فيديو# ٣١٤ من مقاطع حظر التجول تدبر سورة الفرقان # ١٢ الآية ٦٣-٦٤
0:00السلام عليكم ورحمة الله وبركاته. اهلا بحضراتكم في المقطع رقم تلتمية واربعتاشر من مقاطع حظر التجول والمقطع رقم اتناشر او الحلقة رقم اتناشر من حلقات آآ تدبر سورة الفرقان ارجو من حضراتكم تجيبوا المصاحف
0:20ما عرفش عارفين ولا لا لكن احنا ان شاء الله بعد ما ننتهي من سورة الفرقان هنبقى انتهينا من تدبر حداشر جزء بفضل الله تعالى هنبدأ من الليلة باذن الله سبحانه وتعالى نتدبر الايات التي وردت فيها خصال عباد الرحمن
0:37عباد الرحمن هو الاسم اللي ربنا سبحانه وتعالى اطلقه تكريما وتشريفا لمجموعة خاصة جدا من المؤمنين علشان الانسان يصبح عضو في هذه المجموعة نادي عباد الرحمن ده كل ما عليه هو انه يتحلى بهذه الصفات. ما يفرقش بقى هل هو ذكر ام انثى
0:56غني ام فقير ابيض ام اسود ما يفرقش؟ المهم ان هو يتحلى بهذه الصفات ابدأ بقى معي واقرا من الاية تلاتة وستين. يلا ابدأ معي من الاية تلاتة وستين اعوذ بالله السميع العليم من الشيطان الرجيم
1:13وعباد الرحمن الذين يمشون على الارض هونا. واذا خاطبهم الجاهلون قالوا سلاما اول صفة من صفات عباد الرحمن يمشون على الارض هونا مشية الانسان او مشية الانسان بتدل على شخصيته
1:33هل هو متكبر ولا متواضع الرسول عليه الصلاة والسلام آآ بيقول من جر اه ثوبه خيلاء لم ينظر الله اليه يوم القيامة لم ينظر الله اليه يعني لا يرحمه. نظرة الله معناها رحمته
1:50اللغة العربية في تعبير ينظر اليه بعين الرحمة. ماشي؟ يعني اللي ماشي ماشية يحاول بها انه يظهر انه عظيم يمشي كده زي الطاووس. وزمان كان القياصرة يبقى لهم ديل زي ديل العروسة بيجرجر في الارض
2:10وفي الفلاحين عندنا لحد النهاردة اه كتير منهم لما يفصلوا التوب او الجلابية بيخلوها اطول اتنين سنتي بحيس تبقى بتجرجر في الارض. ده دليل الغنى معناه انه راجل معه فلوس بيدوب الملابس بتاعته وبيشتري غيرها
2:29ده حرام لان ده خيلاء نكمل الحديس عشان عشان آآ ابو بكر سيدنا ابو بكر الصديق سمع الكلام ده وخاف الرسول عليه الصلاة والسلام قال من جر ثوبه خيلاء لم ينظر الله اليه يوم القيامة. سيدنا ابو بكر قال ان احد شقي ثوبي يسترخي
2:50الا ان اتعاهد ذلك منه وقال رسول الله صلى الله عليه وسلم انك لست تصنع ذلك خيلاء. يعني لما سيدنا ابو بكر سمع ان اللي بيجر توبه وراه ربنا لا يرحمه خاف. قال لك ده انا باسمع
3:04بقوم اسرع عشان الحق الصلاة في حتة من التوب بتاعي. بتجرجر ورايا وانا ماشي. لو ما خدتش بالي لازم اخد بالي عشان ارفعه ابقى ماسكها بايدي. فالنبي عليه الصلاة والسلام
3:14قال له الكلام ده لا يسري عليك. المقصود هو اللي بيجرجر ثوبه خيلاء وهذا الحديث حجة على الناس الحرفيين اللي بياخدوا الكلام بالحرف ما بيهتموش بالمقاصد المسلم يا جماعة بيقصر ثوبه فوق الكعبين تواضعا لان عادة اللي بيلبس بنطلون قصير بنقول عليه شحته
