حلقة ٢٩/ دور الأب في الوقاية من الانحراف / الوقاية من الانحرافات الجنسية/ ذكرى وعبرة ٥/ فاضل سليمان
0:00السلام عليكم ورحمة الله وبركاته كيف نحمي اطفالنا من الانحرافات الجنسية؟ في محامي كبير في لندن ابنه الصغير تالتة ابتدائي دخل عليه الاوضة قبل ما ينام وقال له بابا حضرتك بتقبض من الزباين كم في الساعة
0:33احنا هنا في الغرب المحامين بيحاسبونا بالساعة. يعني لو انت طلبت استشارة من محامي يراجع لك عقد مسلا آآ فيقول لك انا ساعة العمل بتاعتي بكزا بعد ما يخلص شغله بيدي لك فاتورة مسلا اخد مسلا سبع ساعات تمن ساعات. في مراجعة العقود او الكلام دوت. طيب. الولد سأل ابوه هو انت بابا
0:56حضرتك بتاخد كم من الزباين في الساعة؟ فالاب سأل ابنه آآ حبيبي انت عايز ايه ؟ عايز تعرف ليه انا عاوز اعرف ابويا بياخد كم في الساعة فيها ايه باخد حوالي متين باوند استرليني اه او على حسب الشغلانة يعني. هم سميتين باوند في الساعة
1:12فقال له ليه انت يعني قال له انا بس عايزك تسلفني مية وعشرين باوند قالوا ليه؟ يعني عيل صغير عايز مية وعشرين بابا تعمل بهم ايه انت فاكر ان انت وامك واخواتك يعني ساكنين وواكلين وشاربين ببلاش! انا يا ابني بحط الجنيه على الجنيه عشان افتح البيت
1:35فالواد قال له بابا انا عايز مية وعشرين بس وخلاص ومش هيجرى حاجة يعني. قال له ليه؟ ليه؟ ما دام تقول لي ليه؟ الواد مش عايز يقول له ليه قال له انا هديك مية وعشرين باوند انا تعبان فيهم عشان تروح تجيب بهم لعبة تافهة ولا اي تتصرف اي تصرف تافه
1:49قم يلا وسبني انام الولد خرج بيجرجر اذيال الخايبة والاب ما عرفش ينام لانه زعق لابنه. فقام من سريره ودخل اوضة ابنه فاول ما دخل لقى ابنه بيقفل العلبة وبيخبيها ورا ضهره
2:07قال وريني انت بتخبي ايه الولد مش راضي يديها له فالاب مد ايده شد العلبة بالقوة وفتح لقاها مليانة فلوس انت معك كل الفلوس دي وبتطلب مني مية وعشرين بنط
2:24قالوا الفلوس اللي معي مش كفاية قال له معك كام؟ قال له معي تمانين باوند. قال طب وعايز ليه عليهم مية وعشرين طن قال له علشان ادفعهم لك وتقعد معي ساعة
2:42الولد كان عايز يشتري ساعة عمل من ابوه عشان يقعد معه. خليني احكي لكم على الحالات اللي شفتها في دورة الطريق الى الرجولة جيني انطومان هود اللي كلمتكم فيها المرة اللي فاتت
2:57كان راجل واحد منهم عنده انجزاب آآ مثلي اللي هو الاساس ايه نتيجة عقدة من ابوه اللي كان بيسيء معاملة امه وبيضربها يرجع لهم مخمور بالليل طبعا العلاقة بينه وبين اولاده ما كانتش علاقة طيبة
3:15في حالة اخرى كانت بسبب ان الراجل الاب محترم جدا. وبيشتغل في خدمة المجتمع وزي الفل. لكن بسبب ان هو مشغول باستمرار هو تارك مهمة تربية الاولاد لزوجته ده بيتفسح الاولاد. الماما اللي بتفسح الولاد
3:36ولا بياخدهم ينزلوا البحر ولا حمام السباحة. ماما بتاخدهم ينزلوا وهي قاعدة تتفرج عليهم حتى لما طلعت مجموعة عائلات يتفسحوا بعت الام والولاد معهم يتفسحوا. يعني كل اب وام وولادهم
