مفاتيح السعادة الزوجية (2) محاضرات قيمة للشيخ الحويني
0:00ان الحمد لله تعالى نحمده ونستعين به ونستغفره ونعوذ بالله تعالى من شرور انفسنا وسيئات اعمالنا من يهد الله تعالى فلا مضل له ومن يضلل فلا هادي له واشهد ان لا اله الا الله وحده لا شريك له
0:22واشهد ان محمدا عبده ورسوله اما بعد فان اصدق الحديث كتاب الله تعالى واحسن الهدي هدي محمد صلى الله عليه واله وسلم وشر الامور محدثاتها وكل محدثة بدعة. وكل بدعة ضلالة وكل ضلالة في النار. اللهم صل على محمد وعلى ال محمد
0:51محمد كما صليت على ابراهيم وعلى ال ابراهيم في العالمين انك حميد مجيد وبارك على محمد وعلى ال محمد كما باركت على ابراهيم وعلى ال ابراهيم العالمين انك حميد مجيد
1:11فلا زال حديثنا موصولا في شرح الحديث الذي تلوناه امس عن عمر بن الخطاب رضي الله عنه في المرأتين اللتين قال الله عز وجل فيهما ان تتوبا الى الله فقد صغت قلوبكما
1:37وكان اخر كلامنا في المرة الماضية هو انه ينبغي للمرأة العاقلة ان تنظر الى مفاتيح زوجها فتتعامل معه على اساس ما يحب وما يكره واذكر ان شريحا القاضي تزوج امرأة
2:09فقال له بعض اصحابه واظنه آآ عامرا الشعبي قال له كيف انت مع امرأتك قال ظللت معها عشرين سنة ما اختلفنا في مرة قط الا في مرة واحدة وكنت لها ظالما
2:39قال له كيف كان مبدأ امرك قال لما دخلت بها مددت يدي اليها فقالت على رسلك يا ابا امية ثم حمدت الله عز وجل واثنت عليه وقالت اما بعد فانه كان لي في قومي اكفاء
3:08وكان لك في قومك اكفاء ولكن اذا قدر الله شيئا كان فقل لي ما الذي تحبه فافعله؟ وما الذي تكرهه فلا افعله قال فاحوجتني والله يا شعبي الى الخطبة بدأت الحياة الزوجية بخطوة
3:34قال احوجتني الى الخطبة فحمدت الله عز وجل واثنيت عليه وقلت لها اما بنو فلان فانهم قوم صالحون واما بنو فلان فاجتنبوه فاجتنبيهم اما قالت واما اصهارك؟ قال لا احب ان يملني اصهاري
4:02لا يعني اذهب اليهم كثيرا ولا يأتون الي كثيرا قال وبعد سنة دخلت بيتي فرأيت انسانا فقلت لها من هذا؟ او من هذه؟ قالت هذه امي فسلم عليها فقالت له يا ابا امية ادب
4:29فان المرأة لا تسوء لا يسوء خلقها الا باثنتين ان يكون لها ولد او ان يكون لها حظوة عند زوجها يعني القصد من هذه الحكاية ان المرأة العاقلة قالت له قل لي ما الذي تحبه فافعله وما الذي تكرهه فلا افعله
4:59وذكرت في الاخر الحديث الماضي حديث عائشة رضي الله عنها وما يتعلق بالهدايا التي كان اصحاب النبي صلى الله الله عليه وسلم يخصونها يخصونه بها في ليلتها واليوم اسوق حديثا اخر ايضا في هذا المعنى
5:21رواه الامام البخاري في صحيحه من حديث اسماء بنت ابي بكر رضي الله عنها قالت تزوجني الزبير يعني ابن العوام وما له في الارض شيء غير ناضح بعير يعني وارض اقطعه النبي صلى الله عليه وسلم اياها على بعد ثلثي فرسخ من المدينة
5:52فكان مهمة اسماء ان تذهب الى هذه الارض البعيدة وتأتي بالنوى على رأسها وتدقه لفرس الزبير الذي اوقف على النبي صلى الله عليه وسلم في يوم من الايام وهي راجعة من الارض تحمل النوى
6:16مر بها رسول الله صلى الله عليه وسلم وهو يركب بعيره وكان معه جماعة من اصحابه فاناخ النبي عليه الصلاة والسلام البعير ودعا اسماء لتركب خلفهم طبعا النبي صلى الله عليه وسلم هذا زوج
6:35اختها عائشة فدعاها لتركب خلفه قالت فذكرت الزبير وغيرته فلم اركب فلما رجعت الى البيت قصت على الزبير ما حدث فقال لها لمشيك اشد علي من ركوبك خلفه. طب هي تعمل ايه
7:03يعني هو يعني عنده غيرة من مشيها وعنده ايضا غيرة من ركوبها. طب خلف من تركب؟ خلف النبي عليه الصلاة والسلام فهي راعت الزبير بن العوام وراعت طبع الزبير. وكان الزبير رجلا غيورا
7:25وكان غضوبا ايضا حتى انني قرأت في بعض الكتب ولكن لم اتحقق من اسناد هذه الحكاية انه كان اذا كان له امرأتان. كان اذا غضب منهما ربطا شعر واحدة في الاخرى
7:46ويضربهم الاتنين ما يعرفوا ما يعرفوش يتفكوا من بعض فكانت اسماء لا تحسن تدافع عن نفسها. فكان بييجي ايه يعني وشها مورم يعني فتذهب الى ابيها ابي بكر تشتكي الزبير ابن العوام
8:05فكان يردها ويقول لها يا بنيتي ان الزبير رجل صالح ليه كل انسان آآ فينا سواء كان رجلا او امرأة فيه عيب او فيه عيوب ان استطعت ان تتعامل مع هذا العيب
8:25صار المرء كاملا وهذا ينبغي ان ندرك هذه الحقيقة حتى لا نعذب انفسنا ونعذب غيرنا يعني انسان له مسلا من الصفات عشرا عنده عيب في صفتين وتمن صفات جيدة اذا استطعت ان تتعامل مع هذين العيبين
8:53صار المرء كاملا ليه؟ لانه لن يكون في هذه الحالة عيبا ليه؟ طالما انك انت عرفت انك انت تتعامل معه وكان عمر بن الخطاب رضي الله عنه يقول للزبير مازحا
9:11يقول له اظنها لو الت اليك يعني الخلافة لظللت يومك بالبطحاء تقاتل على مد من شعير يعني ممكن يحشد جيش كامل بسبب شدة غضبه ليقاتل اناسا اخرين اخذوا منه مدا من شعير يعني شف
9:33يجرد جيشا والجيش ممكن يبقى فيه قتلى والى اخره. فكان عمر ابن الخطاب يقول له هذا بسبب شدة ايه؟ شدة غيرته فاذا المرأة العاقلة هي المرأة التي تبحث عن صفات
9:49زوجها لما للرجل عليها من القوامة قال تعالى وللرجال عليهن درجة حصل نوع بقى من الانفلات بسبب اطلاعنا على آآ ثقافات الغرب وبسبب ان من سموا انفسهم النخبة ذهبوا الى الغرب حصل لهم غسيل مخ رجعوا الى بلادنا. ارادوا ان تكون المرأة كالرجل
