فيديو # ٧١٩ من مقاطع حظر التجول تدبر البقرة حلقة ٥٠ الآي ١٦٦-١٧٠
0:00السلام عليكم ورحمة الله وبركاته. اهلا بحضراتكم في المقطع رقم سبعمية وتسعتاشر من مقاطع حظر التجول والحلقة رقم خمسين من حلقات تدبر سورة البقرة. ارجو من حضراتكم تجيبوا المصاحف اول امبارح
0:26اول امس يعني تدبرنا الاية مية واحد وستين اعوذ بالله السميع العليم من الشيطان الرجيم ان الذين كفروا وماتوا وهم كفار اولئك عليهم لعنة الله والملائكة والناس اجمعين وقلنا ازاي الكفار يعني هيلعنهم الناس اجمعين
0:50طب ما هو الناس اجمعين بيشملوا كفار. هم الكفار هيلعنوا الكفار؟ قلنا ايوة. فيه فريقين فريق الاتباع وفريق المتبوعين. المتبوعين دول قادة ممكن يكونوا قادة سياسيين زعماء قبائل عشائر رؤساء دول ملوك فراعين ايا كان
1:10او ممكن يكونوا قادة في المجال الديني. ضللوا الناس حرفوا الاديان او حرفوا الدين. او قادة في المجال الاجتماعي. فنانين منحلين اخلاقيا او رجال اعمال فاسدين او ناس مشهورة بيعملوا كتب ويعملوا فيديوهات على يوتيوب وفيسبوك ويشاهدهم الملايين
1:30يغيروا معتقدات الناس او ينشروا الالحاد او ايا كان. فدول متبوعين. ده فريق الفريق التاني اللي هو الاتباع اللي هم الخرفان اللي ماشيين مع القطيع ورا القائد آآ وفرحانين انهم آآ آآ فوق الجبل ومش عارفين ان القائد اصلا عمال
1:50الى نهايتهم وانهم ماشيين بيرموا نفسهم من فوق الجبل واحد ورا التاني. ده لانهم اتباع بيتبعوا اتباع اعمى اتباع اعمى ده خدناه اول امبارح امبارح بقى احنا تدبرنا الاية مية خمسة وستين اللي ذكرت تفاصيل اكتر شوية
2:11وهي ان المشركين الذين يشركون بالله دول منهم ناس يحبون يحبون من اشركوهم بالله فبيتبعوا المتبوعين دول بس بيتبعوهم بحب وكان الاولى والمفروض انهم يتبعوا ما انزل الله. وكان الاولى انهم يحبوا الله مش يحبوا هؤلاء. اللي هم جعلوهم انداد
2:36لله. خلاص؟ نقرا كده مية خمسة وستين اللي تدبرناها امبارح ونوصل معها مية ستة وستين ومية سبعة وستين اللي هم اول ايتين في تدبر الليلة. هم. عشان المعنى ايه آآ آآ مكتمل في التلات ايات
3:00اقرا معي مية خمسة وستين ومن الناس من يتخذ من دون الله اندادا يحبونهم كحب الله والذين امنوا اشد حبا لله ولو يرى الذين ظلموا اذ يرون العذاب ان القوة لله
3:21جميعا وان الله شديد العذاب اذ تبرأ الذين اتبعوا من الذين اتبعوا ورأوا العذاب. ورأوا العذاب وتقطعت بهم الاسباب. وقال الذين اتبعوا لو ان لنا كرة فنتبرأ منهم. فنتبرأ منهم كما تبرأوا من
3:53كذلك يريهم الله اعمالهم حسرات عليهم. وما هم بخارجين من نار. كويس قوي ايات حلقة الليلة بقى بتتكلم عن موقف الفريقين من بعض اتباعه متبوعين من المتبوعين اللي كانوا آآ
4:21قادة في الدنيا آآ الملايين بيتبعوهم وبيحبوهم وبيقلدوهم وبيهتفوا لهم وبيسقفوا لهم وبيطبلوا لهم وجدوا نفسهم يوم الحساب امام عذاب اليم اخر الاية مية خمسة وستين اهي اذ يرون العذاب ان القوة لله جميعا وان الله شديد العفو
