استمع إلى الصوتيات والقرآن في تطبيق IlmPro افتح التطبيق

الكلمة الترحيبية بالشباب | أيامنا الحلوة | د . حازم شومان

0:00هتبقى جوازة سوبر بقى. اه. انت عارف اللي مراته بتقول له حرام عليك يا اخي ما قلتليش كلمة حلوة. قل لي جملة فيها يا عمري. قال لها منك لله غلطة عمري
0:10فاحنا عايزين جوازة حلوة كده ان شاء الله يا شباب. الحمد لله وكفى وصلاة وسلاما على عباده الذين اصطفى. اللهم لك الحمد كله ولك الملك كله وبيدك الخير كله واليك يرجع الامر كله. لبيك يا ربنا وسعديك والخير كل الخير في يديك. والخير كل الخير في يديك
0:30خير كل الخير في يديك. والشر ليس اليك نحن بك واليك. تباركت وتعاليت نستغفرك ونتوب اليك. اللهم على النبي محمد وعلى ازواجه امهات المؤمنين وعلى زريات وال بيته انك حميد مجيد. اما بعد اخوانا واحبابنا وشبابنا الجميل. اللي اغلى من الدنيا واللي فيها
0:50والله يا جماعة يعني يعني سعادتنا بالهزا الاجتماع اللي جمعنا ربنا يا جماعة. اللي جمعنا هنا ربنا سبحانه وتعالى يعني والواحد والله يا شباب لو خير ما بين يعني هذا المعسكر وهذا اللقاء وما بين مليون جنيه مليون جنيه. لاخترت فورا بلا تردد
1:10لا اخترت فورا بلا تردد هزا المعسكر وهزا اللقاء وهزه الجلسة الواحد سعيد والله يا اخواني. واحنا قاعدين كده وبنضحك مع بعض. يعني الواحد بيقول سبحان الله العظيم يا رب يعني ربنا اللي فرح قلوبنا في الدنيا ان شاء الله هيفرح قلوبنا يوم القيامة. ان شاء الله هيفرح قلوبنا في الجنة. ان شاء الله هيمتع
1:30قلوبنا بالنظر لوجهه الكريم سبحانه وتعالى يعني اخواني في الله آآ لما بنقول الشباب ولا مليون جنيه والمليون جنيه ما تساويش حاجة في اصغر واحد موجود وسطنا واقل واحد حذيفة بقى الصغنن دهوت باموال الدنيا كلها لا تساوي هذا اللقاء يا جماعة الكلام ده ما هوش كلام يا اخواني والله ما هو
1:50سلام يا جماعة انتم مش عارفين قيمتكم. انتم مش مقدرين قيمتكم. انتم مش عارفين دوركم. انتم اكبر مصيبة حصلت دلوقتي ان احنا ما عدناش عارفين رسالتنا ايه. ما عدتش عارف دورك ايه يا اخوانا في الغرب ستيف جوبز مات بعد ما عمل خمس اختراعات غيرت منزر الارض. ايفون
2:10والايباد وسيبقى ده واحد بيل جيتس بيل جيتس نشر الكمبيوتر في الكرة الارضية وده فرد واحد هم ليه برة بيوصلوا لكده واحنا هنا ما كده لان برة بيفكر بفكر امة. انما احنا هنا بنفكر بفكر فرض. لو انت خرجت من تفكيرك كفرض لتفكيرك لامتك. لتفكيرك لدينك
2:30هيطلع منك طاقات عمرك ما كنت تتخيلها. لما باقول لك انت يا ابني جواك طاقة مهولة. ممكن تقول فين الطاقة دي ؟ انا مش حاسس بها. ولا حد في الدنيا حاسس بها
2:40يا شباب كل واحد منكم عامل زي السعودية ايام ما كان تحت ترابها بترول وفوق التراب الناس ماشية حافية على الرمل لحد ما تفجر البترول بقوا مليونيرات ومليارديرات العالم. هو انت جواك طاقة ممكن تقود بها الدنيا كلها ولكن مش هيفجر الطاقة دي. زي ما فجر البترول
3:00اللي قلب حياة الخليج مش هيفجر الطاقة دي غير انك تبقى صاحب رسالة. مش هيفجر الطاقة دي غير الدين. مش هيفجر الطاقة دي غير الالتزام. الشباب البطولات الالتراس الالتراس اللي عملوه ده كله. تخيلوا يا اخواني البطولات ده ايه لو كانت لنشر سنة النبي عليه الصلاة والسلام. كانت
3:20عمل بطولات في الام قد ايه؟ لو كانت البطولات ده ايه شاب دلوقتي تلاقيه قاعد قدام الفيسبوك ولا قدام النت يومين بيكلم اللي بيحبها اللي مرتبط بها لو انتقد وقعد يشير وقعد يعمل بوستات لو الطاقة دي عشان الدعوة الى الله على النت. او عشان الدعوة الى الله على الفيسبوك. يا جماعة الطاقة مهولة
3:40كل واحد مننا بزل بطولات في حياته. ولكن ممكن عشان الدنيا. ممكن عشان حلم من احلامهم في الدنيا. ولكن لو عشان ربنا سبحانه على هدف المعسكر ده هدف المعسكر ده يا شباب ان الشيطان ما يضيعلناش حياتنا. ان الشيطان ما يضيعلكش شبابك. هو الشيطان خطته كده. يضيع لك خمس سنين من عمرك
4:00او يضيع للشاب خمس سنين من حياته ما بين العادة السرية والمواقع الاباحية. ويفضل الشاب يدور حوالين نفسه مش عارف يطلع ازاي. بعد كده يضيع له الخمس سنين اللي بعضهم فعلاقة عاطفية يتوه وفي الاخر ما يخرجش بحاجة. بعد كده يضيع له الخمس سنين اللي بعدهم. في مشاكل زوجية للي اتجوزها. متاهة من المتاهات
4:20هو كل بيت. بعد كده يقعدوا الخمس سنين اللي بعدهم. يضيعهم في جري ورا الفلوس او جري وراه. حلم من احلام الدنيا لحد ما الشاب يلاقي حياته ضاعت لحد ما تلاقي نفسك كبرت وخلاص. ما عادش عندك عمر تقدر تعمل به حاجة لدينك. اخواني في الله. هدف المعسكر ده ان الشيطان ما يضيعلناش عمرنا. ان الشيطان
4:40الشيطان ما يضيعلناش حياتنا ايامنا الحلوة. مش ده العنوان اللي احنا التقينا عليه؟ مش ده العنوان اللي احنا اتجمعنا عليه. ايامنا الحلوة كل يوم ايامنا الحلوة مش ان احنا كنا بنلعب الوقتي مسلا دوري طايرة. ايامنا الحلوة مش ان احنا قاعدين في مكان جميل. ايامنا الحلوة مش ان بحر اسكندرية جنبنا. ايامنا الحلوة يا جماعة
5:00ان احنا مع ربنا ان احنا في طاعة ربنا ساعة واحدة مع الله. ساعة واحدة في طاعة ربنا. هتدوق فيها متعة. كل عاصي الدنيا والله ما تيجي في لزة سجدة حاسس ان ربنا راضي عليك فيها. كل سجاير ومخدرات ومواقع وكل المتع
5:20في معصية الدنيا ما تجيش لزة رفعة ايد لك من السما. وانت بتقول يا رب وحاسس ان ربنا من فوق سبع سموات سامعك. ويا رب بيستجيب دعائك. ايامنا الحلوة هي ايامنا في طاعة ربنا. كل يوم هتعيشوا في طاعة ربنا يوم ما حدش هيقدر يعيش الحلاوة اللي انت هتعيشها في
5:40اليوم ده يا جماعة طاعة ربنا هتدينا ايه صفقة العلاقة بالله. طاعة ربنا هتديك ايه؟ طاعة ربنا هتتعمل في حياتك ايه؟ كفاية الامن اللي انت هتحس به. كفاية ايامنا الحلوة بالاحساس بالامن
