فيديو# ١٠٩ من مقاطع حظر التجول تدبر سورة الشعراء # ٩ الآيات: ١٤١-١٩١
0:00السلام عليكم ورحمة الله وبركاته. اهلا بحضراتكم في المقطع رقم مية وتسعة من مقاطع حظر التجول. والمقطع رقم تسعة من مقاطع تدبر سورة الشعراء قصة نوح بتتكرر مع اربع رسل اخرين
0:37مش بتتكرر القصة لكن بتتكرر بنفس السياق بتاعها وباستخدام نفس التعبيرات قصة هود وقصة صالح وخدناهم اخدنا قصة هود امبارح. هناخد النهاردة قصة صالح ولوط وشعيب. هنشوف ان هي جايين كلهم بنفس الصيغة
1:00اللي بيجمع القصص الخمسة دي هو انها قصص الاقوام التي ابيدت او استأصلت اي نزل عليها عذاب الله في الدنيا ومحيقت من على وجه الارض على عكس امة موسى وامة ابراهيم فعجبهم مؤجل للاخرة
1:18لكن تدبر احوال الامم السابقة البائدة او التي استأثرت فيه عبرة لانه يذكر الانسان بقدرة بقدرة الله وبقدرة الله عليك هاجر الاخت هاجر سألت سؤالين منهم واحد حلو انا هجاوب عليه دلوقتي
1:38بتقول ربنا قال آآ وتلك القرى اهلكناهم لما ظلموا وجعلنا لمهلكهم موعدا. وتدبرناها في اه اه سورة الكهف وانا قلت انها سنة من السنن الالهية وسنن الله لا تتبدل ولا تتحول. ربنا بيقول فلن تجد لسنة الله تبديلا
1:58ولن تجد لسنة الله تحويلا ازاي بقى بتقول ان سنة الاهلاك توقفت واصبح العقاب مؤجل للاخرة وازاي عقاب الظلم هو الاهلاك وان هو ما زال قائم لانه آآ لانه من سنن الله سنن الهية. ده سؤال جميل جدا
2:19اللي توقف هو عقاب الاستئصال. ان تنزل صاعقة تمحق الشعب بالكامل عن بكرة ابيه وينجو المؤمنين ده اللي توقف عقوبة الاستئصال انما اهلاك امة بمعنى زوال حكم طائفة منها زوال الدولة نفسها
2:43دولة اخرى بنفس الشعب دون دون موت الناس يعني. يعني مسلا الاتحاد السوفيتي هلك ربنا اهلك الاتحاد السوفيتي الشعب عايش والاتحاد السوفيتي كان احدى القوتين العظميين او العظمتين زين وهلك لكن ظهرت دولة جديدة مكانه اسمها روسيا الاتحادية لها ايديولوجية مختلفة. مش نفس الايديولوجية
3:12الشيوعية مش نفس الايديولوجية الالحادية وان كان فيها ملحدين ولكن الدولة التي سبقتها هلكت آآ الشعب نفسه لم يستأصل نبدأ بقى النهاردة افتح معي طبعا اول حاجة افكركم بالمصاحف افتح معي المصحف على الاية مية واحد واربعين في سورة الشعراء
3:35واقرا معي اعوذ بالله السميع العليم من الشيطان الرجيم كذبت ثمود المرسلين اذ قال لهم اخوهم صالح الا تتقون اني لكم رسول امين اتقوا الله واطيعوا. وما اسألكم عليه من اجر. ان اجري الا على رب العالمين
4:06تدبرنا الكلام ده من قبل. هي نفس الصيغة اللي بتبدأ بها كل قصة من قصص الاقوام الخمسة الكلام كذب التمود المرسلين مع ان هو رسول واحد ربنا قال المرسلين وده تعبير على وحدة الرسالة فتكذيب الرسول واحد من رسل ربنا
4:26كأنه تكذيب الرسل كلها لانهم حملوا نفس الرسالة اللي ارسلها الله سبحانه وتعالى اذ قال لهم اخوهم صالح الاخوة في الوطن درجة اقل من الاخوة في الدين لكنها ما زالت رابطة بتربط بين الانسان والناس اللي بيدعوها حتى لو كانوا كافرين
