وقالت أم زرع: زوجي أبو زرع فما أبو زرع | للشيخ الحويني
0:01وقالت الحادية عشرة زوجي ابو زرع فما ابو زرع تعرفوا ايه عن ابي زرع ده وحيث انكم لا تعرفون شيئا عن ابي زرع ادوني بقى فرصة اتكلم عن ابي ذر. وهي اكتر امرأة تكلمت. يمكن واخدة تلت الحديس لوحدها
0:24انس من حلي اذني آآ لاحز الكلام. الكلام مليان بالدفء كلام امرأة محبة انت لو انت راجل بقى حساس في الكلام ده لا تخطئك نبرة المحب اذا تكلم ابدا اناس من حلي اذني
0:51وملأ من شحم عضدي اناس من النوس وهو الحركة والاضطراب ومنه الناس عشان بيروح يمين وشمال وآآ كده يتفرقون في كل مكان ومنه حديث ابن عمر رضي الله عنهما في صحيح البخاري قال دخلت على حفصة ونوسا
1:18تنطف النوسات اللي هي الضفاير كانت حفصة مغتسلة وكان الضفاير بتاعتها ايه بتنقط ماية سميت الضفيرة نوسا لانها تتحرك اذا حركت المرأة رأسها. الضفيرة ايه؟ بتتحرك معها كمان. اناس من حلي اذني
1:37يعني علق الذهب في اذني. لما تقعد تحرك ايه راسها كده يقوم الحلق اللي راكب في ودانها ده يقوم يتحرك معها. اناس من حلي اذني وملأ من شحم عضدي كانت جلد على عضم لأ اكلها بقى وزغطها وبتاع والكلام ده لحد ما ايه ما بان عليها انها ايه انها خلاص بقت الى عضلات وكده
2:02وملأ من شحم عضدي وبجحني فبجحت الي نفسي لها يا ست الكل يا سنيورة يا سندريلا يا اللي مش هنا اللي من هنا لحد ما صدقت نفسها وده احد اركان النجاح
2:22استعمله مع ولدك او مع امرأتك بجحه حتى لو كان لا يستحق ذلك لما تيجي تقول للواد انا عارف انك انت ولد زكي وولد كويس ولماح ما شاء الله عليك ومؤدب ومش عارف ايه والكلام ده. وانت وما فيش ولا صفة من دي
2:41الولد يلبس الصفة. انا لسة بقول له مؤدب وابن حلال وزكي مش ممكن يتغابى وهو واقف. لأ يحس بالنوع من الانتعاش المرأة تقول لها انا عارف ان انت بنت اصول والغلط ما يجيش منك واللي انت قلتيه ده انا عارف انه زلة لسان
2:58لولا ان انا عارف كده ما كنتش صبرت على هزا الكلام. انت بنت ناس ومتربية والحمد لله وشوفي اهلك ناس فضلاء ومش عارف ايه والكلام ده. حتى لو ما كانش كده
3:06على الاقل شرها ينكسر لكن تقعد تفطس فيه وانت طول عمرك ما نتاش نافع وانا عارف انا عارف كده ان انت سنتك سودا وان انا عارف ان انت مش هتجيبيها لبر وانا فعلا يوم ما اتجوزت
3:20وانت كده عارفة ان انت مش هتحمري معي والكلام ده. لا لا شف وبجحني فبجحت الي نفسي. مع انني او مع انه وجدني في اهل غنيمة بشق يعني انا لا سنيور ولا سندريلا ولا يحزنون. ده انا كنت يعني فقيرة جدا جدا. وكان كل اللي حيلتنا غنيمة
3:45مش غنمة كمان انما صغرت غنما لتشير الى حقارة المال الذي كان عندها. ها؟ فلذلك قامت صغرت الايه قامت صغرت غنيمة الاشارة الى حقارة الماء. بالمناسبة تصغير صابونة ايه؟ صبينة ولا بروة
4:05طب بلاش رغي ها اه غنيمة بشق بشق يعني شق جبل. يعني ساكنة في حارة سد يعني شف فقيرة ها وساكنة في حارة سد. آآ حي ريفي كده ولا حي متواضع والكلام ده
