الأغتسال قبل التطيب | الشيخ محمد خيري رمضان بين قدومه وقدومك إليه اللقاء الأسبوعي
0:00السلام عليكم ورحمة الله وبركاته الحمد لله رب العالمين له الحمد الحسن والثناء الجميل. واشهد ان لا اله الا الله وحده لا شريك له. واشهد ان محمدا عبده ورسوله وبعد طيب الله اوقاتكم. واسأل الله سبحانه وتعالى ان يسددنا واياكم لكل خير
0:23وينفع بنا وبكم حيثما كنا وكنتم لقاء جديد مع استعداد للزمن الفريد رمضان. نسأل الله ان يسددنا واياكم لكل خير وينفع بنا وبكم ويأخذ بقلوبنا لحسن الوفادة على ربنا. هذا اللقاء
0:45سنتكلم فيه عن امر الاغتسال قبل التطيب الاغتسال قبل التطيب واحد رايح مشوار جميل رايح رايحة فرح واحد رايح يحضر حفل تخرج بيلبس عشان يتجهز للعيد. اول حاجة بيعمل ايه؟ بيغتسل
1:05ولا بيحط الطيب الاول في ناس ممكن تحط الطيب الاول كده وتحط ايه؟ قرد مع اللي موجود اه بس دي ناس مش هينفع نعلق عليهم دلوقتي يعني. لكن الاصل ان الانسان
1:18بيغتسل قبل ان يتطيب. الاغتسال اولا. نحن مقبلون. نسأل الله ان يبلغنا واياكم ما يحبه ويرضاه. مقبلون على ساحة الطهر قل لها ايام وسيدخل الكثير انا ان شاء الله الساحة الاطهر في العام هي ساحة رمضان
1:42هذه الساحة تحتاج الى تطهر تحتاج الى اغتسال وتطيب حتى تستمتع بها. فمن اهم ومن اوائل ما تتحلى به وينبغي ان تتلبس به ان تتلبس به النفس المشتاقة لهذه الساحة الطاهرة
2:02هي ان تتحقق بالتوبة. خاب وخسر من ادرك رمضان ولم يغفر له. كانه كان بيقاوم المغفرة اه نحن موعدنا الليلة ان شاء الله ان نتكلم مع الاغتسال من الاضران. للدخول للزمن الزكي
2:21عن اول ما ينبغي ان يستعد العبد لرمضان به بعد توفيق الرحمن له هو التوبة. والتوبة دي حال ملازم للانسان معك من البداية الى النهاية. منازل السائرين الى الله دي منزلة وده مقام وده حال ما ينفعش ابدا يفارق السالك الى الله سبحانه وتعالى. سيد العباد من؟ من هو سيد
2:49العباد محمد صلى الله عليه وسلم. كان النبي صلى الله عليه وسلم يلازم هذا الحال ابدا. وكان يكثر من من الاستغفار والتوبة في اليوم اكثر من سبعين مرة. وفي رواية مائة مرة صلى الله عليه وسلم. وكان الصحابة
3:10يا عبد الله ابن عمر وغيره. كان يحصي للنبي صلى الله عليه وسلم انه يطلب من الله سبحانه وتعالى التوبة في المجلس الواحد اكثر من مائة مرة ونادى الله سبحانه وتعالى امرا الناس وقال لهم وتوبوا الى الله جميعا. ايها المؤمنون
3:30فالله سبحانه وتعالى امرنا بالتوبة. طيب جميل موضوع التوبة ده. احنا عارفينه والدنيا كلها عارفة التوبة وكلنا بنتكلم في التوبة احنا هنعلق على حاجتين بساط جدا جدا. هذا المجلس الهدف منه ان شاء الله ان نجدد معنى التوبة في قلوبنا
3:50اه نجدد هذه العبادة في قلوبنا. لان التوبة دي درجات التوبة درجات. زي ما الاحسان درجات والحبة درجات. فيه واحد بيحب ربنا حب عالي. فيه واحد بيحب ربنا حب جيد قوي. جيد متميز او جيد يعني
4:05ومرتفع واحد تاني بيحب ايه؟ حب متوسط. واحد بيحب حب منخفض. فالحب درجات والتوبة درجات برضو احنا النهاردة عاوزين نتكلم عن التوبة لعل الله يعلي هذا الحال في قلوبنا. طبعا لما بنتكلم على التوبة بنقصد ان احنا عاوزين نتوب
4:23قدم توبة بين يدي رمضان وبين يدي مواسم الخيرات التوبة التي نعنيها هي التوبة النصوحة قال الرب جل وعلا يا ايها الذين امنوا توبوا الى الله توبة. هذه التوبة وصفها الله بانها نصوحة. نصوحة من النصح يعني خالية من الخلل والعيب. خالية من النقص والعيب
4:49يعني مستكملة الاركان. الذنب بيسقب القلب بيعمل ثقوب والتوبة ترقعه. ولزلك سميت الابرة المنصحة. الابرة اللي احنا ايه؟ بنخيط بها. ليه؟ لان الابرة ترقع السوب كزلك التوبة ازا كانت صافية تلمم هزه الرقعة فتجعل جدار القلب وثوب القلب نقيا طاهرا
5:16طيب انا عشان اتوب التوبة النصوحة. التوبة عشان تكون صحيحة. محتاجة ايه هنتكلم في اركان التوبة الاساسية اصل الاركان تلاتة كلنا عارفينها وانا عارف ان انتم عارفين وعارف ان اللقاء ده ممكن ما تستفيدوش منه كتير
5:34لكن هتستفيدوا منه ان هو مجلس لعل الله يزكركم في الملأ الاعلى بسببه. لكن كمعلومات ربما لا يكون فيه الكثير قلنا ان هي سلاسة اركان الركن الاول اسمه الندم والركن التاني اسمه العزم او الاقلاع ثم العزم
5:55يبقى ندم واقلاع وعزم. اللي بيجمعوها في كلمة نقع النون ندم والقاف اقلاع والعين العزم. فلو ما حصلش الكلام ده تقع على طول فاسأل الله ان يسددنا واياكم. طب احنا بالراحة بقى اشرح لنا كل واحدة من دول ونجيبها ازاي. طبعا الشرح لكل واحدة من دي
6:18هتاخد وقت كبير لكن هنحاول بقدر الامكان ندي اشارات لكل واحدة من دي عشان لو ربنا سبحانه وتعالى وفقك لهذه المقامات انك توفق لها طيب الندم بيكون على ايه؟ على ما فات ولا على ما هو ات؟ الندم بيكون على حاجة فاتت ولا حاجة جاية؟ الندم على ما
6:41فات. طيب والعزم؟ العزم؟ على ما هو ات. صح؟ طب والاقلاع؟ على ما انا متلبس به ازا التلات اركان دي واحدة على الماضي واحدة في الحاضر وواحدة المستقبل جميل سهلة لغاية دلوقتي؟ طيب الندم
7:03كل واحد مننا فيه طاقة ندم كل واحد مننا ربنا خلقه ان هو لازم يندم هو كده زي ما انت لازم تاكل ولازم تشرب. جميل؟ كل واحد؟ اه كل واحد. الكلام ده انت متأكد فيه؟ ان شاء الله وهاديك امسلة
7:22دلوقتي وهديكي فكل واحد مننا بيندم. ليه؟ لان ربنا خلقني كده فطرة ربنا خلقني كفطرة وكاصل خلقة ان انا انسان مركب ان عندي شعور الندم موجود فاللي هيرحل الندم في الدنيا بيرحله لزرف لا ينفع فيه الندم. يا ليتني لم اتخذ فلانا خليلا. ده ندم
7:48بقى لان هو ما ندمش في الدنيا واخدين بالكم لما رحل الندم هناك خلاص جه الندم اه فعلا فيه ندم اه حصل لكن الندم ده ما عدش نافع لانه ما ندمش الندم النافع بتاع الدنيا
8:04جميل زي ربنا سبحانه وتعالى في يعني من انفس ايات ومن اكتر الايات اللي بتفتح النفس في التوبة. قل يا عبادي الذين اسرفوا على انفسهم ان لا تقنطوا من رحمة الله. ان الله يغفر الذنوب جميعا. يا عبادي هم قطعوا الصلة والله سبحانه وتعالى ما زال بيناديهم
8:25بالايه؟ بالانتساب انهم ينتسبوا لها. وهم قطعوا الانتساب بينه وبينهم. وما زالك يدعوه. بيدعوا مين بقى اللي قاعدين بيحضروا مجالس علم اقرأوا القرآن ويتدارسوا كلام الرحمن ويصلوا على النبي العدنان صلى الله عليه وسلم وببر الوالدين وبيحسنوا للجيران؟ قال لأ. قال يا