5:53مع ربنا. يا شباب لو واحد عمره ما داق العسل وانا ماسك العسل وقاعد اوصف لك طعمه. هتقدر تعرف يعني ايه عسل؟ مهما وصفت لو واحد ما بيشوفش يا جماعة وانا قاعد اوصف له يعني ايه اللون الاحمر؟ او يعني ايه اللون الازرق؟ وقاعد اقرب له وقاعد اخطط وافكر مش هقدر ان انا
6:13اقول له يعني ايه اللون الاحمر؟ يا اخوانا يا جماعة كزلك السعادة اللي في الدين. كزلك السعادة اللي في الصلة بالله. كزلك الامن اللي في الصلاة بالله. وانت حاطط في
6:23شادي البطيخ. يعني ايه يا اخواني في الله؟ احساس ان انت لك ضهر. احساس ان انت لك سند. احساس ان انت مش لوحدك. احساس ان انت لو ابتليت النهاردة الابتلاء اللي غيرك تايه بسببه لانه مش عارف ربنا. لانه مش مع ربنا. انت هتواجهه بمعية ربنا. احساس ان انت عندك حاجة اسمها التلت الاخير من
6:43بالليل لو عندك مشكلة هتقوم وهتقول يا رب. موقن ان الصبح الاجابة هتتنزل من عند الله. احساس ان لك ضهر. احساس انك مش خد الحياة لوحدك. احساس انك مش هتواجه المشاكل والابتلاءات. اللي هتحصل لكل فرد نزل على وجه الدنيا. لانها سنة ربنا لوحدك. احساس
7:03جوريج لما دخل يا شباب لما دخل ولقى المرأة البغية بتنسب ولد من الزنا مع راعي لجريج والناس راحت هدت صومعة جوريش وخدوه للمحاكمة وكان القاضي هو الملك. تخيلوا القضية عملت رأي عام وفزع قد ايه. والمومسات اصحاب هذه المرأة البغي
7:23واقفين نزرات الشماتة في عيونهم. والناس كلها واقفة مستنية. يا ترى جوريج ده ضلالي ولا راجل بتاع ربنا ولا ايه؟ والغلام قاعد يصرخ يصرخ زي اي طفل مولود وشريج داخل ويقول لهم زاروني اصلي ركعتين. يصلي وبعد كده يروح للغلام ينغزه بايديه. ويقول له يا غلام من
7:43ابوك يا غلام فينطق الله الغلام ويقول ابي الراعي يقولوا له ننقل لك الصومعة بتاعتك من دهب. دهب يقول لهم لا اعيدوها كما كانت. تشتري بكم؟ الاحساس اللي كان في قلب جريج وهو داخل واسق ان ربنا مش هيسيبه. انت واسق ان ربنا مش هيسيبك
8:03واسق ان ربنا مش هيتخلى عنك. واسق ان اللحظة اللي هترجع لربنا فيها. ربنا هيقبلك وهيفتح لك ابواب رحمته بايديك. يا جماعة الاحساس ده احساس ساعات اتخيل منزر التلاتة لما اتقفل عليهم الصخرة اقول انا لو في الموقف ده كنت عملت ايه ؟ صخرة قد المعسكر اللي احنا فيه. خلاص هيموتوا هيموتوا
8:23يأس كامل لا يمكن لا فيه محمول ولا فيه لاسلكي ولا فيه رسايل ولا اس امبي اس ولا اي وسيلة للتخاطب مع الدنيا وجوة كهف في جبل بعد تلتميت سنة يكتشفوا تلات هياكل عظمية جوة جبل ويقولوا يا عيني ماتوا موتة صعبة جدا. فقال بعضهم لبعض انه لن ينجيكم من
8:43ما انتم فيه الا الا ايه! هو فيه امل! هو اللي في الموقف ده عنده امل انه ينجو! يا اخوانا مشكلتكم ايه يا شباب! مشكلة اي شاب في الدنيا ايه
8:53مشكلة اي واحد عايش على وجه الكرة الارضية ايه؟ لما التلاتة ربنا حرك لهم الصخرة من مكانها. لما التلاتة ربنا حرك لهم الجبل من مكانه. لما ربنا فرج عنهم كربة مستحيل حد كان يقدر يفرجها عنهم. لما الكرب ده زال. ايه الكرب اللي عندك؟ اللي ربنا ما يقدرش يشيله لك
9:13تشتري بكام ؟ السقة اللي كانت في قلب التلاتة ، لما اتقفل عليهم الصخرة وقالوا انه لن ينجيكم مما انتم فيه الا الله. فتوى توجهوا الى الله بصالح اعمالكم. تشتروا بكام ؟ ايامنا الحلوة. الناس يا جماعة فيه ناس ما بتنامش غير على مهدئات. فيه ناس ما بتنامش غير على
9:33في ناس ما بتنامش غير على او على فالينيل او على فاليم. او على فيه ناس ما بتنامش غير لما بتاخد حبوب. فيه ناس ما بتنامش غير لما بتاخد مخدرات. فيه ناس ما بتنامش غير
9:43لما بتشرب حشيش. فيه ناس ما بتنامش غير لما انت تشتري بايه ؟ الامن اللي هيبقى في قلبك وانت مع ربنا. الثقة اللي هتبقى في قلبك وانت مع ربنا اخواني ايامنا الحلوة ايامنا الحلوة كل ايام الملتزمين حلوة. كل ايام اللي مع ربنا حلوة. تشتري بكام السعادة اللي ربنا هيديها لك
10:03وانت مع ربنا. يا اخواننا ما تتخيلش ان المشي مع البنات حاجة حلوة. وانا عارف ان مش دي مشاكل كل الشباب. الشباب تخصصات ما شاء الله لا قوة الا بالله
10:13كل مجموعة من الشباب تخصص غير التاني. تشتهي في ما تتخيلش ان المشي مع البنات حاجة حلوة. ياما كم واحد مشي مع بنت والوقت مخنوق ويقول لك هي سر العزاب اللي انا فيه. وتيجي تتكلم معه تلاقي عنده اكتئاب نفسي. وتلاقيه محطم ومنهار نفسيا. اوعى تتخيل ان العادة السرية فيها سعادة. كم واحد بدأ
10:33في العادة السرية وبعد كده يقول لك انا ما بنمش غير لما باقع في العادة السيئة ولكن مش عشان اللزة عشان اتهد وانام من النفس اللي مالي قلبي. كم واحد اللي كم شاب متهيأ له او متخيل ان الزنا ده فيه لثة او فيه كم واحد وقع في زنا انا شفت ناس وقعت في الزنا
10:53والله العظيم والله عايزين ينتحروا والله شباب يقول لك انا ما عدش فيه لزة في حياتي انا ربنا سلب مني اللزة انا ما عدتش حاسس ومتعة اي شيء بيتمتع متجوز عرفي ويقول لك ما فيش اي متعة في الحياة. انا حاسس ان انا محطم. انا كل حاجة عندي اتحرقت. انا عايز انتحر. انا حاولت
11:13انتحار فعلا اوعى تتخيل. اوعى تتخيل شاوروا يا جماعة على اي معصية. اي شاب في الدنيا شاور على اي معصية كلها عاملة زي حتة جوهرة فالصو تبرق وفي النهاية هي حتة فلصو بتبرق ولما الشاب بيضحي بعمره عشانها بيكتشف ان هي كانت خدعة اي معصية اوعى تتخيل ان المخدرات
11:33فيها لذة. والشاب لما يقع في المخدرات ولا اوعى تتخيل ان انت لما تكلم فتاة فيها لذة بعد كده هتبقى سر تعاستك. لأ ما عادتش بترد على التليفون. لأ بتتقل ، لأ ربنا قلب قلبها على اللي كان بيكلمها وبيجري وراها بقت سر العذاب اللي هو فيه. اوعى تتخيل ان المواقع الاباحية سر لزة. كم واحد دخل