4:29فقام نقلها نقلة كبيرة جدا وجدني في اهل غنيمة بشق شق جبل يعني؟ فجعلني في اهل صهيل واطيط ودائس ومنقي يا سلام! نقلة بقى ما حصلتش وجدني في اهل صهيل نقلني
4:52جعلني في اهل صهيل كناية عن الخيل واطيت قناع الابل ان خف الجمل طبعا ما يعرفش الكلام ده الا واحد جمال. خف الجمل طري لما تحمل عليه حمل كبير وانت جمال وماشي وراه ماسك ديله وبتقول يا ليل يا عين وبتاع وبتدي مواويل كده ورا الجبل ها
5:15تقوم تلاقي خف الجمل بيقطقط. يقول قط قط قط قط ها بيعمل صوت كده وهو ماشي عشان الحمل اللي هو ايه الحمل اللي هو شايله. في اهل صهيل الخيل واطيط
5:32ده كناية عن انهم اهل زرع الزرع الدائس اي ما يداس. بتجيب القمح كنا زمان في النوارج والمش عارف ايه البابور يمشي على الرز وبتاع والكلام ايه يداس تجيب الفول تجيب الرز تجيب المش عارف ايه الكلام ده. يبقى اهل زرع
5:54ومنق المنقل والمنخل ها كان زمان العرب لا يتخذ المنخل ده الا واحد بقى من الناس اللي ايه الكبار اوي اصحاب الرفاهية الكاملة كانوا ما عندهمش المنخل فكان يطحن الشعير
6:15ببعض العصر التبن الموجود. ومش عارف يخلصوا من بعض فبيفضل شوية تبني كده مع الدقيق ماشي اخبز وكل. ما فيش مشكلة. لأ ده بقى ما بيتعلفش ده بيجيب البتاع كدهوت ويعمل كده ينزل القمح لوحده والبتاع لوحده
6:37يبقى دي رفاهية شف بقى الفرق ما بين الراجل ده كان عايش ازاي وهي ايه غنيمة بشق نقلها النقلة الكبيرة دي فعنده اقول فلا اقبح. مهما قلت ما فيش حد يقول ايه العك اللي انت بتقوليه ده
6:56مسلا او قبحك الله والكلام ده ليه ؟ لان كرامتها من كرامة زوجها ما فيش حد يتعدى عليها. عشان عاملين حساب لزوجها ها مش مسلا واحد يتجوز واحدة امه تضربها وابوها يا بنت المش عارف مين وكمان اخواته. يقوموا برضه على البيعة كده يشتموها ولا مش عارف ايه الكلام ده
7:19دول بقى مش عاملين لزوجها اي حساب. هي بقى امنة حتى لو غلطت وقالت كلمتين مش مش لا ولابد يعني ما فيش حد يقدر بيقول لها اي كلام. عنده اقول فلا اقبح. وارقد فاتصبح
7:37تنام لحد الضحى العالي. الشمس تطلع والكلام ده ده يدل على انها مخدومة. عندها خدامين. والا لو كانت المرأة كنسائنا هي عاملة نفسها من بعد صلاة الفجر شغالة بقى تصحي العيال وتعمل الفطار وتوضا بالمش عارف مين والبتاع والكلام ده لأ ده هي ست مخدومة
7:59تنام وتصحى متأخر خالص تطلع هتلاقي الاكل جاهز والعصير جاهز والمش عارف ايه. ازا هي مخدومة. ما بتخدمش نفسها فعنده اقول فلا اقبح وارقد فاتصبح واشرب فاتقمح يقال بعير قامح
8:19اذا جاء الماء فشرب ثم رفع فمه زهدا في الماء وفي رواية واشرب فاتقنح بالنون قال لك القانح الذي يشرب بعد امتلاء شرب وخلاص اتقمح شرب ومال بطنه وخلصنا. لأ اتقنح دي يعني يشرب لحد ما يتنح ها ما هو
8:52فالنحباب ده يقوم يقول له ايه بعد ما شرب وملى بطنه يقول له معلش الكوباية دي يا عم خلاص بطني هتنفجر معلش. عشان خاطري اشرب بس الكوباية دي. اوكل معلش اجبر ولو بهذا الديك. ها ما لا يوجد في بطن موضع لقدم. معلش عشان خاطري