8:45عبادي الذين اسرفوا ليل نهار بعد عن الله. ليل نهار يعني مسيء الليل ومسيء النهار. اسرفوا على انفسهم بهدلوا انفسهم. خد نفسه كده كانه يعني غرقها ورخصها. وحطها في الوحل وانغمس فيه. ربنا بيقول لهم ايه؟ رغم
9:05وكل الطين اللي انت فيه ده واللي انت انغمست فيه لا تقنطوا من رحمة الله فيجي هنا الوقف واحد يقف كده يقول لي ايه وهو في عز الطين كده انت ما تعرفش زنوبي. او انا ليه ما اقنطش من رحمة الله؟ ان الله يغفر
9:21ذنوب عشان ربنا بيغفر الزنوب انت لا تقنط يا عم الشيخ يا حبيب قلبي انت ما تعرفش انا عملت ايه. انا زنوبي دي انت ما تعرفهاش ده في زنوب ما تنفعش تتغفر. قال لك جميعا يغفر الذنوب جميعا. طيب ليه؟ انه هو الغفور الرحيم. شفت الطاقة
9:43الامل دي وفتح الشهية دي؟ اه انا خلي بالك هيجي وقت عليك لو ما حققتش التوبة اللي اول ركن فيها الندم ان تقول نفس يا حسرتاه الندم جاي جاي على ما فرط. فتب بدل ما يجي الوقت اللي تقول لو ان الله هداني. تب بدل ما ييجي الوقت تقول لو ان لي كرة
10:06فالحق الباب مفتوح وكل واحد مننا عنده طاقة وعنده يعني جبل على انه لازم يندم. فاللي بيرحل الندم في الدنيا بيرحله لظرف لا ينفعه فيه الندم. عشان كده الان الندم في الدنيا دليل عليه. دليل على صحة القلب والعقل. دليل على صحة القلب والعقل
10:33ان العقل ده سليم وان القلب ده سليم. ليه لان هو لما وقف الوقفة ديت قال لك بس عشان ما يجيش ما يجيش اندم واقول رب ارجعون لعلي اعمل. انت لسه جاي تشتغل دلوقتي
10:48لأ خلاص يبقى اول حاجة الندم قلنا الندم على ما فات. طب برضو وضح لنا شوية وحاول يعني تساعدني ندم بيجي ازاي؟ لان انا شخص ما بندمش بعمل المعصية ولا فارق معي
11:02الندم بيساعدك في انك تجرد عارفين التجار يقول لك عندنا جرد يقول لك اليومين دول السنة دي بنجرد فاحنا عندنا جرد جميل الدرس ده هيساعدك ان شاء الله انك تتقن الصنعة صنعة التوبة
11:19ازا يعني وفقك الله سبحانه وتعالى ووفقنا واياك. فبنتكلم على الندم اول ركن اللي يساعدني في الجرد اجري دي اجرد الايه؟ الغبن. عارفين يوم القيامة اسمه يوم التغابن. يعني ايه يوم التغابن
11:34ندي مسال يتضح به الحال لعلي يتضح به الحال. تخيلي اغلى قطعة دهب عندك في البيت تخيلتيها وانت تتخيل يعني اغلى جهاز محمول عندك في البيت سواء بقى تابلت موبايل لاب
11:51تخيلت الحاجة دي دلوقتي قدامك تخيلت قطعة الدهب السبيكة اللي انت كنت عيناها للزمن الساعة الالماز الاحجار الكريمة الجميلة المهم حصلت منك غفلة لمدة ساعة سرحت ابنك خد الساعة دي خد الموبايل خد السبيكة خد الحاجة الغالية دي
12:14وكان نفسه يشتري وجبة كشري من المحل اللي فتح جديد تحت البيت ما يبقاش معه فلوس او يشتري آآ كرسي للعجلة بتاعته وراح باعها بخمسين جنيه عشان يجيب الكرسي ده والجرس بتاع العجلة او بيجيب وجبتين الكشري
12:33ايه اللي حصل؟ يقول لك الولد ده اتغبن. يعني ايه اتغبن؟ باع اغلى شيء بارخص تمن باع اغلى شيء بارخص تمن اغلى حاجة معك رأس مالك البشري وجوارحك. النعم اللي ربنا اداها لك
12:52في واحد بيبيعها برخص التراب ببلاش. ابنك هنا شيله من المسال ده وحطه جوارحك. عينك ودنك قاعد ياخد انفس حاجة وبيبيعها بالرخص. يبيعها بالرخص. استحضار الغبن اللي فاتك والغبن اللي انت وقعت
13:12فيه يديك عصرة الالم اللي هو الندم. لان الندم عصر للقلب انك تتزكر ايه اللي فاتك من نور الطاعة انك بعت الغالي بالرخيص بعت الانس بالوحشة بالانس بالله والانس بمراد الله
13:30والانس بالصالحين والانس والسكينة بالطاعة بعت الكلام ده بايه بعتوا بالوحشة سبحان الله! بعت السعة والانشراح بايه؟ بالضيق والضنك انتم عارفين كلمة اه له معيشة ضنكة الضاد دي ضيق سبحان الله والكاف دي كاف الكبد والكرب والنون نون دايما الندم
13:57ضنك حياته كلها في مشاكل هو باع السعة باع الانشراح بايه بقى بالضيق والنكد والضنك عافانا الله واياكم. باع الامن بالخوف باع انه يعيش مع اسماء الله الحسنى وجمال اسماء الله الحسنى. ويعيش مع افعال الله
14:19باعها بايه باع نور اسماء الله الحسنى به بعدني يعيش مع شعور الحب وشعور الشوق والوجل باعه بايه سبحان الله! لان القلب ده وعاء القلب ده وعاء كلما دخل له نور
14:38كلما ازال الظلام كل اما نور بيدخل كل اما فيه قدر من الزلام بيمشي والعكس بالعكس فانت بعت القرب بايه الندم بيجي بالطريقة ديت انك تتزكر الغبن اللي فاتك اوعى تكون بتزكر الغبن الدنيوي
14:57يقول لك ياه فاتنا كتير لما ما حولناش فلوسنا لدولارات او سبيكة دهب او جنيهات دهب. انتم شايفين الدنيا بيحصل فيها ايه؟ الله يسامحه بابا لما قلت له فقاعد بيندم
15:07وبيستحضر الغبن على الدنيا طب والاخرة؟ طب والاخرة ايه الاخبار فالندم الندم ده عشان ييجي انك تجرد الاشياء اللي انت بتخسرها ان راس مالك بيضيع فالركن الاعظم من التوبة بييجي
15:27بيجي امتى؟ لان النبي صلى الله عليه وسلم اعلم الخلق بربه قال لنا كلمة جميلة. قال الندم توبة الندم يعني كأن الندم هو مفتاح التوبة. هو اقوى شيء لما بييجي كل حاجة بتيجي
15:41لما تقف كده مع نفسك وتيجي تشوف وتقف مع المعصية وتعرف ان اول حاجة وانت بتندم معها وبتشوف المشهد وانت بتقرأ او بتعرف كلام الحسن البصري له كلمة جميلة بيقول ايه؟ فعصوه
15:58ولو عزوا عليه لعصمهم يا على الكلام! الكلام ده بيفوق احنا محتاجين يا جماعة احيانا في حد تواصل معي مرة. حاولت اكلمه كلام كتير. ما فاقش. فانا قلت له انا هختم كلامي بكلمة واحدة
16:15لو ما فقتش بالموعزة واحبك الله فسيأتي بقلبك بصدمة لو ما فقتش بالمواعظ والمقاومة والمجاهدة هتيجي لو هو بيحبك بس هتيجي بصدمة. احيانا كده عارفين الحصان يبقى ماشي قاعد بيهزر. ايه اللي يحصل
16:35ييجي الراجل يروح ماسك الكرباج مدي له واحدة يتحرك صح؟ يفوق ينشط احيانا البعض عاوز صوت يفوقه الصوت ده هيكون ايه؟ الله اعلم. هناك من يأتي بالاشواق وهناك من لا يأتي الا بالسلاسل والاشواك
16:56في ناس بتيجي بالشوق وفي ناس بتيجي بالشوك عافانا الله واياكم فاما تيجي بعطايا المنن واما تيجي بسلاسل المحن. المهم في كل الاحوال انك جيت. فالحسن يقول ايه بقى؟ هانوا عليه
17:13فعصوه ولو عزوا عليه لعصمهم لو عزوا عليه لعصمهم عشان كده اللي بيعتصم بالله فقد هدي فانا لما بتفوتني الهداية وانا ما اعتصمتش به ولا ايه فاول وقفة مع المعصية تديك الندم اذ خالاك الله
