اختر خاتمتك بنفسك " قصص واقعية عن حسن وسوء الخاتمة " | محاضرة | د . حازم شومان
0:00رب الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. لبيك يا ربنا وسعديك. والخير كل الخير في يديك والشر ليس اليك. انا بك واليك تباركت وتعاليت
0:20استغفرك واتوب اليك. اللهم صل على الحبيب محمد وعلى ازواجه امهات المؤمنين وعلى ذريته وال بيته انك حميد مجيد. اما بعد اسأل الله العلي العظيم ان ينزل من بركاته ورحماته على اهل هذه القرية. اللهم انزل عليهم من بركاتك ورحماتك. اللهم
0:40بارك لهم في توكلهم عليك. اللهم بارك لهم في ايمانهم ويقينيهم. نسأل الله سبحانه وتعالى ان يكرمنا ولا يهنا. وان يعد تعطينا ولا يحرمنا وان يؤثرنا ولا يؤثر علينا انه ولي ذلك والقادر عليه. اما بعد اخواني واحبابي في الله فيعني كلمة يعني
1:00بازن الله سبحانه وتعالى نتذكر بها امر من امور دينا وامر من امور الدار الاخرة في هذه الايام التي يعني كثرت فيها اسباب الغفلة كثر فيها اسباب الانشغال عن الله سبحانه وتعالى
1:20السماعة طب اقول لكم حاجة اسيب الميكروفون واتكلم كده صوتي حلو. انا صوتي بيوصل من غير ميكروفون نجرب. كده من غير لا لا لا يا جماعة ايه ان شاء الله الصوت هيوصل ان شاء الله بازن الله. طب نجمع كده شوية بقى نجمع كده. ان شاء الله بازن الله. ان شاء الله الصوت كده يوصل
2:00كويس بازن الله بس الاول بس يا اخوانا يعني يعني هتعشونا ولا هنمشي كده آآ هتعشونا ايه عندكم في المخزن هنا بط؟ ربنا يحفزكم يا رب. ربنا يبارك فيكم. ربنا يكرمكم
2:20يعني سبحان الله العظيم يعني آآ آآ اهم حاجة يعني قال رسول الله صلى الله عليه وسلم ان الرجل ليعمل بعمل اهل الجنة فيما يبدو للناس يعني قدام الناس كويس. انما هو ممكن بينه وبين ربنا ما هواش كويس. ما هواش بنفس الصورة. اللي قدام الناس. ان الرجل ليعمل
2:40فلاهل الجنة فيما يرى للناس حتى ما يكون بينه وبينها الا ذراع في عمل بعمل اهل النار فيدخلها والعياذ بالله. يعني ربنا يعني يعني يعني والعياذ بالله يذوق سوء الخاتمة لانه كان في السر بيعمل اعمال سيئة الناس ما هياش عارفاه
3:00وقدام الناس عامل كويس قدام الناس. فربنا يمهله طول عمره انه يغير حاله. لما ما يغيرش حاله فيبتلى بسوء الخاتمة والعياذ بالله وان الرجل ليعمل بعمل اهل النار فيما يرى للناس. هو ممكن قدام الناس وحش ولكن هو فعلا ممكن يكون عنده خير او جواه
3:20فحتى ما يكون بينه وبينها الا ذراع فيعمل بعمل اهل الجنة فيدخلها اسمع بقى النبي عليه الصلاة والسلام بيقول ايه وانما الاعمال قالوا ايه ؟ ها؟ بالخواتيم. وانما الاعمال بالخواتيم يا جماعة. يعني اخطر عمل في حياتك
3:40حياتك هو اخر عمل في حياتك. اخطر عمل في حياتك هو اخر عمل في حياتك. طب آآ طب اعمل ايه؟ طب انا يعني ازاي يبقى اخر عمل في حياتك كويس ؟ من عاش على شيء مات عليه. يبقى اخر عمل في حياتك ده انت اللي بتختاره
4:00اختار خاتمتك من الان. انت اللي بتختار الخاتمة بتاعتك تبقى خاتمة حسنة ولا خاتمة سيئة؟ ازاي؟ على حسب اللي عليه يعني كنا في المنصورة كده ولقيت شاب من الشباب واقف مع فتاة يعني منظر معتاد دلوقتي يعني ربنا يعافي شبابنا يا رب
4:20ويعني واقف وما صلاش وبيدخن سيجارة والسيجارة فيها مخدرات. فدخلت اكلمه فبقول له يا حبيبي اللي انت بتعمله ده حرام. قلت له انت صليت الضهر قال لي قلت له طب العصر لسه عليه نص ساعة. يعني انت الوقت ربنا بيناديك من تلات ساعات وانت ما بتلبيش نداء ربنا. قلت له انت الوقتي لو مت
4:40تقابل ربنا على ايه؟ لو مت دلوقتي هتقول لربنا ايه؟ لو ملك الموت جا لك الوقتي هتقول لربنا ايه؟ فهو يعني ايه؟ يعني الكلام قلت له يا ابني انت واقف بتعصي ربنا خاف من نظرة غضب من ربنا من فوق سبع سماوات. لو ربنا اطلع عليك وانت على معصيته. فنظر
5:00لك نظرة غضب انت ممكن تروح فيها. المهم قلت له خاف من ملك الموت. المهم لا صلى ولا ساب السيجارة ولا ساب البنت اللي كان واقف معها. وخلاص ومشيت وسبته
5:10هذا الشاب مات بعد تلت تيام. الشاب السليم ده هو اللي ما فيش فيه اي مشكلة دهوه. مات بعد تلات تيام. بعد اتنين اربعين ساعة مات. كان مع اصحابه وهو برضو بيشرب يعني يعني اللي كان بيشربه دوت مات وسبحان الله العظيم تحت الكوبري الجديد بتاع
5:30ده الكوبري اللي بيطلع على الطريق السريع ده. اصحابه رموه من العربية وطلعوا يجروا. يعني ده قبل ما ما يموت بتلات تيام بقول له يا ابني خاف من ملك الموت
5:40ده لو كان سمع الكلام يا جماعة. ده لو كان صلى يا اخوانا. ده لو كان اتغير يا جماعة. هو ما هوش عارف ان لسانه اتنين وسبعين ساعة على اول ليلة في القبر
5:50سبحان الله العظيم! سوء الخاتمة لها مصيبة! مصيبة! لان اول عمل بتتحاسب عليه! اول عمل بتقرأه في صحيفتك لما بتتطاير الصفوف وكل واحد بيمسكه هو العمل بتاع راس الحربة بتاع حياتك كلها اللي هو اخر عمل. انما الاعمال بالخواتيم. العكس بقى
6:10عارفين الشيخ كشك الله يرحمه عارفين مات ازاي ؟ عارفين مات ازاي الله يرحمه. الشيخ كشك مات يوم الجمعة. مات يوم الجمعة الصبح. الله يرحمه والنبي عليه الصلاة والسلام يخبرنا ان بيموت يوم الجمعة يعني ربنا بينجيه في قبره. الشيخ كشك يوم الخميس بالليل نادى ابنه هي كده كده بقى من غير ميكروفون