9:12كل ما تتحايل عليه يبقى بتحبه نفسه ياكل ومش عارف ايه والكلام ده. فشوف يعني مخدومة وتمام التمام وتاكل براحتها ولا حد يعدلها في ولا يبص لها كلت كام ولا عملت ايه ولا حدوتة دي
9:26واشرب فاتقمح ام ابي زرع فما ام ابي زر هل تعرفون شيئا عن هذه السيدة الفاضلة وحيث انكم لا تعرفون شيئا انا اقول عكومها رداح وبيتها فساح الخير باصص من البيت زي ما بيقولوا
9:52العكوم اللي هي الاشولة اللي بيتخزن فيها الحب رداح طويلة عريضة لما بيحب يخزن غلة ولا رز ما بيجيبش شوال قد كده. بتخزن في كيس قطن. كده ها ما هو رداح دي مأخوزة من ردح
10:12مش بيقول لك فلان عمال يردح من الصبح ها الردح ده اي انه طول المقالة بيردح عقولها رباح بيتها مليان خير. وبيتها فساح بيتها واسع وطبعا ساعة المسكن من ايه؟ من علامات النعيم في الدنيا كما قال النبي صلى الله عليه وسلم من سعادة المرء البيت المسكن الواسع
10:37بشوف ليه اتكلمت عن المرأة كده ؟ لانها تحب زوجها فهي لا تزال تدفع الدين كانما قالت للمرأة لحماتها يعني انا مدينة لك بالفضل انك ولدت هذا الانسان فاذا احبت المرأة زوجها احبت ام زوجها
11:09مش بقى نساء الاراشانات والمش عارف ايه والكلام ده وقصص بقى الحموات الكلام اللي طالع لا ليه؟ لانها بتحب احبت المرأة التي ولدت هذا الانسان نفيس ابن ابي زرع. فما ابن ابي زرع
11:30يبقى ابو زرع كان ايه؟ كان متجوز. ها؟ كان متزوجا وده ابنه من المرأة التي ايه؟ التي كانت معه. هي اتطلقت هي ماتت خلاص ابن ابي زرع فما ابن ابي زرع مضجعه كمسل شطبة. المضجع اللي هو السرير اللي بينام عليه
11:52مسل الشطبة لما تجيب جريدة وتاخد منها سلخة كده بالسكينة بتبقى الصلخة زي الصباع ده كده عايزة تقول ان الواد ده مفتول العضلات مش مرهرت كده ينام على السرير يدلدل من هنا ومن هنا لأ واد مفتول القوام السرير بتاعه كده
12:14شطفة كده من جريدة وهذا كان ممدوحا عند العرب لان ده يصلح في الكر والفر ها رفيع كده وبتاع وينزل تحت الرجلين ويطلع فوق وينزل تحت والكلام ده غير ايه صاحبنا التاني
12:29مضجعه كمسل شطر ويشبعه ذراع الجفرة. الجفرة انثى الماعز الصغير. وطبعا الذراع اللي هي الرجل الامامية ياكل الرجل هي الرجل الامامية اللي فيها حاجة جيت اشم كلت كله ما فيهاش حاجة. ها بيقعد يا دوبك يجري بسنانه على العضم كده كله بتاعتين ومش عارف ايه بتاع وبعدين يتكرع بقى ويقول اه اتمليت خلاص
12:52طب وانت كلت ايه يا ابني؟ ما كلتش حاجة. قال لك ما هو قلة الاكل مع الصحة ممدوح. يبقى الجسم مش محتاج فبرضه بتمدح في الايه ؟ في الولد بنت ابي زرع فما بنت ابي زرع
13:08طوع ابيها وطوع امها. مش عاصية ولا زي شريك المخالف ولا الكلام ده وملء كسائها تخينة وهذا مستملح في النساء. شف الواد موضعه كمسل لشطبة انما المرأة مش جلد على عضم. لأ مالية هدومها. ملء كسائها وغيظ جارتها. دي
13:32كانت متجوزة ومعها درة فلحسنها ولجمالها ولقوامها كان زوجها يحبها. وعمالة تكيد في مين؟ ها؟ في الدرة بتاعتها بقى. بسبب ايه؟ بسبب حسنها. برضه ده كله عمالة ايه تمدح في آآ ها
