فيديو # ٧١٣ من مقاطع حظر التجول تدبر البقرة حلقة ٤٤ الآية ١٥٣
0:00السلام عليكم ورحمة الله وبركاته. اهلا بحضراتكم في المقطع رقم سبعمية وتلتاشر من مقاطع حظر التجول والحلقة الرابعة والاربعون من حلقات تدبر سورة البقرة ارجو من حضراتكم تجيبوا المصاحف بدأنا نشوف من الحلقة اللي فاتت تعاليم الله سبحانه وتعالى لامة محمد صلى الله عليه وسلم
0:32وهذه التعاليم تمثل تطبيقات لكل ما ورد في نصف السورة الاول وهي اه الهداية التي نزل بها القرآن. ما احنا قلنا السورة اصلا عن الهداية انت طلبت من ربنا الهداية في سورة الفاتحة وقلت اهدنا الصراط المستقيم. فربنا رد عليك في سورة البقرة وقال لك ذلك الكتاب
0:57لا ريب فيه هدى للمتقين. الهداية هتجدها بقى ايه في سورة البقرة منتشرة في سورة البقرة. النصف الاول انتهى وبنفاجأ بتطبيقاته في النصف التاني. اقرا معي بقى الاية مية تلاتة وخمسين
1:15اعوذ بالله السميع العليم من الشيطان الرجيم يا ايها الذين امنوا استعينوا بالصبر والصلاة ان الله مع اول حاجة النداء بيا ايها الذين امنوا ورد في القرآن تسعة وتمانين مرة منهم حداشر مرة في سورة البقرة
1:43وغالبا كلهم في القرآن المدني قلنا القرآن مكي ومدني. مكي ما كان قبل الهجرة. حتى لو نزل في مكة بعد الفتح. اسمه مكي والقرآن المدني يعني ما نزل بعد الهجرة حتى لو نزل خارج المدينة
2:04يا ايها الذين امنوا بتنزل في القرآن المدني قبل كده كان النداء بيا ايها الناس ويا بني ادم في المدينة معظم النداء بيبقى يا ايها الذين امنوا. على فكرة اتذكر ان دي كانت آآ عملت لنا مشكلة واحنا بنترجم القرآن في ترجمة مؤسسة جسور
2:26ان معظم المترجمين ترجموا اياه ايها الذين امنوا اوبيليفيرز يعني ايها المؤمنون احنا بنفضل في الترجمة بتاعتنا نستخدم الافعال بنفس الزمن بتاعها يا ايها الذين امنوا امنوا بصيغة الماضي بس احنا لو قلنا
2:53يبقى معناها ان هم امنوا في الماضي وده ممكن يكون تغير تعبنا فيها جدا لغاية ما لقينا حل كويس لها واستعملنا يعني يا ايها الذين وصلوا للايمان وصلوا ماضي فالانسان بيصل للايمان ويبقى عليه. فكده يبقى مش مش عرضة ان هو يتغير. يعني الحمد لله كانت اعتقد من الاختيارات الموفقة في الترجمة. لكن عموما ده مش موضوعنا النهاردة
3:28يا ايها الذين امنوا استعينوا بالصبر والصلاة ان الله مع الصابرين. يعني ربنا مش هيعمل الشغل نيابة عنه انتم لازم تشتغلوا وتبدأوا تغيروا الاوضاع الى اوضاع افضل. ثم استعينوا الاستعانة هي طلب العون على امر معين او على عمل معين وانت بتعمله بنفسك وبتحاول تعمله بس مش قادر
3:58عليه لوحدك فبتستعين بتستعين باخر يرفع معك الحمل مسلا ده معناه ان انت بتعمل بنفسك. وبتطلب العون انك حد يساعدك في العمل يا ايها الذين امنوا استعينوا بالصبر والصلاة. ده عكس الاتكال عكس ان انت تتواكل