6:30منورين يا رجالة. وحدوه. الله اخيرا طيب الشيخ كشك الله يرحمه يوم الخميس فيه حاجة ولا ايه؟ لا انت خلينا نشوف الناس اهم حاجة الشيخ كشك الله يرحمه يوم الخميس بالليل نادى ابنه وقال له يا ابني
6:50النبي عليه الصلاة والسلام مات وهو عنده كم سنة؟ قال له تلاتة وستين سنة. قال له الحمد لله. انا النهاردة تميت تلاتة وستين سنة. فضل وملة الله سبحانه وتعالى تاني يوم صلى الفجر وقعد جلسة الضحى قعد يسبح ربنا لحد ما الشمس طلعت ده اليوم اللي مات فيه. ده كده لسه له ساعتين ويموت. يعني سبحان الله
7:10وقعد يسبح ربنا لحد الشروق وجلسة الضحى دي باجر حجة وعمرة. اللي يصلي الفجر في جماعة ويقعد يسبح ربنا لحد الشروق. وظل يسبح الله الحسنة الشروق بعد كده نادى زوجته قال لها انا شفت الليلة رؤية. قالت له شفت ايه؟ قال لها شفت النبي عليه الصلاة والسلام. وسيدنا
7:30عمر بن الخطاب وكانوا واقفين جنب بعض وبعد كده انا وقعت مت ما بين النبي وما بين سيدنا عمر. فالنبي يعني ايه يعني فخدوه وغسلوه يعني. فمراته قالت له انت بتحكي لي الحلم الوحش ده ليه؟ قال لها مين قال لك ان الحلم ده وحش؟ قال قالت له آآ يعني عشان مات فيه يعني. قال لها انا
7:50اتمنى ان انا اموت الموتة دي. وبعد كده قام دخل الحمام عشان ياخد غسل الجمعة سنة النبي عليه الصلاة والسلام. دخل خد غسل الجمعة. خارج من الحمام قال صلي ركعتين قبل ما ينزل المسجد وهو بيصلي الركعتين وهو في الركعة الاولى نازل السجدة الاولى مات. الله يرحمه
8:10الله يرحمه الموتة دي يا اخوانا يعني كل واحد مننا يدفع فيها قد ايه؟ كل واحد مننا يدفع قد ايه عشان يموت الموتة دي؟ من عاش على شيء ان مات علي شفت صورتين سبحان الله العظيم يهزوا اي قلب. شفت صورة شاب مات في الحمام اعزكم الله وهو بيشرب
8:30مخدرات وهو يعني بياخد الجرعة جا له سكتة قلبية وقع مات. ومصورينه والصورة التانية صورة واحد مات في المسجد النبوي وهو ساجد الراجل نزل مع الناس بيصلي الناس خلصت صلاة وده لسة ساجد. بيزول اقوم لقوه مات. فده واحد عاش على المعصية
8:50فمتع المعصية. وده واحد عاش على الطاعة فما تقطعش. فكل واحد مننا عايز يموت على ايه؟ كل واحد مننا يموت على اللي عاش عليه. احد اخوانا يعني ربنا يحفظه يا رب. كان في قرية من القرى كده يعني جنبنا فهو خارج قالوا له في ام ابنها مات. تعال عشان تعزيها في موت ابنها
9:10يعني وابنها كان في بكالريوس حقوق ومات قبل امتحاناته بشهر تعالى. يعني قل لها كلمة ربنا يصبرها بها يعني. فصاحبنا راح عشان يسلم على الام ويقول لها كلمة بيقول دخلت لقيت الام شكلها صابر ومحتسب بفضل الله سبحانه وتعالى ولقيت اصحابه قاعدين على جنب كده قاعدين منهارين من البكاء
9:30فبيقول لقيت اصحابه هم اللي عايزين حد يعزيهم. فرحت اقعد وسط اصحابه. فبيقول قاعد وسط اصحابه. فبيقول لهم يا شباب وان شاء الله صاحبكم في الجنة فواحد قال له جنة ايه؟ قال له انت عارف صاحبنا مات ازاي؟ قال له احنا كنا سهرانين بنزاكر مع بعض قبل الامتحانات بتاعتنا بشهر. قبل امتحانات البكالوريوس بشهر. وكنا في
9:50قال وحدنا. فصاحبنا يعني في وسط الليل كده قال لهم اجيب لكم فيلم من الافلام السيئة اللي على شبكة النت. جاب لنا فيلم نتفرج عليه بيقولوا له صاحبنا شهوته فارت. فدخل للخلاء حتى يقع في العادة السيئة. حتى يقع في العادة السرية. بيقول قفل عليه الباب
10:10بعد عشر دقايق ما خرجش. ربع ساعة ما خرجش. تلت ساعة ما خرجش. نادوه ما ردش. خبطوا الباب ما فتحش. بيقول له كسرنا الباب دخلنا هنا صاحبنا ميت واخر حاجة قابل بها ربنا كانت العادة السيئة. واخر حاجة قابل بها ربنا كانت المشاهد السيئة اللي
10:30عليها. سبحان الله يا اخوانا الانسان ممكن يموت في اي لحظة. ملك الموت ممكن يتنزل في اي لحظة. عشان كده النبي عليه الصلاة والسلام يقول ان العبد المؤمن اذا كان في ايه؟ في ايه؟ في انقطاع من الدنيا. انقطاع انقطاع دا عاملين زي ايه
10:50عارفين الكهربا لما قطعت الوقتي ؟ فجأة الكهربا قطعت. فجأة الميكروفون وقف. فجأة المراوح تقف. فجأة اللمط تطفى. كل حاجة وقفت. تليفزيونات وقفت كل حاجة تقف. ان العبد اذا كان في انقطاع يعني الموت ده فجأة يا اخوانا. الموت ده عامل زي قطع النور كده. فجأة اي حد مننا رايح مشوار يلاقي
11:10ناس حاجة كده نازلة له انتم مين؟ احنا ملايكة. منين من عند الله؟ ليه مكلفين من الله بقبض روحك؟ ليه؟ عشان اصعد بها الى الله عشان هتتحاسب على عمل عمل عملته. فالانسان ما دام الموضوع ده يعني سبحان الله العظيم كنا لسه راجعين من على طريق سفر كده من آآ
11:30يومين تلاتة كده فالحتة اللي احنا يعني حودة كده حودين عليها. كان واحد زميلنا في الدفعة وكان التاني على الدفعة. كان التاني وكان يعني له مستقبل كبير في الطب يعني طالع التاني على الدفعة وبيختار التخصص اللي عايز يختار ويتعين فيه في الجامعة. وهو جاي من الحتة دي بيحود من العربية بتاعته. جت عربية
11:50نقل جابته نصين. وصل مستشفى الطوارئ يعني ميت الله يرحمه. الانسان بيموت في لحزة يا اخوانا. في لحزة اي حد مننا بيقابل ربنا في لحظة اي حد مننا بيموت ولكن يا ترى هيموت على حسن خاتمة ولا هيموت على سوء خاتمة؟ هيقابل ربنا على ايه؟ ما هي
12:10مشاهد يقينية كل واحد مننا له مستقبلين. مستقبل يقيني ومستقبل مظنون. يعني ايه مستقبل مظنون؟ كنت مرة معدي مع دكتور عبدالرحمن الصاوي لو تعرفوه ها هو زميلي ودفعته ربنا يحفظه فمعدين جنب فيلا كده قال لي الفيلا دي صاحبها. فضل يبني فيها طول عمره ومات