13:53جارية ابي زرع فما جارية ابي زرع لا تبثوا حديثنا تبثيثا. ما عندناش قمر صناعي وبث مباشر. ايه اللي يحصل في البيت؟ الدنيا كلها تعرفه. لأ بنتي كتومة ها لا تمس الاخبار ولا تنقل اسرار البيت. لا تبث حديثنا تبثيثا. ولا تنقص ميرتنا تنقيفا
14:17الميرا اللي هي المعاش مش لما تلاقي شوال الرز يدلدل كده ونزل الرز تسيبه! لأ تعدل الشوال قبل ما يوقع الرز. ها وما تهدرش في المعاش. بنت لقت بعد المائدة كده شوية كسر آآ خبز والكلام ده مش حطاه في الزبالة. لأ تقول لك الكلام ده بنستخدمه بقى نحطه في الفرن لما
14:39فتة. نعمل له فريد ولا حاجة. او على الاقل نطعمه للقط ولا نطعمه للفراخ ولا اي حاجة. ما فيش حاجة اسمها تضيع ما فيش حاجة اسمها الضعف المعاش. بتحافز على المعاش
14:53ولا تجعل بيتنا تعشيشا نظيفة. بيتنا ليس كعش الطائر ريش وحشيش وقش. لا بيتنا ليس كعش الطائر انما بيتنا ايه؟ بيتنا في بعض الروايات خارج الصحيحين قالت وظلت تتكلم حتى وصفت كلب ابي زرع
15:16شف بقى الحب ما سابتش حتى الكلب وانا كان بصراحة نفسي وانا بلف في طرق الحديس اشوف قالت ايه عن الكلب ده كده الفصل الاولاني من من حدوتة ام زرع
15:32قالت فخرج ابو زرع والاوطان تمخض جمع وطب الدنيا ربيع واللبن كتير والوتر ده اللي اللي بيحلبوا فيه اللبن من الجاموسة والبقرة والكلام ده والجو جميل وبديع والكلام ده فلقي امرأة معها ولدان لها كالفهدين
15:59الفهد انت عارف ايه رشيق وبيتنطط كده وبتاع يلعبان من تحت خصرها برمانتين. الشراع اختلفوا كتير اوي في القصة دي. قال لك الرمانة الرومانسية اشارة الى نهبها. او الى عظم عجيزتها. نايمة على ضهرها ففي يعني مسافة ما بين ضهرها والارض العيال بين الرمانة كده عندهم
16:19ويلعبوا مع بعض كده يعني. ده كلام الايه الشراح لهم كلام كثير في المسألة دي فعجبه المنزر ده قال لك لا مانع ان نضمها الى الكتيبة. ها ما هو يعني ما
16:35طيب ضمها للكتيبة ما حصلش يا ريته لما اتجوزها ساب ام زرع قالت فطلقني ونكحها السوق بتاعها ماشي سريع سريع سريع سريع اتجوزت على طول. ام زرع قالت فنكحت بعده رجلا سريا بالسين. اي من سرات الناس واشرافهم
17:04ركب شريا الشري من الخيل نوع جيد من انواع الخيل اه اه كان الجماعة صراة الناس بيركبوه وانت عارف الخيل اصلا متعجرف الكبر مربوط بالخيل الكبر مربوط بالخير اللي يركب الخيل يحس انه انتفش لوحده كده. من غير ما يعمل حاجة
17:37تحس بالعزمة. حس بالنخوة عشان كده النبي قال الخيل معقود في نواصيها الخير الى يوم القيامة اه والنبي عليه الصلاة والسلام قال الكبر والبطر في اهل الخيل والابل والسكينة والوقار في اهل الغنم
18:00غنماية مدلدلة ودنها وماشية كدهوت ها لا بها ولا عليها ومسكينة والكلام ده ها انما اللي ركب الخيل ده ودي موجودة الان تلاقي مسلا اللي بيركبوا السيارات الفارهة وهو نازل من السيارة تحس انه لابس الفلوس. لابس تمن السيارة