4:24تطلب من حد يعمل لك الموضوع كله لكن استعينوا يبقى انت بتجتهد وبتشتغل وبتطلب عون بس حتة كده ايه عشان نقدر نرفع الحمل. طيب يا ايها الذين امنوا استعينوا بالصبر
4:39اول حاجة الصبر الصبر هو النصف الاخلاق وانصحكم تقرأوا باب الصبر في كتاب احياء علوم الدين. لابي حامد الغزالي في ربع المنجيات لما بعض انا عايز اقول لكم على حاجة الكتاب ده كنت اسمع عنه زمان
4:59كلام ان من لم يقرأ الاحياء فليس من الاحياء انا بصراحة ما احبش بقى ايه المبالغات دي قريته بقيت انا اقولها. من لم يقرأ الاحياء فليس من الاحياء. كتاب احياء علوم الدين. كتاب قوي جدا ورائع جدا. طبعا
5:21ناس عندها مآخذ عليه ان هو آآ آآ لو اتكلم في الفقه خلي بالك في اراء اخرى ان هو شافعي. لكن المأخذ الاكبر هو انه في احاديث كتير ضعيفة مش مهم
5:35النهاردة اصبح في يعني النسخة اللي موجودة منقحة. فانت بتشوف الحديث وبتبص في الهامش هتلاقيه صحيح او ضعيف او غير دي مش مشكلة يعني. طيب لان بعض العلماء منه ابو حامد الغزالي اعتبر الصبر نصف الاخلاق اعترض عليهم ناس تانيين. قال له ايه يا جماعة دي مبالغة شديدة يعني اومال هنودع
5:56دي اخلاق الاخلاق كلها فين بقى؟ الشجاعة هتروح فين؟ الكرم هنوديه فين العفة هنوديها فين ؟ كتمان السر هنوديه. كل دي اخلاق. تيجي تقول لي الصبر لوحده نص في الاخلاق
6:09ردوا عليه ردوا عليهم وقالوا لهم لأ ما انتم مش فاهمين بقى. ده كل الاخلاق اللي انتم زكرتوها دي من انواع من انواع الصبر اصلا. يعني الصبر على القتال اسمه شجاعة
6:23الصبر على الشهوة والسيطرة على الشهوة اسمها عفة الصبر على البوح بالكلام اسمه كتمان السر الصبر على الانفاق على الضيف اسمه الكرم. فالصبر هو الفضيلة نفسها صاحبة اكبر ثواب في الاسلام
6:44الحسنة في الاسلام بعشرة امثالها. في سورة الاعراف. ربنا قال من جاء بالحسنة فله عشر امثالها والحسنة في مكة بمائة الف وده ورد في السنة انما الصبر يا جماعة اكبر من كل ده
7:06ازاي ربنا قال انما يوفى الصابرون اجرهم بغير حساب بغير حساب يعني انفليتي يعني اضعاف لا نهائية لا نهائية ما بيضربش في الف ما بيضربش في ميت الف ما بيضربش في مليون
7:26الحسنة بتاعتك حسنة الصبر تتضرب في ما لا نهاية. مسألة خطيرة في سورة النحل ولنجزين الذين صبروا اجرهم باحسن ما كانوا يعملون يعني كل عمل لو انت لو انت بقيت يعني تعد من الصابرين
7:48تيجي تحاسب كده كل عمل هتحاسب عليه يتشاف ايه افضل عمل عملته وكل الباقي يتعمل له ابجريد ويتعمل زي مسلا الصلاة. اول حاجة نتحاسب عليها الصلاة كم صلاة صلاها آآ فلان في حياته يطلع خمسة وتلاتين الف ربعمية ستة وخمسين صلاة
8:12هل كان من الصابرين؟ اه يبقى هيطبق عليه القانون ده. ان يجازى باحسن ما كان يعمل. يبقى يتشاف. احسن صلاة فيهم كلهم كانت امتى اطلع صلاة العصر بتاعة خمستاشر رمضان سنة الف وربعمية اتنين وتلاتين هجريا. ليه ؟ اصله اتوضى