11:53عليها. والوقت يقول لك هي اللي دمرت لي حياتي. هي اللي ضيعت لي حياتي. هي اللي حطمتني. اخواني في الله. كل دي جواهر فالصو. ايامنا حلوة في الوقت اللي ممكن شباب يبقى عايش فيه معزب. في الوقت اللي ممكن شباب فيه يبقى بيتقلب تلات ساعات على السرير. قبل ما ينمي الهم اللي هو فيه ومش عارف ينام. في الوقت اللي ممكن شباب
12:15يبقى محتاج يروح لدكتور نفسي رغم انه زاهريا بيعمل كل حاجة. وبيعمل كل حاجة نفسه فيها. انت هتعيش سعيد. انت هتعيش ايامك كلها حلوة. لانك مع ربنا سبحانه تعالى ايامنا الحلوة مش بس في الدنيا يا جماعة وفي الاخرة هي الاخرة لو انت بقيت اغنى واحد في الدنيا وبعدين هتموت لو انت بقيت اشهر واحد في الدنيا
12:35وبعدين هتموت لو انت كل احلامك في الشهادة وفي المركز وفي الجواز وفي الزرية وفي الوضع الاجتماعي وفي الصحة وفي مستوى جمال الزوجة اللي هتتجوزها وبمستوى اولادك اللي هتخلفهم. كل ده اتحقق. وبعدين هتموت. لو خدت كل الدنيا باللي فيها وبعد كده هتموت
12:55والاخرة والاخرة ايامنا الحلوة. متخيل ان انسان يوم القيامة بالنسبة له يوم جميل. هذا يومكم الذي كنتم توعدون. ده ليلتك يا عريس زي واحد بيتجوز الليلة وبيقولوا ده ليلتك الملايكة بتقول للملتزم اللي طالع من تحت التراب هذا يومكم ده يومك. ده يومك كأنه عريس النهاردة
13:15ايامنا الحلوة يوم القيامة يا اخوانا يوم القيامة بالنسبة للناس كلها يوم القيامة لما واحد بيسمع صدمة يقوم وشه يتخض. طب لو الصدمة اكبر ممكن ضغط بتاعه يعلى. طب لو الصدمة اكبر ممكن يجي له زبحة. طب لو الصدمة اكتر ممكن يجي له جلطة ويقع من طوله. طب شف صدمة يوم القيامة بتعمل ايه؟ بتعمل ايه في الشعر
13:35الولدان شيبة بتشيب شعور الرأس. طب بتعمل ايه في العين؟ ها؟ تحشر المجرمين يومئذ زرقاء العينين اتعمت. طب بتعمل ايه في البصر راقصة ابصارهم من الذهول اللي هم فيه. طب بتعمل ايه في الصوت؟ فلا تسمع الا همزة. طب بتعمل ايه في الركب والمفاصل؟ ترى كل امة
13:55على الركب. طب بتعمل ايه في الاحشاء؟ وتضع كل ذات حمل حملها. من الانقباضات اللي بتحصل من الرعب. طب بتعمل ايه بتعمل ايه في كل ملمح؟ بتعمل ايه في القلب؟ القلب بيوصل من الضرب للحناجر بلغت القلوب. الحناجر بتعمل ايه ؟ تخيل بقى والناس
14:15الفزع ده والناس في الرعب ده وانت الملايكة بتطمن فيك. وبتشرب من ايد النبي عليه الصلاة والسلام على الحوض. ورايح مع وفد المتقين زي ما سمعنا في صلاة العشاء المتقين الى الرحمن وفدا رايح تنظر في وجه الله. وبتشرب من ايد النبي وسط اصحاب النبي عليه الصلاة والسلام. وواقف في ظل عرش الله تشتري بكام بلد
14:35الايام الحلوة يوم القيامة. تشتري بكم هذه المشاعر؟ ايامنا الحلوة يا جماعة. ايامنا الحلوة لما تحتاج تقول يا رب. خدوا بالكم يا اخواني ان كل واحد مننا عدى عليه ابتلاءات في حياته ما فيش حد على وجه الارض يملك اي شيء يحله لك فيها. ابتلاء اخ من اخواننا
14:55المبتلى بالعقم سنة اتنين والابتلاء طول بيقول وانا حاسس ان انا ابويا قلبه بيتقطع علي ومش قادر يعمل لي حاجة. والدكاترة اللي انا صارف فلوسي عليهم ما حدش مش قادر يعمل لي حاجة. وانا قلبي بيتقطع بس خلاص. ما اناش عارف اعمل حاجة. وحياتي كلها واقفة عشان حتة عيل. حياتي كلها دلوقتي نسبة العقم
15:15بقت في اعلى معدلاتها وفي مصر هنا هو في بلدنا. ليه ؟ العادة السرية بتجيب عقم. المواقع الاباحية بتجيب عقم. التدخين بيجيب عقم. والشباب مدمن التلات حاجات دهمت فبقى العقم في اعلى معدلاته. ربنا يعافينا ويعافي شبابنا اجمعين. تخيل بيقول انا حياتي كلها واقفة عشان حتة عيل
15:35اكتشف ساعتها قد ايه انت مقصر في حق ربنا. وقد ايه انت بعيد عن ربنا. بس تكتشف قد ايه انت محتاج ربنا. وتقف ساعتها تدعي لان ما فيش قدامك طريق
15:45مهما كنت بعيد عن ربنا غير انك تقول يا رب. والمفاجأة ان ربنا يديك. والمفاجأة ان ربنا يفتح عليك. ساعات يا جماعة هتلاقي نفسك شايل مادة او داخل امتحان وخلاص لو سقطت في المادة دي هتترفد. وانت داخل في المادة دي وقلبك هيقف وما عرفتش تزاكر. والاسئلة جت برة مزاكرتك. ولبخت في
16:05وانت خارج قلت يا رب انا ما ليش امل غير في رحمتك. لو انت اللي صححت لنفسك هتسقط نفسك. ومع ذلك تيجي عند نتيجة تلاقي نفسك نجحت. ليه ربنا بيقول لك ان فيه ساعات ما حدش هيقدر يعمل لك حاجة الا هو. ان في ابتلاءات هتمر في حياتك. ما فيش امل لك للنجاة منها غير بالله سبحانه وتعالى
16:25ايامنا الحلوة لما الناس هتتعرض لابتلاءات. ما ليش ما فيش اسباب لحلها. لما الناس هتتعرض لابتلاءات تيأس وتقنط وتحزن وتهتم عشان الابتلاءات ديت انت هيبقى معك كنز كلمة يا رب. انت هيبقى باب السما مفتوح عشانك. لو انت مع ربنا ايامنا الحلوة ايام الملتزمين
16:45لا حلوة. ايام الناس اللي مع ربنا كلها حلوة في الدنيا وفي الاخرة. تشتري بكام يا جماعة؟ يا اخوانا ربنا سبحانه وتعالى مصدقين ربنا يا شباب هي القضية كلها انت مصدق ولا مش مصدق؟ انت مصدق ربنا ولا مش مصدق ربنا؟ يا اخوانا احنا عايزين زلزال مشاعر يزلزل قلوبنا. احنا عايزين نصدق ربنا. عايزين ندوق
17:05اننا ننام ونموقن. لما ربنا يقول ولو انهم اقاموا التوراة والانجيل. وما انزل اليهم من ربهم القرآن. لاكلوا من فوقهم ومن تحت ارجلهم. شوفوا الرزق بقى سهل ازاي. شف الشاب اللي قاعد دلوقتي ابوه ما سابلوش شقة. وما هوش عارف هيتجوز فين. الشاب اللي قاعد دلوقتي ابوه ما سابلوش فلوس يتجوز به
17:25او يفتح بها مشروع بعد ما يتخرج. وما هوش عارف هيبدأ حياته من الصفر ازاي. رب ربنا بيقول لك لاكلوا من فوقهم ومن تحت ارجلهم. انت تصدق ربنا مصدق لما ربنا يقول فلنحيينه حياة طيبة. مصدق السعادة اللي ربنا بيوعدك بها. مصدق الفرح اللي ربنا
17:45اوعدك به. مش وعد انتخابي من رئيس جمهورية. مش وعد انتخابي من مرشح مجلس شعب. وعد من الله لي ولك ولك. لنحيينه حياة طيبة. ابراهيم كان في النار وكان في حياة طيبة. سيدنا محمد كان في الغار وكان في حياة طيبة. سيدنا يونس كان في بطن الحوت وكان في حياة طيبة