18:20بينتقل اليه ثمن السيارة تلقائيا وينزل كده في بعض الناس اللي هم كانوا دايما يشتروا سيارات جديدة ما يركبش ابدا سيارة مر عليها سنة. يشتروا على طول وبتاع. بيقول لي انا كنت لما بانزل
18:36بحس ان صدري يقوم طالع قدامي كده لوحدي منفوش وعامل كده ونازل وبتاع ومقفل الباب كده من ورا قرننة كده وبتاع ويمشي اه بقى لو واحد بقى راكب عربية من مركب بقى اللي يحب النبي يزق زينا كده وقدامه وهو عايز يعدي. وبيدي له انوار بقى وبتاع وكلاكسات وصاحبنا مش واخد باله
18:56اول ما يعديهم مبرقله كده باصص له كده انت كده نزرة احتقار ومش عارف ايه والكلام ده المسألة دي بتعدي على صاحبها على طول. بالزات الخيل وده منصوص كلام النبي صلى الله عليه وسلم زي ما قلت له. الكبر والبتر في اهل الخيل
19:15وبعض العلماء بيقولوا ان الصفات قد تنتقل حتى لو من حيوان الى انسان. وهذا ليس يعني آآ مقصورا على انه يركب بس. ده حتى بعضهم بعض علماء التغزية بيقول انت لو اكلت لحم كثير او ادمنت اكل لحم حيوان معي
19:35قد يكون بعض الصفات تنتقل بعض صفات الحيوان ده للبني ادم يعني مسلا لو بياكل ضاني كتير ممكن ينطح. ها عادي. انتقلت له بقى فده بقى لما اليه ده رجل بقى من صلاة الناس وراكب بقى الفرس والابهة. وعشان تكتمل بقى الابهة بتاعته
20:00ها بتقول ايه ؟ فنكحت بعده رجلا سريا ركب شرية اخذ خطي. الخطي اللي هو الرمح وكان في البحرين بلد يقال لها الخط والكلام ده كان ايه تجبى الرماح من الهند وتوضع في الخط ده وتوزع الى سائر بلاد العرب من الايه من البلد دي. عشان
20:21حبها تكتمل بقى راكب الفرس وحاطط الايه الرمح تحت باطه كده ومش عارف ايه واراح علي نعما ثريا. غرقني في النعيم. واعطاني من كل رائحة رائحة زوجة الرائحة زي الابل والغنم رايحة كده يقول لها خدي لك اتنين
20:41دي رايحة كده خدي لك اتنين. وفي بعض الروايات واعطاني من كل ذابحة زوجا. الذابحة ما يصلح ان يذبح. من انعام وقال كلي ام زرع وميري اهلك. كلي وادي لاهلك كمان
20:59الراجل ده فيه عيب؟ ما فيهوش عيب ابدا تقوم تعلق وتقول فلو اني جمعت كل شيء اعطانيه هذا الرجل ما بلغ اصغر انية ابي زرع مع ان المرأة مع ان المرأة المطلقة لا ترى لمطلقها حسنة ولو كان افضل الناس
21:23طالما طلقها وكسرها يبقى ما فيش فيه ميزة ما فيش فيه حسنة ابدا قال ازاي المرأة دي كانت وفية الى هذا الحد حتى تصف ان كل ما اعطاه الرجل ما يبلغ اصغر انية ابي زرع
21:42امرأة وفية. ايه الفرق بقى ما بين ابي زرع وما بين الراجل التاني ده الفرق ايها الاخوة ان المرأة وجدت عند ابي زرع من دفء الحنان ما لم تجده عند الرجل الثاني
22:01باختصار جوع المرأة وقل لها كلام حلو لكن لكن ما اقصدش جواعة يعني جوعها هو الحقيقة فاجأني بالضحك انا ما كنتش واخد بالي يعني لا انا اقصد يعني لو ان المرأة فقدت كل شيء. ها لكن وجدت دفء الحنان يهون عليها كل شيء. ده اللي كان عند ابي زرع
22:38راجل راجل بوق بتاع كلام. ها بيعرف يتكلم ويعرف ينمق الكلام. ممكن الراجل يبقى كريم جدا جدا وجاف واقف اه قلت له انا عايزة فلوس يقول لها خدي من الخزنة اللي انت عايزاها