3:51وهم عيلتهم طالعة او اسرتهم طالعة الام والولاد لكن هو ما طلعش معهم مش فاضي هو عنده شغل عارفين ابنه اللي هو راجل النهاردة عنده تمانية وتلاتين سنة بيشعر بايه
4:03بيشعر بانجذاب نحو الرجال اللي سنهم حوالي من ستين لخمسة وستين سنة اللي هو سن ابوه شيء عجيب جدا ده اللي بقول لكم هي مشكلة تعلق احدى الحالات اللي عندي كمان
4:20يحكي لي انه وده الحمد لله تعافى في في تلات شهور. سبحان الله! بيحكي لي انه هو في سن عشرة حداشر سنة كان بينزل ينتزر في الشارع امام بيت العيلة
4:35لعله يقابل راجل يعرفه بس عشان يسلم عليه. يصافحه كده باليد. يقول له هو بيقول لي. هو على فكرة هو كان بيتعالج مع اخونا مسلم عبدالله وده يمكن اه اشطر معالج انا اعرفه عشان تبقوا عارفين
4:50بيقول لي يا فندم انا كنت محتاج بس المس ايد حد المس ايد راجل. محتاج اني اكون كمان متشاف. ودي كلمة انا سمعتها كتير جدا في الدورة من ناس كتير كانوا جايين يتعالجوا
5:03انا محتاج اتشاف يعني عارفين لما يكون اب او ام شايل اه بيبي صغير على ايده وبعدين يجي له تليفون فبالايد التانية بيتكلم في التليفون وهو ماسك الولد ويعمل كده
5:16طفل بايده بيمسك دقنه وبيدور دماغه ناحيته عشان يبص عليه هو ده الشعور بتاع انا عايزك شاف عايز يبقى فيه ليا عايز يشوفني مش عايز ابقى مهمل هو ده الشعور
5:36انا مش متشاف محتاج اه اه يعني الولد محتاج حد يركز معه مش عايز يحس ان هو مهمل يعني. آآ بشكل اساسي اه اللي افتقدوه الناس اللي عندهم في الاب هو ايه؟ اسمع بقى معي
5:57افتقاد للصديق او للحارس او للمحب او للقدوة المعلم او القدوة دول الاربع صفات اللي لازم تكون موجودة في كل راجل عشان يقدر يغطي احتياجات اولاده وزوجته النفسية اهل بيتك محتاجين يشعروا انك حارس بتحميهم بتدافع عنهم
6:23لزلك لو ابنك او بنتك تعرض لمشكلة في المدرسة تنمر من احد التلاميز او اضطهاد من احد المدرسين انت كزوج انت كاب لازم انت مش امه. تروح المدرسة وتحل له المشكلة بطريقة تحافز على كرامته
6:44ركز في الكلمة دي يعني الولد يكون في المحصلة شاف النكد سهابك للمدرسة كان مفيد له مش زي قلته مش يا ريتك ما جيت لازم الطفل يشعر ان ابوه حارس بيدافع عنه
7:06المحب اللي هو بيعطي دفقات من الحب لاسرته كلها وبيعبر عن حبه عن طريق الاحضان والتقبيل والكلام يقول انا بحبك. لازم تحضن ابنك كل يوم وبنتك كل يوم لازم تبوسهم كل يوم
7:31لازم تقول لهم انا بحبكم كل يوم. انا الكلام ده مش بهزر فيه لو عمل حاجة تزعلك قل له انا زعلان منك. لكن الحب ما لوش دعوة ما لوش علاقة
7:43اوعوا تقولوا ما بقتش احبك. اوعى الكلمة دي قل له زعلان منك بس بحبك قل له زعلان منك لاني باحبك وخايف عليك. الحب ما يتهزش ابدا. بينك وبين ولادك اه قال البراء رضي الله عنه رأيت النبي صلى الله عليه وسلم والحسن بن علي على عاتقه
8:07يقول اللهم اني احبه فاحبه يعني الولد سامعه بيقول له يا رب انا باحبه حبه خل بالك مش بيتكلم عن الحسن وهو صغير وفي عدم وجوده لأ وقدامه هو بيشعره انه بيحبه
