد لتشعرك ان الايات صوتها عالي ثم فجأة تهدأ والايقاع يهدأ الله لطيف بعباده. يرزق من يشاء
14:25وكأنه بيقول للكفار ايه ؟ ان رغم غضب الله الا ان بابه مفتوح لانه بيرزقكم فاتكلم عن الرزق. يرزق فما دام بيرزقك هو فاتح لك الباب بالرغم من كفركم استغلوا بقى المسألة دي وفتح الباب وارجعوا والباب مفتوح
14:45اقرا معي تسعتاشر. الله لطيف بعباده يرزق من يشاء لطيف يعني يحقق مصالح العباد بطرق خفية طرق مش مش باينة مش ظاهرة هنا لطيف بعباده عباده دول المؤمنين والكفار. يحقق مصالحهم في الدنيا
15:15ازاي يرزق من يشاء الكل بيرزق لكن ربنا يعطي اكثر لهذا واقل لذاك ومش حسب الايمان ولا الكفر خالص حسب الاختبار بتاع كل واحد ويختبر الغني بالفقراء. هيعطيهم ولا هيمنع عنهم
15:36ويختبر الفقراء بالاغنياء هيسرقوهم ولا هيصبروا على البتاع حي وهكزا هيحسدوهم ولا وهكزا كمل الاية تسعتاشر وهو القوي العزيز. يعني ايه؟ يعني هو لا يرزق الكافر لانه مضطر او لانه ملزم. لا هو القوي
15:55العزيز لا احد يستطيع الزام ربنا بشيء هو وضع نزام النزام ده ايه؟ اقرا الاية عشرين عشان تعرف نزامه من كان يريد حرف الاخرة نزد له في حرفه. ومن كان يريد حرف الدنيا نؤته منها
16:16فما له في الاخرة من نصيب الله سبحانه وتعالى يحقق مصالح عباده في الاخرة وفي الدنيا. الله لطيف بعباده يحقق مصالحهم اللي منهم يريد ان يجني المحصول والنتائج بتاعة الزراعة الحرف بتاعه
16:39وجهده اللي عايز ياخد النتائج دي في الاخرة ربنا مش بس سيعطيه نتيجة جهده سيزيد اقرا معي الاية عشرين من كان يريد حرف الاخرة نزد له في حرفه. لها عدة معاني
17:00انت تبرعت بمال للفقراء مسلا طلعت الف جنيه ولا تريد بكده شهرة ولا ثناء من الناس. ولا اي شيء في الدنيا واخفيت الصدقة دي وكنت عاملها خالصة لوجه الله تماما. ينطبق عليك من كان
17:20تريد حرف الاخرة مية في المية مية في المية حرف الاخرة ان ممكن واحد يعمل اعمال خيرية عشان يشتهر بالكرم ويشتهر بالتدين وبطيبة القلب والكلام ده لكن لو انت طلعت الف جنيه لله خالصة
17:38اسمع مازد له في حرفه يعني ايه تيجي يوم القيامة ما تلاقيش ثواب الف جنيه. تلاقي ثواب مائة الف جنيه عشر تلاف جنيه الحسنة بعشرة امثالها وممكن يضرب الثواب في سبعميت ضعف
17:55ربنا بيقول مثل الذين ينفقون اموالهم في سبيل الله كمثل حبة حبة حبة قمح حبة اي حاجة شعير انبتت سبع سنابل. طلعت سبع سنابل. في كل سنبلة مائة حبة يبقى الحبة طلعت سبعمائة حبة. يبقى ممكن جدا الالف تلاقيهم سبعميت الف
18:20اسمع والله يضاعف لمن يشاء. ولسه كمان وممكن ربنا يضاعف اكتر وممكن نزد له في حرفه يكون معناها ان ربنا يزود له طاقته في العمل في عمل الخير هو واحد عايز يعمل عمل خير كله للاخرة وكله بحسن نية وكله بنية خالصة فربنا يدعم
18:49يدعمه في انه يعمل خيرات كثيرة جدا ويوفقه لخيرات لعمل خير كتير جدا هو ما كانش عامل حسابه انه هيعمله كله ويدي له فرص اكتر لعمل الخير مين كمل معايا الاية عشرين من كان يريد حرف الدنيا نؤته منها
19:10وماله في الاخرة من نصيب. ده بقى النوع التاني. اللي بيشتغل للدنيا وبيكد للدنيا وعاوز يبقى غني وعاوز يجيب فيلا حلوة وعاوز يجيب عربية حلوة بس مش بيعمل حاجة لله. ده مش عامله لله. خلاص هياخده لله. وما لوش
19:28يعني واحد راح بنى آآ فيلا ومش لله في حاجة خالص. وعايز بس الناس تشوف ان هو راجل غني. خلاص هياخدها في الدنيا لكن مش هياخد سواب بناء فيلا في الاخرة. خلص الموضوع
