استمع إلى الصوتيات والقرآن في تطبيق IlmPro افتح التطبيق

5 أهداف تخرج بيهم بعد مواسم الطاعات | عودة الروح 2 | د . محمد جلال

0:00السلام عليكم ورحمة الله وبركاته. الحمد لله وكفى وصلاة وسلاما على عباده الذين اصطفى لا سيما المصطفى صلى الله عليه وسلم. صلوا على النبي صلى الله عليه وسلم. الحمد لله بفضل الله
0:24عز وجل اغلبنا دخل الروضة النهاردة بفضل الله. وكان فيه تعليق جميل جدا سمعته وهي بتقول ده اسعد يوم في حياتي ان انت تدخل الروضة وتصلي جنب قبر النبي صلى الله عليه وسلم. انها روضة من رياض الجنة. برحب بحضراتكم النهاردة
0:44واحنا قاعدين في الروضة بفضل الله عز وجل. بفضل الله كان سبحان الله جه في قلبي حاجة واحدة. ان انا نفسي نفسي اشوفه حتى في الرؤية ونفسي اشوفه يوم القيامة اسأل الله جل وعلا ان يجمعنا مع النبي صلى الله عليه وسلم في
1:04في اعلى درجات الجنة. اهلا وسهلا بحضراتكم في الدرس الاول في عمرة عودة الروح. اسأل الله جل وعلا ان يتابع لنا بين الحج والعمرة وان يرزقنا الفردوس الاعلى مع النبي صلى الله عليه وسلم. وان يرزقنا لذة النظر الى وجهه الكريم والشوق الى
1:24لقائه في غير ضراء مضرة ولا فتنة مضلة. ادعكم مع حبيب قلبي الدكتور محمد جلال فليتفضل جزاه الله كل خير السلام عليكم ورحمة الله وبركاته. الحمد لله آآ كنت عمال افكر كده قبل ما ابدأ
1:53آآ يعني عايز ادعي لكم دعوة. فقعدت افكر كده ايه احسن دعوة ندعيها للجمع ده. فقلت ادعي لكم ان شاء الله ربنا يا رب يقعدكم احنا نفس القاعدة دي بس في الحج ان شاء الله. ربنا يا رب يرزقكم جميعا حج بيت الله وما فيش حاجة بعيدة على ربنا. كلنا جينا العمرة وكنا ما حدش فينا يتخيل ان هو هيجي العمرة اصلا
2:13ولكن ربنا سبحانه وتعالى بكرمه كلنا قاعدين هنا النهاردة. فعادي خالص بنفس كرم ربنا سبحانه وتعالى. ان شاء الله يقعدنا نفس القعدة دي في الحج بازن الله سبحانه وتعالى يا رب يرزقنا جميعا الحج ورؤية النبي صلى الله عليه وسلم يوم القيامة. آآ اللي اول مرة ييجي يا جماعة يرفع ايده كده الله اكبر
2:33اول مرة اول مرة عمرة؟ اول مرة عمرة اه. معقولة! الله اكبر الله اكبر. الله اكبر. الله اكبر. ما شاء الله. الحمد لله. ده عمر الفتح من الله والله انا والله ما اعرف كده انا
2:53المعزم مخضرمين. الله اكبر. ان شاء الله العمرة اللي جاية ان شاء الله. المدينة جميلة قوي يا جماعة. المدينة جميلة ومكة ان شاء الله هتبقى اجمل بازن الله. لما تشوف الكعبة كده وتشوف بيت ربنا سبحانه وتعالى وتصلي صلاة بميت الف وتشوف
3:13حجر وتشوف الحجر الاسود وشوف الركن اليماني وتشوف آآ الطواف كل دي عبادات ان شاء الله آآ هنعملها جميلة اوي. بازن الله سبحانه وتعالى ربنا يا رب يتقبل منا جميعا. يعني
3:23خمس حاجات كده سريعة ان شاء الله في خمس دقايق نكون مخلصين. خمس حاجات ان شاء الله بتطلع بهم من اي عمرة او من اي موسم عبادة كبير. الحاجة الاولانية ان انت بتكسر كل