18:05تشتري بكام ؟ السعادة اللي ربنا ما بيديهاش غير للي مع ربنا سبحانه وتعالى. شوفوا الاية دي يا شباب فقلت استغفروا ربكم كان ايه ها غفارا. طب يا رب يعني لو غفرت لنا يعني ذنوبنا كده راحت وخلاص مش بس يرسل السماء
18:25مدرارا ويمددكم باموال فلوس. ربنا بيقول هاديك فلوس. ربنا بيقول هاملى جيبك فلوس ويمددكم بفلوس من الله باموال وبنين ويجعل لكم جنات. ويجعل لكم لكم عشانكم انتم بس. دونا عن الدنيا كلها
18:45الدنيا كلها فقر وانتم اغنياء. تبقى الدنيا كلها في كرب وانتم مفرج عنكم. ليه؟ لان انتم اللي مع ربنا مصدق ربنا. عشان كده بعدها ربنا قال ما لكم لا ترجون لله وقارا؟ اللي مش مصدق ان علاقته بربنا تحل كل مشاكل حياته. ده ما عندوش تعظيم لربنا. ده
19:05ما بيوقرش ربنا زي ما واحد لوا كده يقول لك ايه مشكلتك؟ تقول له انا اتاخد مني رخصة المرور بتاعتي وعايز اطلع آآ بطاقة من بطاقة قومية جديدة بالكمبيوتر يقول لك طيب انا اخلص لك الموضوع ده. تقول له هو انت تقدر! هو انت فعلا تعرف تخلص الكلام ده! معنى انك شاكك انه يقدر انك مش محترمه
19:25انك مش عارف قدره لما تيجي تقول له انا عندي مشاكل. اقول لك يا تالي. ايه اول مشكلة؟ نفسي اتجوز. موجود الحل بتاعها. فين؟ بس قل لي تاني مشكلة. تاني مشكلة
19:35انما عايز انجح واتفوق موجود الحل بتاعها. فين هو نفس الحل بس هات المشكلة اللي بعدها. المشكلة اللي بعدها ان انا عندي يعني هم نفسي وغمي ونفسي كده اعيش سعيد. موجود هات المشكلة اللي بعدها. ايه حل كل المشاكل دي؟ الاستغفار. استغفروا ربكم. يا عم انت بتهزر معي! يا اخي انت
19:55عدم تصديقك لده. عدم توقين لله. يبقى انت مش موكل ربنا. يبقى انت مش عارف عظمة وجلال ربنا سبحانه وتعالى. يا شباب يا شباب احساس الامن وانت مع ربنا. احساس انك اللحزة اللي هترجع له فيها ربنا مش هيسيبك. شاب من الشباب
20:13رايح مع بنت اجنبية اتعرف عليها ورايح يقع معها في الزنا في فندق من الفنادق. فهم داخلين الفندق فالشاب بدأ يصحى. ايه اللي انا اعمله ده! جريمة يهتز لها عرش الرحمن
20:23والعياذ بالله افتكر سيدنا يوسف وعفاف سيدنا يوسف قال طب انا عايز اتوب انا مش عايز اقع في الزنا. طب اعمل ايه؟ فهو مش عارف يفكر قال الحل ان انا اكدب عليه
20:33قال لها انا تؤمني صحي ومش هقدر ان انا اجي معك. قالت له ليه؟ قال لها لان انا آآ انا عندي ايدز. قالت له عندك ايدز. طب وايه يعني؟ طب
20:43انا كمان عندي انس. انا كمان عندي ايدس. يعني هو لو ما كانش فاء كان هيصبح مريض بالايدز. في اللحظة اللي فاق فيها ورجع لربنا ربنا نجاه. اللحظة لما تسمع قول الله سبحانه وتعالى ما ودعك ربك. ربنا مش هيسيبك
21:03طول ما انت ما سبتوش مش هيسيبك. يا جماعة يا اخوانا الملتزم ده الملتزم الملتزم بحق وحقيقي. مش اللحية على ما تفرج. مش الملتزم على وتفرج اللي قلبه موصول بالله سبحانه وتعالى. الملتزم بحق وحقيقي ده يا جماعة في بطنه شادر بطيخ مش بطيخة صيفي. لما ربنا يقول ارحم الراحمين
21:23يعني ايه يا رب ارحم الراحمين؟ يا ابني انت عارف مين ربنا؟ انت عارف احنا جايين لمين ؟ لما ربنا يسمي نفسه نور السماوات والارض. يعني ايه نور السماوات والارض؟ يعني كل ما بتقرب منه بتقرب من نور. كل ما هتقرب من ربنا حياتك هتنور اكتر. كل ما هتقرب من ربنا قلبك هينور اكتر
21:43كل ما هتهرب من ربنا بصيرتك هتنور اكتر. كل ما هتقرب من ربنا النور هيملى حياتك. وعلى هات قد ما هتقرب من نور السماوات والارض على قد ما النور هييجي في حياتك. انت عارف لما ربنا يسمي نفسه القريب. يعني ايه القريب؟ اقرب واحد لك مين؟ اقرب واحد لك في الدنيا مين؟ اللي انت اول ما
22:03تفرح بتجري عليه. اول ما بتزعل بتجري عليه. اللي بيقدر الامك. اللي لما تيجي تحكي له مشكلة ما يستقل ما يستقلش بالمشكلة بتاعتك. ما يكسفكش ما يصدكش ربنا سمى نفسه القريب اقرب قريب لك في الدنيا كلها. ربنا يا اخوانا ربنا ارحم الراحمين لو انا بتلوى من الالم وشريط الدواء
22:23المغص اللي عندي في ايد امي وامي واقفة وبقول لها اتوسل اليك هاتي لي حباية عشان الالم اللي عندي. امي اكتر واحدة بتحبني على وجه الارض مش هتديه لي اهي دي الراحمين. ربنا سمى نفسه ارحم الراحمين. يعني انا اطمن بقى ان ما فيش مشكلة في حياتي الا
22:43قال لها عند ربنا وربنا يريد انه يفرج الكرب عني. احد الشباب احد الشباب اتجوز واصيب ببتر في رجليه. رجليه الاتنين. يعني رجليه الاتنين اتبتروا وسبحان الله العظيم ابتلي بالعقم. ما كانش بيخلف. راح عمل طفل انابيب
23:00آآ العملية نجحت وزوجته حملت وخلفت طفل ومات. بعد ما شاف ابنه مات. فخلاص يعني يعني هو اصلا ظروفه صعبة وهو كمان يعني يعني قعيد رجليه الاتنين مقطوعين وعنده عقم في اخر فلوس في الدنيا ممكن يعرف يتعامل بها بقى راح يعمل طفل انابيب
23:20تاني صاحبي كان هو اللي بيعمل العملية بتاعة اللي آآ اخد عينة الحيوانات المنوية من من هذا من هذا الشاب الملتزم من هزا الشاب المستنير الوجه بفضل الله سبحانه وتعالى. صاحبي بيقول لي سحبت اول عينة ما فيش اي حيوانات منوية. عينة بسرنجة يعني
23:40الموضوع مؤلم جدا. بيقول سحبت تاني عينة ما فيش حيوانات منوية. سحبت تالت عينة ما فيش. رابع سابع عاشر حداشر اتناشر تلاتاشر صاحبي بيقول لي اربعتاشر عينة بسرنجات ما فيش حيوانات منوية. اخر عينة رقم اربعتاشر حطوا تحت الميكروسكوب اللي هو سحبه لقوا
24:00تلات حيوانات منوية ميتة. اتهيأ لهم في الاول انها ميتة. تحت الميكروسكوب لقوها بتتحرك حركة ضعيفة. المفروض ان بيبقى في المنية طبيعي ها في المرة الواحدة بيوصل لنص مليار حيوان منوي. نص مليار عشان يحصل حمل. من واحد منهم. ده تلاتة وشبه
