لماذا ثواب الصبر كبير جدا؟ و ما هي أنواع الصبر؟
0:00الصبر بقى بالنسبالي اصعب اختيار انا بصلي وبصوم وبحاول اكون كويس مع كل الناس بس اوقات بتعب صبري بيخلص او اب ابقى عايز اصرخ من اللي جوايا طب هو انا كده وحش! انا كده مش راضي! اوقات بابقى فعلا مش قادر. مش قادر استحمل ولا قادر اكمل. مع اني مؤمن بقضاء ربنا. بس
0:25مش عارف بجد انا مش عارف لو واحد عنده بيت تمنه عشر تلاف جنيه. والنزام فرضا يعني في بلدهم ان لو بيته اتحرق التعويض ميت مليون جنيه وبعدين واحد خد مراته وولاده وراحوا يتغدوا في مطعم فجا له تليفون من الجيران وقالوا له بيتك اتحرق وعفشك وملابسك وكل حاجة اتحرقت. تفتكروا هيكون رد فعله ايه
0:55بيته تمنه عشر تلاف لكن التعويض ميت مليون. طبعا هيقول الله اكبر الحمد لله وهيفرحوا. ليه؟ مع ان المصيبة كبيرة. لان بالتعويض الكبير. هون عليهم المصيبة. بل خلاهم يفرحوا بالتعويض الكبير اللي جاي
1:15ثواب اللي جاي. يبقى لو الانسان ادرك ثواب الصبر قد ايه كبير اوي. وعظيم اوي هيقدر يصبر. اولا الحسنة في الاسلام بعشر امثال. الى سبعمائة ضعف. والله يضاعف لمن يشاء. والحسنة في مكة مضاعفة بمائة الف
1:35هل هناك ثواب اكبر من كده؟ اللي هو مضروب في مية الف؟ اه. ثواب الصبر. ربنا سبحانه وتعالى بيقول انما يوفى الصابرون اجرهم اهم بغير حساب. من تفاسيرها انهم ما يقفوش اصلا لحساب. ما يتحاسبوش يوم القيامة على الجنة دوغري. ومن تفاسيرها ايضا ان الثواب
1:55لا نهائي. مضروب في يعني ما تقوليش بقى عشرة ولا سبعمية ولا مية الف بغير حساب. ربنا كريم جدا ربنا سبحانه وتعالى بيقول ولنجزين الذين صبروا اجرهم باحسن ما كانوا يعملون. يبقى كل حاجة بنعملها
2:14بيتعملها لافضل حاجة احنا عملناها فيها. يعني ايه؟ يعني مسلا اول حاجة بيسأل عنها الانسان الصلاة. لو شخص اللي بيتحاسب دوا من الصابرين يبقى هيتحاسب طبقا لاحسن شيء كان بيعمله باحسن ما كانوا يعملون
2:34يبقى لو هو صلى مسلا في حياته كلها خمسة وعشرين الف ستمية تمانية وسبعين صلاة احسن صلاة فيهم انهي واحدة. تطلع صلاة العشاء مسلا يوم سبعتاشر رمضان سنة كزا. لانه اسبغ الوضوء ونزل
2:51بدري وانتزر الاذان وقعد في الصف وصلى في الصف الاول خلف الامام فيه خشوع وتدبر معاني القرآن اللي بيتلى في الصلاة وبكى من خشية الله ولم يؤذي احد في المسجد بصوت الموبايل بتاعه ولا بريحة العرق بتاعته ولا بريحة سجاير هو شاربها بل بالعكس الناس بتشوفه بتشعر براحة
3:11وبيبقى مبتسم ونضيف وهادئ وربنا قبل الصلاة دي دي افضل صلاة في الخمسة وعشرين الف ستمية تمانية وسبعين كلهم هو من الصابرين ربنا هيحاسبه باحسن شيء بيعمله. يبقى كل الصلوات التانية الخمسة وعشرين الف ستمية سبعة وسبعين يتعمل لهم ابجرين يتعمل لهم
3:34للترقية ويبقوا كلهم محسوبين زي الصلاة دي. اللي بعده الصوم. صام كام يوم في حياته؟ تسعمية خمسة وتلاتين احسن يوم فيهم انهو؟ اليوم الفلاني. ليه؟ للاسباب التالية؟ كل التسعمية اربعة وتلاتين تانيين يتعمل لهم ابجريدة ويتحاسب عليهم اكنهم كلهم في نفس
3:54عودة هذا اليوم وهكذا وهكذا وهكذا. يبقى لما نقول ربنا كريم اوعى تقارن كرم ربنا بكرم عمك ولا كرم ابوك لا. فكر في الخزائن مفتوحة اللي لا تنفذ فكر في من يعطي ولا يخشى الفقر. فكر في اللي لا يخشى نقص اي شيء عنده
4:16المسألة التانية بقى هي انواع الصبر. العلماء قالوا ان الصبر اربع انواع. الصبر على المصيبة النوع التاني الصبر على المعصية النوع التالت الصبر على الطاعة. والنوع الرابع الصبر على النعمة. الصبر على المصيبة على المعصية على الطاعة على النعمة. الصبر على المصيبة