12:30قبل ما يسكن فيها ولا يوم واحد. فمستقبل الدنيا مستقبل مظنون. فيه ناس سافرت تشتغل برة وهي راجعة في عبارة السلام تمانية وتسعين ولا في سالم اكسبريس ولا في اي عبارة ما تم قبل ما يصرفوا جنيه واحد من تحويشة العمر. فيه طلبة بيحصلوا شهادات جامعية وهيموت قبل
12:50قبل ما يكسب جنيه من ورا الشهادة بتاعته. فمستقبل الدنيا مستقبل مظلوم. انما مستقبل الاخرة يقين. يعني ايه يقين؟ يعني مش معنى انك ما بتفكرش في يوم يوم القيامة انك مش هتعيشه. مش معنى انك ما بتفكرش في اول ليلة في القبر. انك انت مش هتدخلها وتتحاسب. مش معنى انك انت ما بتفكرش
13:10في الصراط انك مش هتلاقي نفسك قدامه بيتقال لك عدي. انت في الدنيا واخد خمسين سنة ويوم القيامة خمسين الف سنة. يعني تخيلوا الناس مشغولة بخمسين سنة عن خمسين الف سنة. يعني سبحان الله العظيم! حاجة عجيبة يا جماعة! حاجة عجيبة ان انسان يتشغل بخمسين سنة عن
13:30خمسين الف سنة قال تعالى الذي خلق الموت والايه؟ ولا الذي خلق الحياة والموت. الموت الاول ليه؟ قال لك اصل اي حاجة رغم انك انت بتعيشها قبل ما تموت. قال لك ان اي حاجة في الحياة ممكن تحصل او ممكن ما تحصلش. انت ممكن تشتغل وممكن ما تشتغلش
13:50وممكن تغتنم وممكن ما تختناش. وممكن تتجوز وممكن ما تتجوزش. وممكن تخلف وممكن ما تخلفش. انما مش ممكن تموت وممكن ما تموتش. القضية انت هتموت على ايه ؟ على اللي انت عشت عليه. واحد في عبارة سالم اكسبريس وكان احد الناس الافاضل رايح يغيث الغرقى
14:10لما العبارة غرقت فبيقول واحد يعني سبحان الله سمعتها منه منه باذني. بيقول واحد وهو بيحاول يغيثه فبيقول له قل لا اله الا الله. فالراجل قعد يقول الشنطة الفلوس شقى عمري. الراجل معه تحويشة العمر راحت. فبيقول له انت عارف ايه ولا فيه. انت بتموت
14:30وتقول لا اله الا الله. قال له الشنطة الفلوس بيقول فضل لحد ما مات لا يتكلم الا الشنطة الفلوس شاء عمري على زلك. مش عارف يقول لا اله الا الله. مش عارف يقولها. انا مرة كنت في المستشفى وجت حالة كنا واقفين في استقبال المستشفى ساعتها
14:50وجت واحدة ست عندها يعني حاجة واربعين سنة اربعين ما اعرفش بالزبط عندها قد ايه. بس يعني مش كبيرة يعني. جت ست دخلت المستشفى فجأة الحقوني الحقوني انا بموت الحقوني يعني سبحان الله اترمت على السرير بتاع المرضى ها اللي في مكان الاستقبال وفي خلال نص دقيقة راحت في غيبوبة
15:10في خلال نص دقيقة كل زمايلنا طلعوا يجري اللي يجري يجيب جهاز ضغط اللي يجري يشوف جهاز سكر اللي يجري بقى يجيب اي حاجة يعني اي يعني سبحان الله العظيم
15:20وفضلت انا معها في الاوضة الواحدة. انا باوصلها في نص دقيقة راحت في غيبوبة يعني يعني نادر انك تلاقي حالة تتطور طبيا بالمنظر ده. او تتدهور بالمنزر ده بسرعة فانا باصص لها والله يا اخواني وانا واقف ببص لها كده يعني مبهوت بالمنظر وبسرعة التدهور اللي حصل. لقيتها وهي في الغيبوبة قامت قايمة
15:40فتحت عينيها كده كانها بتقاوم عشان تفتح عينيها. وقالت اشهد ان لا اله الا الله. واشهد ان محمدا رسول الله وقامت واقعة ميت. سبحان الله! مين اللي صحى دي في الغيبوبة؟ مين اللي قوم ديت؟ مين اللي رزقها الشهادة عند موتها؟ سبحان الله العظيم
16:00يعني يعني واحد وهو بيموت بيقولوا له قل لا اله الا الله. قال لهم هعمل بها ايه؟ وانا عمري ما ركعت له ولا ركعة واحدة واحد وهو بيموت بيقولوا له قل لا اله الا الله. قال لهم هتنفعني بايه؟ وانا عمري ما سبت معصية الا وعصيته بها
16:20يعني تخيلوا يا اخواننا ساعة الموت يعني ياما حصل عجائب وياما شفنا عجايب وياما سمعنا عن عجايب الحمد لله ربنا يرزقنا حسن الخاتمة يا رب. الماية بتاعتكم حلوة ما شاء الله. ربنا يبارك فيكم ويحفزكم
16:40آآ يعني سبحان الله يا اخواني في قضية اخر عمل قبل الموت. العمل اللي الانسان هيلقى به ربنا سبحانه وتعالى هيقابل ربنا على ايه؟ احد اخوانا ساكن في شارع الجلاء في المنصورة وشغال هو شغل تاني فنزل وساب مراته العيال العمارة اللي في شارع الجلاء لو سمعته
17:00انا بالفترة اللي وقعت فالمهم العمارة وقعت وهو برة زوجته ماتت. الله يرحمها. فلما شالوا الانقاض بيشيلوا الانقاض عن الدور اللي كانت فيه لقوها ميتة وهي واخدة المصحف في حضنها وحاضنة كتاب الله. وحاضنة المصحف. يعني اخر عمل كانت بتعمله في حياتها انها كانت ماسكة كتاب ربنا
17:20انها كانت بتقرا في كتاب ربنا. من عاش على شيء مات عليه يا جماعة. يا اخواننا ده قانون يا اخواننا. قانون. لو تعرفوا الشيخ احمد جلال ربنا احفظه من الدعاء في المنصورة وفي قناة الرحمة. كان كان في العمرة فكانوا بيصلوا وهم بيحرموا من مسجد ابيار علي اللي عند المدينة المنورة. وهم رايحين
17:40في عمرة بقى لمكة للمدينة المنورة يعني كان معهم آآ يعني كان معهم ناس بقى من الافاضل الناس. دكتور حازم النجدي اللي هو رئيس قسم العظام في مستشفى الجامعة المهم يعني فهم بيصلوم في مسجد نبوي وكانوا بيصلوا العصر فسجدوم يعني واحد جمبهم كده سجد رفض
18:00للسجود وهو لسه ساجد. سجدوا تاني وهو لسه ساجد. كملوا الصلاة وهو لسة ساجد. قروا التحيات وهو لسه ساجد. المهم خلصوا صلاة وهو ساجد. فبيحاولوا يأزوه مش عارفين اه فندعوا دكتور حازم النجدي اللي كان معهم فبيكشف عليه قال لهم الراجل مات. مات وهو ساجد. مات وهو محرم. مات وهو رايح يعمل عمرة