4:45الا تتقون الدعوة تكون لتقوى الله وهي الغاية الكبرى التي يجب ان تبتغى ويجب ان تطلق واللي علينا كلنا اننا نسعى اليها اني لكم رسول امين. مش بيزكي نفسه لكنه بيعرف نفسه كويس للناس ويطمئنهم انه لا يكذب ولا يلفق ولا يدعي
5:11فاتقوا الله واطيعون امر بتقوى الله عن طريق طاعة النبي. فاتقوا الله واطيعوه. بانك لما تطيعوني انتم كده بتتقوا يبقى اللي يقول للناس لا تتبعوا السنة هو كده بيطعن في صميم الدين
5:31جزء اساسي من الدين عندنا هو اتباع السنة. ازا واحد مش بيتبع سنة النبي صلى الله عليه وسلم هو دلوقتي هو دلوقتي مش على الخط السليم ومش على الصراط المستقيم في الدين
5:43لا يمكن تبقى مسلم بدون السنة. مش هتقدر حتى تصلي. مش هتعرف ازاي تصلي. مش هتعرف ازاي تزكي. مش هتعرف آآ وده مش بس في حالة سيدنا محمد عليه الصلاة والسلام. كل نبي قال هزا الكلام. فاتقوا الله واطيعوني يعني اطيعوا سنتي
6:01كل ده بيقال اتبعوني اهدكم سبيل الرشاد. يعني سنتي المسيحيين بيستدلوا بكلمة المسيح عن الطريق والحق والحياة. عشان يقولوا ان هو ادعى الالوهية لا بالعكس على الطريق يعني ايه ؟ يعني اللي يتبعني
6:19هو اتبع الطريق الصحيح. ويوصل من خلالي الى الله سبحانه وتعالى لان يا جماعة بصوا القرآن مسلا كلام الله سبحانه وتعالى تنزيل من رب العالمين. وكل كتب ربنا تنزيل نزلت من خارج العالم على العالم كي يقرأها
6:39السنة هي التطبيق العملي لكلام الله سبحانه وتعالى. التطبيق انسان طبق كلام ربنا. فالسنة مهمة جدا هي وما اسألكم اقرا معي الاية مية خمسة واربعين. وما اسألكم عليه من اجر ان اجري الا على رب العالمين
7:03ويطمنهم ما فيش اجندة شخصية ولا منفعة مادية ومكتفي بما عند الله يا جماعة ما عندكوش حجة تتابعوني بقى الجزء الخاص بقى بقوم صالح اللي هم ثمود جاي بقى دلوقتي. اقرا معي مية ستة واربعين
7:18اتتركون فيما ها هنا امنين في جنات وعيون وزروع ونخل طلعها هضيم وتنحتون من الجبال بيوتا فارية بيفكروه بنعم ربنا اللي هم غرقانين فيها هتتركون فيما ها هنا امنين؟ فاكرين نفسكم هتتركوا يعني هتتسابوا في النعم دي بالرغم من كفركم
7:48وكده وبدأ يعدد لهم النعم بقى بتاعة ربنا وبيفكرهم بها امنين. ادي اول نعمة. الامن نعمة كبيرة. من بات امنا في سربه. نعمة من نعم ربنا في جنات وعيون عندكم مزارع وجناين وعيون مصادر مياه
8:09وزروع من كل الانواع الطعام ونخل طلعها هضيم نخل بيطلع بلح وتمر ورطب هضيم من اجود الانواع عظيم على رأي اللبنانيين يقول لك ايه مهضومة. يعني اي حاجة كويسة عنده يقول لك مهضومة
8:27مهضومة حاجة حلوة كويسة فطالعوها هضيم يعني من اجود انواع التمور اقرا بقى معي مية وخمسين مية واحد وخمسين مية اتنين وخمسين فاتقوا الله واطيعوه ولا تطيعوا امر المسرفين الذين يفسدون في الارض ولا يصلحون