4:49عذاب فلما شافوا العذاب ده عملوا ايه بقى؟ اذ تبرأ الذين اتبعوا على طول المتبوعين دول اللي هم قادة دول تبرأوا اذ تبرأ الذين اتبعوا من الذين اتبعوا. تبرأوا من اللي اتبعوهم
5:09الاتباع المخلصين دول تبرأوا منهم ورأوا العذاب وتقطعت بهم الاسباب اذ تبرأ الذين اتبعوا اذ ده ظرف الزمان يعني اللي حصل بعده حصل في نفس الوقت بتاع اللي حصل قبله
5:29يعني على طول مع بعض تقريبا. بص معي بقى كده. اذ فيه ايه بقى اذ يرون العذاب يعني هم رأوا العذاب مم ورأوا ايه؟ ان الله شديد العذاب اول ما شافوا العذاب راح الحب اللي كان بينهم كله تبرأوا منه
5:54المتبوعين اللي كانوا مسنودين على اتباعهم اللي بيتبعوهم بحب دول وبيتبعوهم اتباع اعمى في الدنيا حبا فيهم وثقة فيهم هيقولوا احنا بريئين منهم وما لناش دعوة بهم ما فيش واحد منهم هيطلع راجل
6:19ويقول لربنا ما تعاقبهمش دول كانوا بيقلدوني ما فيش واحد كلهم انذال. كلهم هيبقوا انذال اذ تبرأ الذين اتبعوا من الذين اتبعوا ورأوا العذاب وتقطعت بهم الاسباب ما فيش واحد هيطلع راجل. كله في منتهى الندالة
6:47بالعكس ده ده هيتبرأ منهم كمان يعني مش بس مش هيقول لربنا عاقبني انا بدالهم هم ما لهمش دعوة دول كانوا بيقلدوني لأ لأ ده هيقول لربنا يا رب انا ما ليش دعوة بهم اصلا
6:57انا ما قلتش لحد يتبعني وما ضربتش حد على ايده ورأوا العذاب وتقطعت بهم الاسباب شافوا العذاب بتاع ربنا وشعروا ان ما فيش مخرج من الكارسة اللي هم فيها تقطعت بهم الاسباب
7:16داخلين النار داخلين النار. اسباب جمع السبب والسبب هو الحبل فليمدد بسبب الى السماء ثم ليقطع. يعني سبب يعني حبل والحبل بيجر اشياء فعادة لما تلاقي حبل مشدود هتلاقيه بيجر حاجة وراه. جاية وراه
7:38فاصبحت مع الوقت في اللغة كلمة سبب بتطلق على اي شيء يترتب وراه حاجة تانية عشان كده ده اصل كلمة سبب انها يترتب عليه شيء جاي وراه شيء ورأوا العذاب وتقطعت بهم الاسباب
8:00يعني ادركوا ان ما فيش اي طريقة يخرجوا بها من الوقوع في العذاب. هيترموا في النار هيترموا في النار مية سبعة وستين وقال الذين اتبعوا التانيين بقى اللي هم الخرفان بتاعة الدنيا
8:24وقال الذين اتبعوا لو ان لنا كرة فنتبرأ منهم كما تبرأوا منا كذلك يريهم الله اعمالهم حسرات عليهم. وما هم بخارجين من النار يا جماعة بقى دول اللي هم الاتباع الخرفان اللي كانوا ماشيين اتباع اعمى بيتبعوا المتبوعين اتباع اعمى
8:51وبيطبلوا لهم ويسقفوا لهم هيردوا الصفعة لهم ما هم اتبرأوا منهم هيتبرأوا منهم هم كمان ويقولوا لو بس ناخد فرصة ونرجع مرة تانية للحياة الدنيا هنتبرأ منهم زي ما تبرأوا منا
9:09وقال الذين اتبعوا لو ان لنا كرة فنتبرأ منهم لان هم تبرأهم منهم في الاخرة ما لوش معنى هم بيقولوا احنا مستعدين يا رب لو رجعنا نتبرأ منهم في الدنيا ونقف ضدهم