3:39ده باين عليه مش بتاعه والناس تقعد تتريق عليه. يعني يعني بني ادم فقير وفيه شخص اخر تصدق عليه بتوب او ببنطلون مش مقاسه. فشكله قصير عليه. فيبقى الهدف هو ازهار التواضع وعدم الغنى
3:53المصيبة هو ان بسبب عدم فهم هذا المقصد اصبح هناك من يقصر الثوب خيلاء لاظهار التدين فلما يبقى الممنوع هو الخيلاء الواحد يختال بفلوسه ما ينفعش الواحد يختل بالتدين بتاعه
4:09او انه يحاول يتباهى باظهار الصلاح والتقوى. هذا هو اكبر الكبر التواضع المصطنع هو اكبر الكبر طيب ما الذي يقود للتجبر للتكبر الذي يقود للتكبر هو التضخم الانا ابليس قبل المعصية كان مخلوق عادي
4:33جن عادي بل كان مقرب من الملائكة وفي سورة الاعراف تدبرنا ولقد خلقناكم ثم صورناكم ثم قلنا للملائكة اسجدوا لادم فسجدوا الا ابليس لم يكن من الساجدين قال ما منعك ان تسجد اذ امرتك
4:55ربنا قال له انت ليه ما سجدتش لما امرتك؟ قال انا خير منه خلقتني من نار وخلقته من طين. اذا اللي جعل من ابليس شيطان هو الانا انا خير منهم. انا كانت موجودة قبل الشيطان. ما كانش فيه شيطان قبل الشيطان تخلي الشيطان يبقى شيطان. لكن كان فيه الانا
5:17هي دي كانت موجودة قبل الشيطان وخلت ابليس يبقى شيطان. وفرعون ونادى فرعون في قومه قال يا قومي اليس لي انا؟ اليس لي ملك مصر وهذه الانهار تجري من تحتي؟ افلا تبصرون؟ ام انا خير من هذا
5:35الذي هو مهين ولا يكاد يبين. الانا كعالته شيطان. قارون في سورة القصص لما تدبرنا سورة القصص قال انما اوتيته على علم عندي عندي انا صاحب الجنتين في سورة الكهف
5:51وكان له ثمر فقال لصاحبه وهو يحاوره انا اكثر منك مالا واعز نفرا اذا الانا هي التي تجعل الانسان متكبرا والنبي صلى الله عليه وسلم قال لا يدخل الجنة من كان في قلبه مثقال ذرة من كبر
6:14في سورة لقمان المشي ذكر كدليل على التواضع او دليل على الكبر ايضا في سورة لقمان ربنا بيقول على لسان لقمان ولا تصعر خدك للناس. يعني ايه؟ يعني ما تديش الناس خدك. ما تبقاش بتكلم حد قدامك كده
6:31وانت بتكلمه بجنب. لأ بص له ولا تصعر خدك للناس ولا تمش في الارض مرحا ان الله لا يحب كل مختال فخور. فالمشية دي مشية المختال الفخور اللي هي مشية المرح. وبعدين ربنا في الاية اللي بعدها بيقول له واقسم
6:50في مشيك واغضض من صوتك ان انكر الاصوات لصوت الحمير. فالمشية مشية المتواضع تاني انا بكرر ليه مسألة المشي في الصورة دي مقصود بها التكبر والتواضع. مش المشي في حد ذاته
7:06سيدنا عمر لما شاف راجل بيحاول يظهر التنسك وماشي كده ومتماوت كده راسه كده خفقه بالدرة خفقه ودي نقطة مهمة جدا سيدنا عمر ما كانش بيضرب الناس بالخرزانة. الكلام ده كان ده كذب
7:22الخفق هو انه بالخرزانة بتاعته بيخفق طرف التوب مش البني ادم نفسه وعندي ادلة على هزا الكلام وقال لا تمت علينا ديننا اماتك الله ما تتموتش كده دينا ما فيش فيه التماوت بتاعك ده. اصحى كده وامش عدل. المسلم يا جماعة يمشي بوقار وسكينة