8:24عن ابي هريرة رضي الله عنه قال قبل رسول الله صلى الله عليه وسلم الحسن بن علي وعنده الاقرع بن حابس التميمي جالسا. كان فيه واحد تاني جالس فقال الاقرع
8:41ان لي عشرة من الولد ما قبلت منهم احدا ونظر اليه رسول الله صلى الله عليه وسلم ثم قال من لا يرحم لا يرحم انت بتهرج؟ عندك عشر عيال ما بوستش حد منهم ابدا
8:58ده معناه انك ما عندكش رحمة في قلبك تقبيل الاطفال مطلوب جدا عن عائشة رضي الله عنها قالت جاء اعرابي الى النبي صلى الله عليه وسلم فقال اتقبلون الصبيان فما نقبلهم
9:16انتم بتبوسوا العيال! الولاد احنا ما بنبوسهمش. فقال النبي صلى الله عليه وسلم اواملك لك ان نزع الله الرحمة من قلبك؟ انا اعمل لك ايه لو وانت يا ربنا من نزع القلب الرحمة من قلبك
9:29البوس ده حاجة مهمة جدا لا تتخيله عارف لو انت في البيت وقاعد بتتفرج على التليفزيون وابنك قاعد قدامك ماسك الموبايل وبيلعب جيم ولا بيعمل اي حاجة خليه ييجي يقعد جنبك
9:50وانت بتكمل فرجة وهو بس ييجي في حضنك كده خده تحت جناحك كده. ده مش احسن حاجة انا كنتم اقعدوا بالشكل دوت. لكن مجرد انك حاضنه وهو بيعمل حاجة وانت بتعمل حاجة تانية
10:00ده كويس برضو لحد زاته والله انتم مش متصورين بالحضن ده انتم بتحموا عيالكم من ايه اقسم بالله من الالحاد والشزوز الحاجة التانية لان العيال مش عيال اعداء الدين اللي عاوزين يدمروهم
10:22وينشروا بينهم الالحاد والشزوز بيعاملوهم ككبار وبيكلموهم في امور الكبار واحنا بنعاملهم كاطفال تفتكر هيسمعوا مين فينا اللي بيعاملهم زي الكبار بيجي لهم في حاجات كبار ولا بيعاملهم كاطفال النبي عليه الصلاة والسلام
10:41كان اذا مر على الاطفال وهم يلعبون سلم عليهم يعني اعتبرهم كبار ويلقي عليهم السلام يقول السلام عليكم اطفال بتلعب كورة فالولاد يتوقفوا عن اللعب ليردوا السلام ويقولوا وعليكم السلام والرحمة يا رسول الله
11:00ايه ده بنعاملهم كانهم كبار. دايما كبر ولادك. كده احنا اخدنا الحارس والمحب. تعالوا نشوف المعلم القدوة بقى الصديق انا مخليه للاخر وهتشوفه دلوقتي ليه ابنك لازم يشوف فيك تميز
11:16ولو في حاجة واحدة انت بتعملها متميز فيها. شغلك متميز فيه. رياضة متميز فيها. سواقة اي حاجة بس لازم يشوف قدوة لازم يفضل فاكر طول عمره انه اتعلم منك كزا
11:34قل له مسلا لما تتعلم السواقة وتبتدي تسوق السيارة خلي بالك انك لو شفت كورة نزلت الشارع اضرب فرامل جامدة جدا لان تسعين في المية الكورة وراها الطفل بيجري وهيزهر فجأة. عشان ما تموتش الطفل. حتى لو ابنك ده عنده تمن سنين
11:53ولسه بدري على ما يسوق السيارة. وقل له كده برضه انت كده بتفهمه ان هو هيسوق بازن الله في يوم من الايام بتفهموا ان انت ناوي تعلمه في يوم من الايام
12:03انت بدأت بالفعل اتعلموا الدروس النزرية. قبل ما يبدأ الكورس العملي بس يطول شوية عشان يطول ايه؟ البدال. المهم لازم يشوف فيه قدوة ومعلم انا لحد دلوقتي فاكر كويس والله كلمة ابويا الله يرحمه وانا صغير لما قال لي لما تكون سايق