8:50فالمفروض علشان تشكروا ربنا على هذه النعم انكم تتقوه وتطيعوني. فاتقوا الله واطيعوه. اتكررت مرتين في القصة دي وجبناها اتكررت في قصة هود وجبناها اتكررت في قصة نوح وهنا بتتكرر برضه مرتين. اتقوا الله واطيعون
9:11الاية مية اربعة واربعين وكمان الاية دي مية وخمسين وتطيعوا رسولكم مش تطيعوا امر المسرفين اللي مزودينها فاتقوا الله واطيعون ولا تطيعوا امر المسرفين المسرف اللي مزودها اكستريمست احنا مترجمينها عندنا بالانجليزي يعني متطرفين. مسرفين في في امرهم. مش معنا كمسرفين يعني مسرف بالفلوس. يعني بيصرف فلوس كتير. لأ
9:42مشرف يعني بيسرف في اموره متطرف الذين يفسدون في الارض ولا يصلحون الناس المتطرفة في امورها دي بتفسد الارض بتنشر الفساد في البلد الارض يعني البلد. الارض مش يعني كوكب الارض. برضو دي مهمة جدا تبقوا فيها كل ما تيجي كلمة الارض مش معناها كوكب الارض. يا اما معناها الارض
10:05اللي انت واقف عليها لاند او معناه البلد نشيد آآ فرعون بيقول ايه؟ اني اخاف على سيدنا موسى اني اخاف ان يبدل دينكم او ان يظهر في الارض الفساد. مش يعني كوكب الارض
10:20البلد وطبعا شأنهم بقى شأن كل الكفار بيعاندوا الرسل ويكذبوهم. اقرا مية تلاتة وخمسين قالوا انما انت من المسحرين. انت باين عليك راكبك جن بقى من كتر ما قعدت تعمل سحر وبتاع وبتسحر الناس بكلامكم اتهامات
10:46ومحاولات للتشويه اقرأ معي مية اربعة وخمسين ما انت الا بشر مثل مثلنا فات باية ان كنت من الصادقين رسول ايه انت يا بشر هو اصلا ادعى ان هو مش بشر؟
11:05هو حد قال ان الرسول مسلا ملاك فقالوا له ما انت الا بشر مثلنا. فات باية ان كنت من الصادقين. هات معجزة تدل على صدقك لو انت فعلا صادق اقرا معي مية خمسة وخمسين
11:21قال هذه مش هم قالوا لها هات هات هات معجزة. خدوا معجزة. قال هذه ناقة لها شرب ولكم شرب يوم معلوم. اتفضلوا ادي معجزة ناقة طلعت لهم من الصخرة وبتعطيهم لبن يكفي القبيلة كلها
11:44بس هي هتشرب يوم وانتم هتشربوا يوم مصدر الماية بتاع المكان اللي هو البئر الرئيسي او كده ما تقربوش منه يوم انتم لكم يوم وهي لها يوم ما فيش حاجة ببلاش
12:01واخدنا في سورة هود ويا قومي هذه ناقة الله لكم اية فذروها تأكل في ارض الله. ولا تمسوها بسوء فيأخذكم عذاب يعني تترك تأكل في اي مكان تروحه ما حدش له دعوة ما حدش يقول لها ما تاكلش من الارض بتاعتي هتاكل زي ما هي عايزة
12:23اقرا بقى مية ستة وخمسين ولا تمسوها بسوء فيأخذكم عذاب يوم عظيم. فعقروها فاصبحوا نادمين معلومة ازواش من لا تمسوها بسوء. ما تأزوهاش ما تقربوش ما تلمسوهاش والا ربنا هيعاقبكم
12:44سيأخذكم عذاب يوم عظيم عملوا ايه بقى؟ فعفروها. دبحوها قتلوه شوفوا المجرمين قتلوها فاصبحوا نادمين وندموا بعد كده لما نزل بهم العزاب. عزاب ربنا نزل عليهم اقرا مية تمانية وخمسين. فاخذهم العذاب ان في ذلك لاية
13:03وما كان اكثرهم مؤمنين. وان ربك لهو العزيز الرحيم. عاقبة كل قوم الاقوام البائدة هتلاقي القصة بتنتهي بنفس النهاية نفس الكلام ان في ذلك لاية. يعني في قصتهم دي اية وعظة وعبرة