17:34والوقوع فيها ولو عصمك ما وجد الذنب اليك سبيلا طبعا كلامي ده محمول على العصاة المصرين المسرين. اما الذي يقع ويقاوم الكاره هذا له شأن اخر. ساتكلم عنه. فالندم ده يخليني اندم. ياه! انت انت بتخسر علاقة مش علاقة مع محمد
18:01ولا علاقة مع حد بتحبه ولا ان في واحد بيعمل لك بلوك من الناس اللي بتحبهم قوي وبتاخد ارائهم واللي هو واخد صورة عنك معينة لأ انت بتخسر علاقتك مع مين ؟ مع الله سبحانه وتعالى
18:15عشان كده الموقف ده اما تعيشه بتلاقي نفسك ايه فيه انكسار في زل لا تظنن ان العدو غلب ولكن ربما الحافز اعرض اوعى تكون فاكر ان الشيطان بيكسب لأ انت كان بينك وبين الزنوب دي حجب كان فيه ستاير كان فيه ستارة كان فيه حيطة كان فيه
18:37باب فلازي من حديد ايه اللي حصل اوعى تكون فاكر ان الشيطان عدى وعرف يخترق ولكن الحافظ اعرض فده يخليك تندم يخلي الندم يزيد عندي. هو انت ناوي تخلينا نندم ولا ايه؟ اه يا عم ايه المشكلة؟ ما تخليك تندم. ايه المشكلة انك تندم هنا عشان تفرح هناك؟ من الاشياء اللي
18:59اعدني في الندم ان المعصية قبيحة في الاصل. انا يعني هقول كلمة كده محتاج ان انا اقولها يعني مؤخرا في الفترة الاخيرة واحيانا حتى انا اقع في ذلك يعني احيانا في الفترة الاخيرة بسبب الانشغال شفقة على العصاة ونحن اولهم
19:20الانسان بيعلي اوي اوي اوي الكلام بطريقة معينة في التوبة بطريقة بطريقة ما قد لا تهيج العاصي ان يعود يقول لك لا لا يا عم سبحان الله الشيخ طمنا. الشيخ طمنا هنتقابل امتى بقى النهاردة
19:37يعني ايش يخطب منا وهنتقابل امتى النهاردة؟ انت بتتصل بها تقول لها الشيخ طمنا! يعني انت حاضر انت وهي تدرس. عشان تقول لها الشيخ طمنا فاحيانا بيحتاج ياخد باله ان الغفور الرحيم هو عدل
19:52سبحانه وتعالى ومن عدله ان يقتص لاولياء هذه الفتاة ما هي البنت اللي ماشية معك في الجامعة دي اوليائها لهم حقوق ولو هم تبسطوا في حقوقهم وتنازلوا عنها. المسلمين لهم حقوق يا سيدي
20:10فالله سبحانه وتعالى عدل فلابد انك تبقى وانت او انت بتعبد ربنا تدرك انك تعبد من قال للنبي نبئ عبادي اني انا الغفور الرحيم بس احنا مش بنقرأ الاية دي وبس كده لا كمل الاية وان عذابي
20:30العذاب برضو فما فيش مغفرة بس لأ في عزاب العزاب ده لازم تبقى انت مدركه مش مدركه عشان في الاخر انت تترعب. واتدنك مرعوب. وانا مش عارف ايه. ومش عارف انام ومش عارف اعيش. لا لا
20:47اه الاية مش ده المقصد خالص ومن عذابي هو العذاب الاليم مش ده المقصد. امال ايه المقصد المقصد انه يقول لك هو مغفرتي اه عالية قوي بس انتبه اوعى الباب ده يخليك تسرح. كما تجد في بعض الايات واتقوا النار التي اعدت للكافرين
21:09الناس والحجارة اعدت للكافرين. طيب انا ايه علاقتي؟ هو بيقول لك خلي بالك هي اعدت للكافرين بس انت ممكن تتلط فما تسرحش ولزلك من مقاصد زكر النار بالكتاب والسنة ان الله يخوفك بالنار ليه؟ رأفة منه ورحمة. فبيحذرك الله منها له رأفة ورحمة. يعني ايه رأفة ورحمة
21:32يعني كأن القرآن يقول لنا هذه النار التي فيها السعير هذه النار التي فيها سياب من قطران. هذه النار التي يسترخون فيها. هذه النار التي يغلق عليهم بابواب مؤصدة انتبه لا تليق بك فلا تتلبس باشياء تدخلك اياها
21:55فهذا المكان لا يليق بك. فعمال تقرأ الايات النصوص دي بالطريقة دي بتلاقي نفسك جميل تلاقي نفسك بتنطلق وتستعيز من النار. فمن الاشياء اللي تساعدك قلنا انك تاخد بالك اه انك تعلي وتعمل جرد للغبن. ايه اللي فاتك
22:14ايه الاشياء اللي تساعدك في الندم اللي تساعدك في الندم انك تشوف النعم اللي فاتتك شف نور الاسماء والصفات نور الطاعة انشراح الصدر السكينة الطمأنينة الهدوء راحة البال كل دي فاتك بالمعصية
22:28هتندم لما تندم تبدأ تستدرك وتتمكن من هذا الامر انك تشوف المعصية ان ان يوقعك فيها او تركك خلى بينك وبين المعصية ولوعيه عزوا عليه لعصمهم سبحانه وتعالى. من الاشياء
22:44ان المعصية تساعد على الندم ان المعصية يا جماعة قبيحة في الاصل. كل المعاصي في العقل السليم قبيحة. آآ ارتكاب الفاحشة كل شيء. سبحان الله! لو تأملت نهى عنه الشر
22:56فهي قبح على قبح. المرأة اللي بتنظر في الفضائيات ديت ولابسة كأنها يعني لم ترتدي شيء. كسعرها. كما ترستها عيون كم لمستها ايد؟ كم وكم وكم؟ صح وفي قبح انك تسأل نفسك سؤال
23:15ما الذي جعلك تستحسن القبيح؟ ايه اللي خلاك تستحسن القبيح؟ ايه اللي خلاك تستحسن الشيء الوسخ وتقبل القبح انعكاس الفطرة يا سيدي فدي وقفة تخليك تزدري النفس دي ده هو انا اتقلبت ليه كده
23:32هو انا ليه بقيت بشوف الحاجة دي يا جماعة في قاعدة عند اهل السلوك ان الاعتراف يمحو الاقتراف ويمنح الاغتراف عما تعترف الاقتراب بيزول والاغتراف بييجي بقى تبدأ تقترف معاني طيبة خالص. فالباب ده تاخد بالك
23:55ركز معي فايه اللي يخليني انا استقبح الحاجة دي فنسأل الله سبحانه وتعالى ان يطهر قلوبنا انك تدرك ان القلب بقى بيتعلق بالزنب ليه كده بدل ما كان بيتعلق بالطاعة
24:09بدل ما يتعالج يتعلق بالطاعة تيجي تقول لواحد مدخن بطل ساكتين يقول لك مش قادر. والتانية بتسأل والتدخين ايه اللي فيه؟ اشمعنا هو بيشرب خلاص يبقى حرام على الكل. اشمعنى هو؟ فسبحان الله! ايه التعلق ده يخليك تندم
24:25يخليك تندم انك تبقى فرحان قوي اما بتظفر بالزنب. عشان كده فرحك القلبي ده عن ما بتخلو بالزنب ربما يكون اكبر من الزنب زي ما بنعمل عباس بيقول انك بتفرح ان ربنا يعصى
24:38انك سعيد انه بيحارب شرع الله يعني وانت قاعد عمال تتفرج على مسلسل في في ليالي رمضان بيتهكم على اهل الديانة ولا في منازر كاسية عارية انت فرحان انت مبسوط
24:52انت منتشي لهدم حرمات الله كيف ينظر الله اليك؟ انت ليه فرحان بالموضوع ده الفرح ده شيء في القلب معصية خلي بالك عشان كده بنقول ان اول حاجة الندم. الكلام اللي انا قلته ده يساعد اكيد على الندم. واللي ما يساعدش
25:13الكلام ده يساعد على الندم ولا ما يساعدش على الندم؟ يساعد على الندم. يخليك قاعد تحسبها. ايه اللي يفوتك؟ وايه اللي يخليك تندم. ويا جماعة احسب خسايرك الاخروية وبعد كده دور على الخساير الدنيوية. الحاجات دي تخلي الندم يفوق. لان يا جماعة الندم ده
25:32زي الطفل لو ما اتولدش ما فيش صراخ ما فيش اكل وما فيش شرب ما فيش حياة. جميل؟ الندم ده ده فين؟ لازم يبدأ الاول عشان كده ترك الزنب ليس توبة. ترك الذنب من اركان التوبة لكن ليست الاساسية. الركن