18:20مات في مدينة رسول الله صلى الله عليه وسلم. ايه ده! يعني سبحان الله! لما سألوا اولاده قالوا لهم كان دعاء ابونا انه بيتمنى ان ربنا يقبضه كان بيدعي ربنا وهو بيعبد ربنا ان ربنا يقبضه وهو ساجد. سبحان الله العظيم يا اخواني في الله. ناس بتموت وهي بتشرب خمور. ناس بتموت وهي بتقع
18:40في المعاصي وناس بتموت وهي بتصلي. وناس بتموت وهي بتقوم الليل. واحد صاحبنا دخل على ابوه لقاه ميت وهو ساجد. ميت وهو ساجد. سبحان الله العظيم يعني عجائب الخاتمة دي الخاتمة دي رزق. الخاتمة دي لو حسنة بتبقى وساب شرف ولو سيئة. عارفين برصيصة يا جماعة؟ عارفين قصة برصيصة
19:00بروسوس العابد بورصوصا ده عابد من عباد بني اسرائيل. يعني حب العبادة لدرجة انه راح بنى صومها على جبل. وطلع يعبد ربنا لوحده في الجبل ولدرجة انه انعزل عن الناس تماما عشان ما فيش اي حد يعطله عن عبادة الله. الشيطان هيجن عشان يضل برصيصة
19:20مش عارف يعمل له ايه. يعني الشيطان من الشياطين قال له سيبه لي. هتعمل له ايه؟ قال له سيبه لي. ما لكش دعوة به. انا هتصرف معه. الشيطان ده راح بنى
19:30ومع جنب صومعة برصيصة. ولبس لبس عابد بقى وقعد يعبد ربنا ليل نهار. برصيصة لو تعب الشيطان ده ما يتعبش. برصيصة لو جا له يعني فطر ولا جا له ملل وخرج برة الصومعة يلاقي الشيطان قاعد يعبد ربنا. ليل نهار. لحد ما بورسيس اعتقد ان الشيطان ده والي من اولياء الله. ففيوم
19:50في الايام الشيطان بقى بعد ما حس ان الموضوع بقى استوى خلاص قام قايم وقام رايح لبرصيصة. قال له يا ولي الله يا عبد الله علمني ما علمك الله؟ علمني حاجة برصيصة. فبرصيصة قال له انا اللي ولي الله. ده انت اللي ولي الاولياء. انت اللي تعلمني حاجة. قال له طيب
20:10ما خلاص طيب. انتم سامعيني يا جماعة؟ طيب بسم الله. قال له طيب فقال له انت اللي كلمنا ابو رصيصة قال له البرصيصة قال له انا اللي انا اللي ولي الله. ده انت اللي ولي الله. ده انت اللي بتعبد عبادة انا ما اعرفش اعبدها. علمني انت حاجة مما علمك الله
20:30الشيطان قال له طيب انا هعلمك اسم الله الاعظم. اللي لو قرأته على اي حد مسه جن الجن يسيبه فورا. وقام علمه اي اسم كذب كذب فيه على برصيصة ونزل الشيطان يكمل المهمة بتاعته. بدأ الشيطان يمس انتم سامعيني كده يا جماعة؟ الصوت واضح كده
20:50بل الحمد لله. بدأ الشيطان يمس واحد من اهل القرية. يجيبوه لمين؟ يجيبوه البرصيصة العابد. برصيصة اول ما يقرا عليه اسم اللي الشيطان علمه له يقوم الشيطان يعني منصرف عن هذا الرجل. فبقت خلاص الموضوع كل ما حد يمسه الشيطان يجيبه البرصيصة. لحد ما مرة الشيطان راح
21:10بس اجمل امرأة في هذه القرية. اجمل فتاة في هذه القرية. جابوها البرصيصة. جه يقرا عليها الاسم اللي الشيطان علمه له. الشيطان ما سابهاش. الله فيه يقرا عليها الاسم والبنت بتصرع. الزي ايه ؟ قام الشيطان قال له يا ابو رصيصة دي شكلها حالة صعبة جدا. انت سبها عندك في الصومعة
21:30تعبد ربنا وتتوب على ايديك ولما تتوب من زنوبها لما تقرأ عليها الاسم الاعظم الشيطان هيسيبها وهيمشي. اهلها وافقم وقالوا ده برصيصة ما فيش حد ايه يعني ما فيش حد يخاف ان بروسيسة ممكن يعني ايه يؤذي حد من اولاده ولا حاجة. وسابوا الفتاة. كل شوية والفتاة مع برصيصة
21:50في الصومال وحدهم كل شوية الشيطان يصرعها تتكشف يصرعها تتكشف لحد ما برصصة نفسه فتن بها ووقع في الزنا معها في حملة الفتاة الشيطان جه قال له انت هتسيبها بروسيسة قال اعمل ايه ؟ قال له انت لو سبتها انت آآ انت ما انتاش عارف اهل القرية يعملوا فيك ايه ؟ قال له طب اعمل ايه ؟ قال له
22:10قلت لها اقتلها ازاي؟ ده انا عابد لله. قال له اقتلها وبعد كده تب. اقتلها وبعد كده ارجع لربنا. اقتلها وتكون من بعده قوما تن صالحين وارجع بعدها تب واعبد ربنا. قتلها ودفنها ولما جه اهلها. قال لهم بنتكم هربت بنتكم الشيطان اللي مسها. يعني هربت بقى وانا مش عارف
22:30راحت فين ؟ الناس صدقوه. الشيطان راح لهم قال لهم بنتكم لا هربت ولا حاجة. اللي حصل كزا وكزا وبورصوصة قتلها ودفنها في المكان الفلاني. راح اهل القرية لقوا الكلام مظبوط. طلع اهل القرية كلهم على برصصة عايزين يقتلوه. حاصروا الصومعة بتاعته. برصيصة جوة الصومعة هيموت من الرعب. الشيطان جا له
22:50قال له يا ابو رصيصة كل الناس دي عايزة تقتلك. قال له طب اعمل ايه؟ قال له عايزني انجيك منهم؟ قال له اه. قال له اسجد لي يا برصيصة. قال له ايه؟ قال له اسجد لي
23:00قال له اسجد لك ازاي؟ ده كفر. انت خليت نزني خليتني اقتل. انما اكفر لأ. قال له اسجد لي والا هاسيبهم يقتلوك. سجد له سابه دخلوا قتلوه مات كافر والعياذ بالله. مات كافر. يعني واحد واحد عاش على العبادة ويموت كافر
23:20يا اخواننا طب سبب ايه؟ بسبب ايه؟ بسبب حاجات كتير اوي. اول حاجة ان هو ما احترمش انه انسان ضعيف. تلاقي شاب دلوقتي يقول لك مسلا ايه يتكلم مسلا مع فتيات او يقف في الجامعة مسلا او في الشغل بتاعه يكلم من لم يحل لا لهم ان هو يتكلم معهم ويقول لك
23:40لا لا انا عارف اصلها زي اختي. يا ابن اختك مين يا ابني؟ يا ابني هتضيع نفسك. يا ابني انت انسان ضعيف وخلق الانسان ضعيفا. تلاقي شاب يدخل على النت
23:50قل له مسلا خد بالك من مواقع اللي مش كويسة يقول لك لأ انا واخد بالي كويس لحد ما يضيع والعياذ بالله. يا ابني خد بالك الانسان ضعيف. ما تعرضش نفسك