3:33بتكسر عاداتك في النوم ما حدش هنا بينام النوم اللي بيناموا في الطبيعي. تنام ساعتين وتقوم تنام ساعة وتقوم عادي. فبتكسر كل العادات اللي في حياتك. وده بيساعدك جدا على
3:43العبادة بعد كده لان اصلا معظم العبادات هي عبارة عن كسر العادات. يعني النبي صلى الله عليه وسلم لما ييجي يتكلم عن افضل الصيام. ايه هو افضل الصيام؟ صيام سيدنا
3:53صام سيدنا داوود صيام سيدنا داود كان بيصوم الصيام عامل ازاي؟ كان بيصوم يوم ويفطر يوم. طب الطبيعي مسلا ان انا افكر طب ما اصوم كل يوم احسن ليه الصيام او افضل الصيام يطلع ان انا بصوم يوم وافطر يوم؟ لان انا لو انا بصوم كل يوم فخلاص انا متعود على الصيام. عشان كده انت ممكن في رمضان تصوم تلاتين يوم ورا بعض
4:13وما تتعبش ولا تزهق. ليه خلاص انت جسمك اتعود على الايه؟ على الصيام وانك انت بتتسحر في معاد معين بتفطر في معاد معين. فالموضوع بالنسبة لك سهل. لكن لما تكون بتكسر
4:23كل يوم العادة اللي انت متعود عليها بيبقى الموضوع اصعب بكتير جدا. فانت النهاردة بتصوم واخد بالك ومتعود انك انت صايم لحد المغرب. لا بكرة هتفطر وبتشرب القهوة الصبح وبتزبط الدنيا وبتاكل
4:33ومش عارف ايه والكلام ده كله. تاني يوم لأ ده فيه النهاردة صيام فما فيش القهوة بتاعة الصبح وما فيش الفطار وما فيش الغدا اللي في معاد معين. بيقول لي اللي بعده لأ احنا النهاردة بقى هنصوم اللي بعده هنفطر
4:43فكسر العادات المتواصل ده بيخليك تكسر اي حاجة بعد كده. كزلك برضو في افضل القيام. افضل القيام مش انك انت تصلي طول الليل. ولكن افضل القيام هو قيام ايه؟ سيدنا داود اللي كان ينام ويصلي وينام ويصلي بعد كده الفجر. فكان فيه كسر للايه؟ لفكرة العادات دي. فانت هنا في ان شاء الله في موسم العبادات وفي العمرة بالاخص
5:03انت بتكسر عاداتك في النوم واحد متعود ينام في وقت معين ويصحى في وقت معين. لأ الكلام ده كله بيتكسر. فلما بترجع ان شاء الله هتلاقي ان صلاة الفجر لأ عادي باكسر ان انا ممكن انام ساعتين واقوم ما فيش اي
5:13مشكلة تكسر حتى عادتك في الاكل بتاكل هنا اكل ممكن تاكل اي حاجة بتيجي قدامك بتاكلها بتاكل في اي معاد. بتنام في اي وقت بتنام مع اي حد بتنام في اي مكان. فكل
5:23العادات اللي انت متعود عليها بتكسرها ده بعد كده بيفيدك جدا في آآ العبادات بعد كده. الحاجة التانية اللي انت بتعملها هي كسر الحواجز. انت بتكسر الحواجز اللي انت في حاجات بينك وبينها
5:33بقى لك فترة فمسلا تلاقي حد بقى له فترة مسلا مقصر في صلاة الفجر مسلا. لأ هنا بفضل الله سبحانه وتعالى تلاقي نفسك محافظ على صلاة الفجر فترة طويلة جدا. فانت كسرت الحاجز بينك وبين
5:43وبين صلاة الفجر. واحد مسلا بقى له فترة من رمضان اللي فات مقصر في مسألة الورد والمصحف والكلام ده كله. فانت لا بفضل الله بتحافز على الايه؟ على الورد بتاع القرآن كل يوم
5:53فانت بتكسر الحاجز ده. ربنا سبحانه وتعالى قال ايه؟ فلا اقتحم الايه؟ العقبة. فانت بتقتحم الحواجز دي. فلما ترجع بازن الله تلاقي ان شاء الله الموضوع بالنسبة لك بقى ايه؟ بقى اسهل