7:46بس دون تكبر كان رسول الله صلى الله عليه وسلم اذا مشى تكفأ تكفئا كأنما ينحط من صبب. يعني بيمشي بسرعة بدون ما يزهر عليه انه بيعمل مجهود زيادة او بيجري زي بالزبط
8:03اللي ماشي ماشية عادية بس على الرصيف المتحرك بتاع المطار. فتلاقيه ماشي بسرعة بس هو مش مش عامل فالناس الصحابة هم جنبه كانوا بيجتهدوا عشان يفضلوا ماشيين جنبه يعني. يعني
8:13كانت واسعة لا مشي عاجز ولا مشي كسلان ولا مشي متبختر طيب موضوع الكبر والتواضع ده ممكن نقعد فيه حلقات لكن هو اتعمل له دورة اسمها دورة التربية الروحية وهي دورة التزكية
8:34الدورة في تزكية النفس. ارجو انكم تشوفوها وتقروا معها كتاب الدكتور مجدي الهلالي حطم صنمك والكتاب ده احنا في مؤسسة جسور عملناه كتاب مسموع على اليوتيوب وعلى الساوند كلاود وممكن اللي سايق سيارته بدل ما هو بيسمع مهرجانات يسمع ايه كتاب من كتب مؤسسة جسور ويسمع كتاب آآ حطم صنمك
8:58من الاخوات بتوع متدبرات القرآن يحطوا لينكات الدورة ولينكات الكتابة على الجروب بتاعهم. وانا ان شاء الله هحط برضه اللينكات بتاعة الكتاب وبتاعة الدورة في البوست في الفيسبوك وتحت آآ في صندوق الشرح. تحت الفيديو في اليوتيوب. خلينا نكمل الاية
9:16وعباد الرحمن الذين يمشون على الارض هونا. دي معناها متواضعون واذا خاطبهم الجاهلون قالوا سلاما الجاهلون هنا مش معناها الناس الغير متعلمة الجهل هنا معناه آآ ليس قلة العلم. الجهل له عدة معاني في اللغو وفي القرآن. مش مش هنخش فيها دلوقتي. لكن منها التطاول في الكلام
9:43التطاول يجهل علي يعني بيتطاول علي. بيقل ادبه علي. عمرو ابن كلثوم في المعلقة بتاعته كان في قصائد عربية عظيمة جدا زمان في تعتبر علامات مهمة جدا في آآ في علم البلاغة
10:00في اللغة العربية. فالعرب علقوها في الكعبة فتسمى المعلقات منها معلقة بتاعة آآ آآ اسمه ايه ده اللي كان آآ عنترة ابن شداد ومعلقة عمرو ابن عمرو ابن كلثوم اللي حصل ان عمرو ابن كلثوم فيه ملك من ملوك العرب حاول يذل امه
10:23ويخليها تخدم امه فدعا عمرو ابن كلثوم وقال له تعال هات معك امك عشان تزور ام الملك وخلى الخدم يمشوا وام الملك قالت لها آآ ناوريني الطبق ام عمرو ام كلثوم قالت لها والله اللي عاوز حاجة يقوم يجيبها
10:40ادي ام الملك. فلما اصرت الست الام عمر ما كانت لهم صوتت وقالت يا ذلاه انا باتزل انا جاي عشان قالت لها اديني الطبق طاهر العرب الجاهليين كانوا كانوا مختلفين تماما
10:53عن اخلاق المسلمين يعني عمرو بن كلثوم راح قايم بسرعة وواخد سيف متعلق وقطع به راس عمرو ابن هند وقال قصيدة معروفة وقوية جدا لكن منها البيت اللي انا عايزه ده
11:08الا لا يجهلن احد علينا فنجهل فوق جهل الجاهلين يعني ما حدش يتطاول علينا والا هنتطاول عليه اكتر من التطاول بتاعه. فكلمة الجهل معناها التطاول الفيربل. التطاول افظي التحرش اللفظي اسمه جهل