24:00تكلفتنا انت مش هتبقى قدها. انت مش هتقدر عليها. سبحان الله شاب من الشباب في المنصورة يعني امه اتصلت باحد اخوانا قالت له الحقني ابني بيموت. وفعلا هو بيموت مش بيموت يعني مريض بيموت يعني في الاحتضار. فذهب اخونا اليه فبيقول دخلت لقيته
24:20فعلا يعني بيموت واصحابه حواليه وهو بيبص لهم بصة يعني منكم لله. منكم لله زي ما ضيعتوني. فصاحبنا دخل قعد جنبه وقعد يطبطب طب عليه ويقول له رحمة ربنا واسعة. رحمة ربنا كبيرة. رحمة ربنا عظيمة. بيقول لقيت الشاب بدأ يبكي ويصرخ ويقول له رحمة ربنا دي مش
24:40لي انا رحمة ربنا دي مش للي زيي. انا وقعت في الزنا. انا شربت مخدرات. انا عملت كل حاجة. وقعد يصرخ ويبكي. فصاحبي بيقول فقعدت اطبطب عليه واقول له رحمة ربنا واسعة. رحمة ربنا كبيرة. بيبقى قعدت اقول له احاديس الرحمة وايات الرحمة لحد ما هدي خالص. بيقول
25:00هيا وفتح عينيه تاني وبدأ يبكي تاني وبدأ يقول طب والزنا طب والمخدرات طب والزنا طب والمخدرات طب والزنا ورفع لسانه وما نزلوش. مات وهو مقهور على الاعمال السيئة اللي عملها في حياته. مات وهو بيندم على المعاصي اللي عملها في حياته. سبحان الله العظيم
25:20سبحان الله يا اخواننا قضية الخاتمة دي قضية عجيبة جدا. قضية الانسان هيموت على ايه؟ ده قضية عجيبة جدا. دي قضية محصلة العمر بتاع كله انت لو طالب بيزاكر خمستاشر ساعة في اليوم. قاعد على المكتب طول اليوم. واي واحد مننا فات عليه فجأة هيلاقيه بيعمل ايه
25:40اهو بالزبط كده اللي عايش على طاعة ملك الموت لو نزل عليه في جاهلية على ايه؟ على طاعة. طب اللي عايش على معصية ملك الموت لو نزل عليه فجأة على ايه؟ على معصية. طب الغافل اللي لا بيطيع ولا بيعصي ملك الموت لو نزل عليه فجأة. هيلاقيه على ايه؟ على غفلة. عشان كده
26:00قال تعالى يا ايها الناس مش يا ايها الذين امنوا يا ايها الناس نداء للعالم كله اتقوا ربكم ان زلزلة الساعة شيء عظيم. ده تسونامي لما نقطة في اندونيسيا اتزلزلت
26:20قالت هنرسم خريطة العالم الجغرافية مرة تانية. هل خريطة العالم في اماكن اتغيرت؟ اومال لما كسبت قررت يتزلزلوا؟ العلماء فقال لك فتنتقل جبال البر الى البحر. وجبال البحر الى البر وجبال الشرق الى الغرب
26:40جبال الغرب الى الشرق. قال لك من قوة الزلزال بتاع يوم القيامة. ان زلزلة الساعة شيء عظيم. طب ربنا بيقول شيء عظيم ليه ربنا يعلم ان يوم القيامة ده حاجة فوق مستوى قدرة الانسان على الوصف. الانسان ما يقدرش. عشان كده ربنا بيقول للنبي عليه الصلاة والسلام القارئ
27:00تعمل قارعة وما ادراك ما القارعة! وما ادراك! دا حاجة فوق مستوى قدرة الانسان على الادراك. انا مش هاقول لكم يوم القيامة انا هاقول لكم اللي هيشوف يوم القيامة هيحصل له ايه. ان زلزلة الساعة شيء عظيم يوم ترونها
27:20يوم ترونها كل الناس هتشوفها. المشهد ده مش واحد هيشوفه وواحد لأ. مش معنى انك ما بتفكرش في يوم القيامة انك مش هتعيشه. مش معنى انك ما بتفكرش في الدار الاخرة انك مش هتبقى من اهلها. ده كلام جاي يا جماعة. وفي
27:40في مشاكل لها حل ومشاكل ما لهاش حل. انا الوقت عطشان. دي مشكلة ولا لأ؟ مشكلة. لها حل. يا عم همد ايدي اشرب. طب ما فيش ماية. اما اروح اشرب. اي
27:50حاجة اي حل لها وخلاص. انما عطش يوم القيامة حله ايه؟ مشاكل الدنيا كلها حلها بسيط. انما يوم القيامة مشاكله ما لهاش حل حلها الوحيد انها ما تحصلش. حلها الوحيد انها لا تحدث. سبحان الله العظيم! يوم ترونها تذهل كل
28:10اعطن عما ارضعت. ذهول المرة الوحيدة اللي جه في القرآن فيها لفظ الذهول. يوم ترونها تذهل. كل مرضعة كل واحدة حاطة ابنها ضناها في حضنها وبترضعه. اول ما يبدأ زلزال القامة ترمي اللي في ايديها. عمه ارضعت ما عادتش دارية اللي في ايديها ده خشبة
28:30ولا طفل ولا ولا مش دارية يوم ترونها اقوى عاطفة بشرية في الحياة انهارت مع اول لحظات يوم القيامة انهارت اقوى عاطفة بشرية في الحياة مع اول لحظات يوم القيامة. ده احنا لسة
28:50في البداية يوم ترونها تذهل كل مرضعة عما ارضعت. سبحان الله! المشهد ده يا اخواننا يعني يعني ام ترمي ابنها ام ترمي ضناها. ربنا بيقول لك يبصرونهم. يود المجرم لو يفتدي من عذاب يومئذ ايه؟ بايه
29:10بايه؟ ايه يا رجالة؟ رجالة المخزن مش حافزين القرآن ولا ايه؟ ايوا كده ما شاء الله يود المجرم لو افتدي من عذاب يومئذ ببنيه. اولاده امي تتمنى انها ترمي ولادها في النار عشان هي تنجو. انا لي
29:30واحد صاحبي السخان ولع عليه وهو بيستحمى. السخان ولع نار. امه دخلت جوة النار جابت ابنها وخرجت. امه دخلت في النار جابت ابنها وخرجت. هل ايه النار دي اللي تخلي امي تتمنى ترمي ابنها فيها عشان هي تنجو. يبقى جهنم
29:50دي يا جماعة يبقى جانا قد ايه ؟ قال تعالى ولا يسأل حميم حميما. يعني انت الحميم بتاعك اقرب الناس لك اقرب حبايبك ولادك اقرب احبابك في الدنيا لو شفتهم متألمين او عربية خابطة حد مسلا ربنا يعافيك يعافينا ويعافي من نحب يا رب
30:10ويعافي المسلمين اجمعين. انت هتجري وتقول له ما لك؟ يوم القيامة لا يسأل حميم حميمة. ما حدش هيسأل في حد. ما حدش هيبص لحد اني في عبارة آآ السلام تمانية وتسعين ام واب وابنهم الطفل الصغير وبنتهم لسه طفلة زي بترضع كده ها