13:21وما كان اكثرهم مؤمنين ومعزمهم اصلا مش مؤمنين وان ربك لهو العزيز الرحيم. فما تمشيش مع اكثر الناس لان ربك لو انت مشيت عكس الطيارة هو العزيز اللي هيعزك وهو الرحيم اللي هيرحمك
13:36تمام؟ طيب اقرا بقى من الاية مية وستين لمية اربعة وستين قصة لوط كذبت قوم لوط المرسلين شيل كلمة حط نوح كذبت قوم نوح للمرسلين. هي ايه اذ قال لهم اخوهم شل لوط وحط نوعها تبقى هي هي
13:53نفس الصيغة كذبت قوم لوط المرسلين اذ قال لهم اخوهم لوط الا تتقون اني لكم رسول امين. فاتقوا الله واطيعوه وما عليه من اجر ان اجري الا على رب العالمين
14:06نفس الشرح. طب ده بكل الرسل ورسولهم قال لهم اتقوا الله وعرفوا وعرفوا ان هو رسول وامين وامرهم بالتقوى وطاعته وطمنهم انه لا منفعة مادية نفس الكلام اقرا بقى مية خمسة وستين ومية ستة وستين
14:22علشان الناس اللي بتحرف معاني القرآن. وبتقول ان معصية قوم لوط ما كانتش الشزوز يا جماعة. امال كات ايه؟ لا ده كان اقطعوا الطريق بص اقرا مية خمسة وستين مية ستة وستين. اتأتون الذكران من العالمين؟ وتذرون ما خلق لكم ربكم من ازواجا
14:44هل انتم قوم عادون؟ فين بقى قطع الطريق هنا وتقطعون السبيد في في في صورة هم كان عندهم عدة جرائم بيرتكبوها منها ان هم كانوا قطعتم لكن مش معنى كده ان هم كانوا بتوع طرق بس. لأ
15:01هنا اهو زكر بس مسألة الشزوز زكرت لوحدها عشان ما حدش ييجي يتفلسف اتأتون الذكران من العالمين الديكور بيتعاشر ديكور وتدرون ما خلق لكم ربكم من ازواجكم دي طريقة آآ الكلام عن النعمة يبقى ربنا خلق لكم سيدات يا سلام! ده الستات دول نعمة
15:26وسايبين ما خلق لكم ربكم من ازواجكم سايبين نعمة ربنا الجنس الاخر ده نعمة اللي ربنا خلقه لكم. بل انتم قوم عادون. انتم ناس بتعتدوا على حدود ربنا عادون بتعدوا الحدود كمان. انتم
15:42انتم عديتوا انتم زودتوها. انتم مسرفين ما ده اسراف قالوا لئن لم تهي قالوا لئن لم تنتهي يا لوط لتكونن من المخرجين ما تتكلمش اه ما تتكلمش الصوت العالي بيضايقهم
16:06بصوا الحقارة بتاعتهم هو اصلا غريب. هو اصلا مهاجر من العراق. هو مش من عندهم لا تكونن من المخرجين. هنلغي الفيزا بتاعتك ونرميك برة. هنطردك برة البلد لا تكونن من المخرجين بيهددوه بالاخراج من البلد
16:25هو اصلا مش من الموضوع هو اصلا من العراق من قوم سيدنا ابراهيم قال ايه ابن اخو سيدنا ابراهيم. وجه على المنطقة دي في الاردن لكن مسألة الاسكات هي الخطيرة. لان لم تنتهي
16:38اسكات الخطاب الدعوي انت دبرنا لصورة الشعراء لحد دلوقتي احنا شايفين ايه اسمها سورة الشعراء. بتتكلم عن الشعراء اللي هم مين اللي هم الاعلاميين في عصر النبي محمد صلى الله عليه وسلم. اسمهم الشعراء
16:58وقلنا لو الصورة دي نزلت في القرن العشرين او واحد وعشرين كان ممكن يكون اسمها سورة الصحفيين مش الشعراء هي بتتكلم عن الناس اللي بتشيل الخطاب الاعلامي فمن تدبرنا لسورة الشعراء التركيز فيها كله على الخطاب الاعلامي