8:36واسبغ الوضوء وراح المسجد آآ مبكرا وانتزر الاذان وردد الاذان وقام وبكى وخشع فربنا قبل هذه الصلاة. دي احسن صلاة صلاها في حياته ما دام هو من الصابرين وهيطبق عليه نزام انه يجازى باحسن ما كان يعمل يبقى بقية الخمسة وتلاتين الف
9:01ربعمية خمسة وخمسين صلاة هيتعمل لهم ترقية ويعتبروا كلهم في مستوى احسن صالة اللي بعده الصيام. صام كام يوم؟ اه صام اتناشر الف ومتين اتنين وعشرين يوم اه طب احسن يوم فيهم امتى ؟ اليوم الفلاني. ليه كزا ؟ اعملوا له ترقية. كله يترقى وبقية الاتناشر الف ربعمية مش عارف وكام
9:29ويبقوا زي اليوم ده وهكزا طبعا انتم مستغربين جدا الصبر سوابه كبير جدا. اه صح ليه الصبر بالزات سوابه كبير كده ببساطة لانه صعب. ها الصبر صعب جدا بالتالي سوابه غير عادي
9:52هي دي النقطة. ما هو يعني يعني الجماعة اللي بيلعبوا رياضة يقول لك نوبين نوجين. لو انت ما فيش الم وبتوصل لدرجة الالم وانت بتتمرن مش هتكسب وعضلاتك مش هتقوى
10:06اكتر وانت مش هتحقق ارقام احسن في السباقات فهي دي النقطة الصبر لازم احنا نتعلمه وزي ما انما العلم بالتعلم انما الحلم بالتحلم. الحلم اللي هو الصبر الصبر انواع. في صبر على المصيبة. صبر على المعصية. صبر على الطاعة. صبر على النعمة
10:31اللي مؤمن وراضي بقضاء الله وقدره لا بينهار ولا بيصرخ ولا بيعمل عند المصيبة. اومال بيعمل ايه؟ بيقول ودي في في سورة البقرة. الذين اذا اصابتهم مصيبة قالوا انا لله وانا
10:52اليه راجعون يعني ان لله وان اليه راجعون لما يكونوا عندهم مصيبة يقولوا انا لله. يعني احنا ملك لربنا وطبيعي انه يعمل فينا ما يريد انا لله احنا ملكه وانا اليه راجعون. كلنا في الطريق راجعين له. فده فيه اقرار بالملك لله. اقرار بالموت. اقرار بالبعث. اقرار
11:21كلمة مش صغيرة انا لله وانا اليه راجعون. راضي يا رب ممكن يكون عندي الم متألم من الابتلاء لكني راضي يا رب النبي عليه الصلاة والسلام مر باشد امتحان ممكن يمر فيه بشر
11:39فقد الولد هو اكبر امتحان بالتأكيد اخطر امتحان ممكن يمر به انسان. النبي عليه الصلاة والسلام فقد ستة من اولاده خلال سنوات الدعوة يعني فترة السيرة النبوية اللي بندرسها دي تلاتة وعشرين سنة دول ماتوا ستة
11:55ولو سألت اي مسلم هو النبي مات له حد يقول لك اه مات له ابنه ابراهيم. ودفنوه بكى على قبر بس اه طب ما انت ما تركز شوية احنا عارفين كان عنده سبعة وقبل ما يموت كان فاضل منهم السيدة فاطمة الزهراء جابت له ستة
12:07لكن لان النبي عليه الصلاة والسلام ما كانش السيرة بتاعته سيرة انسان مكتئب نهائي انسان ناجح ومتفائل وعنده انجازات. ومؤمن بقضاء الله وقدره فاهم يعني ايه ابتلاء فاهم انه ما هو الانسان ازاي يقدر يصبر على الالم
12:27لما يعرف ان المصيبة دي وراها خير يعني لو انت مسلا عامل آآ وسيقة آآ تأمين على آآ البيت بعشرين مليون دولار. والبيت كله ما يسواش آآ عشرين الف جنيه