9:25مش هنمشي وراهم تاني كذلك يريهم الله اعمالهم حسرات عليهم وما هم بخارجين من النار الطريقة دي ربنا هيوريهم اعمالهم دي اعمالهم اللي هي ايه؟ اللي هي الاتباع الاعمى حسرات كل مرة اتبعوهم في حاجة هتبقى حسرة. كل ده يبقى كمية حسرات هتحصرهم وهتحاصرهم
9:54يوم القيامة حسرات عليهم دعموهم اللي كانوا بيدعموهم به حبهم لهم. اتباعهم الاعمى. كل ده بقى حسرات هيقولوا يا ريتنا ما عملنا كده. وما هم بخارجين من النار. مش هينفع في حاجة الحسرة خلاص
10:16مش هيخرجوا من النار. فكلما مر عليهم وقت كلما شعروا بندم وحسرة اكتر. والحسرة عمالة تزيد تزيد تزيد. في النار آآ العذاب لا يفتر. ما بيقلش العذاب بيزيد ثم هنسمع دلوقتي نداء غريب شوية
10:37معي كده مية تمانية وستين ومية تسعة وستين يا ايها الناس كلوا مما في الارض حلالا طيبا. ولا تتبعوا خطوات الشيطان. انه لكم عدو مبين. انما يأمركم بالسوء والفحشاء وان تقولوا على الله ما لا تعلمون
11:02ليه بقول نداء غريب لان ربنا مش بينادي بيقول يا ايها الذين امنوا كلوا مما في الارض حلالا طيبا كان يبقى مفهوم. يعني ربنا بيكلم المؤمنين وبيقول لهم ياكلوا الحلال الطيب. ربنا بيقول يا ايها الناس
11:20ويا ايها الناس نداء عام لكل الناس بيشمل المؤمن والكافر يعني ربنا بيقول للكافر كل حلال اه ركز كده فيها. طبعا النداء للمؤمن والكافر فاحنا مؤمنين بيقال لنا ناكل حلال طيب. وحتى الكافر ربنا بيقول له انا دعوتك للايمان
11:43وكفرت فخربت اخرتك على الاقل استفيد من الاسلام في الدنيا واصلح به دنياك كل حلالا طيبا لان الله سبحانه وتعالى لم يحرم شيء في مصلحة الانسان يعني كل شيء ربنا حرمه علينا مضر مدمر
12:05فلو كافر كافر فضل كافر وامتنع عن شرب الخمر وما كلش خنازير وما لعبش قمار. ما هو الكسبان في الدنيا على الاقل ما يبقاش دنيا ولا دنيا ولا اخرة يا ايها الناس
12:21يا ايها الناس كلوا مما في الارض. يا ايها الناس يا كل الناس يا مؤمنين وكفار. كلوا مما في الارض حلالا طيبا. الحلال هو الطعام اللي من فلوس حلال وليس من فلوس حرام مسروقة او سحت او وحلال كمان يعني حاجة يجوز اكلها مش حاجة من المحرمات
12:45طيبا يعني مستلذا ما تجيبش مسلا آآ آآ لحمة او فراخ وتقوم واكلها نية او محروقة ما تجبش خضار وما تغسلوش وتاكله وتمرض. لأ جهز اكلك كويس واستمتع بأكلك. ما هو ممكن واحد يجيب طعام بفلوس حلال
13:05ولحمة مدبوحة حلال. ومش خنزير ولا حاجة كله حلال. لكن يبقى مسلا آآ اكل مسلا آآ متعفن مسلا او منتن ياكله يمرض مسلا. مش نضيف. ازا فربنا بيأمرنا ان احنا نراعي حتى صحتنا ونراعي مسألة الذوق والجمال
