استمع إلى الصوتيات والقرآن في تطبيق IlmPro افتح التطبيق

من شروط الإجارة أن يكون النفع معلوم (عرفاً) | الشيخ عبدالرحمن الودعان

0:00ان يكون النفع معلوما اما بالعرف كسكنة دار يعني واحد استأجر للسكنة. السكنى هي السكنة المعروفة في عرف الناس. يعني يسكن هو وعياله. يحط اثاث. يجيه ضيوف. هذي السكنة المعروفة
0:20فمن استأجر للسكنى فالسكنة معروفة واضحة. فلا يجوز له ان يستخدمها في غير السكنة المعروفة. لا يجوز ان يضعها مثلا قبل الخيول ولا يضعها مستوصف ولا يضع الشقة مثلا مستودع. كل هذا ما يجوز
0:42لان هذا خلاف ما استؤجر لاجله وهكذا لو استأجرها سكنا للعوائل ما يصح يحطها سكن ايش عزاب لان هذا يختلف عن هذا من عدة نواحي منها الاستعمال سكن العزاب تطلع ما شاء الله يطلع لما يطلعون تحتاج ترممها من جديد
1:11لا ينظفون ولا شيء هذا طبيعة العزاب وصخة قبلها وصخة وريحة. وكذا طبيعة العزابية كذا ما في حرمة ما شاء الله مرتبة تنظف وترتب وتزين ما في ولا الحرمة اصلا ما تطيعك انت حتى يقول بيت انك توسخ كل شوي صلح ذا جب لنا اضرب بوية العزاب بس عساهم يسكنون
1:36ولذلك احيانا العوائل يطلعون مهو بكلهم بعض وبعضهم يطلعون البيت ما شاء الله زين ونظيف لكن ما ظنيت ان ان عزابيه يطلعون والبيت تعرفون انتم عزابية يطلعون البيت ما شاء الله احسن مما كان
1:52يمكن يطلع واحد عزوبي من ناس المكيفين كذا يحب اللطافة والانس والروعة والجمال يمكن بس هذا نادر نادر او قليل قليل يمكن في دول غير دول ها يمكن احنا دولنا تختلف عن دول بعض الناس ما ندري
2:16طيب المقصود ثم ايضا من ناحية سكنى العوائل وهذا ايضا عرف يمكن في بعض الدول ترى ما تفرق بين عوائل عزابية انا ما ادري عن دول الغرب مثلا والدول الاخرى لكن عندنا مثلا في اعرافنا خاصة هذي سكن عزاب وهذي سكن عمال وهذي
2:36عوائل ما تدخل غيرهم فيها ولو حصل خلاف يشتكونك الناس لان انا مثلا كعائلة ماني راح اسكن مع عزاب واحط اسرتي مع عزابية ما اقبل هذا ما حد يقبل ايش يسوي هذا
2:52قد يكون في بعض الدول او المناطق لا عادي عندهم. لا ندري الله اعلم

الإبلاغ عن مشكلة

كثير مما في IlmPro يُنتَج آليًّا — كتب مصوّرة تُقرأ بالتعرّف الضوئي، ونصوص يحلّلها الذكاء الاصطناعي، ورواة وكتب يربطها البرنامج — فقد تقع أخطاء. أخبرنا بما وجدته خطأً وسنصحّحه.