25:52المركزي الندم الركن المركزي الندم الاقلاع اللي هو الترك يعني لا شك هو شيء طيب. عشان كده يا جماعة الاولاد اللي لما تيجي تحكي بقى تقول لهم ايه؟ عارفين واحنا في الجامعة انا وباباكم ده ياما عملنا حاجات باباكم ده كان الله
26:09ايه بقى كان شقي ما شاء الله عليك انت بتقوليها وانت مبسوطة اوي يعني انتي انتي واخدة بالك ان دي كانت معصية ولا ايه هو انتي فاكرة ان الزواج يهدم ما كان قبله؟
26:19الزواج لا يهدم ما كان قبله. الزواج ليس توبة فهمتم؟ لان بعض الناس يبقى ماشي لا انت لازم تتوبي بينك وبين ربنا تندمي على الحاجات اللي كنت بتعمليها معه. بتندمي على كل وقفة كنت واقفة
26:34بالجمع من ورا اسرتك او بازن اسرتك. اوعي تكوني فاكرة ان الكلام ده وانت قاعدة اومال تتعدي الحدود الشرعية وانت وخطيبك وتقولي ايه؟ كله سيجبب بالتوبة اه يجب عند مين؟ عند مين
26:47في صحيفتك؟ لأه طبعا من سنة الفين وعشرة لالفين واتناشر كان في سنتين هنا كان في تواصل غير منضبط شرعا. السنتين دول اخبارهم ايه؟ فيهم توبة ولا ما فيهمش توبة؟ خلاص بقى يا شيخ ما ربنا غفور رحيم واحنا اتجوزنا بقى. اتجوزتوا ايه؟ انتم الفين
27:05طاهر عملته طاعة عملته حاجة مباحة اتجوزته ايوة قبل السنتين دي عملت ايه فبقى خلاص احنا تبنا بقى لأ انت مش توبتي حضرتك انت مش توبتي ولا حاجة وحضرتك ما تبتش ولا حاجة
27:19هو الزمن جابك في حتة تانية فالطبيعي الطبيعي. يعني كانوا في اتنين بيسرقوا كل يوم بيسرقوا من سوبر ماركت والمحل. وبعدين في يوم من الايام والدهم مات فورسه مال كبير. فقال لي خلاص بقى احنا معنا فلوس. نسرق ليه؟ هو تاب! هو ما تابش! هو ما تابش على اللي
27:38طب والحل؟ انت لازم تتوب. طب واعمل ايه عشان اتوب؟ ما هو قلنا بقى اول حاجة في التوبة ايه؟ الندم. اللي انا بندم جميل؟ ان اول حاجة الندم. وعرفنا يعني ايه ندم وان الندم ده مش كلمة كده بالبوق وخلاص والكلام ده كله. طب معلش يعني انا مش عارف
27:55احضر المعاني دي ومش عاوز اندم استحضري ان العالم كله يعرف وزوجك يعرف واولادك يعرفوا والشارع كله يعرف وان سيرتك تكون على كل لسان ده يخليكي تترعبي وتندمي. ماشي؟ هي طبعا درجة اقل بكتير. لان مقام الخلق اعلى من مقام الحق في قلبك
28:16بس ده هنقول ما فيش مشكلة حاليا لان القلب شبه بيحتضر. فهو مش قادر يبص فالمعنى ده لازم تبقى مدركه كويس اوي وخلي بالك اللي ما بيتوبوش دول يا جماعة. طبعا احنا كلامنا كله على مين؟ على اللي بيعمل الزنب ومكمل ومش عاوز يتوب. الناس اللي بتوب دول ربنا
28:37دول بختهم دول دول ربنا بدل حسناتهم سيئاتهم حسنات. دول ناس عالية قوي دول مالنا ده احنا بس ربنا يرزقنا ايه؟ مسلهم يعني دول ناس آآ خلاص اخدوا فرح الرب جل وعلا
28:49لكن نحن نتكلم على مين اللي مكملين اللي مش فارق معه عشان كده ابن الجوزي كان له كلمة جميلة جدا. بيقول ايه؟ قد يؤخذ الظالم بالحجر الدامع. في حجر كده قوي يدفعه ويدمغه. فالناس
29:05فين واي دا كان كله بيقول ربنا شاهد علي وربنا وربنا وانا بحب ربنا وبصلي والكلام ده كله طيب وكان بيحفظ ولا مش عارف ايه. فيقول الناس لما وهو رجل صالح فيجيب لسان القدر حدود لذنوب خفية صار استفاؤها زاهرا
29:25اه الكلام ده عالي قوي قوي. ومن الكلام اللي هو ايه الصوت اللي بيحرك القلب. يعني ايه الكلام ده؟ الناس تقول ايه البلاء ده جاي منين؟ لا لا ده حسابات بنخلصها بس. دي كانت سرية فبنخلصها في العلن
29:39طب انا مرعوب وخايف خلاص تب يا سيدي مش عندك استعداد تدفع الفاتورة دي طب ما تخلص دلوقتي وخلاص سبحانه يمهل وكأنه يهمل. فترى ايدي العصاة مطلقة كانه لا مانع
29:54هي حاسة كأنه ما فيش مانع لو زجر ولم تهدى كده العقول وترعوي واخذ اخذ جبار. انت فاكر يا جدعان! بصوا يا جماعة! امرأة العزيز دي ست عالية قوي يعني في التقفيل ده امرأة العزيز جاءت مسيطرة على كل حاجة. ما دام مسيطرة على القصر والكلام وبتاع والقصة دي كلها. عملت ايه؟ نزل
30:17مش اغلقت لا قفلت البيبان بدل القفل واحد واتنين وتلاتة واربعة وعشرة. ومش الباب الاولاني والتاني والتالت والرابع والعاشر اغلقت كل الابواب صح؟ لكن ما سابتش باب فيه باب ما عرفتش تقفله وهو باب السماء. ايه باب السماء ده؟ ده الباب اللي احنا كلنا اتفرجنا منه على القصة. او انت عرفت القصة منين
30:42من الباب ده لان العاصي اللي مكمل في الطريق واللي قاعد بيتفق معها على ايه يقول لك لا بلاش التليجرام اصل البابا متابعني. وماما هتلقط الفيس واخويا هياخد باله من اشعار الواتس. فانت يا نجم هتجيبها منين؟ يقول له قابلني مش عارف على ايه. تطبيق ايه؟ يا مسكين
31:02انت الان كانك تفعل هذا في بيت زجاجي. عارفين البيت الزجاجي؟ هي كده ده احنا يعني احنا سبحان الله من الحاجات اللي قربت لنا المسافات الكاميرات الخفية. فيه كاميرات كتير احنا ما بنشوفهاش في الدنيا اهو
31:18ويقول لك ايه ده طلعه كاميرات ومش عارف فما بالك بقى عالم الغيب والشهادة! الغيب والشهادة عنده يعلمهم واحد ده انت بقى قاعد عمال تقفل على مين؟ لا لا انا زوجي مش هيعرف
31:33لا لا انا بابا مش هيعرف. لا لا انا اخواتي مش هيعرفوا. انت يا نجم يعني مطمئن ليه يعني؟ هو انت فاكر ان الرب جل وعلا اذا ازن الموضوع ده هيدنو كده ولا ايه ده هو لأ يا شيخ لأ لأ لأ الله يكرمك
31:47ربنا غفور رحيم. ايه الكلام اللي انت بتقوله ده وهو الغفور الرحيم ده سبحانه وتعالى كم سترك؟ وكم ارسل اليك من يعني يساعدك وكم رؤية شفتها ترشدك؟ وكم وكم وكم وكم وكم؟ عملت ايه بقى
32:06خلاص بقى بما انك مصمم على الكلام ده. وناوي تكمل في الحتة دي قابل بقى الله سبحانه وتعالى الجبار يأخز وازا اخذ الجبار مين هيقدر بقى يقف اوعى تكون فاكر الموضوع لما يتكشف خلاص كده. طب افرض اتكشف اعمل ايه؟ هقول لك من فضحك
32:29قادر على ان يطلق الالسنة في الثناء بك عليك والمدح لك. هو مين اللي كشفك الله صح هو قادر ان يطلق جميع الالسنة ان يثنوا عليك. عشان كده خلص فوق مش تحت. ما تكونش دايما مشغول ايه؟ انا عاوز بس ان اهم
32:49حاجة ان ان بابا مش هيعرف اهم حاجة ان زوجتي ما تعرفش اهم حاجة ان ماما ما تعرفش اهم حاجة ان زوجي ما يعرفش عشان هيطلقني هو ده اهم حاجة عندك؟ انت لسة سكران سكر الشهوة متفرتكك