19:43لانه ما عملش ما فيش جزء حتى من النية انه عايز يعملها ويوسع المكان ده عشان يبقى فيه بقى جلسات دين ويجيب دروس ويعمل مش عارف ايه ويخلي ولا لا خالص
19:53وعاملها كلها للآخرة. للدنيا. خير تبقى كلها للدنيا. خلص الموضوع آآ وما لوش نصيب في العمل اللي اتعمل كله للدنيا خلاص ما لوش نصيب في الاخرة. كل واحد نصيبه في الاخرة بيبقى بقدر اخلاصه وعمله لارضاء الله
20:12لكن الدنيا لها قانون وهو قانون الاسباب الاخد بالاسباب اللي بيأخذ بالاسباب سيحصل على ما يريد في الدنيا يعني واحد بيخطط كويس وبيشتغل بجد. وبيتعب هيعمل فلوس. حتى لو بيتاجر في الخمرة. حتى لو بيفتح سلسلة محلات قمار
20:36حاجات كلها حرام ما لهاش دعوة هو ربنا حط اسباب للنجاح الدنيوية هتاخد بالاسباب الدنيوية هتنجح في الدنيا ومطلوب ان احنا ناخد بالاسباب الدنيوية في الامور الحلال ما ينفعش افتح انا محلات خمرة
20:55لكن لما اجي اعمل مشروع اقتصادي واعمل شركة واعمل شركة مقاولات اخد بالاسباب عشان انجح في الدنيا ولا انا فاكر اني هروح اجيب شوية مشايخ يقروا في الشركة عشان يجي لي زباين لا ما ينفعش. انا اروح اجيب بياعين ينزلوا يبيعوا
21:13ويجيبوا زباين يعني ايه بقى ينجح دنيويا؟ اقرا معي الاية عشرين. من كان يريد حرف الدنيا نؤته منها وماله في الاخرة من نصيب شوفوا يا جماعة. بيختم بحديث مهم جدا
21:32لا ده مش هنختم دلوقتي استنى لسه آآ لكن في الحتة دي سيدنا عمر ابن الخطاب روى ان رسول الله صلى الله عليه وسلم قال وده حديس بيفتتح به كثير جدا من كتب الحديث. اسمه حديث النية
21:45اه دي دي الصيغة بتاعة البخاري. الاعمال بالنية ولكل امرئ ما نوى فمن كانت هجرته الى الله ورسوله فهجرته الى الله ورسوله. ومن كانت هجرته لدنيا يصيبها او امرأة يتزوجها فهجرته الى ما هاجر اليه
22:09اذا تدبر الاية دي يجعلنا كمسلمين بنقرأ القرآن بتدبر نراقب النية بتاعتنا في كل عمل حتى لا نضيع ثواب اعمالنا. كتير من الاعمال بتاعتنا ضايعة كتير من الصداقات بتاعتنا ممكن نروح ما نلاقيهاش موجودة في صحيفتنا يوم القيامة. كتير حتى من الصلوات اللي بنصليها ممكن ما نلاقيهاش
22:35كتير من الاعمال الخير ممكن ما نلاقيهاش ، ليه ؟ لو النية مش سليمة عشان كده ارجو من حضراتكم الناس اللي لم تحضر وحتى اللي حضر يحضرها تاني. دورة التربية الروحية
22:50لازم تحضروها وفي كتاب للدكتور مجدي الهلالي اسمه حطم صنمك موجود للتنزيل مجانا موقع الدكتور مجدي الهلالي. لما تدخل على جوجل اكتب كده موقع الايمان اولا ادخل على قائمة الكتب واسمها اظن اسمها المكتبة
23:08كل كتب الدكتور محطوطة مجانا نزلوها مجانا. وكلها مفيدة جدا وكلها تربوية جدا الكتاب ده بالزات حطم صنمك احنا عاملينه مسموع. يعني ممكن تسمعه وانت سايق السيارة اسمعيه وانت بتطبخي بالمطبخ تسمعوه وانتم بتعملوا حاجة ايه
23:26على اليوتيوب وعلى القناة بتاعتي على الساوند كلاود. ازن اربع او خمس حلقات اسمهم حطم صنمك بالاضافة لدورة التربية الروحية مهمة جدا اقرا معي الاية واحد وعشرين. اخر اية يلا
23:39ام لهم شركاء شرعوا لهم من الدين ما لم يأذن به الله ولولا كلمة الفصل لقضي بينهم. وان الظالمين لهم عذاب اليم الناس اللي عندها اديان لم يأذن بها الله
23:59جابوا الكلام ده منين هيرد عليه يقول لك ايه ؟ طب انتم كمان جبتم الكلام ده منين ؟ جبتم دينكم ده منين ؟ نروح نقول لهم يوه. ده صورة الشورى من اولها بتتكلم في الموضوع ده. اقرأ