12:22وتشوف اتوبيس راكن على جنب الطريق تبص بعينيك تحت العجلة الامامية بتاعة الاتوبيس لان لو في واحد هيعدي من قدام الاتوبيس فجأة هيزهر فجأة قدامك في الشارع تبقى انت عامل حسابك وشايف رجليه عند العجلة القدامانية قبل ما
12:40هو يزهر قدامك والله كل ما اكون سايق عربيتي لحد النهاردة وابويا مات من اكتر من تلاتين سنة حاجة اربعة وتلاتين سنة اشوف اتوبيس راكن على جنب عيني تروح تحت العجلة واترحم على ابويا
12:56باقي بقى الصديق احنا قلنا رب الاسرة لازم يكون لكل افراد الاسرة زوجته واولاده صديق وحارس ومحب وقدوة خليت الصديق للاخر اهم واحد جالي اب يشتكي ان ابنه متصاحب على ولد ما شمش ريحة التربية
13:18وبيتعلم طباع سيئة منه والفاظ قزرة وقال الولد ده امه رقاصة. كمان فالواد عايش في جو سيء حلو قوي. النبي عليه الصلاة والسلام قال ايه؟ المرء على دين خليله طيب خليك انت خليله
13:38قليل يعني الصديق الانتيم. خليك انت خليله بدل ابن الرقاصة اللي قاعد جنبه. اللي بيعلمه حاجات وحشة فهنا بيجي اهم دور هو دور الصديق كيف تصبح مش صديق ابنك خليل ابنك يعني انتيم بتاع ابنك
13:55اقرب صديق لابنك الرسول عليه الصلاة والسلام قال اه او يعني اقرأنا في السيرة النبوية لما كان نازل على ركبه ومركب طفلين على ضهره حسن والحسين وبيجري بهم في البيت كأنهم راكبين جمل
14:14ويبص ورا ضهره يقول لهم ايه نعم الجمل جملكما يعني حلو قوي الجمل ده بتاعكم ده النبي لما عمل كده عليه الصلاة والسلام ما كانش بيضيع وقته النبي عليه الصلاة والسلام ما كانش عنده سانية واحدة يضيعها
14:33النبي عليه الصلاة والسلام ده كان شخصية مهمة جدا اكبر في اي بي راجل مشغول وقائد امة. الله ولا اما عمل كده عمل كده ليه ينزل على ركبه يركب عياله على ضهره يقول لهم نعم الجمل جمالكم. ايوة كان بيعلم الامة يعني ايه كواليتي تايم
14:52الوقت اللي لازم نقضيه مع اولادنا في اللعب اولا لازم تلعبوا مع اولادكم وانت بالزات يا اللي عامل لي نفسك مشغول الاب والام لازم يكون عندهم وقت يلعبوا مع اولادهم او على الاقل الاب
15:08كل يوم ساعة تقريبا لو الام مشغولة يبقى الاب اه يعني انا بقول لكم اهو الاب ثم الاب ثم الاب. مهم جدا كل يوم عندك ساعة الى ساعة الا ربع ده اقل حاجة. تلعب فيها مع الولادة. وركزوا معي بقى
15:28يعني ايه مش هتبقى اب ولا ام في الساعة دي مش هتبقوا اب وام هتبقوا اصدقاء عيالكم. يعني ايه؟ يعني لا تدوا نصايح ولا اوامر ولا افعل ولا لا تفعل. وما فيش
15:46تربية نهائيا في الساعة دي مش بتربي امال بتعمل ايه؟ بتلعب زي الطفل بالزبط بتنزلوا للمستوى العقلي بتاع عيالكم وتكلموهم به النبي عليه الصلاة والسلام لما قال للحسن والحسين وهم فوق ضهره
16:03ايه اخبار الجمل الحلو بتاعكم ده ؟ نعمة الجمل جملكما ده مش خطاب نبي ولا اختار حتى رجل كبير. ده خطاب طفل عنده تلات سنوات يبقى لما كان بيلاعب اطفال عندهم تلات سنوات ينزل بالخطاب لمستوى ابو تلات سنوات