33:04فيبقى نرجع ونقول ان اول حاجة الندم وعلى فكرة الدرس النهاردة شديد قوي ربنا يسامحك والله لا شديد ولا حاجة يا جماعة ان شاء الله مش شديد ولا حاجة. ده بالعكس ده هيكون ممتع لك بازن الله. يبقى الندم ده اول حاجة. تاني حاجة الاقلاع
33:21الاقلاع يعني الاقلاع يعني المغادرة الاقلاع يعني المغادرة يقول لك يعني اربط الحزام عشان نطلع احنا هنسافر خلاص الطيارة هتتحرك يعني ارتفع فوق الحضيض يعني اسمو بقلبك سيب الارض اخلع الاقلاع دايما تربطه باعتزال البيئة. عارفين قصة الراجل اللي قتل تسعة وتسعين وبعدين كمل بالشيخ
33:49اللي قتل الامل في قلبه قال له انا لي توبة قال له لأ ده انت نجم كبير قوي. او في حد يعمل كده يا عم تسعة وتسعين واحد قتلتهم. الله يكون في عون اللي عنده دلوقتي عاهة في رجله ولا اللي
34:01ده انت تقريبا بتنيمهم من قبل الضهر. فقال له لأ توبتين. اللي زيك يتوب ازاي؟ فقال له انت تقتل الامل عندي! انا عندي بصيص امل. لأ ده انا هدبحك اللي زيك ما ينفعش يعيش تاني ويفتي بناس. يا سبحان الله! فعمل ايه
34:17قتل الراجل فكمل به النية راح لواحد فاهم يفهم عن الله ومراد الله ويفهم النفوس. فقال له ايه؟ قال له اخرج من ارضك وروح اعبد مع واخرج للقوم الصالحين دول
34:31واعبدوا الله معهم. عاوز يقول له ايه يعني من الاخر؟ طبعا القصة كلكم عارفينها وتشرحوها احسن مني الفكرة فين؟ بيقول له غير المناخ اغير البيئة غير البيئة البيئة لازم تتغير
34:46فاكرين القصة اللي حكيتها لكم من شوية وقلت لكم اغلى حاجة عندك سبيكة الدهب فاكرينها ولا نسيتوا سبيكة الدهب؟ فاكرين سبيكة الدهب اه سبيكة الدهب اللي كانت في ايدك دي اغلى قطعة دهب عندك. سبيكة بخمسين. خمسين جرام ولا اي حاجة. السبيكة ديت بقى او الميت جرام
35:06حاططها في جيبك وانت ماشي. فعديت على مية مجاري فالسبيكة دي وقعت في مية المجاري. رحنا عملنا ايه ؟ خدناها من مية المجاري وجبنا مية من مية المجاري ننضفها. ايه اللي هيحصل فيها
35:21ايه اللي هيحصل في السبيكة الجميلة دي مش هتنضف. ليه يا عم؟ ده انا بحط عليها مية. مهما صببت عليها من الماء الذي حولها لن تتطهر. لكن لو صبيت عليها قليل من الماء يطهرها. قليل من الماء بعيد عنها. كذلك انت
35:41انت مصممة تكملي مع الايه مع الفئة البعيدة اصحابي وما ينفعش اسيبهم. اصحابك ايه يوم القيامة هتتبري منهم يوم القيامة ده من اسماء يوم القيامة يوم التناد من اسماء يوم القيامة يوم الايه
35:59التنادي. يعني ايه يوم التناد؟ يعني كله بينادي على كله. وكله بيتبرا من كله. ما فيش حد عنده استعداد ان يحاسب على مشاريب التاني صح كله بيقول لك لأ انا ما ليش دعوة بحد ده بيفلت من ده وده بيفلت من ده
36:17عشان كده تشوفهم في القرآن وكل واحد بيحاول بقدر الامكان يبعد ويشيل اصحابه ايه المشكلة؟ ويقول لهم لا مش انا الموضوع كان عندكم انتم انتم اللي كنتم عاوزين تفسدوها انتم اللي كنتم عاوزين تخربوها
36:35مش بتقرأه كده في القرآن وتشوفوا الناس دي نسأل الله العفو والعافية وكل واحد من التانيين قاعد بحسب اه فخلي بالكم خلي بالكم ان يوم القيامة الناس هتتبرا من بعض
36:53هتتبرأ من بعض. هتيجي تقول لا انت اللي ضليتني. انا يا عمي ضليتك في ايه يا عم انا جيت ناحيتك ولو ترى اذ الظالمون موقوفون عند ربهم يرجع بعضهم الى بعض القول. يقول الذين استضعفوا
37:08للذين استكبروا لولا انتم لكنا مؤمنين. ربنا يسامحك. لو مش انت كنت انا زماني في حتة تانية دلوقتي كنت زماني مع مصعب بن عمير. الزين استكبروا هيسيبوهم؟ لأ طبعا. قال الذين استكبروا للذين استضعفوا ايه؟ انحن صددناكم عن الهدى بعد اذ جاءكم؟ ده احنا ياما رابط زوم جا لك
37:28فيديوهات جات لك انا اللي صديتك لا بقى بالمناسبة بل كنتم مجرمين. انت كنت اصلا مجرم. انت فاكر ايه! ده انا انا اكبر منك اه بس كنت لقط الاجرام في قلبك فبيقولوا لهم بل مكر الليل والنهار استأمروننا ده انتم ضيعتونا. فقالوا له ايه بقول لك ايه بقى واسروا الندامة لما رأوا العذاب قال له
37:48وكله داخل. خلاص احنا كلنا هنخش وكله هيتحاسب. فمش وقت اللي احنا ايه نعلي على بعض عشان كده يوم القيامة ربنا بيحكي لنا مشهد جميل قوي بيحصل بين الاصحاب ايه المشهد ده؟ يوم القيامة في ناس تخش النار
38:05ويتقال لهم ايه؟ هذا فوج مقتحم معكم لا مرحبا بهم. انهم صالوا النار. فيردوا على بعض دول داخلين على دول كما قال الله كلما دخلت امة لعنة اختها. كل اما مجموعة تخش على التانية لعنة مين
38:19لعنة اللي شبهها اللي كانوا بيخرجوا مع بعض. الصحبة اللي كانوا بيتعاونوا على الاثم والعدوان. النهاردة تقول له يلا يلا اه شفه هيقول لك ايه يوم القيامة. فبيقولوا ايه بقى
38:29قالوا بل انتم لا مرحبا بكم. انتم قدمتموه لنا فبئس القرار. كان قرار سيء. والقرار السيء بتاع الدنيا جعلنا نستقر ار في مأوى صعب يوم القيامة. بئس هذا الاستقرار. فبيقولوا ايه بقى؟ ربنا من قدم لنا هذا فزده عذابا ضعفا في النار. ياه
38:52كان بيقول لك ايه ؟ طب اطلع انت من ورا والدك وانا اللي هاشيل لك الليلة دي. لو والدك لو والدتك قالت لك حاجة انا اللي هاشيلك. خلاص؟ قولي لمامتك ما لكوش دعوة ده صاحب
39:02اعمل كل حاجة وانت تقول انا لهم ده حبيبي فلان ده هو اللي في ايه سبحان الله! ده هيقول ايه يوم القيامة من قدم لنا هذا فزده عذابا ضعفا في النار. كان لي مجلس كده
39:18اتكلم عن الاتباع يوم القيامة لعلني نشير لي في رمضان. وقالوا ما لنا لا نرى رجالا كنا نعدهم من الاشرار. هو فين الواد ابراهيم؟ وفين حفصة؟ وفين عائشة؟ وفين نورهان
39:30وفين اميرة وفين شيرين؟ البنات اللي كنا نشوفهم في الشارع دي والاولاد زمايلنا وكنا نتريق على عبدالرحمن وصهيب وفارس فين الشباب دول؟ اتخذناهم سخرية هو احنا كنا عايشين على سخرية ومسخرة على هؤلاء؟ ام زاغت عنهم الابصار
39:47ولا احنا مش شايفينهم ربنا بيقول لك ايه بقى؟ ان ذلك لحق تخاصم اهل النار. هو ده هو ده الحوارات. دول الحوارات بتاعتهم ده جزء من المشاهد اللي هم يعيشوها يوم القيامة
40:01وايه بقى يروحوا للكبار بتوعهم ويقولوا ربنا يقولوا لربنا ايه؟ ربنا انا اطعنا سادتنا وكبرائنا فاضلونا السبيلا. طيب عاوز ايه يعني ده هيعمل ايه؟ ربنا اتهم ضعفين من العذاب والعنهم لعنا كبيرا. ياه! ما فيش حد غالي عليك انك تضيع حياتك
40:23عليه يوم القيامة. وكله هيسيب كله فسيبهم هنا لحد ما يسيبوك هناك. صدقني والله العظيم هيسيبوك. هيكونوا ورطوك هنا ويضيعوك هناك وشف بقى الازمة كلها. ان يضيعك هنا ويتوب هو قبل ما يدخل قبره