17:14واهميته في الحرب بين الحق والباطل الشعراء هم الاعلاميين في عصر النبي صلى الله عليه وسلم. الحاشرين اللي بعتهم فرعون اللي هم الاعلاميين المطبلين اللي بيطبلوا له اللي كان بينفز من خلالهم الاجندة السياسية بتاعته
17:33مش بس بيحثوا الناس على التجمع لأ وكمان على اتباع السحرة. وقيل للناس هل انتم مجتمعون لعلنا نتبع السحرة ان كانوا هم الغالبين. طب انتم حاشرين شغلتكم تنادوا في الاسواق وتقولوا اتجمعوا في مباراة بين موسى وبين الصحراوي
17:52ليه تقولوا للناس يتبعوا مين خطاب اعلامي خطير. سيدنا موسى نفسه كان قلقان جدا وقلق على قوة خطابه الاعلامي الان وهي ديت صدر ولا ينطلق لساني. فارسل الى هارون هات حد يتكلم هو
18:11انا مش هانفع قلقان على الخطاب الاعلامي الاسلامي وقوم نوح وقوم لوط كلهم حاولوا اسكاتهم الاية مية وستاشر قالوا لان لم تنتهي يا نوح لتكونن من من المرجومين. ينتهي يعني ايه هو عمل ايه نوح؟ كان بيتكلم بس. اسكتوا لما
18:29اسكاتهم وهنا في مية سبعة وستين قالوا لان لم تنتهي عن الكلام. يا لوط لا تكونن من المخرجين شفتم بقى اهمية الاعلام؟ هنا يقول لنا نعمل ايه عايز تخدم بلدك؟ عايز تخدم وطنك؟ عايز تخدم امتك؟ عايز تخدم دينك؟
18:50بدل ما تقول لابنك عايز اشوفك دكتور وعايز يشوفك مهندس قل له عايز يشوفك صحفي. مين فينا بيقول لابنه عايز يشوفك صحفي يا دكتور يا مهندس احنا عندنا السقافة دي. ايه اللي ما طلعش دكتور مهندس؟ يا حرام فشل في حياته
19:04يا جماعة اليهود كانوا مضطهدين في العالم كله لغاية من خمسين سنة وبعدين ايه التحول ده؟ ايه القوة دي؟ ايه النفوذ ده اشتغلوا في الاعلام هي دي المسألة لغاية امتى هنفضل نفكر
19:26في نفسنا بس كاشخاص ما نفكرش في امتنا اقرا معي مية تمانية وستين سيدنا لوط بقى قال لهم ايه الطيارة مية تمانية وستين. قال اني لعملكم من القالين انا باقرف من اللي انتم بتعملوه
19:42يعني ابغض بشدة اللي انتم بتعملوه ده. اللي هو الايه؟ الشزوز رمية تسعة وستين ربي نجني واهلي مما يعملون يا رب نجيني انا واهلي من المعاصي اللي بيرتكبوها من الشزوز ده
20:01الحمد لله طلعوا كلهم تمام مية وسبعين مية واحد وسبعين. فنجيناه واهله اجمعين هو بيدعو ربنا ينجيه من المعاصي اللي بيعملوها مما يعملون وينجيه من الكيد اللي بيكيدوه له انهم يخرجوه او ايا كان
20:24وربنا قال فنجيناه واهله اجمعين الا عجوزا في الغابرين. هم هددوا باخراجه وربنا اخرجه هو واهله الا عجوزا في الغابرين ما عدا زوجته العجوزة اللي رغم سنها ما وقفتش مع الحق. وايدت الباطل
20:45والفساد فكانت من الغابرين يعني متروكة وراهم لتلقى مصير قومها اتنين وسبعين مية تلاتة وسبعين. ثم دمرنا الاخرين وامطرنا عليهم مطرا طب دي حاجة حلوة يا مطرة دي مساء مطر المنذرين