12:48وخدت مراتك وولادك وروحتوا تتغدوا سمعت خبر ايه جيرانك قال لك الحق بيتك ولع بتقول الله اكبر هتفرح جدا ليه ؟ لان الميزة اللي جاية من دي مصيبة حصلت واحد بيته ولع
13:03ايوة بس جاي له عشرين مليون دولار. وهو فهمت قصدي ازاي ؟ هي دي النقطة. ان الانسان لما يعرف اه مدى اه اه اه عظم الثواب بتاع انه يصبر هيقدر يصبر. مهما كانت المصيبة كبيرة
13:21الحقيقة في معنى اخر بقى. لانا لله انا لله احنا ملك لله وما فيش انسان بيخرب ملكه فلما تصيب الانسان مصيبة ويقول انا لله يعني انا واه انا حاطط ثقتي في الله. ان ربنا لن يضيعني. انا ملك الله
13:41انا مملوك لله ربنا لن يفسدني لن يضيعني وان هذه المصائب ليست الا ابتلاءات ربنا بيرفع بها درجاتي. فده ايضا معنى يخلي يساعد الانسان على الصبر. ده اول نوع من انواع الصبر. الصبر على
13:54يا مصيبة تاني نوع من انواع الصبر الصبر على المعصية المعاصي سهلة بضغطة زر المعصية بتبقى في ايدك وبدون تكلفة المسألة محتاجة صبر شديد عشان الانسان يقدر يمر في هذا الامتحان وينجح فيه
14:15بعد كده فيه الصبر على الطاعة تقوم الليل بس من غير ما تيجي تاني يوم وتحكي بقى تجربتك لصحابك وزملائك في الشغل وقد ايه كان ليلة جميلة وقمنا الليل وقمت الليل وقعدت اقراه وقريت البقرة وقريت ال عمران
14:33ما هو الشيطان لازم يحاول ياخد من اخلاصك ومن تجردك لله لزلك لازم الاعمال الصالحة اللي هي النوافل دي تتعمل في السر بينك وبين الله اذا فيه صبر على الطاعة. سواء النوافل او
14:50او فرائض لابد من الصبر عشان الانسان يستمر على الطعن. فيه ناس آآ بتتوقف عن الصلاة فيه ناس بتتلخبط في الصلاة لخبط تقصد يعني مش بتصلي كل الفرائض محتاجة صبر
15:04تالت نوع الصبر على اه احنا قلنا الصبر على المعصية الصبر على المصيبة وبعد كده المعصية والطاعة. رابع نوع. اصعب انواع الصبر اصعب نوع الصبر على النعمة الانسان بيميل لاستخدام النعمة في الدنيا دون ان يفكر في الاخرة
15:31اللي عنده اموال صعب ان هو لا يسرف اللي ما عندوش مال ما قداموش غير انه يصبر على الجوع خلاص هيعمل هيسرق يعني هيصبر لكن اللي معه فلوس صعب انه ما يبقاش مسرف. صعب اللي معه سلطة يسيطر على نفسه وما يستغلش سلطته او ما يزلمش. صعب اللي عنده
15:49ونعمة انه ما يستغلش النعمة بطريقة وحشة لزلك يعني شوفوا سيدنا يوسف مر بابتلاءات قد ايه قالوا اصعب ابتلاء مر فيه سيدنا يوسف مش لما اخواته تآمروا عليه ورموه في البير
16:03مش لما اتاخد واتباع عبد في مصر مش لما وقع في الفتنة بتاع او يعني المرأة حولت تفتنه والنساء حاولوا آآ آآ يفتنوه آآ يعني آآ يراودوه عن نفسه. مش لما دخل السجن زلم في جريمة
16:23ابوخلة بالشرف مش كل ده اصعب ابتلاء لما بقى العزيز اصعب ابتلاء لما بقى ممكن التمكين هو اصعب ابتلاء انه بيغير الناس نرجع لايام مية تلاتة وخمسين. يا ايها الذين امنوا استعينوا بالصبر والصلاة ان الله مع الصابرين