10:17وانا في بداية كلامي في محاضرة امس قلت ان الله عز وجل لما خلق الخلق جعل بينهم مسافات ورتب على المسافات احكاما عندما يقول عز وجل وللرجال عليهن درجة ما ينفعش آآ المرأة تبقى جنب الرجل
10:40ولا تبقى فوق الرجل هو مكانها الذي خلقها الله عز وجل فيه لتحسن وظيفة العبودية ان تكون في المكان الذي قدره الله عز وجل لها. ومش معنى وللرجال عليهن درجة
10:57ان الرجال افضل من النساء. يعني لأ ممكن امرأة واحدة تسوي امة من الرجال هو انت لما تنظر مسلا الى بلقيس اهي دي امرأة والى عقلها كيف تعاملت مع سليمان عليه السلام
11:16لما ارسل اليها الخطاب انه من سليمان وانه بسم الله الرحمن الرحيم الا تعلوا علي واتوني مسلمين ده تهديد ولا لأ ده تهديد واستعلاء كلمة ونص الا تعلوا علي واتوني مسلمين
11:44تقوم تقول ايه يا ايها الملأ اني القي الي كتاب كريم طب ايه الكرامة اللي فيها؟ ده خطاب تهديد من من تمام عقلها ارادت الا تستفز قومها استفزاز يضيع نص الدماغ على طول
12:12او يضيع الدماغ كله وانظر الى الانسان الغاضب لا ترى بقي من عقله شيء فاحبت الا تستفزهم وان تعرف ما عندهم فتكلموا بلغة القوة نحن اولوا قوة واولوا بأس شديد
12:38والامر اليك فانظري ماذا تأمرين لان هم الهدهد لما وصف في الاول قال اني اني وجدت امرأة ايه تملكهم مش تحكمهم تملكه زي ما اي انسان بيكون له ملك في اي حاجة يعني
12:58وبعدين لجأ الى شيء في غاية التوفيق قالت واني مرسلة اليهم بهدية فناظرة بما يرجع المرسلون طب ليه ارسلت هدية لانها تعرف اخلاق الملوك كلهم طلاب دنيا تعطيه شيئا من الدنيا خلاص تنتهي القضية
13:29ان وان الملوك اذا دخلوا قرية افسدوها وجعلوا اعزة اهلها اذلة وكذلك يفعلون. واني مرسلة اليهم بهدية فناظرة بما يرجع المرسلون عايزة تعرف هذا ازا كان طالب دنيا ياخد له قرشين ويمشي
13:45ما هو ده اللي حاصل في البلاد الان الكبرى له بتحتل الدول الصغرى تاخد خيراتها عايشين متطفلين على طيب لو عملوا مفاوضات بلاش انك تيجي وتحتل البلد وهديك القرشين اللي انت عايزهم. خلاص يرضى ويسكت
14:02طبيعة الملوك فمش لازم يعني المرأة لما تكون تحت الرجل في المنزلة انها تكون اقل من الرجل في الملكات واقل من الرجل في التقوى والدين والعقل لأ مش لازم فلو كان الرجال كمثل فلو كان النساء كمثل هذا لفضلت النساء على الرجال. فما التأنيث لاسم الشمس عيب
14:26ولا التذكير فخر للهلال لما اقول هذه شمس مش آآ اقل من هذا قمر هذا قمر ومذكر اهو وهذه شمس ما مؤنث اهو وانما يأخذ القمر نوره من الشمس المسألة مش يعني عشان برضه بعض النساء
14:50بسبب الثقافة الغربية فعلوا فينا كما فعل الرماة في المسلمين يوم احد ماذا فعل الرماة يوم احد تركوا ظهر الجبل مكشوفا كذلك فعل نساء الامة في العصر ده والعصر الذي قبله
15:09تركوا ظهورنا مكشوفة وانا اقول بمنتهى الصراحة مكاننا على الارض وتمكيننا انما يكون بصلاح نسائنا وان تعرف المرأة دورها الحقيقي ولماذا خلقت ده لا يكون الا باسرة متجانسة في تناغم بين الرجل والمرأة
15:37وان يعرف الرجل ان المرأة سريعة الغضب فيقوم يحتويها بحلمة ولا يساورها احنا عندنا المشاكل الزواج بتكون في اول تلات اربع سنين شاب متزوج برضو ببنت شابة بيجربوا في بعض
16:00بياخدوا خبرات في بعض ولزلك انا لاحزت في السنوات الاخيرة التلات سنوات الاخيرة من كلام النساء معي اللي هم بيستفتوا او بتستشير انها آآ متقدم لها رجل يتزوجها وجدت ان نسبة كبيرة من البنات لا يفضلون الزواج من الشباب
16:28عايزين يتزوجوا واحد اكبر منهم بخمستاشر سنة ليه علشان يكون خلاص يعني عركته الدنيا ورجل راسي وعاقل يقوم يحتوي حماقات المرأة اذا كانت صغيرة فده نموذج اهوت من اسماء بنت ابي بكر راعت غيرة الزبير ومن عائشة رضي الله عنها راعت وجه النبي صلى الله
16:56وسلم قالت وهل يكره ان انتصر ام لا عمر بن الخطاب رضي الله عنه لما سأل ابنته حفصة قال اتغاضب احداكن رسول الله صلى الله عليه وسلم وتهجيره اليوم حتى الليل؟ قالت نعم
17:17قال لها خبتي وخسرتي وما يؤمنك ان تكون ان يغضب الله لغضب رسوله فتهلكي لا تسأل النبي صلى الله عليه وسلم شيئا ولا تستكثريه وسليني ما بدا لك. دي اول وصية قالها عمر لابنتي
17:36تاني وصية قال لها ولا يغرنك ان كانت جارتك اوضأ منك واحب الى النبي صلى الله عليه وسلم دي الوصية التانية يقول لها لا تجري في مضمار عائشة لانها اجمل منك
18:04وهي احب الى النبي صلى الله عليه وسلم منك وده كان امرا واضحا جدا لكل المسلمين بل لازواج النبي عليه الصلاة والسلام كانوا يعرفون ان لعائشة رضي الله عنها من الحظوة ما ليس لواحدة من ازواج النبي صلى الله عليه وسلم
18:27بس عائشة مع صغر سنها كانت عاقلة جدا كانت مكتملة العقل انت عارف النبي صلى الله عليه وسلم تزوجها وهي بنت تسع سنين ومات عنها وهي بنت ثمانية عشر عاما
18:47وماتت بعد النبي صلى الله عليه وسلم باربعين سنة يعني شوف لما مات عنها وهي بنت تمنتاشر سنة لكن كانت عاقلة. يعني شف في حديث في الحديث الذي رواه مسلم
19:07قالت عائشة الا احدثكم عني وعن رسول الله صلى الله عليه وسلم قالت انه لما كان في ليلة التي هي لي جاء ففتح الباب رويدا رويدا بهدوء شديد يعني وخلع نعله
19:33ومشى رويدا رويدا. ليه؟ لان النعل ممكن يعمل صوت مشى مشى حافيا يعني. مشى رويدا رويدا فما هو الا ان وضع يعني آآ جسمه على الفراش حتى قام فاخذ نعله رويدا رويدا