24:20ميتين قالوا لصاحب الدكاترة اللي معه قالوا له ما فيش فيها امل. قال لهم خلاص ندي له فرصته ونحقن الحيوانات المنوية. آآ باقي العملية بقى مع الزوجة وخلاص وربنا يقدر ما يشاء. سبحان الله يا اخواني. التلات حيوانات منوية اخصبت وبقوا تلات اجنة سلام احياء في بطن
24:40وبقت زوجته حامل في تلات مولود. في تلات مولودين في تلات اجنة. يرزق تلات اولاد. يرزق تلات ابناء اخواني في الله ربنا ما بيسبش حد يا جماعة. ربنا لو سابك يبقى اسأل نفسك يبقى انا اللي سبت ربنا. عشان كده اخطر تهديد في القرآن كله. اخطر تهديد
25:00في القرآن قول الله في سورة الانبياء اية مرعبة. وهم منا لا يصحبون العلماء قالوا يعني لن اصحبهم في الحياة. هسيبك تمشي لوحدك. هسيبه يواجه مشاكل الدنيا لوحده. هسيبه يواجه
25:20ابتلاءات الدنيا لوحده ده اكتر تهديد. ربنا خوف به الناس. لو عايز ربنا يسيبك يبقى تسيب ربنا سبحانه وتعالى يا اخوانا احنا عندنا غدة في المخ هنا في حتة كده مسمينها العلماء في الجمجمة الكرسي التركي. اه سلة ترسة كان الكرسي التركي. حتة غدة كده نص
25:40انستجرام اللي هي الغدة النخامية. الغدة دي بتفرز حوالي اتناشر هرمون بتسيطر على الغدد بتاعة الجسم كله. بتسيطر على نمو الجسم. نص يعني حاجة ما تتشافش تخيل! حتة لحمة نص جرام دي قد ايه! بيسموها في الطب الماستر جلاند الغدة الرئيسية الغدة اللي بتتحمل المايسترو
26:00غدد الجسم كله الغدة دي لو حصل مشكلة في وزيفتها وافرازها طول جسم الانسان يبقى سبعة وتلاتين سنتي. يعني قد المسطرة اللي ممكن حد من ولادك مسلا لو ولادك في حضانة ولا في ابتدائي يبقى طول المسطرة بتاعة بنتك يبقى طول البني ادم. تخيل
26:20لو نعمة بس زي ديت ربنا اخذها من الانسان. تخيل ربنا ممكن يقدر يعمل ايه للي بيعصيه؟ ربنا ممكن يعمل ايه؟ للي بيعرض عنه. يا اخوانا ايامنا الحلوة طول ما انت مع ربنا ربنا معك. طول ما انت بترضيه ربنا بيرضيك. طول ما انت مقبل عليه ربنا مقبل عليك. تخيلوا يا جماعة تخيل
26:40لو واحد اترفد من الشغل بتاعه اترفد راجل كان غني وساكن ان المرتب بتاعه كبير وساكن في شقته وبيصرف على بيته فجأة اترفد المرتب راح. فهو هو لما بيروح بيته روح من غير فلوس. فبدأ يفشل في دفع ايجار الشقة. الراجل طرده هو وعيلته من الشقة. بدأ يمرض لحد ما قعد على
27:00كرسي واتشل. اولاده خرجوا من المدرسة ومن التعليم. اتبهدل وحياته اتشردت. جه واحد غني قال له بص انا علاجك على حسابي في احسن مستشفيات اوروبا وولادك ومراتك اسكنهم في احسن شقة. ولما ترجع وتتعالج عندي لك وزيفتك في الشركة بتاعتي. باحسن مرتب وولادك
27:20اولادي ومراتك اختي وانت زي اخويا وانا هاشيلك في الازمة اللي انت فيها. الراجل اللي عمل كده للي كان مبتلى ده لو جه يشوفه عليه الساعة اتنين بالليل هيرد عليه ازاي ؟ وصاحبنا اللي كان مبتلى لما يقعد في اي مجلس هيذكر اللي كان سر تفريج كربات حياته ازاي ؟ حبيب قلبي
27:40انت ربنا عمل لك اكتر من الراجل ده عمله للمبتلى ده. ولسه ولسه ربنا يقدر يعمل لك. ولسه ربنا يقدر يديك. ولسه لسه زي ما ربنا سبحانه وتعالى قال للنبي وللاخرة خير لك من الاولى. بعض العلماء قال يعني اللي جاي احسن من اللي
28:00فات تخيل بقى وانت شاب وبادئ حياتك وربنا بيقول لك انت لسة شفت حاجة. انت لسة شفت فتح. انت لسة شفت كرم. انت لسة شفت فضل انت لسه شفت انعام ايامنا الحلوة طول ما انت مع ربنا. ايامك اللي جاية احلى من اللي فات كمان. كل يوم جاي احلى من اللي قبله
28:20ايامنا الحلوة يا جماعة يعني سبحان الله العظيم احد الشباب كان عايز يتجوز وما عهوش فلوس وما هوش عارف يعمل ايه. المشروع اللي الوقتي الشاب عشان يفتحه يكسب بسرعة مشروع ايه؟ مشروع انه يفتح قهوة. ففتح قهوة بعد شهر واحد اتجوز. قال لها يعني كسب كويس جدا. بعد شهر واحد اتجوز. ولكن شف بقى لما
28:40حياته بمعصية ربنا سبحانه وتعالى. يعني مستني ان مراته تبشره بالحمل شهر اتنين تلاتة. سنة ما فيش يلف على دكاترة مصر واسكندرية والمنصورة. من عندنا المنصورة اللي كان فاتح القهوة دي من منطقة عندنا في المنصورة اسمها جديلة. اللي كان فاتح القهوة دهي يلف على الدكاترة ما فيش فايدة سنة اتنين تلاتة خمسة
29:00ستة تسعة عشرة حداشر سنة. ومراته عقر. ويروح للدكاترة يقولوا له انت سليم ومراتك سليمة. وما فيش فايدة. احد اخوانا كان من قدام القهوة بتاعته لا قاعد فيها دخل يكلمه عن المال الحرام. دخل يكلمه عن حرمة المال الحرام. دخل يكلمه ان لو نقطة دم حرام دخلت جسمك
29:20لو جسم حد من ولادك مش هتخرج وانت سليم. دخل يكلمه ان لو ما فيش يهودي مات من الجوع ربنا مش هيسيب اليهودي يموت من الجوع. وهيسيب المسلم اللي عايز ياكل حلال يموت من الجوع دخل يكلمه ان انا لو عندي برج وباحبك هاديك شقة فيه. طب ربنا عنده الدنيا كلها ما يقدرش انه يؤويك ما يقدرش
29:40يكفيك ما يقدرش انه يغنيك. شباب الوقت بيتخرج يا جماعة واول ما يقول يا شغل يقعد اول سنتين مخزن بعد التخرج من القهوة للبلايستيشن ومن بلايستيشن عشان القهوة. واول ما يقول يا شغل يا اما يتشعبط في ميكروباص طالع على شرم الشيخ. يا اما ينط في مركب طالعة هجرة غير شرعية
30:00ايطاليا يا اما يقول لك انا عايز اجيب آآ اجيب مشروع كده واجيب شوية سجاير واجيب او افتح كافيه. يا اخواني في الله فقعد يخوفني وابن المال الحرام الشاب ده اتأسر. تاني يوم قفل القهوة وقلبها محل سندوتشات حلال. مصدر مطعم حلال هذا الشاب اول
30:20شهر غير فيه النشاط اول شهر تاب الى الله فيه من هذه المعاصي. اول شهر الله رزق زوجته الحملة. في اول انا ياما شفتها. ياما شفتها. العقم اللي بعد عشر سنين. ولحزة التوجه الى الله في اول شهر. في اول شهر توجه صادق. ربنا يرزق الحق