13:27حتى التذوق نعمة من نعم ربنا. ربنا يريد ان احنا نتلذذ بهذا التذوق. دون اسراف ودون لكن كلوا مما في الارض حلالا طيبا وسبحان الله يعني ربنا انعم بنعمة التذوق دي على الغني وعلى الفقير. وجعل طعام الفقير سهل انه يطبخ ويبقى طعمه طيب جدا طبق الفول طبق
13:55العدس الاكلات اللي هي تمنها مش غالي اللي هي تعتبر الطعام الفقير او كان الطعام الفقير. يعني عملها سهل وبتبقى حلوة جدا. ده على طول طعمها كويس. انما الطعام الغني بقى يوه محتاج يتطبخ صح وبطريقة معينة وباحتراف ويمكن تحتاج تجيب شيف عشان يطبخه صح والكلام
14:14مش هيتاكل فسبحان الله ولا تتبعوا خطوات الشيطان انه لكم عدو مبين الشيطان مشي في خطوات استكبر والاستكبار ادى الى عصيان فعصى امر الله امر الله ثم كفر فاذا الانسان تواضع لله والتزم بالعبودية فبعد عن الاستكبار
14:45كده هو استسلم لاوامر الله سيتجنب الوقوع في المعصية وبالتالي سيتجنب الوقوع في الكفر. لان المعصية بريد الكفر لما واحد يعصى ربنا كتير ويستمرئ المعصية ممكن يصل الى الكفر خطوات الشيطان
15:05واضحة استكبار ثم عصيان ثم كفر لكن ايضا ممكن يكون معناها خطوات الشيطان ان الشيطان يبدأ يجرأك على ترك الحلال الواضح وتذهب للاشياء اللي فيها شبهات وتعيش فترة كده في الشبهات
15:24والاشياء اللي مش واضحة انها حلال ولا حرام؟ والخطوة اللي بعدها يقوم موقعك في الحرام يغرزك فيه ايضا من خطوات الشيطان انه يجرأك على الصغائر ومع الوقت تدخل في الكبائر
15:41فالشيطان طبعا الشيطان مش معنى كده انه الشيطان لازم يكون جن. انس او جن هي نفس الخطوات انه لكم عدو مبين. ازاي تتبعوا خطوات الشيطان وهو عدو واضح جدا. في منتهى الوضوح
16:00رفض يسجد لادم. تكبر اظهر كراهيته للانسان لادم. ما هو ادم هو اللي بيمثلنا في القرآن وقلنا كده الكلام ده في التدبر. اعتبر ادم هو اللي الممثل اللي بيمثلك وبيمثلك انت كمان
16:14خلاص هو ممثل للانسان فاظهر كراهيته لادم بسبب العنصرية بتاعته شايف ان هو مخلوق من نار والتاني مخلوق من طين بالتالي يعني يعني آآ آآ ازاي الانسان بعد الكراهية الواضحة دي
16:34يحط اي ثقة في الشيطان. ازاي يطيع الشيطان؟ ازاي يتبع خطوات الشيطان هو بيكرهه بهذا الشكل تترك الله اللي بيحبك وبيلومك لما تحب غيره. ويأمرك باللي فيه نفع لك وينهاك عن كل ما يضرك
16:52فلينعم عليك طول الوقت وتروح تسمع كلام عدوك اللي بيكرهك يعني بجد يعني يا ايها الناس كلوا مما في الارض حلالا طيبا ولا تتبعوا خطوات الشيطان انه لكم عدو انما يأمركم بالسوء والفحشاء
17:19وان تقولوا على الله ما لا تعلمون الشيطان بيأمركم بايه ربنا بيأمركم بالحلال الطيب الشيطان بيأمركم بالسوء كل شيء سيء. والفحشاء الفحشاء هو الاشياء السيئة شديدة القبح من الذنوب كالزنا قذف المحصنات سرقة مال الغير. فكل دي اشياء شديدة القبح جدا
17:46لزلك بعض العلماء قالوا ان الفواحش هي الذنوب اللي عقوبتها حدية. يعني العقوبة بتاعتها حدود. الحدود اللي هي عقوبات ذكرت في الشريعة الاسلامية ربنا فرضها في الشريعة وهي عقوبات شديدة جدا جدا جدا كالجلد والقتل