40:40ويوفق في توبة. تبقى انت رحت فين؟ في اقصى اليسار وهو عدى زي مين؟ زي عم النبي صلى الله عليه وسلم اللي قال له على دين ابائك كانوا تلاتة. منهم اتنين اسلموا
40:54فهو ابو طالب ده قابل الرب جل وعلا على الكفر واللي زقوه رجعوا تابوا الى الله سبحانه وتعالى انتبه ما فيش حد غالي عليك انك تغامر باخرتك عشانه وانت عارف ان احنا عارفين انك عارف ان هم غير صالحين. ما تغامرش في قرار الصح
41:14الله! لان الصاحب ساحب لا يسحبك يمين لا يسحبك في حتة تانية ارجو انك تفوق منها قبل ما تقابل ربنا يبقى الاقلاع يبقى اول حاجة قلنا الندم. صح وقلنا الندم ده هيساعدني عنه ايه؟ ان انا اشوف الخساير اللي انا باخسرها
41:32الخساير القلبية والخساير النفسية والخساير في علاقتي مع الله. الخساير دي اخد بالي منها. والخساير والحاجة التانية قلنا الاقلاع اترك ارضك غير البيئة اعتزل طب ايه علاقة ده برمضان؟ ايه علاقة ده برمضان احنا مقبلين على معركة الالهاء
41:52في اصحاب سوء مستنينك مسلسلات وافلام بيقول لك داخلين معك تحدي مش هتقدر تغمض عينيك. هو من الاول بيقول لك كده انت مش هتقدر تغمض عينيك. مش هيسيبوك لان هم عندهم مشروع عندهم مشروع دايما الكلام ده من ايام النبي صلى الله عليه وسلم يطوفوا حوالين الكعبة يسفروا
42:14يسقفوا ليه والغوا فيه وقال الذين كفروا لا تسمعوا لهذا القرآن والغوا فيه لعلكم اه عارفين يغلبون هم عارفين كويس قوي ان في معركة المعركة دي حلها ايه؟ نعمل ايه؟ ده هم هيكسبونا لا مش عاوزينهم يكسبوا. طب نعمل ايه؟ نعمل ايه؟ نعمل ايه؟ بس يبقى احسن حل
42:38هنشوش عليهم المصحف. هنشوش عليهم القرآن لا تسمعوا لهذا القرآن والغوا فيه. اعملوا لغو. اعملوا شوشرة. لعلكم تغلبون نسيب له كان زمان بيعملوا صفير وتصفيق وسخرية للي بيقرأوا القرآن في مكة. طب النهاردة مسلسلات وافلام وبرامج ساخرة وماجنة وبتناسب كل الاعمار وكل الاجناس. هيجيبك عند الفطار هيجيبك قبل الفطار في
43:03الازكار هتجيبك في السحر هجيبك في التراويح هجيبك كل حاجة مش هسيبك وبعدين انا مش هسيبك. ليه لاننا احنا عارفين ان رمضان جاي يغيرك والمصحف هيغيرك والمصحف دي مش حلفان ها يعني المصحف قراءتك للمصحف هتغيرك. ففي معركة وجودية
43:22ماشي؟ ورمضان ده اقوى اسلحة المعركة فاوعى انت مطلوب منك انك تنتصر ان المصحف ينتصر على الغانية والفاسدة على على كل حاجة ينتصر. فيا ترى حملة المصاحف هيستسلموا للبرامج والمسارح
43:41يا ترى ابو جهل لما ابن مسعود انتصر عليه عند الكعبة انت هتنتصر وتكون زي ابن مسعود ولا ابن مسعود الاول غلبهم ورفع صوت القرآن رغما عنهم اوعى يكون ابن مسعود الاخير اقل عشقا للقرآن منه
43:57رمضان ميدان حرب لو كنت تعلو فجاهدهم فيه ما استطعت لازم تاخد بالك. اقلع اقلاع. عشان كده الاقلاع اما تترك من الحاجات اللي تساعدك في اقلاع في حاجة في الشرع اسمها سد الزريعة. يعني ايه سد الزريعة؟ بصوا يا جماعة تعرفوا كم واحد وقع في الخطأ
44:18في العلاقات المحرمة كتير صح من الحواديت اللي بتحكوها لاصحابكم وبتاع واللي منكم له تجارب ربنا يرفع عن الجميع كتير صح؟ التجارب دي بتبدأ بايه؟ بالنزر. هل كل واحد يحب ينزر نزرة محرمة بيقع
44:34لأ لكن ممكن تنزر ميت نزرة او الف نزرة عشان النزرة اللي بعد الالف هتوقعك بس اما بتوقعك بقى بتجيبك لمس كتاف فين الزحليقة بتاعة الدريم بارك؟ بتجيبك للاخر خالص للنهاية. فعشان كده ييجي الشرع يقول لك ايه؟ نقفل باب النزر. تيجي انت تقول لي على فكرة آآ انا اعرف ناس يا جماعة والله انا ما بنزر
44:55طول ما بيحصليش حاجة. ما هو انت لو بتنزر كتير ومش بيحصل لك حاجة فحلك عند طبيب نفسي او طبيب ايه؟ آآ يعني المهم المهم محلك عند طبيب ماشي فده كده موضوعك. لكن لو انت ما بتنزرش كتير اه هو لسة التراكم. الخلوة مع الاجنبية
45:12هل كل واحد بيخلو مع امرأة اجنبية بيحصل خطأ؟ لأ بس كسرة الخلوة بالاجنبية بتورط واسألوا كتير من الشباب اللي بيتخصص في امور نسائية كسرة الشكاوى عندهم والاستشارات بتنم عن هزا
45:27لان فيه لخبطة عشان كده سدا للزريعة تعمل ايه التليفزيون ده بيجيب في رمضان حاجات جميلة قوي في دروس ومحاضرات جميلة. نعمل ايه اقفله بخيره وشره لان هو عامل زي الخمر في رمضان كده. شره اكتر من خيره. خلاص؟ الاسم بتاعه اكبر. اقفله يا سيدي. باز اعتبره باز ايه اللي هيحصل يعني؟ ماما الله
45:50الا رامز ان شاء الله هو الشيخ ما يقصدش حاجة رامز يعني هو يقصد حضرتك يعني من بعد ما نيجي من التراويح يعني. كفن التليفزيون بتاعك. كفنه. النبي صلى الله عليه
46:00وسلم في حديس جميل قوي. بيقول ايه طبعا ده التليفزيون انا مش عاوز اقول اجهزة التواصل لكن هقول خليها تحت السيطرة. يقول النبي من بدا جفا ومن اتبع الصيد غفل
46:13ومن تتبع ابواب السلاطين افتتن. يعني ايه الكلام ده؟ من بدا جفا. عارفين البدو قاعدين دايما وسط الجبال وبعيد عن الناس وبعيد عن الحضارة وبعيدة عن الايه؟ الازان ما بيسمعوش ازان ما بيسمعوش صلاة جماعة ما بيشوفوش الناس ما بيشوفوش حاجات ما بيشوفوش الحياة. فيحصل ايه
46:33ياخد من طباع الاشياء اللي هو ساكن فيها فبيشوف الجفاف ده واخدين بالكم شيئا فشيئا خلوا بالكم الكلام التلاتة دول كلهم كلهم مباح صح؟ انك تطلع في البدو ده مباح. فاللي من بدا او سكن البادية جفى
46:50دي مباحة ولا مش مباحة؟ لكن النبي صلى الله عليه وسلم بيقول لك شيئا فشيئا يحدث عندك ايه جفاء. ومن اتبع صيد غفل يعني ايه اتبع الصيد؟ الصيد مباح بس قاعد بقى يتتبع الصيد الغزالة راحت الغزالة جت خلي بالك من الصقر امسك الحمامة شف الجمام شف مش عارف ايه
47:09العصفورة راحت العصفورة جت السمكة فلتت فمش وقاعد دي فريسة من هنا الفريسة من هنا ويجري هنا وبتاع ايه اللي بيحصل له؟ من تتبع الصيد من اتبع الصيد غفل. طب يا رسول الله
47:24الاجهزة الالكترونية وتتبع الصفحة. خلاص؟ وحركة الايد ديت وانا بحرك صبعي كده على الشاشة عشان يجيب الايه؟ اللي ورا. الاخبار اللي ورا كل شوية اعمل ريفريش دي اسمها ايه دي بقى؟ ازا كان اللي بيتتبع الصيد غفل دي اسمها ايه
47:40خلي بالك خلي بالك الاجهزة دي سراق النعم. الاجهزة دي سراق النعم نزلوا التطبيقات اللي بتحسب لك كل حاجة تشوفك انت بتقضيها فين الاجهزة دي تخش على الدرس تخش على اللقاء لكن تخش تشوف كوريا ايه النهاردة كوريا الشمالية هي دخلت الماتش ولا لسه آآ اخبار اوكرانيا بيقولوا ايه