4:36احنا اتكلمنا عنه قلنا ازاي الواحد يصبر بمعرفة الثواب الكبير فنرجو ما عند الله فيستطيع الانسان انه يصبر على المصيبة لانه عارف ايه اللي عند ربنا وعارف قد ايه ثواب كبير. الصبر على المعصية خاصة في زمن اصبحت المعصية فيه سهلة
4:53والناس بدأت تألفها وتتعود عليها لدرجة بقت المعصية شكلها عادي وبقت امر طبيعي. شرب السجاير عدم الالتزام بستر العورة كل الحاجات دي الناس ابتدت تألفها. اهم حاجة الانسان يقوي ايمانه وعلاقته بالله عن طريق القرآن والذكر بتدبر
5:13وانه ما يألفش المعصية ينكر المعصية بقلبه ازا ما قدرش ينكرها بلسانه ويتكلم ضد هزه المعصية ولا بايده ويغيرها الاقل يكون بينكر المعصية بقلب. الصبر على الطاعة اللي هو الصبر على العبادات. الطاعة بتاعة ربنا بتبقى مصحوبة بشيء من الصعوبة. يعني الصحيان الساعة اربعة الصبح
5:40وغسل الوجه والايدين والرجلين والناس نايمة في سرايرها ده مش امر سهل. القيام لله والناس نايمة مش سهلة وجود لله في وقت الناس فيه نايمة مش سهل. بتستمتع الناس بالنوم وانت بتقف تقوم الليل. الامر
6:00وده مش سهل بس برضو ما هو مش ببلاش. لو الناس عرفت الثواب اللي في ذلك. يعني لو ناس عرفت ما في صلاة الفجر والعشاء من ثواب الرسول عليه الصلاة والسلام بيقول لاتوها حبوا. يعني ييجوا على ركبهم لصلاة الفجر والعشاء. يعني زي الاطفال اللي مش عارفة تمشي
6:20من كتر اهميتها لو عرفوا الخير اللي فيها. يبقى لازم اقيم علاقة بالله. حتى استطيع اني اصبر على الطاعة. المهم انها تبقى بحب وجزء خوف من عقاب الله وجزء طمع في نعيم الله. دي كلها تبقى عوامل مساعدة في العلاقة بالله. لكن الاصل
6:40لازم يكون هو الحب. قل ان كنتم تحبون الله فاتبعوني يحببكم الله. النوع الرابع بقى وهو الصبر على النعمة اصعب الانواع. النعمة بتغري الانسان بنفسه. بتخليه يطهر. بيفتكرها شيء هو بيمتلكه. فيبدأ يسرف
7:00فيها ويسيء استخدامها. يعني يبتدي يحس ان النعمة دي شيء ذاتي. هو قدر يعني ينميه في نفسه وينسى ان ربنا هو اللي ادى له النعمة دي. فبدل ما يشكر النعمة
7:10ويعمل بها اللي يرضي ربنا يبدأ يعمل بها ما يغضب الله. ويستعملها بطريقة غير اللي ربنا قال له عليها. يعني الفقير ما قداموش غير انه يصبر على الجوع لكن الغني صعب عليه ان هو لا يسرف ولا يبذر. لان الانفاق له لذة وشهوة. المرأة
7:30ممكن تشعر ان جمالها ملكها. مش ملك ربنا. هو اعطاها هذا الجمال عشان يختبرها. ازاي هتستخدمه؟ ازاي هتظهره هل بالطريقة اللي قال عليها ولا لأ؟ القوي هيستعمل قوته في مساعدة الناس ونصرة المزلوم ولا في زلم الناس وقهر الناس
7:50سيدنا يوسف مر في ابتلاءات كثيرة اخواته تآمروا عليه اكدوا ان هم يقتلوه رموه في البير اتباع عبد هو اصلا حر. امرأة العزيز حاولت تغويه اتسجن الزلم سنوات عديدة. ثم اصبح حاكم لمصر اكبر واغنى بلد في الدنيا في هزا الوطن. يقول العلماء ان التمكين ده هو
8:15اكبر ابتلاء ليوسف لان الصبر على النعمة هو اصعب انواع الصبر. عموما انا عايز اقول ان الصبر مش صعب بس برضو مش سهل الصبر تحدي الصبر تحدي كبير بيواجه الانسان لو انت مقاتل هتنتصر على هذا التحدي
8:34لكن لو مستسلم هتنهزم. وهي الدنيا ايه غير تدافع؟ الحق بيدفع الباطل. الخير بيدفع الشر. لزلك عليك انك تكون مقاتل عشان تنتصر على هذا التحدي الكبير وربنا يعينا كلنا على هذا الصبر