16:19لما اتكلم الاكبر شوية لما العصفور بتاعه مات قال له ايه يا عمير ما فعل النغير عمل سجع يدلع به العصفورة السجع يناسب عقلية طفل اكبر شوية سنه خمس او ست سنوات
16:41فالنبي عليه الصلاة والسلام كان بيعلمنا قضاء الوقت الثمينتي تايم مع الاطفال تنزل بعقليتك لعقلية الطفل اديكم نصيحة لو ابنك بينده لك بكلمة بابا او ابي او دادي او ايا كان اللقب اللي بينده لك به
17:02قل له بص خلال الساعة بتاعة الكواليتي تايم اللي هنلعبها مع بعض كل يوم دي هسمح لك تنده لي باسمي هتقول لي يا فاضل كأن واحد صاحبك بالزبط بس بعد وقت اللعب ما يخلص ايه نرجع للنزام بتاعنا العادي. فاهم ولا لأ
17:20يا ولد ما تقوليش باسمي تاني. لكن في الساعة دي هتقدر تقول لي باسمي بس. قبلها لأ بعدها لأ والعبوا مع بعض اي حاجة ان شا الله تضربوا بعض بالمخدات
17:32يلعبوا بنك السعادة. العبوا اي حاجة مع بعض وينده لك باسمك في العاب دمها خفيف. لما واحد يخسر يحكموا عليه يعمل حاجة غريبة مسلا والباقيين يضحكوا بس انا عايزكم تبقوا فاهمين الهدف من الوقت ده ايه
17:54الهدف من الوقت ده ان ولادكم يحبوا يقعدوا معكم اكتر من اصحابهم ما هو المرء على دين خليله. ده الولد هيبقى منتظر الساعة اللي هيقول لك فيها باسمك من غير ما يقول بابا
18:06يعني خلي بالك انت عندك منافسين تانيين بينافسوك على صحوبية الولد اللي هم صحاب ابنك. لازم تحاول تبقى انت اقرب صديق لانك هدفك من الساعة دي تبقى انت اقرب صديق لابنك. المرء على دين خليله
18:20بالنسبة بقى لابنائكم الولاد خاصة ده بيحميهم من الالحاد والشزوز طب بالنسبة لبناتكم ده بيحمي من الالحاد ومن اقامة علاقات مع الاولاد. يعني بوي فرينز عملوا احصائية في المدارس الامريكية
18:37اه من كزا سنة عن حالات الحمل بين التلميذات الصغيرات ودي من المشاكل الكبيرة في الغرب البنت يبقى عندها اتناشر سنة في المدرسة وحامل فبيحلوا المشكلة دي بانهم يعلموهم ازاي يستخدموهم موانع الحمل
18:57هي دي حل المشكلة عندهم. لكن لما عملوا الدراسة دي عن البنات اللي بيحملوا في سن صغير وجدوا ان معظم حالات الحمل حمل الصغيرات له علاقة غياب الاب او فساد العلاقة بالاب
19:18عدم وجود علاقة قوية بين الاب وبنته فالبنت لما بتفتقد العلاقة مع الاب بتبحث عن علاقة مع ذكر اخر ويصبح عندها بوي فريند في سن مبكرة جدا من قبل البلوغ بتبحس عن بوي فريند ان ما فيش علاقة بابوها
19:36اما الولد لو افتقد العلاقة بالاب في الصغر من الممكن انه يبحث عن العلاقة بالذكور بعد البلوغ في الجنس. وده اللي بيسبب او طب نعمل ايه بقى نعمل ايه لو الاب مات؟
19:57والاولاد في سن صغيرة ده اللي هنعرفه في الحلقة القادمة ان شاء الله السلام عليكم ورحمة الله. ما تنسوش تشتركوا في القناة وتعملوا شير للفيديو ولايك او ديس لايك لو ما عجبكوش لان ده بينشر المقاطع بتاعتنا
20:13السلام عليكم