18:06والقطع والكلام ده ازا آآ قال العلماء ان الفحشاء او الفواحش هي الذنوب القبيحة اللي بيعاقب عليها الشرع حدود انما يأمركم بالسوء والفحشاء وان تقولوا على الله ما لا تعلمون. الشيطان بيأمركم
18:31بالذنب من اقبح الذنوب وهو الادعاء على الله بالكذب زي اللي قالوا على آآ ان الله مسلا له ولد او اللي قالوا ان له شريك في الملك او من يسمي الله بما لم يسمي به نفسه
18:47يعني واحد عايز يتكلم عن اتقان الله للخلق فيقول الله ده هو مهندس الكون الاعزم ربنا لم يسمي نفسه مهندس حتى لو كانت نيتك طيبة لا يجوز انك تقول على الله ما لا تعلم
19:04ربنا لم يسمي نفسه باسم نحن لا يجوز لنا ان احنا نسمي به اقرا كده الاية مية وسبعين واذا قيل لهم اتبعوا ما انزل الله قالوا بل نتبع ما الفينا عليه اباءنا. او لو كان
19:22وهم لا يعقلون شيئا ولا يهتدون الاية دي قمة في الموضوعية قمة الموضوعية الاية دي ضد الدين الموروث واذا قيل لهم اتبعوا ما انزل الله. اتبعوا دين ربنا. قالوا بل نتبع ما الفينا عليه اباءنا. لأ. اللي لقينا ابائنا عليه هو ده الاولى. ده
19:47هنتبعه الموروث اللي ورثناه عن ابونا وجدنا طب ما هو زي ما الكفار قالوا كده ممكن مسلم ايضا يقول كده ده غير مقبول انك تبقى مسلم لمجرد ان ابوك وجدك كانوا مسلمين غير مقبول. ايه رأيك بقى
20:08لازم تتعرف على عقيدتك وتفهمها لا يجوز التقليد في العقيدة. يجوز التقليد في الفقه بس مش في العقيدة انا ساقلد امام من ائمة الفقه ابو حنيفة الشافعي مالك الاوزاعي احمد بن حنبل سفيان الثوري المذاهب
20:31المذاهب الاسلامية اسمع الفتوى وانفزها. ما عنديش بقى وقت اقعد افهم هو ازاي استنبط هذه الفتوى والادلة بتاعته ايه مش مهم خلاص انا هتبعه خلاص انا بسق في ابو هامشي على المزهب الحنفي. يجوز انك تقلد من غير ما تفهم الادلة والكلام ده في الفقه
20:52لكن في العقيدة لا ما فيش تقليد في العقيدة. لازم تؤمن بقلبك وبعقلك الدين الموروث مرفوض الاسلام انتقد الناس اللي بترث العقيدة كذلك الناس اللي بتقول على الله ما لا تعلم وتدعي ان هو له ولد
21:10واذا قيل له متبع ما انزل الله قالوا بل نتبع ما الفينا عليه اباءنا. تقول للشخص مسلا ايه مسيحي كده صاحبك ده ولا معك في زميلك وبتاع يا اخي فكر شوية. تعالى ندقق كده في الامر ونشوف الكلام ده صح ولا غلط. يقول لك بقول لك ايه انا همشي على اللي اتولدت عليه ولقيت ابويا وجدي عليه
21:29بل نتبع ما الفينا عليه اباءنا طب يعني ايه ابائنا؟ ما كل انسان عنده اب واحد اه لكن اباءنا ابوك واعمامك واجدادك ده اسمهم اباءك دليل كده من سورة البقرة برضو الاية مية تلاتة وتلاتين. اولاد سيدنا يعقوب قالوا له ايه