19:58ومشى رويدا رويدا وفتح الباب رويدا رويدا وانطلق كل ده وعائشة مستيقظة شيفاء وهو بيعمل ايه المسانة دي كلها فلما اجاف النبي صلى الله عليه وسلم الباب خلفهم قالت تقنعت ازاري
20:19وانطلقت خلفه لماذا انطلقت خلفه؟ هي ظنت انه ذاهب لبعض نسائه اللي راح المدينة الفرق ما بين الغرفة التي اللي هي قبر النبي صلى الله عليه وسلم الان. وما بين البقيع ما فيش بتاع مسلا متين متر ولا حاجة
20:47فالنبي عليه الصلاة والسلام ذهب الى البقيع وعائشة خلفه من حيث لا يشعر عشان تشوفوا هو رايح هو رايح فين فرفع يديه ثلاثا يرفعها ويخفضها قالت ثم انحرف راجعا فانحرفت
21:10فاسرع فاسرعت فهرول فهرولت فاحضر مشي على مهله يعني فاحضرت وسبقته اول ما آآ دخلت الغرفة دي كانت بتجري. تنهج يعني اول ما دخل تحت اللحاف النبي صلى الله عليه وسلم ما فيش ما فيش آآ دقائق ودخل وراه على الغرفة يعني
21:36الهي اللحاف فيه طالع نازل. بطنها ما بتنهج بطنها ايه؟ عمالة تنهج واللحاف طالع نازل طالع نازل طب هو سايبها نايمة مستريح فقال لها ما لك يا عائش؟ حشرابية عندك يعني حاجة في سدرك تعباك ولا حاجة؟ قالت له لا
22:01قال لها لتخبرني او ليخبرني اللطيف الخبير فقالت يا رسول الله مهما يعلم مهما يكتم الناس يعلمه الله الامر كيت وكيت وكيت وحكت له ليه الحكاية وانك دخلت رويدا رويدا وخرجت رويدا رويدا والكلام ده
22:24فقال لها انت السواد الذي كان امامي قالت نعم قالت عائشة فلهزني في صدري لهزة اوجعتني ضربها بمجامع يده في صدرها وقال لها اظننتي ان يحيف عليك الله ورسوله اي بان تكون الليلة لك
22:51ثم اذهب لغيرك ان جبريل اتاني فناداني فاخفى منك فاجبته فاخفيته منك فقال لي ان ربك يأمرك ان تأتي اهل البقيع فتستغفر لهم لحد كده وقامت عائشة قالت له ايه
23:21قالت يا رسول الله وما اقول اذا دخلت عليهم غيرت الكلام خلاص خلصنا الموضوع الاولاني وانتهى يا ريت النساء يتعلمن من موقف عائشة لما تجد ان في شد وجذب يغير الكلام
23:46لأ ده هي بتبقى مصرة على ان الراجل كامل وعملت ايه وخليت ايه طب آآ ممكن نتغدى الاول وبعدين نتفاهم لأ نكمل الموضوع الاول طيب انا لسة جاي من الشغل وتعبان
24:06فممكن نأجل القصة دي لبعد حتى يعني بالليل كده لما قال لأ لازم نتكلم ونخلص الموضوع دلوقتي اهو طب يا ست العفاريت بتتنطط في وشي دلوقتي. فما فيش داعي ونغير الموضوع. لأ لازم نكمل الموضوع. الله
24:24ليه طب انا رجل غضبان الان اكمل موضوع ايه؟ ما هو في الاخر لازم يحصل شد وجزب ولازم ادي لها علقة ولازم تخربشني واخربشها وبتاع والكلام ده. زي ما بيحصل
24:38طب ما تتعلموا من عائشة رضي الله عنها لما يكون في موضوع آآ يعني مش آآ لا ينبغي ان ان نتمه. يبقى نغيره يعني عندنا مثلا في مسند الامام احمد
24:56بسند صحيح عن ابي برزة رضي الله عنه قال كنت مع ابي بكر رضي الله عنه فاغضبه رجل فغضب ابو بكر جدا وقلت له يا خليفة رسول الله افلا اقتله
25:19قال فلما سمع ابو بكر ذكرى القتل حول الحديث كله غير الموضوع وبعدين بالليل قال ارسل الي ابو بكر وقال يا ابا برزة الا تذكر كذا وكذا قال له لا. قال ابو برزة ونسيت
25:52نسي الموضوع. قال الا تذكر ذاك الرجل الذي اغضبني فاردت ان تقتله قال نعم قال يا ابا برزة لو امرتك ان تقتله لفعلت قال اي والله قال له يا ابا برزة لم تكن هذه لاحد بعد النبي صلى الله عليه وسلم
26:20الوحيد الذي يقتل مؤذيه هو النبي بس لكن غير كده لأ لا احد يقتل ابدا بشوف ابو بكر الصديق لما سمع القتل والجو مكهرب يعني قال فغير الحديث كله وهذا من تمام العقل
26:44يعني من الحكايات التي اذكرها في هذا الباب رجل في شد بينه وبين امرأته فقال لها طيب آآ ممكن آآ نسكت شوية ونهدا قالت له لأ لازم نكمل الموضوع انت رحت وعملت وخليت وسويت طب يا ستي انا جاي تعبان
27:10فممكن نتكلم بعد شوية قالت له لأ حب يخرج من البيت جرت على الباب قفلت الباب بالمفتاح وخد المفتاح في ايديه طب ده يعمل ايه قال لها طيب هاتي المفتاح اخرج شوية كده اشم هوا. وارجع ونتكلم ونتكلم في الموضوع. قالت لي لأ
27:33مش هتخرج من الباب لما نكمل الموضوع او تطلقني قال لها طيب هطلقك بس اديني المفتاح قالت له لأ لازم تطلق خلاص طالما مش عايز تخلص الموضوع لازم تطلقني دلوقتي اهو
27:55طبعا شد وجزب والكلام دهوت ولو انت راجل طلقني هل هو طلب المرأة ده اسهل من شرب الماية هي ايه يعني؟ طلقني ده انا هشيل شوية على كتافي لأ انت طالق خلاص
28:12وبعد خمس دقايق ابرم شنباتي واقول لها انت طالق. خلاص ادي كمان واحدة وكمان خمس دقايق وانت طالق خلاص خلصت هو الطلاق كم مرة؟ تلتميت مرة يعني؟ عشان نبعزق فيهم والكلام ده ، ده هم تلات مرات الواحد يجيبهم في تلات دقايق
28:30قالت له ازا كنت راجل طلق فقال لها انت طالق قالت له كده تفرط في بسهولة كده ها الله! طب انا باقول لك هاتي المفتاح خليني اخرج العفريت بتتنطط في وشي. بلاش اتكلم
28:51الساعات وانت نفذتيني اول ما يطلقي تقولي له كده اهون عليك كده يعني انا رخيص عندك كده ببساطة كده تقول لي انت طالق فجاي الراجل عمال يشتكي بيشتكي لي يعني من المرأة اعمل ايه في المرأة اللي زي دي ؟
29:06وبتعمل وبتخلي وبتسوي ومش عارف ايه الكلام ده انا كمفتي او كرجل مفترض جاي ياخد النصيحة بتاعتي باقرأ وجه الايه؟ الرجل والله انا جاتني رسالة على المحمول صاحبها يقول امرأتي