30:30لما العبارة غرقت ونصها ولع نار. فكان يا الواحد هيتحرق يا الواحد هيغرق. وما كانش معهم غير طوق نجاة واحد. فجابوا ابنهم حطوه جوة طوق النجاة ده وحطوا اخته جنب معه وقالوا له يا ابني خد بالك من اختك. الوقت هيجي لكم قوارب انقاز او هيجي لكم حد ينقذهم خد
30:50بالك من اختك واختار هو ومراته انهم يموتوا بالمنزر ده عشان ابنهم يعيش. ده دي عاطفة الامومة تخيل ان اول عاطفة بتنهار يوم القيامة هي اكبر عاطفة في الحياة وهي عاطفة الامور. عاطفة الامومة تذهل كل
31:10عما ارضعت. كل الامهات ترمي ولادها. وتضع كل ذات حمل حملها. كل النساء الحوامل تسقط. بل كل الكائنات مش كل النساء. كل كان وترى الناس سكارى وما هم بسكارى ولكن عذاب الله شديد
31:30ده ربنا يا اخوانا بيوصف اول لحظات يوم القيامة. بيوصف بدايات يوم القيامة. ده لسه يا جماعة النار ما جاتش. يحملها لها سبعين الف زباب كل زمام ماسكه سبعين الف ملك. ده لسة يا اخوانا. ده لسه يا جماعة يوم القيامة ما حصلش فيه حاجة. ده يا اخوانا لسه الشمس
31:50ما بقتش على بعد ميل من الرؤوس. يا اخوانا ده لسة يوم القيامة بيبدأ وكل ده حصل. اومال لما يوم القيامة يزيد؟ الناس هيحصل لها ايه؟ الدنيا هيحصل فيها ايه
32:00اخواني واحبابي في الله احنا في زمن الغفلة. احنا في اكتر زمن ربنا عصي فيه في الدنيا كلها. احنا في اكتر زمن ربنا عصي فيه على وجه الارض. احنا في اكتر زمن حرمات الله انتهكت فيه. احنا في اكتر زمن
32:20قرئ فيه على الله سبحانه وتعالى. تلاقي الوقت واحد فاتح عصارة ولا حاجة ومشغل لك كاسة اغاني محرمة. ما للشارع تقول له يا عم الحاج طب شغل قرآن يقول لك الكاسيت ده هو اللي بيرزقني. استغفر الله العظيم امال ربنا بيعمل ايه
32:40الكاس الدواء اللي بيرزقك احنا في اكتر زمن يا جماعة الناس بعدت فيه عن ربنا. وفي اكتر زمن الشباب بعدوا فيه عن ربنا. عشان كده الزمن ده ما تلاقيش فيه واحد ماشي في النص. اللي بيعصي جاي بالاخر والعياذ بالله. واللي بيطيع مجتهد في الطاعة
33:00اه بمنة ربنا سبحانه وتعالى عشان كده عايزين يا اخوانا نقف مع نفسنا وقفة نقف مع نفسنا وقفة هنقابل ربنا على ايه؟ بقول لكم الشاب ده واقف معه بقول له حرام تلات تيام مات. تلات تيام اتنين وسبعين ساعة. والله العظيم وانا باتكلم مع هزا الشاب
33:20اللي كنت بكلمه انا ما كنت متخيل ان هو يموت. وانا باقول له خاف من ملك الموت انا مش متخيل ان هو يموت. شاب زي الفل. مين اللي يتخيل ان ده يموت؟ الشاب اللي انا
33:30كنت واقف معه ده سبحان الله العظيم! قبلها باسابيع يعني سبحان الله! الشاب ده اصلا كان له قصة تانية وده اللي خلاني اقول له خاف من الموت وانا واقف اتكلم معه اصلا
33:40كان اه يعني واحد شاب من الشباب عندنا كده كان في اولى كلية. وخد اصحابه وطلعوا طلعة اسكندرية يشوفوا حياتهم يعني. وهم راجعين العربية بتاعته اتخبطت. فدخلوا مستشفى على الطريق وهم راجعين المنصورة. فالدكاترة كشفوا عليهم قالوا لهم كويسين يلا روحوا. فصاحبنا وصل اصحابه وروح بيته
34:00اول ما طلع بيته بدأ نفسه يضيق وبدأ وشه يزرق وبدأ نفسه يتكتم ابوه جري به على مستشفى الطوارئ اللي في المنصورة قعدوا يعملوا له اشعة على المخ في الاخر قالوا لابوه ابنك حصل له كسر في العمود الفقري تحت المخ بالظبط. والنخاع الشوكي اتقطع
34:20اه ابنك حتى لو عاش هيفضل طول حياته مشلول. شلل كم الرباعي؟ الشاب ده الله يرحمه. كنا بنزوره في مستشفى الطوارئ. قعدنا شهر زوره. قعد حوالي شهر ما بين عمليات في الرئة. عمليات في الدماغ. عمليات في العضم. عمليات في الرقبة. ويعني الله يرحمه الشاب ده تاب لدرجة
34:40ان هو كان ممكن حد يروح يزوره ينادي عليه ما يردش عليه. فيجري ينادي الدكتور احسن يكون صاحبه مات يدخلوا عليه يلاقيه بيقول السلام عليكم ورحمة الله. السلام عليكم ورحمة
34:50معلش يا جماعة انا كنت بصلي انا اسف. كان بيصلي. الشاب ده مات في اول رمضان. مات في اول رمضان. وكانت الجنازة بتاعته جنازة كبيرة. سبحان والله العظيم فالشاب ده لما مات احد اخواني دكتور في كلية طب هو قعد اخواني طلع قال كلمة على هزه الجنازة يذكر الشباب
35:10فلما وقفت مع الشاب اللي كنت بحكي لكم قصته في اول المحاضرة اللي هو واقف مع البنت وبيشرب مخدرات وما بيصليش. لما وقفت مع الشاب وانا بكلمه فالشاب ده طول الوقفة قعد يبص لصاحبي اللي معي ويقول له انا شفتك فين قبل كده ؟ انا شفتك فين ؟ وانا باحسب ان هو بقى ايه بيتوه الكلام عشان نسيبه
35:30ونمشي اترن فعلا شافه فين ؟ قال له انا شفتك في جنازة محمد. الله يرحمه. الجهاز محمد؟ قلت له محمد مين ؟ قال محمد قلت له انت الشاب اللي في مستشفى الطوارئ قلت له انت كنت في جنازته! انت دفنت صاحبك بايديك ولسه واقف الوقفة دي! بص لي بص
35:50كده الله يرحمه. بص لي بصة يعني سازجة كده قال لي ده انا مش دفنته بايدي. قلت له امال ايه؟ قال لي ده انا كنت معه في العربية ساعة ما عمل الحادسة
36:00قلت له يا نهار ابيض! يعني انت ملك الموت نزل اخد صاحبك وانت ربنا اداك فرصة تانية ولسه واقف الوقفة دي. قلت له انت لو مت هتقول لربنا ايه؟ ده انت لسه صاحبك دمه ما بردش في القبر بتاعه. هتقول لربنا ايه؟ انت لو ما اعتبرتش ربنا هيخليك عبرة
36:20قلت له الكلام ده وسبته ومشيت. وانا ما اعرفش فعلا ان لسة له اتنين وسبعين ساعة ويموت. ان لسانه تلات تيام ويموت سبحان الله العظيم نفس الكلمة اللي قلتها له دايت لو ما اعتبرتش ربنا هيخليك عبرة نفس الكلمة دايت واحد صاحبنا في الطاهرة في شارع عباس