21:52ام كنتم شهداء اذ حضر يعقوب الموت اذ قال لبنيه بني اسرائيل. هم. ما تعبدون من بعدي؟ قالوا نعبد الهك والهك ابائك ابراهيم واسماعيل واسحاق الها واحدا. ونحن له مسلمون. اسحق بس هو ابوه
22:11اسماعيل ده عمه وابراهيم ده جده قالوا ابائك ليه لان كلمة ابائك تشمل الاباء والاجداد والاعمام وكده. طيب طيب الشخص اللي بيتبع اباؤه ده بمجرد ان هم اباؤه لانه مقتنع
22:30بالكلام ده القرآن بيرد عليه بيقول له ايه بقى ؟ لان خلي بالك ممكن واحد ينظر للي هو بيعمله ده انه اه يعني انا مش شايف غلط في ان هو يمشي على اباءه واجداده
22:41يعني اولا ده ادب مع الاب آآ بر بالوالدين اه مم اه ولاء واحترام لثقافة المجتمع وتراث المجتمع وكنسيرفيتيفز ومش عارف ايه ونحترم التراث وفي الاجداد هي دي حاجة وحشة
22:59اه حاجة وحشة في العقيدة حاجة وحشة القرآن بيرد بمنطق وبقوة فبيقول له طب لو ابوك وجدك مجانين تتجنن انت كمان ده معنى الاية واذا قيل لهم اتبعوا ما انزل الله قالوا بل نتبع ما الفينا عليه اباءنا
23:23اولو كان اباؤهم لا يعقلون شيئا ولا يهتدون لا يعقلون يعني لا يفكرون لكن لا يعقلون شيئا ولا يهتدون. احنا بنتكلم عن ناس مجانين. يعني الناس لا تدرك اي شيء
23:40لا يهتدون يعني تقول له يمين يمشي شمال تايه ضايع فالقرآن اخد الشخص ده في الجدال وراح لاقصى احتمال قال له طب لو ابوك مجنون هتمشي على خطواته برضو؟ طبعا
23:55اجابة لأ يبقى القضية مش اتباع اعمى. القضية انك لازم تفكر في اهم شيء في حياتك وهو علاقتك بالله. انت بتعبد مين لو نلاحز الايات كلها بتحرك داخل الانسان قضية الثورة على الاتباع الاعمى
24:16ركز معي هات مية سبعة وستين وبص فيها وقال الذين اتبعوا لو ان لنا كرة دول اللي هم كانوا بيتبعوا اتباع اعمى. فنتبرأ منهم كما تبرأوا منا. كذلك يريهم الله
24:32وهو اعمالهم حسرات عليهم. وما هم بخارجين من النار. يعني اللي اتبعوا الزعماء والمشاهير والفنانين ومصممين الازياء اتباع اعمى هينقلب عليهم اتباعهم ده حسرات هيتحسروا على هذا الاتباع الاعمى كل مرة سمعوا كلامهم هيتحسروا حسرة وهتبقى حسرات
24:56هات مية تمانية وستين. خل بالك دي ثورة على الاتباع الاعمى هات مية تمانية وستين يا ايها الناس كلوا مما في الارض حلالا طيبا ولا تتبعوا خطوات الشيطان انه لكم عدو مبين
25:15نهتان عن الاتباع الاعمى لخطوات الشيطان. والشيطان انس او جن آآ ولد آآ فاشل راح عمل قناة يوتيوب عمال ينشر منها الالحاد ما ده شيطان فيه ناس بتتبعه اتباع اعمى. ممنوع تتبع الشيطان اتباع اعمى. ولا حتى تتبع القادة والكلام ده لو هم غلط
25:38واخر حاجة بقى في مية وسبعين الابائية نهي عن الابائية ماشي على خطوات ابوه وخلاص. لا واذا قيل لهم اتبعوا ما انزل الله قالوا بل نتبع ما الفينا عليه اباءنا. او لو كان اباؤهم
25:55لا يعقلون شيئا ولا يهتدون ولا حتى ابوك ولا جدك فكر لنفسك. عشان كده الاسلام جذب الشباب وعزف عنه الكبار في السن. الكبار ما بيحبوش التغيير. الشباب بطبيعتهم يحبوا التغيير. يحبوا الثورة على القديم. فتجد ان الصحابة تقريبا كلهم