29:30شتمتني بابي وامي وبصقت في وجهي وخيرتها بين العمل وبين ان تجزف البيت فقالت العمل افضل منك وجرحتني بالسكين واريد ان اطلقها. فما رأيك يا شيخ؟ والله رسالة جت لي على المحمول
30:01انا عادة ما يعني ايه في رسايل كتير ما بيردش عليها يعني. ده اتصلت به قلت له انت انت اللي باعت الرسالة الفلانية؟ قال لي اه قلت له طب يا اخي لماذا تريد ان تطلق هذه المرأة؟ يا اخي ده الحسن البصري بيقول التمس لاخيك
30:27عزرا. ها؟ وبعدين انت لك اولاد؟ قال لي لي اولاد. قلت له هتشرد ولادك ايه الداعي انك انت تعمل الحاجة دي ؟ اخي المسامح كريم وما يصحش انك تعمل حاجة زي كده. قال لي يعني يا عم الشيخ انت رأيك كده. قلت له ايوا رأيي كده
30:44انك انت لا تطلق المرأة. وعش معها يا اخي وكل البيوت فيها مشاكل. قال لي جزاك الله خير يا عم الشيخ فيه واحد لما بيجي لك لا تستطيع ان تنقل اليه صفات الرجولة
31:02ما يعرفش يعملها. لو قلت له مسلا هي دي المرأة ده انت لازم تأدبها ازاي تتف في وشك يا ابني وازاي ترفع راسك فيها بعد كده وازاي تعمل الكلام ده وتحاول تنفخ فيه علشان يتخز اي موقف ما بيعملش حاجة
31:18ليس من الحكمة انك انت تغري هذا الرجل بالمرأة طالما انه قبل هذه الاهانات وعايش بس عايز واحد ايه يصبره يعني والكلام ده فختم قال لي والله يا عم الشيخ
31:36لولا كلمتك دي كت هعمل عمايل. الله! بيعمل عمايل! بقى بتقول لي بتفتت في وشي وجرحتني بالسكينة وقالت لي ومش عارف وانت ابوك راجل ومخلف راجل ومن ضهر راجل. والكلام ده بيقول لي لولا انك انت قلت لي هذا الكلام انا كنت هاعمل عمايل. قلت له جزاك الله خيرا
31:56وبتاع والكلام ده في واحد اخر لا يمكن يأتيك لو مراته عملت معها شيء من هذا ولو الدنيا كلها وقفت على رجل عشان ترجعها عمره ما يرجعها فالمفترض ان انت تقرأ الرجل امامك ازا كان يقدر يعيش مع هذه الاهانات خليه يعيش يا اخي. وايه الاشكال
32:19ما هو البيت اللي البيت السعيد ان رجل قوي مع امرأة ضعيفة او امرأة قوية مع رجل ضعيف اللي يتنقل البيت يعيش. طالما فيه ريس البيت يعيش. مين الريس؟ مش مشكلة. خلاص؟ بس لازم يكون فيه واحد يقود. هو الذي يقود
32:39يقود المسانة فانا دلوقتي عايز اقول كيف تصرفت عائشة رضي الله عنها النبي صلى الله عليه وسلم لاول مرة يضربها. لم لا اعلم في الاحاديث وانا كثير التتبع لحياة النبي صلى الله عليه وسلم الخاصة
32:59وحياتي مع مع زوجاتي على وجه الخصوص يعني لا اعلم انه ضربها مرة الا هذه ومرة اخرى يعني آآ مش ضربها انما يعني آآ آآ اشتد عليها وجاء ابو بكر الصديق علشان يصلح بينهما والكلام ده وقالت له قل ولا تقل الا صدقا. والحديس ده يعني ايه الاسناد اللي انا وقفت عليه فيه كلامي يعني
33:27ازا لسة ضربها في صدرها ضربة اوجعتها فقامت مغيرة الموضوع على طول. انا كنت في جبريل اتاني آآ اخفى منك آآ قال على اهل بقيع استغفر لاهل البقيع. قالت وما اقول اذا
33:43فدخلت عليهم يا رسول الله قال قولي السلام عليكم ديار قوم مؤمنين والى اخر الحديث. اذا غيرت الايه؟ غيرت الموضوع كانت عائشة رضي الله عنها مكتملة العقل وكانت غيورا ومن عجيب غيرتها
34:05انها كانت تغار من خديجة انا افهم ان تغار من امرأة تشاركها مع زوجها هم الاتنين عايشين يعني وفي زوج لكن دي ميتة كيف تغار من ميتة وده من من من من اغرب انواع الغيرة يعني ان تغار من ميتة
34:28حتى انها قالت ذكر النبي صلى الله عليه وسلم يوما خديجة. فقلت خديجة خديجة كل خديجة خديجة خديجة هي امرأة حمراء الشدقين هلكت في الدهر ابدلك الله خيرا منها حمراء الشدقين يعني سنانها وقعت
34:48والشدق الولثة فلما اللي سنانه بتقع ويضحك تبص تلاقيه ايه لحمة حمرا كده اللي باينة يعني. من البتاعة دي. لان الاسنان تضيء الوجه الاسنان تضيء الوجه عند الابتسامة يقول حمراء الشدقين هلكت في الدهر ابدلك الله خيرا منها. قال لا والله ما ابدلني الله خير منها
35:11وكانت تغار من خديجة رضي الله عنها ولا تغار من نسوة يشاركنها في رسول الله صلى الله عليه وسلم في صحيح مسلم قالت كان النبي صلى الله عليه وسلم آآ بجانبه
35:27فتحسسته فلم اجده ولم يكن في البيوت انذاك مصابيح قالت فنزلت عايزة تخرج من الباب تشوفه هو فين؟ قالت فوقعت يدي على قدميه وهو ساجد يقول اعوذ برضاك من سخطك وبمعافاتك من عقوبتك. اعوذ بك منك لا احصي ثناء عليك. انت كما اثنيت
35:56بنفسك فقلت بابي انت وامي يا رسول الله انك لفي شأن وانا في شأن اخر هو يسجد ويدعو وهي متصورة انه ذهب الى بعض نسائه. وفي صحيح مسلم ايضا قالت عائشة رضي الله عنها خرج النبي صلى الله عليه وسلم من عندي فدخل علي وانا غيرا
36:22غير المرأة الغيور بيبان عليها انا ما اعرفش المرأة الغيور لما بتغار بيحصل لها ايه؟ يعني ما عرفش بيحصل لها باين عليها بتاع الكلام ده فقال لها اغرتي قالت وما لمثلي لا يغار على مثلك
36:49شف شف الكلام وترتيب الكلام وما لمثلي لغى لا يغار على مثلك. قامت مغيرة الكلام قالت يا رسول الله اوليس لك شيطان؟ برضو غيرت الكلام اهو. دخلنا في موضوع اخر يعني
37:21اليس لك شيطان قال بلى ولكن الله اعانني عليه فاسلم فلا يأمرني الا بخير والكلام عن عائشة رضي الله عنها كثير جدا يعني وكل ازواج النبي صلى الله عليه وسلم يعترفون بهذا واصحاب النبي صلى الله عليه وسلم يعترفون بهذا
37:46بمكانة عائشة. فعمر بن الخطاب يقول آآ لابنته حفصة لا يغرنك ان كانت جارتك او ضأ منك. من الوضوء او الجمال وانتم عارفين عائشة كان اللقب بتاعها ايه الحميراء الحميران اللي هو