36:40خارج في رمضان بعد بالليل بقى بعد ما صلوا بقى خارج لقى اربعة شباب بيركبوا عربية كده وطالعين ايه بعد عباس العقاد بقى الاوتوستراد بقى وطالعين حياتهم بقى شكلهم لا بيصوموا ولا بيصلوا. فعدى الشارع وراح لهم قال لهم يا شباب هو صاحبنا ده اسمه كريم؟ صاحبنا ده يعني ايه مش من النوع المتكلم اوي يعني
37:00فراح لهم قال لهم يا شباب لو ما اعتبرتوش ربنا هيخليكم عبرة. عايزهم ييجوا يصلوا معه في الجامع. وفي رمضان ما بيصلوش حتى في رمضان فبصوا له كده قالوا له يعني ايه الكلام اللي انت بتقوله ده؟ فهم مش من النوع اللي بيعرف يتكلم اوي يعني. قال لهم يا شباب لو ما اعتبرتوش ربنا هيخليكم عبرة. فتلاتة اتخنقوا
37:20ومنه يا عم بلا خناقة وقاموا راكبين العربية. الرابع فضل واقف ما بينه وما بين اصحابه اللي في العربية. متردد يدخل يصلي في الجامع ولا يركب مع اصحابه. فبيقول له انت قصدك ابن
37:30الكلمة دي فكريم صاحبنا قال له يا ابني لو ما اعتبرتش باللي حصل لغيرك ربنا هيخليك عبرة لغيرك. المهم التلاتة اتخنقوا وقاموا نازلين شادين صاحبهم ومركبينه وهو خلاص يا عم كبر بقى. وطاروا في شارع عباس العقاد خمسات وغرز وطلع امريكاني طاروا بقى يعيشوا حياتهم
37:50وهم طالعين من عباس العتل اوتوستراد وبيجروا بسرعة جنونية قاموا داخلين في عمود نور. العربية ولعت. يعني صاحبي بيقول لي اربعة ما خرجوش متفحمين. بيقول للاربعة خرجوا بودرة. من كتر قوة النار اللي كانت عندهم. والعياذ بالله. بيقول فضة العربية
38:10ما بين عباس العهد الاسطورات فترة اللي معدي يبص عليها ويتعجب! سبحان الله العظيم! من حادسة بهذا المنزر! يا اخوانا القضية يعني فجأة بقى كتير اوي. الوقت سهل قوي انك تلاقي فجأة فلان مات. فلان مات انا اقرب صاحب لي في الدنيا كلها مات في لحظة. بيتصلوا بنا فلان مات
38:30انا مش فاكر يعني فاكر رد فعل صاحبي اللي ماسك التليفون قال لهم قصدكم ابوه ابوه مريض ابوه لسه الله يرحمه دافنينه من تلات تيام ابوه مريض وراجل كبير جدا قصدكم ابوه هو. يعني سبحان الله العظيم بعدها الواحد قال يعني اي حد ممكن يموت في لحزة يا جماعة. اي واحد مننا
38:50ممكن الليلة ينام في القبر ما ينامش في بيته. ماذا اعددت لهذه التوبة؟ ماذا اعددت لهذا القبر؟ ماذا اعددت ستة لهذا الحدث من الاحاديث اللي بتزلزل القلب. حديث ابي هريرة وهو حديس حسن. قال رسول الله صلى الله عليه وسلم ان الميت
39:10اذا وضع في قبره فانه يسمع قرع نعالهم. اذا ولوا مدبرين. فانه يسمع اسمه ايه؟ قرع نعالهم. قرع نعال مين؟ ها؟ المشيعين؟ ايوا. قال المشيعين. طب القرع ده لما اجيب اجنة حديد واقوم نازل بها على حاجة حديد. يقوم يتسمع صوت القرع. هو المشيعين ماسكين حديد وقاعدين يخبطوا
39:40ده ده صوت رجليهم وهي ماشية على التراب. هو صوت الرجلين بيعمل صوت يا جماعة؟ خفيف جدا جدا. اومال ايه قرأ عن علي القرع ده في ايه قلبه مصدوم مفزوع هتسيبوني لوحدي وتروحوا فين؟ هتسيبوني لوحدي اعمل ايه هنا؟ هفضل هنا اعمل ايه
40:00ويا عيني فيه ناس بتدخل ابراط تلاقيه خرابة. اتفتنت من السنتين تلاتة. اللي عايشينهم فوق التراب. ونسيوا ان هم يعيشوا تحت القبر ليوم القيامة وفي ناس فرشت قبرها من الان. فرشت قبرها من الجنة من الان. فالنبي عليه الصلاة والسلام بيقول لك ان الميت اذا وضع في قبره فانه
40:20ويسمع قرع نعالهم اذا ولوا مدبرين. فان كان مؤمنا. اسمع بقى العجب العجاب. فان انا مؤمنة لو كان مستعد في الدنيا لو كان مع ربنا في الدنيا اسمع كانت الصلاة عند رأسه
40:40الصلاة اللي اهتم بها وعظمها وخشع فيها. واجتهد في فروضها ونوافلها. تيجي عند راسه كده. جاية تعمل ايه؟ هتشوفه الوقتي كان الصيام عن يمينه. الصيام اخر يوم صمته امتى؟ فيه ناس يا جماعة اخر يوم صامته يوم تسعة وعشرين رمضان اللي فات دوت
41:00ولا تلاتين رمضان اللي فات ده؟ ده اخر يوم صامته اخر يوم صمته لله امتى؟ وكان الصيام عن يمينه. وكانت عن شماله وكان فعل الخيرات من الصدقة والاحسان الى الناس عند رجليه. واقفين حواليه دايرة
41:20ما يدور ليه ؟ شف بقى اللي هيحصل دلوقتي فيؤتى من عند رأسه. مين اللي ياتيه؟ ملايكة العذاب. ليه ؟ الراجل ده عمل المعاصي تستوجب عليها عذاب القبر. فملائكة عذاب جاية. قال لها طب وبعدين؟ الراجل زمانه مفزوع الوقت ملايكة العزاب جاية عليه. فتقول
41:40الصلاة ما قبلي مدخل. الله اكبر! الله اكبر! ده اتاريني اللي واقفين داير ما يدور حواليه البودي جاردات فين يحفظوه واقفين يمنعوا عنه اي عذاب من انواع عذاب القبر. فيؤتى من عند رأسه. في الصلاة تقوم تقول الصلاة
42:00ما قبلي مدخل ما حدش معدي من هنا فيؤتى من عن يمينه ملايكة العزاب تيجي من على اليمين. فيقول الصيام ما قبلي في مدخل فيؤتى من عن شماله فتقول الزكاة ما قبلي مدخل فيؤتى من عند رجليه
42:20فيقول فعل الخيرات من الصدقة والاحسان الى الناس ما قبلي مدخل. الله اكبر! ايه الجمال ده! ايه العزمة دي! ايه الروعة دي العبادات اللي اجتهد فيها في الدنيا بقت حفاظ بقوا طقم حراسة له من اي نوع من انواع عذاب القبر. طب انت لو انت في الموقف
42:40ده ايه اللي هيقف يحامي عنك؟ ايه اللي انت قدمته؟ التاني بقى يؤتى من عند رأسه فلا يوجد ما فيش حاجة ملايكة العزاب جاية له ما فيش حاجة تدافع عنه. فيؤتى من عن يمينه فلا يوجد شيء. فيؤتى من عن