30:40ياما شفتها اللي تبقى عاقر خمس سنين واول شهر فعلا تضحي عشان ربنا وتتوب لربنا توبة صادقة ربنا يرزقها الحمل. ربنا كريم يا جماعة. ايامنا الحلوة ايامنا الحلوة في النجاح. يا شباب يعني ناس كتير ممكن تتخيل ان الالتزام الالتزام شكله ايه؟ احنا معنا هنا معنا اللي كان بيقومنا في صلاة المغرب. دكتور في كلية
31:05الطب وراجل ملتزم وراجل بام في الصلاة. دكتور محمد الشيخ اللي كان بيعلق النهاردة على المباراة. راجل دكتور وراجل مجتهد. وراجل في الدعوة الى الله. كل اللي مرتبين المعسكر بشمهندس علي دكتور مصطفى دكتور محمد كل اللي مرتبين المعتكف. المعسكر يا اخواننا يا اخواننا النجاح مش آآ انا اقصى فرصة
31:25للنجاح وانا مع ربنا في الدنيا قبل الاخرة. اقصى فرصة لي في تحقيق احلامي. ايامك الحلوة وانت هتحقق احلامك. هاتوا كل الشباب الازكيا. مرض الازكياء دايما هو الاحباط. ليه مش عارف احقق احلامي. احلامي اكبر من امكانياتي. احلام غير واقعية. وانت مع ربنا. اسمع ربنا وهو بيوعدك
31:45لما ربنا يوعدك انه يحقق احلامك. قال تعالى يا بني انها ان تك مثقال حبة من خردل. فتكن في صخرة الحلم اللي انت بتحلم به. الامنية اللي انت نفسك فيها في قلب جبل. او في السماوات في المريخ او في المشترى. او
32:05في الارض في مجاهيل الارض. الامنية اللي انت بتحلم بها يأتي بها الله. الله قادر انه يأتي باحلامك اليك الله قادر انه يأتي بامانيك اليك. الله قادر لو انت معه يأتي بها الله. الله سبحانه وتعالى بيوعدك. ولكن يا شباب
32:25عشان برضو عشان تبقى الدنيا واضحة. هذه الاية اللي احنا بنتكلم عنها. بعض العلماء قال لك الاية دي نازلة في موضوع تاني. نازلة في موضوع ايه؟ قال لك نازلة في معاصي السر. يا بني
32:36كأنها ان تك مثقال حبة من خردل. معصية صغيرة قد كده اهو. يعني ايه؟ معصية سر ما حدش شايفها يعني ايه؟ عادة سرية اصغر نزرة حرام وانا ماشي خطفتها لواحدة اصغر. ايه المعصية اللي اصغر من كده! تخيل ايه المعصية اللي اصغر من كده! انها ان تك مثقال حبة من خردل
32:56صغيرة فتكن في صخرة دخلت في قلب جبل عصيت ربنا بها وخرجت او في السماوات. طلعت المريخ عصيت ربنا بها ورجعت او في الارض رحت صحراء اريزونا. رحت غابات وسط افريقيا عصيت ربنا جواها. ورجعت. معصية قد كده اهو وما فيش
33:16مخلوق في الكون كله شافك. يا بني انها ان تك مثقال حبة من خردل. فتكن في السماوات فتكن في صخرة او في السماوات او في الارض يأتي بها الله تلاقيها على الميزان يوم القيامة. معصية السر اللي العبد استهان بها يلاقيها قدامه يجدها قدامه
33:36يوم القيامة قضية معاصي السر يا جماعة. قضية معاصي السر ممكن يكون الانسان من برة شكله صالح. ويقول لك طب انا ربنا ما بيدينيش ليه؟ انا ربنا ما بيكرمنيش ليه ؟ انا ربنا مش مخلي ايامي سعيدة ليه ؟ ممكن يكون بيعمل معاصي سر يا اخوانا مدمرة ما بينه وما بين ربه. قاطعة ما بينه وما بين مولاه
33:56عشان كده حتى اذا ما جاءوها ساعة العرض على الله ساعة العرض على جهنم شهد عليهم سمعهم وابصارهم وجلودهم بما كانوا يعملون اسمع بقى ساعة ما يتجننوا ساعة ما يلاقوا جسمهم بيشهد عليهم. وقالوا لجلودهم لما شهدتم علينا؟ انتم ضيعتونا
34:16انتم ازاي ؟ فيه واحد جسمه هو اللي يضيعه انتم شهدتم علينا ليه ؟ انتم نطقتم علينا ليه ؟ وقالوا لجلودهم لما شهدت علينا تخيل ساعتها كده والواحد واقف بين ايدين ربنا وربنا يقول له ان فيه شهود على المعصية. ايه الشهود يا رب؟ الارض اللي عصيت عصيتني عليها
34:36تشهد يا رب يومئذ تحدث اخبارها. الارض تنطق بالمعصية. ما فيش هو واقف متلبش وبعد كده يا رب الارض لا اقبل شهادتها. ازاي لا تقبل انا لا اقبل شهادتها يا رب. طب هاتوا شهود الملايكة اللي كتبوا عليه. ينطق عليه الملكين. يا رب الملايكة نبقى اقبل شهادتهم ازاي؟ انت انت اتجننت
34:56ازاي لا تقبل شهادة الملايكة انا يا رب انا اقبل شهادة الملايكة. طب هاتوا اللي عصى ربنا معهم. ييجي اللي عصوا ربنا معهم. يا رب عصى ربنا وفعل كذا وكذا
35:06يا رب دول ما اقبلش شهادتهم. طب دول ما تقبلش شهادتهم ازاي ؟ امال تقبل شهادة مين ؟ في النهاية يقول يا رب انا لا اقبل شاهدا الا من نفسي. انا يا رب
35:16ما اقبلش حد يشهد غير نفسي. انا اللي اشهد على نفسي كده فينفى فيسكت الله لسانه. ثم تنطق الجوارح تحب اللي يشهد عليك. ايه يا رب اللي يشهد علي؟ عينك. عيني! لا يا رب. كله الا عيني. اخر حاجة انا عايزها تشهد علي عيني. تخيل واحد بس
35:36وهو بيتفرج على كليب كده. اللقطة الواحدة يا جماعة في العلم ستاشر منزر. اللقطة الواحدة عشان تتفرج على فيلم. الصورة بتاعته متحركة علماء ما عرفوش يعملوا كده غير لما اخترعوا كاميرات عرض تعرض ستاشر منزر في السانية على الاقل. فبقت الصورة تقدر تبقى مستمرة
35:56يعني انت لما بتبص لمنزر حرام على النت ولا في التليفزيون ولا في كليب السانية الواحدة بستاشر بصة حرام. تخيل اضرب بقى الكليب ده كم دقيقة الاغنية دي كم دقيقة. المشهد ده كم دقيقة. عيني لأ يا رب. عيني ما تشهدش علي. تشهد على عينيك. خلاص يا رب انا كده ضعت! لسة
36:16ده لسة فيه شهود تانيين. ايه يا رب اللي هيشهد علي! ودنك ودي كله الا ودني يا رب. شاب قعد خمستاشر سنة يسمع للعمراوية والتمراوية يا والكنجو ويسمع للدنيا واللي فيها. بلاش ودن يا رب. بعد ما ودنه تشهد عليه. خلاص لسه لسه ايه؟ رجلك رجلي كل
36:36يا رب رجلي ده انا ياما مشيت بها الالف مشوار. ده انا كنت بقف في ساعة الجامعة ست ساعات. اكلم دي واكلم دي رجلي ما توجعنيش. ولما مرة اصحابي خدوني اصلي التراويح بعد ربع ساعة قلت ايه ده! الناس دي بتطول كده ليه! ايه الارهاب اللي الناس دي فيه! وسبت الصلاة ومشيت! كله الا رجلي
36:56تشهد عليه رجله بعد كده خلاص لسة لسة ايه اللي هيشهد عليها تاني ؟ قلبك قلبي لأ كله الا قلبي يا رب. قلبك ده حبيت بمين ؟ قلبك ده كان بيفرح ليه؟ قلبك ده كان بيحزن ليه؟ قلبك ده كان معظم ربنا قد ايه؟ يا شباب ايامنا الحلوة حاجة يقين يقين