6:03من الاول. يبقى احنا قلنا اول حاجة بنكسر الايه؟ بنكسر العادات. رقم اتنين بنكسر الحواجز. عشان كده من النصائح اللي ممكن تعملها في العمرة يعني وكان حد مشايخنا الكبار نصحني بها آآ آآ ما نصحته يعني طول عمل ايه في في العمرة؟ قال لي حاول تعمل يعني ايه طفرة معينة في العبادة؟ يعني اعمل عبادات
6:23انت مش متعود تعملها فانت بتبقى كسرت حواجز معينة. مسلا ايه قم الليل مسلا صلاة طويلة. آآ صل ركعتين مسلا سورة البقرة. صل ركعتين بالبقرة وال عمران مسلا آآ آآ صلي مسلا عدد ركعات كبير آآ اقعد فترة طويلة بتزكر ربنا سبحانه وتعالى هات ارقام كبيرة في العبادة. فالطفرات بتاعة العبادة دي بتعودك انك انت ايه لأ بتكسر الايه
6:43تكسر الحواجز بينك وبين الحاجات دي. الحاجة التالتة اللي انت بتاخدها في في مواسم العبادة وفي العمرة بشكل خاص. انك انت تاخد قرارات. القرارات اللي كانت صعبة عليك قبل كده. بوجودك ان شاء الله في العمر. حاول تخلي نفس اللي نفسك كده وقت معين. بتقعد فيه مع نفسك وبتاخد القرارات اللي انت ما كنتش قادر تاخدها قبل كده
7:03يعني يقول لك دايما الانسان بيعدي بلحزات قوة بيبقى قريب فيها من ربنا سبحانه وتعالى وحاسس ان هو قوي على نفسه وقادر ان هو ياخد قرارات في طريق ربنا سبحانه وتعالى. ولحزات تانية بيبقى الانسان فيها ضعيف
7:13قدام شهواته وقدام نفسه فيقول لك استغل بقى لحزات القوة دي انك انت تاخد قرارات لما تيجي عليك لحزات الضعف تبقى انت خدت القرار ده خلاص. حتى كان فيه واحد يقول لي
7:23انا انا لو ما كنتش مسلا آآ آآ بطلت المعصية الفلانية. آآ مسلا في العشرة الاواخر من رمضان كان زماني لحد النهاردة باعملها. ليه؟ لان كنت عدى علي اللحظات ضعف كتير جدا. فانت هنا في العمرة انت في لحزة قوة كبيرة جدا. انت هنا في بيت ربنا سبحانه وتعالى وفي مسجد النبي صلى الله عليه وسلم وبتعبد ربنا وانت بتتنقل من عبادة لعبادة. فانت
7:43لحزة قوة بازن الله سبحانه وتعالى تقدر انك انت تاخد فيها قرارات تساعدك في وقت الضعف بقى اللي ايه لما ترجع بقى لبيتك وترجع لشغلك وترجع للوضع اللي انت كنت فيه قبل كده. فخد
7:53قرارات في حياتك قرارات بعبادات معينة ما كنتش قادر تعملها انك انت تبتدي انك انت تعملها. معاصي معينة ما تكونش قادر انك انت تبطلها. خد قرار انك انت تبطلها بازن الله سبحانه وتعالى. خد قرارات في حياتك بقى
8:03انك انت ايه تكمل بازن الله سبحانه وتعالى. يبقى قلنا اول حاجة بنعمل ايه يا جماعة؟ كسر العادات. كسر العادات. رقم اتنين. كسر الحواجز. كسر الحواجز رقم تلاتة. اخز القرارات
8:13رقم اربعة تكوين العلاقات. انك انت اطلع بصحبة. آآ انت معك اهو بفضل الله سبحانه وتعالى مية وسبعين واحد او مش مية وسبعين واحد. يعني الاخوات مسلا فيه مية مسلا
8:23شباب آآ يعني هنقول خمسين هنجاملهم. خلاص؟ اتعرفي على كل البنات اللي تعرفيهم. ما تستنيش ان حد يجي يتعرف عليك. اتعرفي على الناس كلها الناس اللي معك في الاوضة. تعرفي على الناس اللي معك في المجموعة؟ تعرفي على الناس اللي معك في الفوج كله. آآ كوني علاقات تبقى صحبة صالحة بازن الله سبحانه وتعالى. تبقى آآ تعينك بعد كده في طريق ربنا سبحانه وتعالى. شباب