21:11نجينا لوط واهله ودمرنا الاخرين. ومعهم زوجته المطر بقى حاجة حلوة وامطارنا عليهم مطرا. لأ المطر بتاعهم ما كانش حلو. كان سيء فساء مطر المنذرين منذرين انذروا وما اتعزوش فربنا مطر عليهم حجارة
21:35مية اقرا بقى نفس الايات بقى آآ نفس الايات مية اربعة وسبعين مية خمسة وسبعين نفس النهاية بتاعة كل قصة ان في ذلك لاية وما كان اكثرهم مؤمنين وان ربك لهو العزيز الرحيم. يبقى في قصة قوم لوط
21:54دي قصة قوم لوط اية عيظة عبرة للاسف وما كان اكثرهم مؤمنين يتم التطبيع النهاردة مع المسألة دي. وان ربك لهو العزيز الرحيم خلي بالك ما تمشيش مع اكتر الناس لما يكونوا غلط
22:17اقرا بقى من مية ستة وسبعين لمية وتمانين كذب اصحاب الايكة المرسلين اذ قال لهم شعيب الا تتقون فاتقوا الله واطيعوه. وما اسألكم عليه من اجر. ان اجري الا على
22:47قوم شعيب معروفين باصحاب الايكة يعني الشجر الكثيف. فيا اما هم كان عندهم شجر كثيف فربنا قال اصحاب الشجر الكثيف يا اما المنطقة بتاعتهم عشان الشجر اللي فيها معروفة باسم الايكة اصحاب الايكة يعني ايه
23:08السكان اللي ساكنين في المنطقة دي كذاب المرسلين نفس الكلام هو رسول واحد لكن تكذيب رسول واحد بتكذيب كل الرسل نفس الكلام والرسول ده امرهم فاتقوا الله واطيعوا. امرهم بطاعته. وطمنهم ان هو لا يريد منهم شيء
23:27آآ مادي وان هو مكتفي بما عند الله نفس الكلام ما اسألكم عليه من اجر اجري الا على رب العالمين. نفس الكلام ثم امرهم بالانتهاء عن معصية خاصة بهم بقى. اللي هي معصية الغش
23:42التجاري اسمها تجارة تجاري ما تقولش تجاري معصية الغش التجاري مية واحد وتمانين ومية اتنين وتمانين اوفوا الكيل ولا تكونوا من المخسرين وزينو يعني اوزنو وزنو بالقسطاس المستقيم اوزنوا بالعدل
24:07آآ آآ ما تغشوش. ما تخسروش الميزان. الكيلو كيلو كيلو. الطن طن. مش الطن تسعميت كيلو مش الكيلو تسعمية جرام ولا اسمع اقرا بقى مية تلاتة وتمانين ولا تبخسوا الناس اشياءهم
24:27ولا تعفو في الارض مفسدين ما تزلموش الناس وادوهم حقوقهم ان منع الناس حقوقها ده انك تمنع حقوق الناس ده افساد في الارض ولا تعثوا في الارض مفسدين. فالاية هنا عامة مش بتتكلم بس
24:44على الغش التجاري ولا تبخسوا الناس اشياء هم ولا تعثوا في الارض مفسدين. انك تزلم الناس وما تديهمش حقوقهم انت كده بتفسد في الارض مسلا لما تسرق الاعمال الادبية او الفنية او العلمية ولا تنسبها لاصحابها
25:05انت كده بتبخس الناس اشياءها وتفسد في الارض ينتشر الغش وادعاء العلم تزوير الانتخابات افساد في الارض وبخس لحقوق الناس. الناس من حقها تاخد حقها اللي هي الاصوات اللي هي اعطتها ما يكونش فيها
25:23وهكزا واتقوا الذي مية اربعة وتمانين. واتقوا الذي خلقكم والجبلة الاولين اتقوا اللي خلقكم واتقوا الله. واتقوا اللي خلقكم بيفكرهم بالرابطة الاولى بينهم وبين الله الرباط الاول بينك وبين ربنا انه هو الخالق