26:17كانوا كانوا في سن آآ سن الشباب. اقل من عشرين سنة تلتاشر اربعتاشر خمستاشر ستاشر سبعتاشر في السن ده دخلوا في مكة وكبروا بعد كده في الاسلام لكن لان لقوا في الاسلام ما يناسب طبيعة الشباب وهو الثورة على الموروث على القديم
26:40ثورة على عدم الموضوعية. ثورة على الغباء طب مش ممكن يجي جيل يثور على الاسلام؟ لأ طبعا لا يمكن قال له طب ما احنا دلوقتي شايفين جيل بيرفض الاسلام لأ مش حقيقي
26:55ما فيش حد رفض الاسلام من الشباب. اللي بيقدم لهم اصلا ده مش الاسلام الاسلام لو قدم زي ما قدمه النبي صلى الله عليه وسلم هيبقى جاذب للشباب. لكن ما يقدم
27:09في المنطقة العربية هو ثقافة عربية ذكورية منفرة عليها شوية بهارات كده بتدي ريحة اسلام ويتقدم علينا ان ده الاسلام فبيرفضوه. اللي بيتقدم في الهند وباكستان وبنجلاديش ثقافة هندية ذكورية منفرة وعليها شوية بهارات تعطي كده بس ايه
27:27فلايفر كده يعني آآ ريحة اسلام زي ما بتحط بعد ما بيعملوا البتاع بيرشوا كده رشة آآ رشة آآ بتاع ده آآ اسمه ايه ده آآ قرفة ولا حاجة. هو كده
27:39فالشباب رافض الكلام دا. الشباب دول مساكين ما رفضوش الاسلام الاسلام لازم يقدم صافي الاسلام هو دين الله الواحد. اللي ربنا اختاره للبشر كلهم ازا لازم يكون مناسب للناس كلها
28:00لازم يكون مناسب للبيض وللسود وللعرب وللهنود وللرجالة وللنساء وللكبار وللصغار وللطوال وللقصيرين وللدخان وللرفيعين كله لازم يناسب كل الناس ايه الشيء المناسب لكل الناس لما تروح عند ناس يسألوك تحب تشرب شاي
28:21او بتشرب قهوة؟ ليه ؟ ما بيحطلكش الشاي على طول لان في ناس ما بتشربش شاي مش مناسب بالنسبة لي يا شيخ. فيه ناس ما بتشربش قهوة. فلازم يسألني قبل ما يجيب لي قهوة. صح؟ لكن ايه الحاجة الوحيدة اللي بتقدم لك بدون سؤال
28:38الماء عمر حد سألك بتشرب ميه بتدحك طبعا ده سؤال مضحك ايه الفرق بين الماية والشاي؟ ما الاتنين سوائل وخلاص. لأ طبعا لأ طبعا الماء مقبول من كل الناس لانه ما لوش لون
28:57لو كان الماء لونه لون حلو مسلا ازرق جميل بعض الناس ما كتش هتشربه لكن لو كان مسلا لونه اصفر لون حلو بس اكيد فيه ناس كتير مش هتشربه الماية كمان من غير ريحة
29:15لو كان الماء له ريحة حلوة مسك بعض الناس مش هتشرب لو كان له ريحة زهر. بعض الناس مش هتشربه الماء كمان طعمه مستساغ لانه لا حادق ولا حلو اه حتى بنقول زي المية
29:30صح ازا عشان الماء صافي بيناسب الناس كلها لازم الاسلام يقدم صافي. ما حدش يحاول يلون الاسلام بلونه. للاسف العرب عربوا اسلام والفرس فالرسول والهنود هندوه والذكور خلوه ذكوري والاناث يخلوه انثوي
29:58ده كله زلم للاسلام وصد عن سبيل الله. الاسلام صافي زي الميه. حتى ان اسمه مش على اسم انسان ولا منطقة جغرافية ولا جماعة من الناس او قبيلة المسيحية على اسم السيد المسيح. بني ادم