48:01اخر اه اخبار اخر برنامج اللي مش عارف آآ لأ خلي بالك. فالبرنامج اسمه ايه ؟ ممكن فيه فيه برامج كتير ده انا شايفه ان هو كويس. بيجيب لك كل دي
48:14انت دخلت فين ؟ وانا انصح جميع الاباء يعملوه لاولادهم. مش عشان الحاجات الغلط بس لأ عشان كمان الايه الوقت بيتقضي في ايه فاما الاقي النهاردة ان مسلا ساعة ونص حضرتك مقضيها في الكائن الازرق. انت كنت بتعمل ايه يا عم؟ ده انت لو يعني شغال بالفقس اصل
48:33ما كتبتش حاجة فانت لو شغال بالفاس كنت عملت حاجة كبيرة يعني. انت بتعمل ايه هنا؟ فتبدأ تعمل كنترول على نفسك لا بس انا كنت في كتير اه طب ليه؟ لان في برنامج انا بسمع قرآن مع زمايلي. انا مش عارف ايه؟ خلاص ما فيش مشكلة. يبقى انت عرفت الخير في
48:49فالاجهزة دي بتسرق النعم. طب بتسرق ايه؟ انفس ما معك وبتاخدها بالراحة بطريقة ماكرة. ايه مشكلة الاخبار؟ محرقة الاعمار في فرق انك بص اتعامل مع الاخبار زي الفهرس لكن تفتح لأ
49:07خلي بالك تضيع ليه؟ هتضيع عن اوقات وتحليلات بقى وعش وكل خبر لا يؤثر فيك ولا تؤثر فيه انت ليه تنشغل به؟ هي الخناقة اللي دايرة ديت يعني يعني انت حاسس كده ان انت لما تيجي تقول لي استهدوا بالله يا بوتين آآ
49:23انصحك وانا بهددك اهو انا ام شيماء وبخوفك بالله هو تحس كده ان هو متابع فهيروح راجع خطوتين فاكيد مش هيتابع خلاص ويا ستي لو هيتابع على تويتر مرة واحدة وخلاص في شعبان
49:36وان شاء الله ايه لو يتابع يلحقها يعني. يبقى احنا النهاردة بنقول في الحديس ده ومن تتبع الصيد غفل ان الغفلة دي هتيجي مع الوقت هتيجي مع الوقت قاعد امال تسحب تسحب تسحب تسحب تلاقي نفسك بتموت بمسدس كاتم الصوت. العزم الحاجة
49:56تالتة العزم والعزم زي ما قلت لكم كده. العزم ده لو سديت الزرائع هييجي ان شاء الله يبقى قلنا الندم انك تحسب الغبن اللي بيفوتك. قلنا الاقلاع حالي انك تبدأ تفيق وخاصة انك تشوف البيئة الصالحة. وطبعا فيه ناس
50:16كان اظن اقبال كان حكى مرة في قصة كده عارفين الزبي في زبي خاف كان يعني كان عايش في امان وكان حاسس ان ما فيش حد هيصتاده طول ما هو ايه بجوار الكعبة. ماشي؟ كان في ظبي الغزالي يعني. اه. هو
50:33هرب من الناس وراح ناحية الكعبة. فكان دايما يشعر بالامان طالما هو في الحرم الامن ده ما حدش هييجي ناحيته وبعدين شوية كده خاف من سواد الكعبة. فطلع برة حرم الكعبة فاصطاده واحد بموته وخده. زبينا هاب سواد الكعبة
50:50فرماه صائد بالثغرة. البيت ده من الروائع بتاعة اقبال رحمة الله عليه هو خلاصة البيت ده اللي احنا بنستفيد منه ان كل انسان بيترك بيئات الخير هيصيبه مسل ما اصاب هذا الزبي. القلب يا جماعة خلق نورانيا
51:08توجه القلب الى مصدر النور ده ضمان النورانية وعماد هذا بيئة الذاكرين هناك يتيقظ القلب من غفلته ويتجه بكليته الى مولاه فاول ما القلب يغفل عن ذكر مولاه. تبدأ الظلمات دي تتراكم عليه
51:29وتبدأ حركة الشهوات تتحرك زي الخفافيش لا تقوى على النور ولكن تتحرك في الزلمات. ولو حركة الشهوات دي زادت تطوع الزنب اللي في قلبك بقصة النداءات المتكررة فطوعت له نفسه. ويبدأ الانسان يمرض
51:46وانتم عارفين المريض لا يرغب في الحركة ولا في الطعام. صح مش عاوز يتحرك مش عاوز ياكل بيفقد الشهية طعام يعني انا فاكر ايام كورونا وايام التعب تلاقي نفسك ما تحبش تشرب شاي
52:01رغم ان الشيء انت ممكن تشربه عادي وبتحب تشرب شاي لأ فصلت. ليه؟ فالمريض يفقد الشهية للطعام فكذلك مريض القلب يفقد الشهية للقرآن والمكث في بيت الرحمن. ولزلك دايما تلاقيه ملول من كل امر فيه
52:18ذكر لله ملول مما يذكره بما عند الله لان المرض بيضعف الانسان طب يتدارك بايه؟ بالعلاج يشفى والا الهلاك القلب كده برضه عشان كده المعنى المهم جدا في موضوع الصحبة واصبر نفسك مع الذين يدعون ربهم. بالغداة والعشية. ليه النهار عندهم شغل
52:44يريدون وجهه ولا تعد عيناك عنهم الكلام ده لمين الكلام ده لمحمد صلى الله عليه وسلم. عينك ما تترفعش عنهم يا جماعة الجملة دي تحس ان هي اتقالت لام في ابنها الرضيع
52:57صح لا تعد عيناك عنه اوعي عينك تترفع منه. اصحابك الصحبة الصالحة لا تعد عيناك عنهم انت عاوز ايه تريد زينة الحياة الدنيا ولا تطع من اغفلنا قلبه عن ذكرنا واتبع هواه. ليه
53:16لانك هتبقى شبهه وكان امره فرطا. عارفين يعني ايه فرطا؟ عارفين كده مع الفارق يعني عارفين السبحة لما تتفرط هي كده برضه. فيه ناس تقعد معها تفرطك تيجي لك لمس كتاف
53:32اول حاجة امات عندك وتيجي تقول لك ايه ده على فكرة اصله والله العزيم هي بنت محترمة جدا. اقسم بالله ما بتكلم حد في الجامعة الا انا. وعلى فكرة يا ماما اقسم بالله معاز ده
53:43والله العزيم لما حضرتك تقعدي معه هتفتكري مصعب ابن عمير ليه بقى ان شاء الله يا شاهندة؟ اصل معاز ده ما شاء الله عمره ما بيعمل يا ماما عارفة عمره ما يكلم بنت الا انا
53:53عمره ما يحط ايده على كتف حد الا انا معاز ده وفي يا ماما. سبحان الله! وانا مرة قبل كده قلت له ابعت لك صورة قال لي لأ لا ما ينفعش انت منتقبة وما ينفعش اشوف وشك
54:05ما شاء الله عليك. فييجي الشيطان ايه طب هو عمل ايه قاعد امال يموت عندك. قاعد بيموت عندك ايه واعز الله في قلبك. وانت تيجي تقول لي لو مش هو ما عملش اي حاجة اللي اطفأ مقام الخوف من الله ومقام التعظيم في قلبك لله
54:22لكفاه جرما فاوعى تترك حرم الاخوة اللي قامت وتهرب لمناطق الحل كماين الشيطان مستنياك في واحد اسمه معاز مستنينا اهو انا يا عم معاز والله ما قصدتك انت ما قدرا يعني
54:37طيب عشان اختم الموضوع دوت المعصية يا جماعة مستويات من معصية مستويات لكن ما حدش ياخد كلامي على الاطلاق وحد يجلد زاته ولا حد يفهم الموضوع على البحري ويكمل العصاة درجات
54:55في واحد هناك من يقوم بالمعصية عن غلبة شهوة وهو كاره لها يبقى بيعمل المعصية شهوته غلباه. بتغلبه. فهو كاره للمعصية ويقاوم فعلها ويندم على اقترافها ويتبع كل معصية بتوبة واستغفار. ده اللي ممكن نسميه اسمه العاصي
55:17تائب وده صاحب هدي على خير ما دام على الحال ده كل عام ما يقع يتوب يستغفر يندم يحاول يزاحم المعصية ديت بتوبة يبعد عنها بقدر الامكان يقفل الموبايل غير الحساب يعمل كزا يصعب الزنب عليه