38:06آآ بياض مشرب بحمرة بيبقى بيطلق على هذا احيانا بعض العلماء يقولوا لك اسمر السمار مش زي السواد ها السمار بيبقى يعني آآ بنفس الايه الابيض مشرب بحمرة ولكن ما بيبقاش بياض فايق
38:34بخلاف المرأة لما تكون بيضا زي الجبس كده. بيضة وخلاص يعني ممكن تلاقي واحدة بيضاء بس مش جميلة ليه؟ لان بياضها ليس مشربا بايه؟ بحمرة الدم اللي هي بتعطي الايه؟ تعطي بهاء الوجه
38:55فبيقول لها لا تسامي عائشة. ليه النبي صلى الله عليه وسلم؟ قد يتحمل لعائشة ما لا يتحمله منك ليس لك مثل مكانتها وانتم عارفين ان النبي صلى الله عليه وسلم طلق حفصة مرة
39:09من المرات حتى جاءه جبريل عليه السلام وقال ان ربك يأمرك ان ترجع حفصة فانها صوامة قوامة يعني ممكن الرجل يطلق امرأته وهي صوامة قوام للارواح جنود مجندة ما تعرف منها اختلف وما تنكر منها اختلف
39:31ممكن تبقى امرأة صالحة وفاضلة وجميلة وكل الصفات الممتازة فيها وما يحصلش اي وفاق بينها وبين زوجها وليس فيها عيب لكن الارواح جنود مجندة ما تعرف منها تلف وما تناكر منها اختلف
39:49طيب اشيع في المدينة ان النبي صلى الله عليه وسلم طلق نساءه عمر بن الخطاب راح يصلي الفجر صلى النبي صلى الله عليه وسلم صلى بهم وقام داخل مشربة زي غرفة كده ملحقة بالمسجد ووكل بالباب
40:05آآ آآ غلاما اسود اسمه رباح عمر بن الخطاب جلس عند المنبر عند المنبر مجموعة من الصحابة يبكي بعضهم قال فجلست معهم حتى غلبني ما اجد غلبني ما اجد يعني لم احتمل البركان الذي في نفسي
40:28قال فقمت فاتيت الغلام فقلت له استأذن لعمر وده فيه ادب الاستئذان ان تسمي نفسك لما تيجي تستأزن تقول انا فلان ما تقولش انا لحديس جابر رضي الله عنه قال طرقت على النبي صلى الله عليه وسلم الباب فقال من قلت انا فسمعته من خلف الباب يقول انا انا
40:57كأنه كرهها ليه؟ لان كانك تقول انا الذي لا يسأل عني يعني ده فيه نوع من الايه ده نوع من التعاظم ها حتى في سورة الكهف في قصة آآ اصحاب الجنتين
41:18هذا الرجل المؤمن والكافر يقول له الرجل الكافر انا اكثر منك مالا واعز نفرا الانا خلي بالك من الكلام. انا اكثر منك مالا واعز نفرا المؤمن قال له ايه قال له ان ترني انا اقل منك مالا واعز نفرا
41:51عسى ربي ان يؤتيني خيرا من جنتك ويرسل عليها حسبانا من السماء فتصبح صعيدا زلقا الكافر استخدم كلمة انا والمؤمن استخدم كلمة انا شيل انا من كلام الكافر وشيل انا من كلام المؤمن
42:17واقرا الاية الكافر قال انا اكثر منك مالا شيل الالة بتاعته هتبقى الاية ايه اكثر منك مالا كلام مش موزون يعني ما لوش معنى انما اشيل انا من كلام المؤمن الكلام تلاقيه ماشي
42:40الكلام المؤمن ان ترني انا. اقل منك مالا. شل انا ان ترني اقل منك مالا. الكلام ماشي ولا لأ الكلام ماشي. طب ايه الدلالة في كده ؟ ان اللسان المتكبر انما يدور في فلك انا
42:59اذا شلت انا دي من عنده ما يسواش حاجة لا يسوى شيئا اطلاقا انما المؤمن في اسناء الكلام جاره بلفظه. لكن انا ليست محور ارتكاز المؤمن في الكلام عشان كده كلام المؤمن ماشي بدون انا
43:21عشان كده بعض العلماء يقول ان الدنيا اذا اقبلت على رجل وهبته محاسن غيره واذا ادبرت عنه سلبته محاسن نفسه زي الجماعة المنافقين اللي بكونوا حوالين اي رئيس ولا اي مدير ولا
43:48يخلعوا عليه من صفات الكمال ونعوت الجمال والكلام ده. ما ليس فيه عشر معشاري اللي بيفهم في كل حاجة بعد ما يقال من الوزارة ولا يقال من الحكم ولا يقال من المؤسسة والكلام ده ما تلاقيش حد بيسأل عليه
44:10مش انا كت انا اللي بفهم في الصناعة والزراعة والتجارة ومش عارف ايه والكلام ده. طب راح فين ده فيشك فيما عنده من الصفات بسبب انه عندما ترك او اخرج من المنصب بتاعه
44:30سلب المحاسن التي اعطيها ولم تكن فيه وشك في محاسنه التي يملكها فدي طبيعة الايه ؟ طبيعة الدنيا فعمر بن الخطاب بيقول له استأذن لعمر فسمى نفسه. فلما تكون واحد بيقول فلان تقول انا فلان
44:55او تقول فلان السنة ان تسمي نفسك في الاستئذان قال فدخل ثم خرج قال ذكرتك له فصمت يبقى السكوت علامة الرضا زي ما احنا بنقول لو كان السكوت علامة الرضا كان عمر دخل
45:22لكن عمر قال ايه ؟ فرجعت الى المنبر فجلست مع الرهط يبقى عمر بن الخطاب فهم ان السكوت ليس علامة ايه ؟ ليس علامة رضا. طب امتى السكوت يكون علامة رضا؟
45:38قال صلى الله عليه وسلم تستأمر البكر. قال يا رسول الله ان البكر تستحيي واحد جاي لها بنقول لها يا بنتي في واحد جاي يخطبك والكلام ده ان البكر تستحيي
46:01قال اذنها سكوتها. يبقى السكوت علامة ايه هنا يبقى علامة رضا. يبقى ممكن السكوت يكون علامة آآ عدم رضا وممكن يبقى علامة رضا. طب ايه اللي يعرفني علامة رضا ولا مش
46:17رضا قال لك السياق عشان كده علماء الاصول يقولون السياق من المقيدات السياق من المقيدات زي الابتسامة مش في واحد بيضحك ضحكة صفرا ها واحد بيضحك ضحكة ايه ؟ سرور
46:43حديس كعب بن مالك فيه الموقفين الاتنين دول اول ما النبي صلى الله عليه وسلم رجع من تبوك واظل قادما المدينة قال كعب بن مالك فدخلت عليه المسجد فلما رآني تبسم تبسم
46:57وقال لي ما خلفك؟ ده يبقى يبقى الابتسام هنا مش ابتسامة اللي احنا متعودينها يعني فلما نزلت توبة كعب بن مالك ودخل كعب علي النبي صلى الله عليه وسلم في المسجد بعدما نزلت توبته قال فاذا وجهه يبرق من السرور