8:43برضو نفس القصة صاحب الناس كلها تقول لي ده واحد من محافظة تانية قام متعرف عليه ما تعرفش مين اللي ربنا سبحانه وتعالى يجعله سبب ان هو يعني يبقى آآ رفيق لك في طريق ربنا سبحانه وتعالى
8:53يبقى يا جماعة رقم اربعة معلش انا بتكلم بسرعة شوية بس عشان نخلص بسرعة يعني. يبقى رقم اربعة كانت ايه يا جماعة؟ تكوين العلاقات رقم خمسة آآ شحن القلب. شحن القلب
9:03البدن يا جماعة فيه طاقة ما بتخرجش الا بشحن القلب. الصحابة كانوا وصلوا لمرحلة من شحن القلب ان قلوبهم بقت اقوى من بدنهم. النبي صلى الله عليه وسلم كان يقوم الليل حتى تتفطر قدماه. النبي عليه الصلاة والسلام يخش يلاقي احد زوجات النبي صلى الله عليه وسلم ربط حبل في المسجد. علشان لما تتعب تستند على الحبل وتايه
9:23وتتعلق به فالنبي صلى الله عليه وسلم يقول حلوه فليصلي احدكم ايه؟ نشاطه فاذا تعب فليركض. ان هم وصلوا بقلبهم عدى القدرات الجسدية بتاعتهم العكس. احنا قلوبنا اضعف من قدراتنا الجسدية. فتلاقي احنا مسلا ممكن متوضي ومش قادر اصلي ركعة وتر. مش قادر اصلي تلات اربع ركعات قيام ليل
9:43مش قادر امسك المصحف. فالجسد ايه بقى هو روحك او قلبك مش قادر يايه يقوي الجسد ده فده احنا بنسميه الحالة دي يا جماعة بنسميها ايه حالة فاصل شحن. انك انت قلبك فاصل شحن. فالشحن القلبي مش قادر ان هو يقوم الايه؟ الجسد اللي هو يستطيع ان هو يعمل العبادات دي. مش مشكلة جسد ابدا
10:03مواسم الشحن عموما دي بنعتبرها يعني آآ شاحن من آآ الشواحن الخمسة للقلب يعني. يعني فيه خمس حاجات بيشحنوا القلب ان شاء الله بقى لو فيه آآ وقت تاني نبقى نتكلم عنهم يعني. ولكن مواسم العبادة هي من اقوى الحاجات اللي بتشحن بها قلبك. وبترجع بها بطاقة قلبية وشحن قلبي عالي جدا
10:23انك انت بفضل الله سبحانه وتعالى تقدر انك انت تعمل عبادات ما كنتش تقدر تعملها قبل كده. وده بيبان معك في رمضان بيبان معك في العشرة الاواخر. بيبان معك بعد ما تطلع من رمضان لكن بعد ما بيمر عليك فترة وقلبك
10:33شحن بتلاقي نفسك ايه جسدك تاني استأسد عليك وما عادش انك انت قادر انك انت تعمل ايه اي عبادة. يبقى سريعا كده يا جماعة قلنا خمس حاجات ان شاء الله بنطلع بهم مواسم الايه؟ مواسم الطاعة
10:43العمرة على وجه الاخص رقم واحد. ان احنا بنكسر الايه؟ كسر العادات. رقم اتنين كسر الحواجز. رقم تلاتة. ها عايز صوته عالي كده اخز القرارات القوية رقم اربعة تكوين العلاقات والصحبة الصالحة رقم خمسة
11:03شحن الايه؟ شحن القلب المستمر. يعني مش هطول عليكم ان شاء الله اكتر من كده. وان شاء الله شواحن القلب دي هنتكلم عليها في مرة تانية. جزاكم الله خيرا. سبحانك اللهم وبحمدك. اشهد ان لا اله الا انت. استغفرك واتوب اليك

الإبلاغ عن مشكلة

كثير مما في IlmPro يُنتَج آليًّا — كتب مصوّرة تُقرأ بالتعرّف الضوئي، ونصوص يحلّلها الذكاء الاصطناعي، ورواة وكتب يربطها البرنامج — فقد تقع أخطاء. أخبرنا بما وجدته خطأً وسنصحّحه.