25:50اتقوا اللي خلقكم والجبلة الاولين وخلق الدنيا كلها قبلكم نفس الدعاية ومحاولات التشويه. اقرا مية خمسة وتمانين. قالوا انما انت من المسحرين. نفس الكلام. انت راكبك جن بقى ولا ايه
26:07انت بقى ايه بقيت غرقان في السحر والدجل من كتر ما عملت سحر الصقتها وتشويه الصورة يقول لهم ما تغشوش في الميزان بقى ساحر ودجال عشان قال لهم ما تغشوش في الميزان
26:20بيقولوم كفاية زلم واكل حقوق الناس بقى غشاش ايه دخل باب السحر اصلا هم كده كلهم راضعين من نفس المرحاض. كلهم كلهم لازم يشوهوا صورة المصلحين بنك وما انت اير مية ستة وتمانين. وما انت الا بشر مثلنا
26:41وان ظنك لمن الكاذبين فاسقط علينا كسفا من السماء ان كنت من الصادقين وما انت الا بشر مثلنا. انت مش رسول انت بشر. هو ما قالش غير كده وان ظنك لمن الكاذبين. واحنا شايفين انك كداب بصراحة
27:05يلا لو صادق ورينا العزاء. فاسقط علينا كسفا من السماء ان كنت من الصادقين لو صادق وقع علينا قطع من السما بيتحدوا ربنا اللي يتحدى ربنا لازم ربنا يعاتبه مش لازم استئصال شعب لكن ربنا بيعاقب الامم اللي بتتحداه
27:31امة كانت غنية هتبقى فقير امة كانت آآ صحيحة هينتشر فيها الامراض امة كانت امنة هتبقى مهددة في امنها اللي بيتحدى ربنا لازم هيعاقب قال ربي اعلم بما تعملون. سيدنا شعيب مش في ايده حاجة ففوض الامر لله. بيقولوا له طب يلا ورينا لو صادق نزل علينا بقى قطعة من السما بتقتله
28:01كده قال ربي اعلم بما تعملون سيدنا شعيب مش في ايده حاجة قال لك انا مفوض الامر لله هو اعلم بما وبما سيفعل فيكم فكذبوه اقرا مية تسعة وتمانين فاخذهم عذاب يوم الظلة
28:21انه كان عذاب يوم عظيم. نتيجة تكذيبهم للنبي اخذهم عذاب يوم الظل يعني يوم السحابة. الدنيا حررت جدا وبقوا مخنوقين ومش قادرين وبعدين لقوا سحابة جاية ياه الحمد لله هتمطر وتبقى والجو هيروق. وازا فيها صواعق تصعقهم وتبيدهم كلهم عن بكرة ابيهم
28:49اقرا معي مية وتسعين ومية واحد وتسعين. ان في ذلك لاية وما كان اكثرهم مؤمنين اية لكل الناس بتغش. اية لكل الناس بتبخس حقوق الناس. اية لكل الناس بتزور انتخابات. اية لكل ناس بتسرق الاعمال الادبية او الفنية
29:07او العلمية ان في ذلك لاية وما كان اكثرهم مؤمنين وان ربك لهو العزيز الرحيم. ونتوقف هنا وبكرة نشوفكم ان شاء الله ان كنا من اهل الدنيا. اللهم ارزقنا حبك وحب من يحبك وحب كل عمل يقربنا الى حبك
29:28اللهم اجعل القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله ان يجعل هذا التدبر في ميزان حسناتي وحسناتكم اللهم انك تعلم ان هذه القلوب قد اجتمعت على كتابك وعلى محبتك
29:58والتقت يا ربنا على طاعتك وتوحدت على دعوتك. وتعاهدت على نصرة شريعتك وثق اللهم رابطتها. وادم ودها واهدها سبلها. واملأها بنورك الذي لا يخضع واشرح صدورها بفيض الايمان بك وجميل التوكل عليك
30:25واحيها يا ربنا بمعرفتك. وامتها على الشهادة في سبيلك. انك نعم المولى ونعم النصير. والسلام عليكم ورحمة الله. ونراكم غدا باذن الله ان كنا من اهل الدنيا