24:12تلاتة هات لي الاية تلاتة. عشان لما حد يقول لك يعني انت يعني الاسلام جبتهم منين ؟ قال الاية تلاتة اهي. كذلك يوحي اليك والى الذين من قبلك الله العزيز الحكيم
24:24يعني هذا الدين من اول رسول من اول يومه. مصدره هو الوحي. مش للتأليف. انتم بقى تعالوا. يا اللي بتعبدوا الاصنام. مصدر عقيدته ايه يا اللي بتعبدوا حيوانات اللي بيعبدوا البقر مصدر عقيدتكم ايه
24:44على فكرة عندهم تلتاشر الهندوس عندهم تلتاشر كتاب. منهم كتاب اسمه الريج فيت ده يعني التنزيل يعني الوحي كتاب قريب جدا من الاسلام. حاجة توحيد حتى اسم الله ورد في اربع مرات
25:01عندهم اتناشر كتاب تانيين حاجة ايه عندهم تلتميت مليون اله والاله عنده تلتميت مليون رجل وايد وحاجات غريبة دول مصدرهم ايه انا اعرف اخ كان هندوسي وشرح لي قال لي دي كتب كتبها علماء الهندوسية عبر التاريخ. يا سلام! المشكلة هنا انهم ادوا وزن
25:21للوحي نفس الوزن اللي ادوه لايه لكلام العلماء وده اللي مخلي الاسلام قوي وباقي الى يوم القيامة. دون تحريف. لان رقم واحد عندنا كلام الله القرآن ما فيش جنبه حاجة
25:40نمرة اتنين السنة الصحيحة لكنها نمرة اتنين بعد القرآن بعد كده ييجي بقى كلام العلماء وكل يؤخذ منه ويرد وما فيش حاجة. بعد كده في اجماع الصحابة فهي النقطة انه انك تدي اشياء او بعض الكتب نفس وزن الوحي ده اللي بيضيع الاديان ديت. وانتم يا اللي بتعبدوا
26:07بني ادمين اللي بيعبدوا السيد المسيح يلا. مصدر عقيدتكم ايه؟ تعالوا نتكلم في النصوص بقى اللي عندكم وتقنعونا. يعني هي قصة. طيب. اقرا معي الاية واحد وعشرين تاني ام لهم شركاء شرعوا لهم من الدين ما لم يأذن به الله
26:24ولولا كلمة الفصل لقضي بينهم لولا ان الله قضى قضاء الكلمة لان لو كلمة الفصل كلمة يعني كلمة قضاء ربنا ربنا قضى انه يفصل بينهم يوم القيامة الساعة موعدهم لولا كده لقضي بينهم في الدنيا
26:47كان زمان الدنيا ولعت بهم نار. لكن ربنا قضى ان تكون الدنيا دار ابتلاء. لا دار جزاء الناس مش ما تجازاش في الدنيا الا بقى قليل دار الجزاء بعد الموت
27:02والبعث اقرا واحد وعشرين وان الظالمين لهم عذاب اليم. الصحابة اترعبوا لما سمعوا دي الاية بتتكلم عن المشركين. ليه بقى تقول وان الظالمين لهم عذاب اليم؟ قالوا يا رسول الله وهل منا من لم يظلم
27:21احنا رحنا في داهية كده الظلم هنا هو الشرك او ان الانسان يكتسب اسم الفعل نتيجة تكرار الفعل منه وانه يشتهر به. يعني يبقى طاغية يعني. معروف بالظلم يعني. يعني مسلا انا لعبت كورة قبل كده. بس انا مش لاعب كورة
27:40ليه ؟ طب ما انا لعبت كورة. ما اتسماش لاعب كورة ؟ لأ. اتسمى لاعب كورة لما يتكرر مني الفعل واشتهر به كزلك الظالم يعرف بكلمة ظالم لما يتكرر منه الفعل ويشتهر به
27:55او يكون شرك مشرك. فالمشرك ظالم على طول. يعني ايه بقى؟ ركز معي موضوع الشرك ده في سورة لقمان احنا تدبرنا واذ قال لقمان لبنه وهو يعظه يا بني لا تشرك بالله
28:12ان الشرك لظلم عظيم. يبقى الشرك هو اعظم انواع الظلم ويسمى المشرك الظالم لانه ظلم نفسه ما حدش بيزلم ربنا طب واحنا المؤمنين سورة الانعام الذين امنوا ولم يلبسوا ايمانهم بظلم
28:33اولئك لهم الامن وهم مهتدون ممكن واحد يقول لا اله الا الله محمد رسول الله ويؤمن ان المال بيحقق الامان. ده مشرك. ده اشرك شرك خفي مليارديرات ماتوا بالكورونا وفلوسهم ما نفعتهمش