37:16ان طول ما انت مع ربنا ايامك كلها حلوة. ولكن احنا معظمين ربنا. احنا قاعدين الوقتي في معسكر في ابو قير في اسكندرية. صح؟ انت في المعسكر ده ايه؟ حجمك في المعسكر ده ايه؟ ولا حاجة. ولا حاجة حجمك انت مية وستين مية وسبعين سنتي. بالنسبة للمعسكر ولا حاجة. طب المعسكر ده ايه في
37:36اسكندرية ولا حاجة. طب اسكندرية ايه في مصر ولا حاجة. طب مصر ايه في افريقيا؟ ولا حاجة. طب افريقيا ايه في الكرة الارضية ولا حاجة. طب الكرة الارضية ايه في المجموعة الشمسية؟ ده الشمس قد الارض مليون مرة. ولا حاجة. طب الشمس والكواكب بتاعتها ايه
37:56في مجرة الدبانة اللي فيها الف مليار شمس زي شمسنا واكبر ولا حاجة. طب ما جرة التبانة ايه في السماء الدنيا؟ اللي العلماء رصدوا منها لحد دلوقتي ستة وتلاتين مليار سنة ضوئية. ولا حاجة. طب السماء الدنيا ايه في السماوات السبع؟ ولا حاجة. طب السماوات السبع في الكرسي كحلقة في
38:16غويشة وانت طاير بالطيارة في الصحراء الشرقية رميتها في الصحراء ولا حاجة. طب الكرسي ايه في العرش؟ حلقة في فلاة. ولا حاجة يا اخوانا احنا ايه اصلا! احنا مين اصلا! احنا مين عشان نعصي ربنا! احنا مين عشان نتمرد على ربنا! احنا مين ؟ عشان
38:36قل لربنا لأ. احنا مين ؟ عشان ربنا ينادينا. واحنا نفضل نحسبها. يا اخوانا هنندم. يا اخوانا والله العظيم لما الواحد ييجي كده والدك ولا كتير مننا يقينا قالوا له الكلام ده. ده المتر على المشاية زمان كان بخمسين قرش. واتعرض علي بالتقسيط وانا ما رضيتش. يا ندمي! الوقت
38:56سبعين الف جنيه المتر. يا ندمي! اهو ده احساس يوم القيامة. كانت المعصية كانت الطاعة سهلة. كانت عبادة ربنا سهلة. كان القرب من الله سهل. واحنا رايحين المطار فعطشانين وجعانين قلنا مش مشكلة المطار فيه سوبر ماركتات كده من جوة محلات من جوة نبقى ناكل ونشتري من هناك. فلما دخلنا المطار فداخل
39:16وانا صايم وساعة الفطار فداخل بقول للراجل لو سمحت قزازة الماية دي بكام ؟ ازازة الماية دي بخمسة وعشرين جنيه خمسة وعشرين جنيه يا عم انت راجل عاقل ولا مالك؟ طب آآ لو سمعت باكل شوكولاتة ده بكام؟ بستاشر جنيه ستاشر جنيه. طب كيس الشيبسي ابو خمسين قرش ده بكام؟ بستاشر جنيه. طب
39:36السندوتش ده بكام ؟ خمسة وتلاتين جنيه. قلت يا ليتني قدمت لحياتي. يا ريتني كنت عملت حسابي. يا ريتني كنت سمعت كلام مراتي. وهي وانا نازل من الباب تقول لي استنى اعمل لك سندوتشات. لا لا لا هاكل في المطار. استنى اجيب لك ازازة ماية. هاكل في المطار لحد ما وصلت المطار قلت يا
39:56ليتني قدمت لحياتي. اهي دي الكلمة اللي هنقولها يوم القيامة. لما نيجي نلاقي المعصية بقت غالية. الطاعة بقت غالية قد ايه؟ كانت في الدنيا سهلة. كانت في الدنيا يا خسارة اخواني في الله. وما قدروا الله حق قدره. عزمة ربنا. جلال ربنا سبحانه وتعالى. جلال الحي القيوم ده يستاهل منك
40:16ايه يستاهل انا لو اديتك لو قلت لك يا اخي تصدق يبقى عايزك تطلع جنيه. لو جبت لك شريط عن الصدقة للشيخ محمد حسان يبقى عايزك تطلع مية جنيه. لو جبت
40:26الشيخ محمد حسان في بيتك يوعظك عن الصدقة. يبقى عايزك تطلع مليون جنيه. لما ربنا يخلق لك الف مليار نجم في السما. لما ربنا يخلق لك في جسمك الف مليار خلية كل خلية فيها مليون زرة. كل زرة معجزة على معجزة من المعجزات. يبقى ربنا يريد منك ايه؟ لما ربنا يديك نعم
40:46لو عرفت تعد نجوم السما مش هتقدر تعدها. يبقى ربنا يريد منك ايه؟ يا شباب المطلوب اكبر مما نتخيل. المطلوب اكبر مما نتخيل لازم نقدم لربنا اغلى ما نملك والا وما قدروا الله حق قدره. الشباب اللي في جامعة من جامعات القاهرة
41:04دي تراهنوا في نهار رمضان. مين اللي يفطر على اتفه حاجة؟ اللي يفطر على مصاصة في ضهر رمضان يدي له جايزة. اللي يفطر على لبانة يدوا له شبابنا وصل لكده وانا داخل خطبة جمعة في القاهرة. وداخل فلقيت طابور شباب وبنات واقف قدام مكان. المنزر ده يعني كل الناس بتجري على
41:24يا جماعة قالوا لي دي سينما. والشباب والبنات دول واقفين مستنيين فتح السينما الساعة اتناشر. اللي هو وقت صلاة الضهر. وكأن الله الله لا ينادي. وكأن الجبار لا ينادي. وكأن الملك الجليل لا ينادي سبحان الله العظيم. الشاب اللي كان على
41:44لما جت في قمة الزينة بتاعتها بقى حاجة يعني يعني فعايز يقول لها هو بيحبها قد ايه؟ فخر ساجد لها. قبض الله روحه وهو مات وهو ساجد لفتاة مات وهو ساجد لها وما قدروا الله حق قدره. اللي تيجي عند عصارة ولا محل تلاقيه مشغل اغاني اعلى
42:04تقول له يا اخي يعني كلام ربنا وحش! طب ما تشغل كلام ربنا. بدل ما تشغل حاجة تجيب لك شياطين. شغل حاجة تجيب لك ملايكة. يقول لك انت بتقول ايه؟ ده الكاسيت ده
42:14اللي بيرزقني ده ده مش الله ده مش ملك السماوات والارض اللي بيرزقك. وما قدروا الله حق قدره. يا شباب عايزين نقدر الله حق قدره. يا شباب عايزين نعرف مين
42:28ربنا اللي بنعبده عايزين نعرف احنا بنعبد مين والله لا يساوي الله بين عبد اسرع اليه وعبد ابطأ عليه. كلمة الحسن البصري لا يساوي الله بين عبد اسرع اليه. وعبد
42:48انت مين في دول ؟ انت اللي بتجري على ربنا. انت اللي بتجري عشان ربنا يقبلك. ولا انت اللي بتبطئ بتبطئ في علاقتك بالله لما ربنا سبحانه وتعالى قال ام حسب الذين اجترحوا السيئات اللي بينهش في المعاصي زي ما النسر بينهش في الجيفة. ان نجعلهم كالذين امنوا وعملوا الصالحات
43:11سواء محياهم ومماتهم. والله لا حياة ده هتبقى زي حياة ده. ولا مدة هيبقى زي موت ده. ولا قبر ده هيبقى زي قبر ده ولا رزق ده هيبقى زي رزق ده. ولا سعادة ده هتبقى زي سعادة ده. ولا تيسير ده هيبقى زي تيسير ده. ولا حب ده في القلوب هيبقى زي حب