16:46هذا الصبر يجعل نفسك طويل حاول انك تنجز امورك مرة واتنين وتلاتة وعشرة من غير ما تزهق فالله يأمر المؤمنين بالاستعانة بالصبر في انجاز امورهم. وبالصلاة بالتواصل مع الله تطلب العون من الله. فانت تصبر على عملك وتستعين بقى ايه غير الصبر بقى تستعين بالله. تتواصل مع الله
17:14طبعا طالما ربنا اخبر النبي صلى الله عليه وسلم ان اهل الكتاب مش هيؤمنوا وانهم لو ما امنوش قالوا ان لن يؤمن منهم هيبقى اختار طريق العداء والشقاق. فاكرين انتم في الاية مية سبعة وتلاتين
17:35لما ربنا سبحانه وتعالى قال للنبي اه فان امنوا بمثل ما امنتم به فقد اهتدوا وان تولوا فانما هم في شقاق. يعني عداء فسيكفيكهم الله وهو السميع العليم كنا بمنتهى الوضوح
17:56ان ده معناه ان يهود المدينة اللي مش هيؤمنوا لن يكونوا محايدين سيصبحوا اعداء ودول ناس اقويا مسيطرين على الاقتصاد بس ما تخافش مش معناها مش بقول لك كده عشان تخاف يا محمد لا فسيكفيكهم الله
18:19ربنا بيطمنك ان ربنا سيتكفل بهم لكن للعلم بس للعلم انتم داخلين على مرحلة صراع عسكري واضحة جدا طبعا الصحابة بقى ايه لسه واصلين المدينة وحارتهم صعبة جدا وفقرهم معهمش فلوس وحالتهم تعبانة
18:37يفاجئوا بالكلام ده في صراع عسكري لابد ان ربنا يجهزهم نفسيا قبل الصراع العسكري ما يبدأ طالما في صراع عسكري بقى هيسقط شهداء في الطريق وفي فترات معاناة هتبقى وحصار اقتصادي وحصار عسكري
18:56وهيبقى فيه شعور بالجوع. وهيبقى فيه انعدام للامن ربنا بيجهز الصحابة والنبي عليه الصلاة والسلام نفسيا للامر ده ما تنسوش يا جماعة ان اخطر لحزات تعرض لها الاسلام كانت حصار الاحزاب للمدينة وكانت بتقليب
19:15من اهل الكتاب يهود بني النظير اللي رحلوا الى خيبر قبلها بسنة مش حاولوا يغتالوا النبي ومحاولة اغتيال فاشلة وتم ترحيلهم من المدينة وراحوا على خيبر وفي خيبر قلبوا القبائل وراحوا واتفقوا مع القبائل وبالفعل القبائل طلعت وحاصرت
19:36المدينة شهر الصحابة حفروا خندق وقعدوا شهر ما يناموش عشان يحرسوا الخندق من انه يخترق. ما هو ممكن الخندق يعني الكفار يردموا منطقة ويعبروا عليها. ممكن يتم اختراقه فكان الصحابة عددهم قليل جدا والخندق طويل جدا مش عارف اتنين تلاتة كيلو حاجة كده متر
20:00ومش يعني هو يعني يعني بالكيلوات انا كم كيلو لكن اظن تلاتة كيلو حاجة زي كده. الصحابة رايحين جايين بيحرسوا الخندق حتى صارت اعينهم كالدم. يعني ايديهم حمرا ما تشوفش السواد اللي جواها من كتر الحمار من قلة النوم
20:18جمعوا نسائهم واطفالهم في بيت واحد كبير في المدينة خوفا عليهم ومع زلك بنو قريظة. اهل الكتاب برضه خانوا العهد وهاجموا نساء ونساء المسلمين اضطروا يقاتلوا ام الزبير ابن العوام السيدة صفية بنت عبد المطلب عمة النبي صلى الله عليه وسلم. قاتلت بنفسها وقتلت احد اليهود
20:42فده كله كان يجب ان يجهز الصحابة نفسيا من قبلها ان انتم داخلين على مرحلة صعبة جدا. اقرأ بقى معي من الاية مية اربعة خمسين لمية سبعة وخمسين ونتدبرهم بكرة. لكن نقراهم بقى برضه دلوقتي