11:29خلاص طيب في رجل برضه في برضه دليل اخر آآ من السيرة. رجل ذهب للنبي صلى الله عليه وسلم وقال له ان لي قرابة يعني لي قرايب. اصلهم ويقطعوني يعني انا بوصلهم بيصل الرحم وهم بيقاطعوه
11:47واحسن اليهم ويسيئون الي واحلم عنهم. يعني باصبر عليهم ويجهلون عليها. يعني بيتطاولوا عليها. فكلمة الجهل في الاية الجاهل في الاية ممكن يكون معك خمسة دكتوراة الاية دي واذا خاطبهم الجاهلون قالوا سلاما. ده مش معناه واحد مش متعلم. معناها واحد بيتطاول تطاول لفظي
12:12احنا في الترجمة بتاعتنا في ترجمة مؤسسة جسور خليناها آآ باي يعني ما حبيناش ان احنا نشيل الكلمة بتاعة الجهل عشان القارئ الانجليزي يفهم انه موصوف بالجهلية لكن هي مقصود بها التحرش اللفظي. طيب
12:34يبقى لما الجهلة يتطاولوا على عباد الرحمن عباد الرحمن يحفزوا لسانهم وبيصبروا مش بيردوا الاساءة بالاساءة. اللسان الذي يذكر الله ويسبح ويحمد ويستغفر الله ما ينفعش يقول الفاظ مش نضيفة. لا يليق هذا بالمسلم
12:53فسواء بقى سمحت المتحرش اللفظي اللي بيتحرش بك لفزيا او ما سامحتوش انت المفروض انك لا تجاريه في الفاظه انت لسانك بيترفع عن هذه مهاترات وبتصون لسانك. اذا الصفتين الاولتين الاولتين
13:09من صفات عباد الرحمن هم التواضع وعفة اللسان وترك الالفاظ القبيحة. طيب ده في النهار مع الناس بيعملوا ايه بالليل؟ بالليل هم عايشين مع ربنا اقرا اربعة وستين والذين يبيتون لربهم سجدا وقياما
13:28بالليل وقت الراحة. ربنا قال في الاية سبعة واربعين ايه ؟ ارجع لي هات الاية سبعة واربعين في سورة الفرقان ارجع ارجع صفحتين وهات الاية سبعة واربعين وهو الذي جعل لكم الليل لباسا والنوم سباتا
13:43ده للناس العاديين يستريحوا بالليل في النوم والسبات. انما عباد الرحمن بيستريحوا بالليل في السجود والقيام بالنسبة لهم الصلاة لذة ليه لانهم عرفوا طعم الخشوع. يا جماعة الصلاة تقيلة على القلب. والقرآن قال كده الا
14:02للخاشعين الا لمن عرف الخشوع في سورة البقرة واستعينوا بالصبر والصلاة وانها اللي هي الصلاة لكبيرة الا على الخاشعين. الخاشع يتلذذ بالصلاة النبي عليه الصلاة والسلام قال كان يقول ارحنا بها يا بلال. يلا يا بلال جه وقت الصلاة ريحنا. الصلاة فيها راحة للقلب فقط لمن يعرف الخشوع
14:26وعشان نبقى عمليين ازاي نخشع في الصلاة قلنا الخشوع ليس حالة تحدث فجأة ولا صدفة انما الانسان ممكن يتعلم الخشوع ونصحتكم قبل كده بمحاضرة روح الصلاة لذلك ارجو مشاهدتها ثم فورا بعد المحاضرة تقف وتصلي
14:45وتنفز اللي سمعته في المحاضرة علشان تتدرب على الخشوع. لو احتجت تتفرج على المحاضرة اكتر من مرة اعمل كده لكن كل مرة بعد المحاضرة فورا تقف تصلي ركعتين. حتى لو مش وقت صلاة فرض تصلي ركعتين. عشان تتدرب على استحضار الخشوع. الخشوع حاجة بتتحضر زي ما اي حد بيحضر حاجة في