55:37كان الاول بيقابل الكلام ده على الواتس فيجي يعمل مشاركة للواتس بينه وبين كزا يغير رقمه بيعسر الزنب يبعد بقدر الامكان. لأ ما بقولش بيجلد زاته لان يا جماعة الندم المقعد عن العمل
55:55غير مطالب في الشرع الندم الدافع للعمل ويفتح شهية الامل فهو ده الندم المطلوب. يبقى الاولاني ده عمل الزنب وهو كاره له مقاوم لفعله دفع كل معصية بتوبة واستغفار. تمام كده؟ واضح؟ يبقى ده اسمه العاصي التاء. فيه واحد بقى تاني
56:19بيقوم بالمعصية سرا كالسابق زيه زي الاولاني لكن بلا مقاومة ولا ندم خلاص تسلم على خير تسلم على خير خلاص نتقابل الصبح نتقابل الصبح طب بالليل نتقابل بالليل نتقابل فهو على طول ايه نكمل معه
56:35هذا همه اخفاء الذنب عن اعين الناس. لا التخلص من الزنب. فاهمين الدرجة دي وده وده يدخل في الدرس اللي احنا قلناه رأسا يعني الدرس بتاع النهاردة بيكلم ده مباشرة
56:53ده اسمه العاصي المسر المصر المسر من الاصرار بالذنب يعني بيفعلوا في السر المصر من الاصرار عليه والاصرار دليل عدم مبالاة بالله احد مؤشرات عدم المبالاة بالله وصاحبه على خطر عظيم
57:14وان السرينة الداخلية شغالة. عارفين السرينة اللي بتكون في المصانع بتقول لك الحق في حريق قادم انتبه! انتبه! ده سرينة بتاعته غلب اعلى صوت واحيانا يجي يستشيرك انك تقول له ايه ده
57:30جرس الانزار بتاعك عالي قوي ده انا ويعني الطبلة بتاعة ودني هتتخرم يقول لك على فكرة انا مش سامع حاجة ده على خطر عظيم وان ربنا قال والذين اذا فعلوا فاحشة او ظلموا انفسهم ازا اهل التقوى ممكن يعملوا فاحشة وممكن يزلموا انفسهم لكن ذكروا الله فاستغفروا لذنوبهم ومن يغفر
57:50ذنوب الا الله ولم يصروا على ما فعلوا مش مكمل والذي يتوب ويندم ويقطع سم يعود في غفلة من امره هذا ليس مصر هذا ليس مصر يعني واحد عمل زنب من ست سنين عاد ليه النهاردة
58:13وهو بين الست سنين دي كان تائب ومستغفر وبيدعي ربنا وتصدق وبتاع فاللي الشخص ده ده مصر؟ لا ليس مصر. تمام؟ النقطة دي مهمة قوي. طيب فيه نوع تالت يقوم بالمعصية جهارا نهارا معلنا انه يعصي الله
58:32امام اعين الكل هذا دال على انعدام الخوف والحياء وحب الدين من قلبه وهو اسوأ من الصادق بنسميه بقى العاصي المصر المجاهر. يقول النبي صلى الله عليه وسلم كل امتي معافى الا المجاهرين
58:53وان من المجاهرة ان يعمل الرجل بالليل عملا ثم يصبح وقد ستره الله عليه. فيقول يا فلان عملته البارحة كذا وكذا وقد بات يستره ربه هو هتك الستر الذي بينه وبين الله والله
59:10حماه واطلق الستر التي بين هذا العاصي والخلق ولكن هذا الانسان يصبح يكشف ستر الله عنه. يعني كانه بيقول لربنا انت ساترني ليه انا عاوز الناس كلها تعرف انا مش فارق معي
59:25تمام في واحد بقى ما اكتفاش بالكلام ده كله لا حول ولا قوة الا بالله هو في حاجة ممكن تبقى اكبر من كده يا جماعة دي حاجة ممكن تبقى اعلى من كده
59:36لم يكتفي بفعل المعصية بل يزيد عليها محاولة نشرها والدعوة اليها. وده من حزب الشيطان ده اللي بيتسمى شيطان الانس. طبعا والدعوة درجات في واحد بيدعو لها مباشرة وده واضح. فيه واحد بينقلها من التحريم للاباحة من خلال الفكر والتزيين وده اخطر
1:00:01وفيه واحد رافض اصلا مبدأ السمع والطاعة والعصيان والطاعة يقول لك حرية وده اخطر المستويات. عافانا الله واياكم من كل هذا فاعتقد ان التقسيمة دي ممكن تريح ناس كتير في بعض المدارس نحسن ببعضها الظن بيصدروا كلام محتاج مراجعة
1:00:21يقول لك بص تعايش مع مع اخيك. تعايش مع الزنب بتاعك. انس معاصيك وكأنها غير موجودة. وكمل في الطاعة ولا يهمك. حجة بقى اصل علم النفس وعشان مش عارف ايه والكلام ده كله. الكلام ده صح ولا غلط؟ سبب القول ده غالبا
1:00:38نحسن نحسن الزن بصاحبه لكن حقيقة القول ده بيخلص الشباب من حمقة الانكار على نفسه صح؟ عشان ما يعش الاحباط لكن عمل ايه بقى؟ وقع في اشكال ضخم قال له كلمة التعايش لفظ جميل لمعنى قبيح
1:00:57ايه هو المعنى القبيح؟ الاصرار على الزنب. الاصرار يا جماعة الاهمال لمقام الله الاهمال لمقام الله العزيم الاصرار النسيان والغفلة هو ده الاصرار فليس من الحل ان ان تهرب من الحل باسم علم النفس عشان تحط قاعدة خلاصتها اغضب ربك وانت مرتاح مسرور وتعايش
1:01:19لا الحل انك تدي الشاب والفتاة دي طريقة تفكير صحيحة. عشان تخليه يتعايش مش مع الذنب مع مقاومة الذنب. فاهمين في فرق بين انك نتعايش مع المقاومة وان تتعايش مع الزنب
1:01:36مقاومة الزنب فرق سما وارض. ليه بقى؟ لان دي معركة مع الشيطان يرقبها الله وان العبد يتزين لمولاه من خلال الاعداد يقول له يا رب والله باعد اهو انا يا رب اهو عملت بلوك له. انا يا رب غيرت رقمي. انا يا رب عملت كزا. انا بسأل الشيخ اهو على الخاص. انا بعت لحد يساعدني. انا يا رب في في
1:02:03بيني وبين الشيطان معركة وهكسب فيها. فانا يا رب اتزين وباوريك قد ايه ان انا من جندك ويا رب لو اتهزمت فساعود الى الله وهعود لك لكي اسبت اني ما زلت من جندك
1:02:19وان انا في في صف اهل الطاعة ضد اهل الشيئين المعصية. انا يا رب مش هقف مع الشيطان انا ضده. لان التوبة هي اعلان الولاء لله. اعلان الاستمرار في معركة الترقي
1:02:33كل يوم بترقى عادي اتعورت ودخلت المعركة وعورني خدت سيف في ايدي اتعورت تحت عيني بس يا رب انا هقاتل تاني وهقاوم تاني يا جماعة في شعور اسمه شعور لزة المقاومة
1:02:48انك بتقاوم بين يدي الله ان الله يطلع من عليائه عليك يراك ان نفسك بتغلبك على الزنب وانت قاعد تقاومها وتجاهدها وتلحق تتصل. تقول له الحقني لو سمحت انا افكر في كزا تنصحني بايه
1:03:06آآ مش عارف ايه عظني سكرني ففي فرق كبير صح في فرق كبير بين واحد متعايش مع الله يريه المقاومة للزنب وواحد متعايش مع الزنب وبيغش في علاقته مع الله
1:03:21عشان كده لازم يبقى في يقظة للروح ولو قطعوا رجلي مشيت على العصا وانقطع الاخرى حبوت اليك حبوا وذو دفنوني تحت الفي قامة تخلخلت من بين التراب وجئت. فما دمت مجتهدا مرابطا على ثغور التوبة والاستغفار. عاقدا العزم على التجديد
1:03:45والانكسار فلا تيأس اوعى تيأس من تغيير الزات وتهزيب النفس والتزكية. وان زلت قدمك وان ضل فهمك لا تقنط ابدا من مراغمة الشيطان. دي عبودية جميلة. انك ترغم الشيطان تجيب مناخيره الارض
1:04:03وان اوقعك في الف زنب فترتفع الف حوبة بتوبة نسأل الله ان يتوب علينا وعليكم ويرزقني واياكم حسن العمل وحسن الاتباع وحسن الخلق