47:24وكان اذا سر استنار وجهه كأنه قطعة قمر عندي ادي ابتسامة وادي ابتسامة ها اذا رأيت نيوب الليث بارزة فلا تحسبن ان الليث يبتسم لما تلاقي الاسد فاتح بوقه وسنانه باينة اوعى تكون فاكر انه بيضحك لك
47:50ها لأ مش كل واحد سنانه باينة يبقى بيضحك عشان كده كلمة ابتسم غير كلمة ضحك ضحك مش محتاجة كلمة جنبها تبينها بخلاف الابتسامة لازم ييجي كلمة جنبها تبينها ازا كان ابتسام غبطة وسرور ولا ابتسام غضب؟
48:18عشان كده النملة لما مر سليمان عليه السلام على الوادي قالت النملة للنمال ها يا ايها النمل ادخلوا مساكنكم لا يحطمنكم سليمان وجنوده وهم لا يشعرون فتبسم ضاحكا انت عارف لو ضاحكا دي ما جتش
48:48كان ممكن المفسرون يختلفون في معنى الابتسام سليمان عليه السلام هو مالك الجماعة دول كلهم الانس والطير والجن وعادة الناس لما يكون مستواها عالي اوي لا يقبلون ابدا الاهانة ولا يقبلون خشن القول
49:15علشان انت ما تتصورش ان سليمان لان لو هذا الملك كله وانه غضب من قول النملة او ابتسم ابتسامة مغضب قامت جت كلمة ضاحكا دي علشان نعرف انه ضحك ابتسامته كانت عن رضا ولم تكن عن غضب
49:37فكلمة ضاحكة دي مهمة جدا في بيان معنى الابتسام ففي كلمات لا تظهر الا من السياق وفي كلمات لا تحتاج الى سياق. هي كده باينة لوحدها ضحك مش عايزة كلمة جنبها. ابتسم نحتاج ان نعرف الابتسام ده شكله ايه
49:56ابتسام مغضب ولا ابتسام سرور يبقى اذا دخل ثم خرج ذكرتك له فصمت ده بيدل على ان مش كل سكوت علامة ايه ؟ مش كل سكوت علامة رضا وهكذا فهم عمر. طب ايه اللي فهم عمر
50:15السياق الموقف نفسه ده غضبان من النساء واعتزل نسائه في مشربه وموقف لاول مرة حارس على الباب يعني لا يريد ان يدخل اليه احد. هي دي مش كلها علامات تدل على انه غضبان
50:33ففهم عمر من قرائن الاحوال ان سكوت النبي صلى الله عليه وسلم ليس اذنا له. قام رايح عند المنبر برضه جلس قال فغلبني ما اجد. فجئت فقلت للغلام استأزن لعمر
50:47فدخلوا ثم خرج قال ذكرتك له فصمت قام برضو راح عند المنبر ايه؟ فجلس. قال وغلبني ما اجد عاود الكرة مرة ثالثة. دخل ثم قال زكاتك له فصمت. قام عمر واخد بعضه ايه
51:00خارج من الايه؟ من المسجد. وهو عند باب المسجد نادى عليه الايه؟ الغلام قال قد اذن لك. اذا يبقى ده كله يدل على ان السكوت في المرات الايه؟ الماضية ما كانش علامة رضا يعني
51:19طيب ناخد الفقه من هنا بقى النبي عليه الصلاة والسلام غضبان من نسائه واقسم ان يعتزلهن شهرا وعمر بن الخطاب ابنته تحت النبي عليه الصلاة والسلام يعمل ايه عمر؟ اول ما دخل
51:44سأل الاول يا رسول الله اطلقت نساءك؟ قال له لا فقال الله اكبر صوت عمر وصل الى حجرة ام سلمة كما في رواية من روايات الحديث ام سلمة لما سمعت تكبير عمر علمت ان النبي صلى الله عليه وسلم انما اعتزلهن فقط ولم يطلق
52:13خلاص يبقى ازا عمر اطمئن طالما اطمئن عمر حيواصل بقى ايه يعمل حاجتين كده قبل ما يجلس قال يا رسول الله لو رأيتنا معشر قريش نغلب نسائنا فلما قدمنا على الانصار اذا هم قوم تغلبهم نساؤهم
52:33قال فتبسم النبي صلى الله عليه وسلم قال العلماء تبسمه يدل على انه رضي طريقة الانصار في معاملة النساء من طريقة المهاجرين زي ما قلت لكم يعني المهاجرين آآ بالنسبة للمدينة البدو الحضر والكلام ده. فكانوا يعاملون النساء معاملة قاسية
53:05النبي عليه الصلاة والسلام رضي سيرة الانصار بان الرجل لا مانع ان يلبي للمرأة حاجتها اذا كان هذا يسعدها ولم يكن يزعج الرجل انما اذا كان يزعج الرجل طلب المرأة والرجل لا يستطيع ان يوفي فينبغي للمرأة ان تراعي صدر زوجها
53:28النبي صلى الله عليه وسلم يتبسم عمر قال فاردت ان استأنس اقول كمان حاجة كده عشان اشيع جو الانس كده في الايه في الجلسة واجلس قال يا رسول الله لو رأيتني وانا اقول لحفصة لا يغرنك ان كانت جارتك اوضأ منك واحب الى النبي صلى الله عليه وسلم
53:54طب ده يعني اعتراف من عمر ان بنته ليست كعائشة والعادة ان الواحد يقول له ابدا ده آآ بنتك جديدة ممتازة وما شاء الله ومرتبتها عندي عالية ومش عارف ايه والكلام ده. النبي صلى الله عليه وسلم يقل لم
54:11انما قال عمر فتبسم تبسمة اخرى فلما شعر عمر بهذا الانس قال فجلست فجعلت انظر في بيته فلم ارى شيئا يرد البصر يعني بلغة العصر عندنا لا فيه ديكور ولا فيه ستاير ولا فيه حاجة ولا ما فيش اي حاجة
54:38بيت خالي من الزينة الابهة والكلام ده لم ير غير اهبة ثلاثة الايهاب الجلد المدبوغ بس ده اللي لقاه موجود في بيت النبي عليه الصلاة والسلام ولما دخل عليه وجده مضطجعا على رمال حصير قد اثر الحصير في جنبه
55:03فقال يا رسول الله ادعو الله ان يوسع على امتك فقد وسع على فارس والروم وهم لا يعبدون الله يريد ان يقول اولى الناس بمتع الدنيا والتوسعة في الدنيا هم اهل الايمان
55:24فكيف يوسع على اهل الكفر ويضيق على اهل الايمان ودي مشكلة موجودة عند كثير من الناس يعني يقول لك يعني تجد مسلا حتى في الامة العلماء تلاقيهم فقراء وغلابة والكلام دهوت
55:41ومين اللي بيركب افخم السيارات ويروح يتعشى في آآ باريس ويتغدى في لندن وآآ يسهر في مش عارف مين والكلام ده وعنده طيارة خاصة وطالع نازل بها ورايح والكلام ده
55:54ويروح على افخم الشقق والكلام ده عندنا في في القاهرة. كان فيه يعني مبنى ضخم جدا بتطلع الشقة بتاعتك بالسيارة تحط تركب الاسانسير بالسيارة بتاعتك وتطلع تركنها قدام الشقة والشقة كانت بخمسين مليون