43:31الحب ده في القلوب ساء ما يحكمون. لا يمكن ربنا بيقول لا يمكن. هسوي ما بين الصالح والطالح. لا يمكن اسوي ما بينهم لا في الدنيا ولا في الاخرة ربنا بيقول كده مصدقين ربنا الامام احمد راح يحج فراح يزور النبي عليه الصلاة والسلام بعد ما راح الكعبة راح المسجد النبي
43:51فما حد ما فيش زمان بقى ايه صور وفوتوغراف والناس عارفة ان ده الامام احمد. فدخل المسجد النبوي المسجد يعني ايه؟ المسجد خلاص وقت القفل بتاع في عمال المسجد بيقولوا له يلا اطلع. فقال لهم سيبونا اصلي. اطلع. سيبونا اصلي. اللي عايز يقعد ممكن يبقى حرامي. نيجي نفتح المسجد الصبح ولا
44:11نلاقي حاجات مسروقة من المسجد. المهم هو تبت في المكان بتاعه. عامل المسجد قام مجرجره على الارض. وطرده برة المسجد. وهو الجرجرة بيطردوا برة المسجد واحد خباز بسيط معدي. فلقى واحد بيتطرد بيتجرجر من المسجد صعب عليه. قال له تعال بات عندي. راح الامام احمد يبات عنده. فالامام احمد
44:31طول الليل الخباز قاعد يعجن ويخبز وهو يقول استغفر الله العظيم. استغفر الله العظيم. استغفر الله العظيم طول الليل. فالامام احمد في الاخر بيقول له يا هذا يعني ايه يا ايها الخباز؟ يعني انت طول الليل قاعد تستغفر؟ قال له اه. قال له بقى لك قد ايه؟ قال له لي عشرين سنة. كل طول الليل باقوم الليل
44:51بالاستغفار وانا قاعد اخبز. طول الليل فالامام احمد عظم العمل ده اوي عمل عظيم اوي. قال له وماذا فعل الله لك؟ ما هو ما دام انت عملت طاعة والله قسما بربي ربنا هيديها لك في الدنيا قبل الاخرة. والله ما فيه طاعة هتعملها ولا سجدة هتسجدها
45:11ولا نزرة هتغض بصرك عن حرام فيها. ولا ليلة هتقومها. ولا يوم هتصومه. ولا درس هتسمعه. والله الا وربنا هيديك سببه في الدنيا ان ربنا تقبله قال له فما فعل الله لك؟ قال له ما دعوت الله دعاء الا واستجاب
45:31لي انا مستجاب الدعاء. الا دعوة واحدة. قال له ايه الدعوة ديت؟ قال له سألت الله ان ارى احمد ولم اره حتى الان. قال له لقد استجاب الله دعائك. وانا احمد والله لقد جررت
45:51اليك جرا. اهي دي يا اخواننا اللي مع ربنا سبحانه وتعالى ايامه كلها حلوة. ايامه كلها سعيدة. ايامه كلها فرح وفرح ربنا بيملى قلبه به. عايزين نصدق ربنا عايزين نصدق الملك. ولو ان اهل القرى امنوا واتقوا لفتحنا عليهم
46:11بركات من السماء والارض. المفروض يا شباب واحنا في المعسكر ده معسكر ايامنا الحلوة. احنا جايين هنا يا جماعة لنا هدف. جايين هنا القعدة دي فرصة شباب القعدة دي فرصة والله ممكن ما تتكررش. احنا الوقتي عندنا فرصة نعرف بعض. انا نفسي انا نفسي ان احنا نتكلم مع بعض. انا نفسي ان احنا نسمع بعض
46:31انا نيتي انا جاي هنا ليه؟ يعني لو سألنا كل واحد جاي هنا ليه؟ كل واحد ممكن ايه؟ يبقى له واحد يقول لك انا جاي ازبط موضوع الصلاة. واحد يقول لك يا عم انا جاي اشوف ايه موضوع الايه؟ يعني
46:41موضوع الدوري واللي مش دوري وحفلة الشوي ونشوف القصص دي شكلها ايه الناس دي بتضحك علينا ولا الناس دي بتتكلم بجد واحد يقول لك انا جاي اقضي يومين حلوين واحد يقول لك انا جاي
46:51حياتي برضو لان انا ايه حياتي مش ماشية صح وانا عايز برضو ايه مش عايز ابقى ارهابي مش عايز ابقى زي الناس دي لا بس عايز برضو ايه ابقى في النص كده كويس ابقى كده
47:01معقول كده في النص! انا يا جماعة جاي ليه ؟ انا والله يا جماعة من نواياي ان انا جاي استفيد منكم. والله العزيم. انا جاي عشان استفيد انكم الشباب يا جماعة الوقتي غيرنا. احنا جيل آآ تعبان. جيل اتربى تربية مغلقة. انتم جيل الفيسبوك عارفين كل حاجة. يعني عندكم
47:21سعة افق رهيبة. عندكم سعة طموح رهيبة. عندكم طاقة رهيبة. لو الطاقة دي خرجت للاسلام ربنا هيعز الاسلام في الارض ربنا يحفزكم يا شباب وربنا يبارك فيكم. وربنا يجوزكم جوازة حلوة عشان ايامكم بعد الجواز تبقى حلوة. ما تبقاش ايامكم بعد الجواز
47:41نكد ولا حاجة تاني عارفين الراجل اللي اتجوز ها ما هي كل الجوازة مش كل الجوازات جوازة بقى فمراته بتقول له يعني حرام عليك يا اخي قل لي كلمة حلوة
47:51حرام عليك يا اخي نشفت ريقي. كلمة حلوة قال لها بسبوسة. قالت له يا اخي بسبوسة ايه! يا عم قل لي كلمة تهز مشاعري. قال لها مرجيحة. قالت يا اخي قل لي كلمة تحسسني ان انا زوجة. قال لها انت طالق. فاحنا فاحنا عايزين يا جماعة جوازة حلوة بازن الله سبحانه وتعالى. الشباب بتاعنا بقى ما
48:11ما تجوزش واحدة بقى تطلع بردو كده جواز اي كلام يقول لها انا باحبك تقول لك ايه ؟ تقول له جزاك الله خيرا. يقول لها باقول لك انا باحبك. تقول له احبك الله الذي احببتني لاجله
48:21عايزين ان شاء الله بازن الله حياتنا تبقى اسعد حياة واجمل حياة. ايامنا الحلوة ما تبقاش يومين قضيناهم مع بعض في مكان ايامنا الحلوة. تبقى كل ايام في الدنيا والاخرة. اللهم اهدنا وسددنا. اللهم اشرح صدورنا لهداك. اللهم اللهم اهد قلوبنا يا نور السماوات والارض. اللهم انا
48:41من كل ذنب فعلناه ونستغفرك من كل ذنب تبنا اليك منه ثم عدنا فيه. ونستغفرك من كل نظرة حرام نظرناها. ونستغفرك من كل معصية سر بارزناك بها يا الله. يا من تبسط يدك بالليل ليتوب مسيء النهار. اللهم تب علينا الليلة من ذنوب الليل والنهار. اللهم اهد قلوبنا
49:01اللهم ثبتنا على دينك حتى نلقاك. اللهم ثبتنا على طاعتك. اللهم استعملنا لنصرة دينك. اللهم ايقظ قلوبنا اللهم قوي في رضاك عزمنا. لا نهلك وانت رجاؤنا. لا نضيع وانت مولانا. لا نضل وانت هادينا. حسبنا الله ونعم
49:21الوكيل حسبنا الله ونعم الوكيل. حسبنا الله ونعم الوكيل. سبحانك اللهم وبحمدك اشهد ان لا اله الا انت استغفرك

الإبلاغ عن مشكلة

كثير مما في IlmPro يُنتَج آليًّا — كتب مصوّرة تُقرأ بالتعرّف الضوئي، ونصوص يحلّلها الذكاء الاصطناعي، ورواة وكتب يربطها البرنامج — فقد تقع أخطاء. أخبرنا بما وجدته خطأً وسنصحّحه.