15:05عمل بيحضر كوباية شاي حاجة انت بتحضرها. ماشي؟ طيب نرجع للاية اربعة وستين. وبرضو هنحط لكم ان شاء الله اللينكات بتاعة محاضرة آآ روح الصلاة في في الشرح تحت الفيديو
15:17وفي البوست في الفيسبوك نرجع لاية اربعة وستين. والذين يبيتون لربهم سجدا وقياما اي ركعتين هتصليهم بعد العشاء اسمهم قيام ليل لكن تعبير يبيتون لربهم بيوحي بكثرة القيام والتهجد يبيتون ده هم بايتين كده
15:39ده معناه ان هذا الامر بيعملوه بحب وبرغبة. وبيجدوا فيه راحة فعلا. ما هو ما هم مش مجبرين عليه. ومش مكرهين عليه. ولا مفروض اصلا عليهم. طب بيعملوه ليه ايه اللي يخلي واحد يبيت لربه سجدا وقياما
15:53هو بيجد الراحة في كده في سورة السجدة تتجافى جنوبهم عن المضاجع. يعني اصبح فيه جفاء بين اجسامهم وبين السراير المتعة والراحة عندهم في القرب من الله واقرب ما يكون العبد لربه وهو ساجد. مش النبي عليه الصلاة والسلام قال كده ؟ لزلك في الاية اربعة وستين قدم السجود
16:15على القيام مع ان ترتيب السجود بعد القيام في الصلاة. انت بتقف الاول وبعد كده بتسجد في الاخر قال لك والذين يبيتون لربهم سجدا. وذكر السجود اولا وقياما عشان السجود هو اقرب ما يكون العبد فيه لربه
16:32احط لكم اللينكات ان شاء الله بتاعة الدورات دية تحت الفيديو آآ بازن الله خلينا نتوقف هنا الليلة عشان ما نطولش اكتر من كده. وبكرة ان شاء الله احتمال نحتاج حلقتين كمان عشان نخلص تدبر لصفات عباد الرحمن بارك
16:47الله فيكم. اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب وما زويت عنا مما نحب فاجعله فراغا لنا فيما تحب
17:04اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين واجعلنا ممن يحبك ويحب ملائكتك وانبيائك ورسلك وعبادك الصالحين
17:26اللهم احيي قلوبنا بحبك واجعلنا لك كما تحب. اللهم اجعلنا نحبك بكل قلوبنا ونرضيك كل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا ونور صدورنا
17:46وجلاء احزاننا وذهاب همومنا وغمومنا ومغفرة ذنوبنا. اسأل الله العلي العظيم ان يجعل هذا التدبر في ميزان حسناته وحسناتكم جميعا. اللهم بحق كل حرف في كتابك تلوناه او تدبرناه. اكفنا واهلينا شر كل من يكيد لنا
18:06ولهم واحفظنا اللهم من شرورهم ونجعلك اللهم في نحورهم فانت الوكيل ولا حول ولا قوة الا بك اللهم من قضى منا بالوباء المنتشر فاكتب له الشهادة. ومن كان منا او من احبابنا مريضا به او حاملا له فالبسه ثوب الصحة والعافية
18:24عافية عاجلا غير اجل. ومن لم يصب به فقه شره. وابعده عنه ولا تسلطه الا على اعدائك واعداء دينك دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك
18:48وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأ بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك
19:08يا مولانا على الشهادة في سبيلك. انك نعم المولى ونعم النصير. والسلام عليكم ورحمة الله وبركاته. ونراكم غدا باذن الله ان كنا من اهل الدنيا