43:00فلا يوجد شيء. فيؤتى من عند رجليه فلا يوجد شيء ثم يجلسه الملكان مشعوفا خائفة هيموت من الفزع. فيقولان له ارأيتك اسمع بقى السؤال الغريب ده. ارأيتك هذا الرجل الذي كان قبلكم ماذا تقول فيه؟ بيقولوا له انت كنت عايش في ارض كان في نبي الناس كلها متبعاه
43:30الراجل ده انت انت قولك فيه ايه ؟ الراجل ده كان مسلم يا جماعة. الراجل ده كان مسلم. وكان في البطاقة مسلم. فيقول لهم لا ادري اي رجل رجل من مش عارف يقول محمد فيقولن له محمد صلى الله عليه وسلم. انت مش عارف سيدنا محمد عليه الصلاة والسلام
43:50وكل لا ادري سمعت الناس قالوا قولا فقلت كما قال الناس. الراجل ده كان مسلم في البطاقة ولكن كان شاكك في دينه والعياذ بالله. فلما اتسأل عن سيدنا محمد في القبر ما عرفش يجاوب ما عرفش يجاوب. تلاتة من اصحابنا يعني تلاتة شباب جامعة ماتوا عند
44:10مستشفى كده في المنصورة كانوا بيعملوا غرزة كده ما بين عربية نقل وعربية تانية الله يرحمهم ماتوا. كانوا اربعة في العربية تلاتة ماتوا والرابع نجا. الرابع ده جاب كان الكلام ده من كزا سنة كان لسة في شرايط شرايط كاست جاب شريط عليه دم كده شريط اغاني لواحد صاحبنا فبيصاحبنا بيقول له ايه ده ؟ قال له ده كان اخر شريط
44:30يسمعوه قبل ما يموتوا. اخر شريط بيسمعوه قبل ما يموتوا. المهم فواحد سبحان الله العظيم شاف واحد منهم في الرؤية بعد ما ماتوا. فبيقول له عملتوا ايه جاوبتم على اسئلة القبر. قال له اتنين مننا جاوبوا وواحد مننا ما جاوبش. يعني الكلام ده يا جماعة لو دي رؤية يا اخوانا. هو
44:50ممكن حد مننا ما يجاوبش يا اخوانا اللي بيجاوب في القبر اللي عنده يقين اللي عنده يقين فيه ناس متهيأ لها ان ساعة الموت يا عم هقول لا اله الا الله
45:00يا اخوانا الموضوع مش كده. يا جماعة ده عاملة زي لو انا جبت موبايل وسجلت عليه اغاني. لو قعدت اخبط عليه بعدها واقول له طلع قرآن ايه ؟ هيطلع اغاني. هيطلع اللي يسجل عليه. فكل واحد ساعتها بيطلع اللي في قلبه. اللي في قلبه. هو
45:20وانا الوقت لو انا جبت اسفنجة وحطيتها في ماية بخل وعصرتها هتنزل عسل هتنزل مية بخل. طب لو عصرتها وهي كانت محطوطة في ميه بسكر هتنزل هتنزل بقى بصوت يا اخوانا اللي انت بتقوله في القبر اللي بيتكلم في القبر مش لسانك. اللي بيتكلم في القبر قلبك
45:40اللي بيتكلم في القبر ما كان على قلبك. امتحان القبر ده امتحان في العقيدة. لان ممكن واحد يقول لك طب انا بتسأل في القبر وبارجع تاني اتسأل يوم القيامة. طب ايه الفرق بين سؤال القبر وسؤال يوم القيامة؟ سؤال يوم القيامة في العمل. انما سؤال القبر في اليقين
46:00سؤال القبر في العقيدة مرحلة الموت دي كلها قبلها وبعدها امتحان في اليقين. عشان كده اخر فتنة الشيطان بيحاول يفتنك بها. وانت بتموت اسمها فتنة ايه؟ ها؟ فتنة الممات. فتنة ايه فتنة الممات ديت؟ ان الشيطان ييجي للواحد
46:20هو بيموت ويحاول يشككه في دينه. يحاول يموته على الكفر والعياذ بالله. اللي ما عندوش يقين ساعتها بقى يعمل ايه؟ اذا كان الشيطان وهو في قوته وشبابه. الشيطان هيعمل معه قوة في ضعفه. عشان كده يا اخوانا مرحلة الموت دي كلها محتاجة يقين. فهل اعددنا لهذا اليقين
46:40هل استعددنا لهذا اليقين؟ هل استعددنا لهذا الايمان؟ هل استعددنا يا جماعة؟ اخواني في الله كما قال النبي صلى الله عليه وسلم ان الرجل ليعمل بعمل اهل الجنة فيما يرى للناس. العلماء قال لك يعني ايه فيما يرى للناس؟ قال لك يعني ده قدام الناس بيطاع ربنا
47:00ولما يتقفل عليه باب بيته لوحده بيعمل مصايب. معاصي السر والعياذ بالله. حتى ما يكون بينه وبينها الا ذراع. فيا بعمل اهل النار فيدخلها. يفضح عند موته بسوء الخاتمة والعياذ بالله. وانما الاعمال بالخواتيم
47:20اخر عمل هتقابل به ربنا ده ده اخطر عمل في حياتك. اختار خاتمتك من الان. ازاي من عاش على شيء مات عليه اخواني واحبابي في الله ربنا يحفظكم وربنا يبارك فيكم. وربنا ينزل من بركاته ورحمته على اهل هذه القرية الطيبة المباركة. وربنا يجعل قرية
47:40المخزن كده يعني من البلاد اللي يخرج منها الهداية للدنيا كلها. واللي اهلها يبقوا من اطوع الناس لله سبحانه وتعالى وفتيات رجالا ونساء اسأل الله سبحانه وتعالى اللهم تب علينا لنتوب. اللهم تب علينا توبة ترضى بها عنا
48:00اللهم تب علينا توبة ترضيك. اللهم تب علينا توبة لا نرد على اعقابنا بعدها ابدا. اللهم تب علينا توبة نصوحة. اللهم انا نستغفر فيروك من كل ذنب عصيناك به ونستغفرك من كل صلاة ضيعناها ونستغفرك من كل
48:20معصية سر جعلناك فيها اهون الناظرين الينا. ونستغفرك من كل امر فعلناه نظنه حلال وهو عندك حرام ونستغفرك من كل ذنب تبنى اليك منه ثم عدنا فيه. ونستغفرك من كل نظرة حرام نظرناها
48:40يا من تبسط يدك بالليل ليتوب مسيء النهار. تب علينا يا ربنا من ذنوب الليل والنهار. اللهم انزل من بركاتك ورحماتك على اهل هذه القرية. اللهم انزل من انوارك وهدايتك على قلوب اهل هذه القرية. على رجالها ونسائها
49:00وشبابها وفتياتها واطفالها. اللهم الف بين قلوبهم. اللهم بارك لهم في ارزاقهم. اللهم بارك لهم في ارزاقهم اللهم اشف مرضاهم وارحم موتاهم وادي الدين عن مدينهم برحمتك يا رب العالمين. سبحانك اللهم وبحمدك اشهد ان لا اله الا
49:20استغفرك واتوب اليك