56:16انذاك هم شقتين شقة بتطل على النيل والشقة التانية بتطل على الفيل الفيل اللي هو حديقة الحيوان يعني. ها ما هو كان ايه شقة كده وشقة كده. واخد بالك ده شقة بخمسين مليون
56:35خمسين مليون جنيه انذاك الكلام ده كان من زمان يعني طب الراجل اللي هو اخد شقة بخمسين مليون وبعدين بيدخل الاسانسير بالسيارة بتاعته ويطلع بها يركنها قدام الشقة بتاعته فوق
56:50الرجل ده واخد الشأم خمسين مليون على النيل. ليه هيعمل ايه بالنيل يعني؟ ده راجل راجل اعمال طول عمره يا في المصنع يا في المخازن يا طاير رايح بلاد برة عشان يعمل استيراد وتصدير ومش عارف ايه والكلام دوت
57:07ويرجع اخر النهار يا دوبك يقوم شادد الستارة كده نشوف النيل اقوم جايب الستارة ومرمي على السرير عشان بكرة هيدخل في الطاحونة اياه وازا يعني لقى عنده وقت هيقعد في البلكونة يشرب كوباية شاي ويبص على الماية
57:29انتم عارفين مين اللي مستمتع بالنيل البواب ليه قاعد على الكرسي طول النهار قدام العمارة وشايف النيل مية رايحة جاية ورايحة جاية رايحة جاية لكن الغلبان ده اللي واخدنا بخمسين مليون جنيه ده ايه اللي هو مستفيده
57:48وتيجي على الجانب الاخر تشوف عالم من اعلم الناس تروح تشوف هو ساكن فين تلاقيه ساكن في حارة سد وتدخل البيت بتاعه تلاقي ما فيش سجاد اكليم وكمان متبهدل وتلاقي القعدة ارضي والاسفنج خلاص بقى قد
58:06كدهو من كتر ما قعد عليه ولا بتاع والكلام ده انت بيحصل لك نوع من التساؤل الداخلي. من اولى ان يتمتع بهذه النعمة اهل الايمان ولا الجماعة الفسقة الفجرة دول اللي لا يوقفهم شيء
58:25انا بس عايز ابين لك حاجة مهمة جدا القلب غذاؤه يختلف عن غذاء الجوارح عشان تفحل وتربرب وليه عندك عضلات يبقى لازم ايه ؟ تاكل وساعات تاكل بجدول تاكل بروتين قد كده وتاكل لحمة قد كده ومش عارف ايه وما تكترش من كزا وما مش عارف ايه. ما تشربش مية قبل الاكل عشان ما تبعجرش وتكرش ومش عارف ايه
59:02يتبع التعليمات يبقى كل ما ايه ياكل كويس عضلاته والكلام ده تبقى كويسة القلب لا يحيى بعد الايمان بالله عادة الا في المحن ولذلك اختار الله عز وجل البلاء لاوليائه
59:24ليس لهوانهم عليه ولكن لتبقى قلوبهم قوية اضعف الناس قلوبا اهل الترف انما اللي ليس في يده شيء من الدنيا. قال هيسخطوك يا قرد. قال هيعملوني ايه ما هو انا في الدنيا في البيت نايم على البرج
59:51قاموا واخدينه حاطينه في السجن قام نايم على الايه ؟ على البرج. ما هي هي. يعني ما خدوش مني حاجة لم افقد شيئا من حياتي. مش نايم على حرير ولا نايم على آآ مسلا حاجات وسيرة ولا الكلام ده يتاخد مني. زي ما الامام احمد قال لعمه
1:00:08لما عمه دخل عليه وقال له يا احمد قلها يا احمد انا مزاكرك انا هقول القرآن مخلوق وخلص الموضوع بدل ما انت بتضرب وتتهان وتتسجن والكلام ده قال له يا عمي
1:00:23انما هو لباس دون لباس وطعام دون طعام بس واحد واكل خروف وواحد واكل مش بس الاتنين قاعدين شبعانين ما الفرق بينهما لا فرق بينهما طالما اسكت كلب الجوع بلقمة لم يعد هناك فرق بينك وبينه. على الدنيا العفاء. قل ما شئت لن تستطيع
1:00:49ان تملأ اكثر من معدتك البس ما شئت لا تستطيع ان تواري اكثر من بدنك هي هي بالاضافة لان المال والغنى والكلام ده وسيلة الطغيان وسلم الحرمان. عند من لا يتقي الله المال
1:01:12لو معه رجل صالح النبي صلى الله عليه وسلم قال نعم المال الصالح رجل صالح. لكن انا بتكلم على الجماعة الايه؟ الجماعة الاخرين قال الله عز وجل كلا ان الانسان ليطغى. ليه
1:01:29ان رآه استغنى فكل ما الانسان يستغني يبقى مش محتاج حاجة ده يطلع على طول الى درجة الطغيان. مباشرة ربنا سبحانه وتعالى من لطفه بعباده زوى عنهم الدنيا ثم اسبل عليهم ثوب الرضا فرضوا بالمقدور
1:01:56بخلاف اولئك لا يشبعون ابدا. ابدا. يبقى عنده مليارات وحس انه آآ زي اللي بيشرب ماية مالحة وهو ميت من العطش يشرب ماية مالحة يزداد عطشا وبيبقى عندهم نوع من التكبر وربنا سبحانه وتعالى لا يجعل لهم في قلوب الناس مكانا
1:02:19تلاقي نفسك بتكرهه لوحده كده. كأنه على وشه قتيل ما تحبوش كده ، بتلاقي بينك وبينه سدود ليه فيه نوع من الايه؟ نوع من الكبر. حتى في الكلام العادي يعني حتى وهو بيتكلم ما يقصدش حاجة ممكن يتكلم بكلام ما يعجبكش. انا فاكر مرة
1:02:37سنة ستة وسبعين لما اكون طالب في الجامعة. وبعدين كانت حصلت آآ حادسة في مصر الجديدة ولد راكب سيارة مرسيدس حديثة جدا. وواحد راكب تاكسي غلبان من اللي هو الباب بيتفتح من قدام
1:02:54اللي هو موديل تلاتة وتلاتين ها يعني ايه يا دوبك الحمد لله انها ماشية ففي الاشارة الولد يبدو مش واخد باله الكلام ده ايه قام ضارب صدم السيارة التاكسي من الخلف
1:03:10فطبق له الشنطة بتاع العربية وكسر له الفوانيس والكلام ده. الراجل التاكسي وقف ونزل يلطم بقى. ايه العربية عارف ايه فالولد قال له ده الفانوسين اللي اتكسروا من عربيتي انا بطمن عربيتك. انت بتعيط ليه
1:03:29ده انا اللي خسران شوف شوف التقييم ولغة الكلام والكلام الولد اتصل بابوه قلت ابوه جه لأ غلطان لان اللي يضرب من الخلف يبقى هو اللي غلطان على طول وانت مغمض. المفترض يبقى بينك وبين السيارة اللي قدامك مش اقل من تلاتة متر. عشان لو حصل اي
