25 ماحكم التبول في الشارع أمام الناس ؟ | بودكاست كبسولات فقهية | مع الشيخ أحمد جلال
0:00اتفضل يا زياد. انا احيانا بكون ماشي في الشارع واشوف مسلا راجل نازل من عربيته بيعمل حمام في جنب. ده صح ولا غلط؟ شف يا زياد من اجمل الحاجات اللي ربنا سبحانه وتعالى دلنا عليها اثناء الاحكام التشريعية
0:28آآ مسألة مراعاة الادب فتلاقي كل الكتب الفقهية بتتكلم دايما عن اداب كذا اداب كذا اداب دخول المسجد اداب الصيام اداب الصلاة اداب كذا وكل ما الانسان منا بيتعلم احكام ربنا
0:44سبحانه وتعالى والشريعة بتاعة ربنا بيزداد ادبا ومن ضمن الاداب اللي ربنا سبحانه وتعالى علمها لنا وعلمها لنا النبي صلى الله عليه وسلم هي الاداب المتعلقة بقضاء الحاجة وهي اداب كتيرة جدا ولكن طبعا من اهمها ما اجيبك به على هذا السؤال. هو ينفع حد يقف في الشارع ويعمل كده
1:08شف يا زياد اولا ده غلط غلط من اوجه كتيرة جدا. الوجه الاول كان النبي صلى الله عليه وسلم اذا اراد ان يقضي حاجته انطلق حتى لا يراه احد فكم من طبعه صلى الله عليه وسلم انه يبعد اوي عن اعين الناس
1:29وثبت عنه صلى الله عليه وسلم انه كان اذا اراد البراز ابعد. ابعد جدا عن عيون الناس. مش كده وبس يا زياد رغم انه بعد قوي عن اعين الناس كان النبي صلى الله عليه وسلم كمان بيحب انه يستتر فوق حاجة تحميه من اعين الناس كمان
1:49فلقد ثبت في صحيح مسلم من حديث عبدالله بن جعفر ان احب ما كان النبي صلى الله عليه وسلم يستتر به هدف ارض عالية كده او حائش نخل يعني كان النبي صلى الله عليه وسلم يبعد تماما عن عيون الناس ويدور على حاجة كمان يستتر كمان وراها
2:05كل ده له علشان تفضل العورات محفوظة عن اعين الناس. لان ممكن يا زياد الموقف اللي انت اتحطيت فيه انا اتحط فيه معي زوجتي ومعي بناتي ازاي يشوفوا منزر زي ده
2:18فشرعنا اولا قال لنا لازم ان الانسان منا يكون بعيد ومستتر عن اعين الناس. الامر التاني وده امر كتير من الناس ما ما تاخدش بالها منه ان ورد نهي عن النبي صلى الله عليه وسلم وهو عيد شديد على الناس اللي بتؤذي الناس في طرقهم. المكان اللي تبول فيه بيمشي فيه الناس
2:38ولما بيمشي فيه الناس بتتنجس هدومهم وثيابهم بسبب اللي عمله. وفيه ناس بتتأذى من الانسان ده عمله. وشرعينا نهانا ان احنا نؤذي حد. النبي صلى الله عليه وسلم كان بيقول في الحديث اتقوا الملاعن الثلاث. اي الاشياء التي تجلب لصاحبها اللعنة
2:58ومن بينها البراز او البول في طريق الناس. او في ظلهم او في موارد المياه. فالنبي نهى ان الانسان يتبول في اماكن زي دي ليه؟ علشان ما يأذيش حد بهذه النجاسة
3:14وبالتالي اللي انت عملته ده او اللي انت شفته ده فعل غلط تماما ما ينفعش صاحبه اصلا ان هو يعمله. بل الاصل انه يبتعد ويستتر عن اعين الناس ولا يؤذي الناس ابدا في طرقهم
3:31وده اللي دايما بنقول عليه. لو الناس اتعلمت الفقه وتابعت معنا الكبسولات الفقهية من وقت للتاني. كل يوم هيتعلموا معلومة جديدة يصححوا بها اخطائهم. ويصححوا بها افعالهم علشان الانسان منا ما يقعش في حرج او يقع في خطأ. وبالتالي
3:51يقع عليه وزر او اثم امام الله سبحانه وتعالى. او يقع في يوم من الايام في فعل من الافعال يؤذي به الناس. فتكون النتيجة ان الانسان ده يعاقب عند الله سبحانه وتعالى. العفو يا زياد