22:56طب ادي لها وشك. ها او خده من الخزنة اللي انت عايزاها. عندك ايه؟ انت بتشتكي من ايه؟ عندك من الابرة للصاروخ. ها في البيت. انا وعايزة ايه مني اكتر من كده ايه؟ عايزة من جنيه لالف من جنيه لعشر تلاف لمليون للكلام ده. ما لكيش عندي حاجة. انا مش مقصر في حاجة. كتير من الرجالة يقولوا هزا الكلام. لا انت مقصر
23:16في حاجة. اسر في كتير انها لا تريد جيبك. انها تريد قلبك ده الفرق الجوهري ما بين ما بين ابي زرع وبين الرجل التاني الذي ليس فيه عيب. وكمان هي لما اتكلمت الحقيقة
23:34برضو علت من مقدار الرجل وبرضه جابت كلام قوي وانا باعتقد ان جابت الكلام القوي ده عشان تحط من مقدار الرجل. عشان لما تقول ما بلغ اصغر انية ابي زرع
23:47بعد المدح العالي جدا جدا يقع على جدور رقبته ها يعني ده ذم عن طريق المدح فاظهرت كرمه وصفاته عشان يظهر معدن ابي زرع فبعد ما عائشة خلصت الكلام ده
24:07شف النبي عليه الصلاة والسلام بيقول لك الذي يحمل اعباء امة قاعد يسمع ويعطي اذنه للمرأة. ويعلق تعليقه الجميل في نهاية الكلام. يقول لها كنت لك كابي زرع لام زرع
24:25زاد النسائي في روايته غير اني لا اطلقك وفي بعض الروايات قالت له بل انت يا رسول الله خير من ابي زرع ده ابو زرع ده كفاية ان النبي عليه الصلاة والسلام بيقول لها كنت لك كابي زرع. ده يطلع ابو زرع ده. عشان النبي صلى الله عليه وسلم يقول انا لك كابي زرع
24:51يعني يعني كون النبي صلى الله عليه وسلم يشبه نفسه بابي ذر ده هذا شرف باذخ. لابي زرع احنا بنرجع بقى ونستفيد من هذا الدرس. ان احنا نرجع ادراجنا مرة اخرى وليس عيبا اذا كان فيه سوء عشرة ما بينك وبين المرأة
25:09انكم تعملوا صلح والله انا سمعت كذا وكذا وكذا واثر في كلام النبي عليه الصلاة والسلام واثر في الوحي المنزل. فلما الوحي اللي يرجعك يبقى شرف لك غير لما تقول لها انا الحقيقة كنت غلطان وآآ ما كنتش كويس ومش عارف لأ. ارجع برضو اذا اردت ان ترجع فارجع رجوعا كريما
25:32فلما حد لما حد يقول انما ارجعني قول الله ورسوله هذا شيء جميل. وهذا شرف عشان كده احنا بنقول يا اخواننا بيوتنا طول ما هي مستقرة بيطلع اولاد نجباء اولاد عندهم استقرار اولاد يحبون الالتزام
25:49لكن واحد ملتحي وواحدة منتقبة ويشتموا بعض باقزع الشتائم تطلع البنت كارهة النقاب ويطلع الواد كاره الله ليه؟ لان الاب اللي هو الاسوة الذي كان يمثل الدين سقط من حالق عند الولد
26:05عشان كده نرجو ان احنا ايه نطلع من هنا بخطة عمل. ما يكونش بس ان احنا آآ سمعنا واتسلينا والكلام دهوت ويذهب الى درج الرياح لا. انا اوصي يعني واشدد على اي انسان
26:18في خصومة بينه وبين امرأته او اي امرأة فيها خصومة بينها وبين بين زوجها ان الليلة دي لابد ان نصفي هذه الخصومات ونرجع ادراجنا مرة اخرى الى شرع ربنا تبارك وتعالى. اقول قولي هذا واستغفر الله لي ولكم. وصلى الله وسلم وبارك على نبينا محمد. الحمد لله رب العالمين