1:03:50حاجة تمسك فرملة جامدة على الاقل يعني ما تصدموش يعني. لكن تبقوا لازين في بعض وانتم بتجروا بصورة عالية. ما ينفعش الكلام. فاللي ورا دايما الغلطة اللي يضرب من ورا. فالراجل جه لقى ابنه غلطان
1:04:06فزعل منه جدا وقال له من هنا ورايح لازم اعاملك معاملة الاوباش تحط العربية في الجراج وتركب التمانية وعشرين تمانية وعشرين عربية فيض موديل من فئة مية تمانية وعشرين هلا. بقى يعني الاوباش هم اللي بيركبوا تمانية وعشرين
1:04:32امال اللي ماشيين على رجليهم يبقوا ايه بقى ؟ ليسوا من البشر ولا اللي راكب عجلة ولا بتاع هو ده يعني الكلمة خرجت منه تلقائيا. ما اظنش انه قصده انه يحتقر التكسجي ولا يحتقر حد وبتاع. هي طريقة كلامه كده
1:04:50يعاملوا معاملة الاوباش يركن عربيات ويركب عربية اقل منها في الموديل. والكلام ده فالناس دول اذا فقد منهم شيء من الدنيا يفقدون كل شيء. المؤمن ليس عنده شيء من الدنيا يبكي على ماذا اذا فقدت
1:05:06ولذلك اتباع الانبياء جميعا هم الفقراء وضعفاء الناس كما في حديث ابي الصيام الصحيحين لما قال هرقل لابي سفيان ااشراف الناس اتبعوه ام ضعفاؤهم؟ قال بل ضعفاؤهم. فقال له وكذلك اتباع الرسل
1:05:29هم دايما الضعفاء الذين ليس في ايديهم شيء من الدنيا تصرفهم عن الايمان بالله تبارك وتعالى. فالنبي عليه الصلاة والسلام بيقول وفي هذا انت يا ابن الخطاب لما بيقول له ادعو الله ان يوسع على امتك فقد وسع على فارس او الروم وهم لا يعبدون الله. قال اولئك قوم عجلت لهم طيبات
1:05:49في حياتهم الدنيا فقال عمر يا رسول الله استغفر لي استغفر لي عشان القضية ديت. التي قالها ادعو الله ان يوسع لامتك وقد وسع على فارسه الروم. بقى النبي صلى الله عليه وسلم اشرف من مشى على الارض
1:06:08القدمين ينام على رمال حصينة حتى يؤثر في جنبه وكسرى وقيصر يلبسون تاج الذهب وينامون على الحرير ويجلسون على الحرير وهم كفرة ده اللي لفت نظر عمر فصحح له النبي صلى الله عليه واله وسلم هذا المفهوم
1:06:27الحقيقة الحديث يعني اه فيه فوائد كثيرة. اكثر من هذا. لكنني حاولت ان اقف على عصب هذه المحاضرة من اعادة الدفء مرة اخرى بين الرجل والمرأة. انا ارجو الا يخرج احد منكم من هذه القاعة
1:06:46الا وقد وطن نفسه ان كان بينه وبين مراته خلاف ان يجلسا وان ينظرا الى مكان كل واحد منهما فيلزمه رعاية المسافات امر واجب لصلاح الكون لم يجعل الله عز وجل بين الناس مسافات الا لحكمة بليغة
1:07:11جعل مسافة بين الغني والفقير وبين القوي والضعيف وبين الرئيس والمرؤوس وبين الاب وابنه وبين المرأة وزوجها الى اخر كل دي مسافات اذا اختصرت هذه المسافات يحدث الفساد يعني في بلادنا الاسلامية
1:07:32ممكن يكون الامير ماشي ترميه بالبيض البيض الممشش ده احدفه بيضتين تلاتة كده وهو ماشي احنا عندنا في منظومتنا الاسلامية لا يجوز والعربية لا يجوز. ابنك يفتح فيك وبرق فيك ويقول لك اخرج برة البيت
1:08:00لا احد منا يقبل مثل هذا لي ثقافتنا مختلفة انما ثقافة الغرب ثقافة مختلفة حاولوا ان ينقلوها الينا ففشلنا ليه؟ النهاردة موتور السيارة انا حبيت اعمل مصعد في بيتي. عايز اعمل اسانسير
1:08:23قمت خالع موتور السيارة وحاطه فوق خالص وقع جبت له كابينة وعايز الموتور ده يجر الكابينة لفوق ينفع ما ينفعش ليه؟ لان الموتور ده لم يصمم انه يشد لفوق. مصمم يمشي قدام. لو انت جبت المصعد وحبيت تعمل تحطه في في
1:08:44سيارة عشان تمشي مش هتمشي كل انسان خلق خلق بوظيفة معينة. ثقافتنا مختلفة تماما. لعلكم تذكرون الرئيس الامريكي ريجن ده في واحد امريكي ضربه بالرصاص طب ضربه بالرصاص ليه الولد ده كان يريد ان يتزوج بنت بيحبها
1:09:15فقالت له لأ انت راجل مغمور وآآ وانا عايزة واحد مشهور يكون مغني رقاص بتاع اي حاجة من الجامعة اللي بيطلعوا في الايه؟ في الاعلام والبتاع وانت راجل مغمور وانا عايز آآ اتشهر
1:09:27قال لها انا هابقى اشهر واحد في العالم وراح اشترى مسدس وخلى رجل معدي وادى له كم طلقة في بطنه بقى اشهر واحد في العالم اهو تمام؟ آآ خدوه وحبسوه
1:09:47قطعوا من امعاء ريجن تمانية سنتي التهتك اللي حصل بضرب الايه الرصاص وبعدين دخل الولد في القضاء ومحامين ومش عارف ايه والكلام ده وفي الاخر طالعة براءة طلع براءة. الله! يطلع براءة ازاي ؟ قال لك لان قصد العمد لم يكن عنده
1:10:11ده هو اراد ان يكون مشهورا فاخطأ الوسيلة خطوبة الوسيلة تدي له في بطنه كم رصاصة؟ عشان اخطأت الوسيلة طب ده الكلام اللي عندهم. مثلا المستشار الالماني احد مستشار المانيا الغربية زمان قبل ما تتوحد يعني. وهو معدي رموه بالبيض الممشي
1:10:33والكلام ده والطماطم المفعصة والكام ؟ عادي جدا استقبل المسألة وقعد يمسح الايه عصير الطماطم من على الجاكتة بتاعته والكلام ده. الكلام ده ينفع عندنا احنا ما ينفعش عندنا ليه؟ لاننا لنا ثقافة مختلفة
1:10:48عن ثقافة هؤلاء فانا ما اجيش النهاردة علشان عايز اصلح مجتمع زي دهوت. اخد ثقافات الغرب انقلها عندنا. لأ عندنا مسافات هم ما فيش عندهم مسافات خلاص وبيعتبروا ان ده قمة الحرية
1:11:07ابدا ايه الحرية اللي فيها؟ فرعاية المسافات هي التي تصلح هذا الكون. اذا المرأة ظلت في مكانها الذي امرها الله عز وجل ان تبقى فيه. وكان الرجل في الذي امره الله عز وجل ان يبقى فيه ينصلح ما بين الرجل وما بين المرأة. نسأل الله عز وجل ان يصلح بيوتنا وان يهدي اولادنا وان يجنبنا
1:11:29مزالق الشيطان اقول قولي هذا واستغفر الله لي ولكم