30:14اه من اجمل خمس بني ادمين بس بني ادم برضو حددنا الدين كده الهندوسية على اسم الهند منطقة جغرافية وشوفي كمان حد يقول لك الهندوسية ترجع لك الهندوسية ولا تحس باي انجداب انا ميرانة هندي
30:29بقت اه محدودة آآ اليهودية على اسم قبيلة يهودا جماعة من الناس الاسلام على اسم مين حد عمره فكر في دي على اسم سيدنا محمد مش على اسم سيدنا محمد. بالعكس ده احنا لما بيتقال لنا بنعتبرها آآ اهانة
30:49مع انها مش اهانة ولا بس يعني ليه ما احنا عشان احنا مش مهمدينز احنا مسلمين زيه زي محمد وزي عيسى وزي موسى وزي ابراهيم. الاسلام والاستسلام الكامل لاوامر الله والتسليم الكامل. فاحنا لازم ما
31:04الاسلام باننا نقدم الاسلام صح للناس علشان لو احنا فعلا عايزين نقيم على الناس الحجة اللهم انا نسألك حبك وحب من يحبك وحب كل عمل يقربنا الى حبك. اللهم ما رزقتنا ما نحب فاجعله قوة لنا فيما تحب
31:21وما زويت عنا مما نحب فاجعله فراغا لنا فيما تحب. اللهم اجعل حبك احب الينا من اهلينا واموالنا ومن من الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب
31:44ملائكتك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل
32:07القرآن الكريم ربيع قلوبنا ونور صدورنا وجلاء احزاننا وذهاب همومنا وغمومنا ومغفرة ذنوبنا اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل
32:35حرف في كتابك تلوناه او تدبرناه. اكفنا واهلينا واخواننا واخواتنا شر كل من يكيد لنا ولهم. واحفظنا واياهم من شرورهم. ونجعلك اللهم في نحورهم فانت الوكيل ولا حول ولا قوة الا بك
32:54اللهم بحق كل حرف في كتابك تلوناه او تدبرناه. ايد بنصرك المرابطين في الارض المباركة فلسطين وكن مع اخواننا في تركستان الشرقية وفي الشام وفي كشميرا وفي سريلانكا وفي الهند وانصر كل من نصرهم واخذل كل من خذلهم
33:14طهر المسجد الاقصى من الدنس فانهم لا يعجزونك. اللهم من قضى منا بالوباء المنتشر فاكتبها له شهادة. ومن كان منا او من احبابنا او من اخواننا او من اخواتنا او من مشايخنا مريضا به او حاملا له فالبسه ثوب الصحة والعافية عاجلا غير اجل
33:34اجل ومن لم يصرف به فقه شره وابعده عنه ولا تسلطه الا على اعدائك واعداء دينك واعداءك اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على
33:57لا طاعتك وتوحدت على دعوتك وتعاهدت على نصرة شريعتك. فوثق اللهم رابطتها وادم ودها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا ربنا بمعرفتك. وامتها يا مولانا
34:19على الشهادة في سبيلك انك نعم المولى ونعم النصير. وصل اللهم وسلم على سيدنا محمد وعلى اله وصحبه ومن تبع هداه. والسلام عليكم ورحمة الله ايوة بركاته ونراكم غدا باذن الله
34:36بنفس هذا الموعد ان كنا من اهل الدنيا