28:53فين المال بقى ما حققش الامان ليه يبقى كان غلط ممكن واحد يقول لا اله الا الله محمد رسول الله ويؤمن ان السلطة تحقق الامان والسعادة ثم تجد اللي في السلطة نفسه لا هو امن ولا هو سعيد وما يقدرش يطلع يشرب فنجان قهوة في البلكونة اصلا من كتر الخوف
29:13ممكن واحد يقول لا اله الا الله محمد رسول الله. ويؤمن ان التقدم العلمي بيحقق الامان واحلام الانسان. كل جامعات العالم وعلمائها بمعاملها بقى لها سنتين بيلفوا حوالين نفسهم عشان يكتشفوا دوا للكورونا
29:32وفي الاخر راحوا بعد اكتر من سنة عملوا لقاحات ونسبة نجاحها مش مية في المية ولا حتى تسعين في المية. وناس كتير شاكة فيها. وشغلانة. الله! يبقى لازم الانسان من يؤمن ان الخير كله بيد الله. وان هذه اسباب
29:48ممكن ربنا ينزع من هذه الاسباب اثرها وممكن يبقي زي ما كده ما نزع اثر الاحراق من النار فلم تحرق ابراهيم فمش النار اللي بتحرق. الاثر اللي ربنا حطه فيها هو اللي بيحرق. كزلك الدواء الشفاء مش في الدواء. الشفاء اثر للسبب ربنا ممكن
30:08منه فتجد اتنين لهم نفس الوزن ومن نفس الجنس وعندهم نفس المرض ونفس الحالة الصحية والاتنين عندهم نفس المرض ياخدوا نفس الدواء واحد يموت والتاني يشفى. يبقى مش الدواء. امال ايه ؟ ربنا
30:22سبحانه وتعالى نختم الكلام ده النهاردة بحديث بيلخص العقيدة وازاي مفهوم التوحيد ينعكس على حياة الانسان عن ابن عباس رضي الله عنه. عبدالله بن عباس قال كنت خلف النبي صلى الله عليه وسلم. يعني ايه كنت خلف النبي؟ يعني كنت راكب وراه
30:44كنت راكب وراه على البعير على الجمل كان كان هو كان صغير. ابن عباس كان صغير. فقال يا غلام اني اعلمك كلمات احفظ الله يحفظك احفظ الله تجده تجاهك اذا سألت
31:04فاسأل الله واذا استعنت فاستعن بالله. واعلم ان الامة لو اجتمعت على ان ينفعوك بشيء لم ينفعوك الا بشيء قد كتبه الله لك وان اجتمعوا على ان يضروك بشيء. لم يضروك بشيء
31:31الا بشيء قد كتبه الله عليك رفعت الاقلام وجفت الصحف. زي ما نقول كده فول ستوب خلص الكلام خلص الكلام بعد كده ما فيش كلام هو ده اثر التوحيد في حياة الانساج على الانسان ما يخافش من حد
31:51ما يتزللش لحد ان كله بيد الله نتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب
32:16اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين
32:41اللهم احيي قلوبنا بحبك واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعي كله في مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا وذهاب هموم
33:06وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف
33:28في كتابك تلوناه او تدبرناه اكفنا واهلينا واخواننا شر كل من يكيد لنا ولهم. واحفظنا واياهم من شرورهم. ونجعلك اللهم في نحور فانت الوكيل ولا حول ولا قوة الا بك
33:47اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين. وانصرهم وانصر من نصرهم واخذل من خذلهم وطهر المسجد الاقصى من الدنس فانهم لا يعجزونك
34:04اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا او من علمائنا مريضا به او حاملا له فالبسه ثوب الصحة والعافية عاجلا غير اجل
34:23ومن لم يصب به فقه شره. وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك والتقت على نصرة شريعتك
34:43فوثق اللهم رابطتها. وادم ودها واهدها سبلها. واملأها بنورك الذي لا يخبو. واشرح صدورهم الايمان بك وجميل التوكل عليك واحييها يا ربنا بمعرفتك. وامتها يا مولانا على الشهادة في سبيلك
35:04انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله في نفس هذا موعد ان كنا من اهل الدنيا