20:59ولا تقولوا لمن يقتل في سبيل الله اموات. بل احياء ولكن لا تشعرون ولنبلونكم بشيء من الخوف والجوع ونقص من الاموال والانفس والثمرات وبشر الصابرين وبشر الصابرين الذين اذا اصابتهم مصيبة قالوا انا لله وانا اليه راجعون
21:33اولئك عليهم صلوات من ربهم ورحمة. واولئك هم المهتدون حرب فيه جنود هتقتل في سبيل الله الانسان اللي بيقاتل بشجاعة وبيضحي بحياته هو ده ايه؟ اللي ربنا ذكره في الاية
21:52آآ مية اربعة وخمسين. اللي هنتدبرها بكرة ولا ولا تقولوا لمن يقتل في سبيل الله اموات. بل احياء ولكن لا تشعرون. لكن هترككم بسؤال فكروا فيه لغاية بكرة هو الشهيد اللي بيضحي بحياته ده
22:11بيعمل كده انه بيكره الحياة يا ترى بيكره الحياة ولا بيحب الحياة؟ نتوقف هنا الليلة اللهم انا نسألك حبك وحب من يحبك وحب كل عمل يقربنا الى حبك اللهم ما رزقتنا ما نحب فاجعله قوة لنا فيما تحب. وما زويت عنا مما نحب فاجعله فراغا لنا فيما تحب
22:39اللهم اجعل حبك احب الينا من اهلينا واموالنا ومن الماء البارد على الظمأ اللهم حببنا اليك والى ملائكتك وانبيائك ورسلك وعبادك الصالحين. واجعلنا ممن يحبك ويحب ملائكتك كتاك وانبيائك ورسلك وعبادك الصالحين. اللهم احيي قلوبنا بحبك. واجعلنا لك كما تحب
23:08اللهم اجعلنا نحبك بكل قلوبنا ونرضيك بكل اجسادنا. اللهم اجعل حبنا كله لك وسعينا كله في مرضاتك. اللهم اجعل القرآن الكريم ربيع قلوبنا. ونور صدورنا وجلاء احزاننا وذهاب همومنا وغمومنا ومغفرة ذنوبنا
23:34اسأل الله العلي العظيم ان يجعل هذا التدبر في ميزان حسناتي وحسناتكم جميعا اللهم فاطر السماوات والارض عالم الغيب والشهادة انت تحكم بين عبادك فيما كانوا فيه يختلفون. فبحق كل حرف
23:52في كتابك تلوناه او تدبرناه بنصرك المرابطين في الارض المباركة فلسطين. وكن مع اخواننا في تركستان الشرقية وفي كشمير وفي الهند وفي سريلانكا اللهم انصر من نصرهم واخذل كل من خذلهم وطهر المسجد الاقصى من الدنس فانهم لا يعجزونك
24:16اللهم من قضى منا بالوباء المنتشر فاكتبها له شهادة ومن كان منا او من احبابنا او من اخواننا او من اخواتنا مريضا به او حاملا له فالبسه ثوب الصحة والعافية عاجلا غير اجل. ومن لم يصب
24:31به فقه شره وابعده عنه ولا تسلطه الا على اعدائك واعداء دينك واعداء اوليائك اللهم انك تعلم ان هذه القلوب قد اجتمعت على كتابك وعلى محبتك. والتقت يا ربنا على طاعتك
24:49وتوحدت على دعوتك وتعاهدت على نصرة شريعتك فوثق اللهم رابطتها. وادم مدها واهدها سبلها واملأها بنورك الذي لا يخبو. واشرح صدورها بفيض الايمان بك وجميل التوكل عليك. واحيها يا يا ربنا بمعرفتك. وامتها يا مولانا على الشهادة في سبيلك. انك نعم المولى ونعم النصير. والسلام عليكم ورحمة الله
25:19وبركاته. ونراكم غدا باذن الله في نفس هذا الموعد ان كنا من اهل الدنيا